Luka 11
11
Jesu a gonzisa hi kukhongela.
1Ku te laha a nga kari a khongela wutshanwini go kari, loku a gumesile a munwe wa vapizani vakwe aku ngalo kakwe: Hosi, hi gonzise ku khongela, kota lezi Johani a nga gonzisa vapizani vakwe.
2Yena aku ngalo kabye: Laha mu khongelako wulani, muku: Dada, a vito ga wena a gi hlawuliwe; a wute mufumo wa wena.
3Hi nyike a masiku ni masiku a kuga ka hina ku eneleko.
4Hi tsetselele a zionho za hina; hakuva na hinawu ha tsetselela vontlhelele lava va aga ni milanzu ka hina. U nga hi yisi kuringweni.
5A engeta aku ka vona: Loku munwe wa nwina a hi ni xaka, aya ka gona xikari ka wusiku, a yaku ka gona: Nzi pembe zibaba zinharu;
6hakuva a xaka ga mina ga muenzi gi hambukele ka mina, a nzi na nchumu xa ku mu fihluta ha xona.
7Loyi a nga lomo ndlwini a hlamula, aku: U nga nzi karati; hakuva a livati li valilwe, ni vanana va mina va etlele masangweni na mina; a nzi zi koti ku vuka nzi ku nyika.
8Nziku ka nwina; Hambu a wa nga ta zi ranza ku vuka a mu nyika, hilezi a nga xaka gakwe, kanilezi hi kota yo kurumeta kakwe, i ta vuka a ta mu nyika zontlhe lezi a zi lavako. Xip. 18:1
9Mina nziku ka nwina: Kombelani, mu ta nyikiwa; lavani, mu ta zi kuma; gongonzani, mu ta vululelwa. Mat. 7:7; 21:22; Mar. 11:24; Joh. 15:7; Jak. 1:6; 1 Joh. 3:22
10Hakuva kani hi mani a kombelako, wa amukela; ni loyi a lavako, wa zi kuma; ni ka loyi a gongonzako, ku ta vululelwa ka yena.
11Hi wihi raru xikari ka nwina, loku a nʼwana wakwe a mu kombela xibaba, a ta nga mu nyika ribye ke? Ni loku a kombela xidluwani, i ta mu nyika nyoka ke? Mat. 7:9
12Kutani loku a kombela a tanza, i ta mu nyika a hume ke?
13Makunu loku nwina, na mu bihile, mu tiva a ku va nyika a zinyikiwo zo saseka a vanana va nwina, a Raru wa nwina wa le tilweni a nga ta hunzeleta, a ku nyika a Moya wa ku Basa ka lava va mu kombelako ke? Vahombe vaku Jasu a hlongola madimoni hi ntamu wa Belzebuba.
14Yena i wa hlongola a dimoni gi nga hi mbeveve. Ku te laha a dimoni gi nga wa humele, a mbeveve yi lo wulawula; a zidlemo zi lo hlamala. Mat. 9:32; 12:22
15A vanwani vaku ngalo: I hlongola madimoni hi Belzebuba, a hosi ya madimoni. Mat. 9:34; 12:24
16Ni vanwani va lo mu ringa, va kombela a xiwoniso xa le tilweni.
17Kanilezi yena na a tiva maalakanyo yabye, aku kabye: Ni wihi mufumo wu ti panzako ha woce wu ta hangalaka; ni yindlu yi ti panzako ha yoce yi tawa. Mat. 12:25; Mar. 3:24; Joh. 2:25
18Loku Satani a hambene ha yece, a mufumo wakwe wu ta tiyisa kuyini ke? Hakuva mu ngalo nzi humesa madimoni hi Belzebuba.
19Loku mina nzi hlongola madimoni hi Belzebuba, va ma hlongolisa hi mani a vapizani va nwina ke? Hikwalaho va ta maha valamuli va nwina.
20Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19
21Loku a nhenha yi: hlomile yi lavelela a yindlu ya yona, a zilo zakwe zi tshameka khwatsi; Mat. 12:29; Mar. 3:27
22kanilezi loku munwani loyi a nga ni ntamu ku yi hunza a yi hlomela, a yi hlula, wa yi wutlela matlhari lawa a nhenha yi nga wa ma tsumba, a avanyisa lezi a zi phangileko. Isa. 53:12; Kol. 2:15
23Loyi a nga hiko na mina i hambene na mina; ni loyi a nga hlengeletiko na mina wa hangalasa. Mat. 12:30
24A moya wa kubiha na wu humele munhwini, wu tsemakanya a wutshanwini go kala mati, na wu lava a kuhumula. Kanilezi na wu nga ku kumi, wuku: Nzi ta tlhelela ndlwini ya mina, leyi nzi nga huma ka yona. Mat. 12:43
25Laha na wu wuyile, wu yi kuma na yi swiyelwe na yi longisilwe.
26Zonake wu famba, wu ya lava a yinwani mimoya ya ntlhanu ni mimbiri yo biha ku hunza wona wutsumbu; yi enghena yi tshama kona; zonake a matshamela yo gumesa ya munhu loye rna biha ku hunza yo sangula. Joh. 5:14; Maheb. 6:4; 2 Ped. 2:20
27Ku te laha na a ha wulawula timhaka leti, a wasati wo kari wa le xidlenwini i lo tlakusa gezu gakwe, aku ngalo ka yena: Yi katekile a nyimba leyi yi nga ku beleka, ni mavele lawa u nga ma anʼwa.
28Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25
Xiwoniso xa Jona.
29Laha a zidlemo zi nga tsombana kakwe, i lo sangula ku wulawula, aku: A xizukulwana lexi xi bihile, xi lava xiwoniso; kanilezi xi nga ta nyikiwa xiwoniso, ntsena a xiwoniso xa Jona. Mat. 12:38, 39
30Hakuva kota lezi Jona a nga wa hi xiwoniso ka va le Niniva, i tava nghaho Nʼwana wa munhu ka lexi xizukulwana. Jona 1:17; 2:10
31A muzinza wa le Dzongeni i ta suka a yima kulamuleni zinwe ni vavanuna va lexi xizukulwana, i ta va kona; hakuva i tile hi le magemetamusi a ku tazwa a wutlhari ga Solomoni; kasi a wahombe ku hunza Solomoni i kona laha, 1 Tih. 10:1
32A vavanuna va le Niniva va ta yima kulamuleni zinwe ni lexi xizukulwana, va ta xi kona; hakuva va lo hunzuluka laha Jona a nga kanela kabye; kasi a wahombe ku hunza Jona i kona laha, Jona 3:5
A kandiya.
33A ku na munhu a lumekako kandiya, a yi veka wutshanwini ga xihundla, hambu lahasi ka xirunzu, kanilezi yi hayekwa le hehla, kasi lava va enghenako va fela ku wona a kuwonekela. Mat. 5:15; Mar. 4:21; Xip. 8:16
34A kandiya ya miri hi tihlo ga wena. Loku a tihlo ga wena gi hi ginene, a miri wa wena wontihe wu ta tala hi kuwonekela; kanilezi loku gi babya, a miri wa wena kambe wu tele hi munyama. Mat. 6:22
35Hikwalaho ti wonele lezaku a kuwonekela loku ku nga ka wena ku nga ngha ku hi munyama.
36Hikwalaho loku a miri wontihe wa wena wu tele hi kuwonekela na wu nga hi na tlhelo ga munyama, wona wontihe wu ta woningelwa, kota lezi a kandiya yi ku woningelako hi kuwonekela ka yona.
Jesu a kawuka vaFarisi ni vatsali.
37Na a ha wulawula, a muFarisi i lo mu ramba ku yaga zinwe naye; yena i lo enghena a tshama kugeni.
38Laha a muFarisi a nga wa zi wonile, i lo hlamala lezi Jesu a nga kala ku ranga hi ku hlamba na a nga se kuga. Mar. 7:3
39A Hosi yi te ngalo kakwe: Kunene nwina vaFarisi mu hlaza lahandle ka gombe ni ngelo; kanilezi lomo nzeni mu tele hi kuyiva ni kubiha. Mat. 23:25; Tit. 1:15
40Zipumbu nzi nwina, loyi a nga maha za lahandle, a nga mahangi za lomo nzeni ke?
41Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33
42Kanilezi khombo a give ka nwina vaFarisi; hakuva mu nyikela a za wukhume ka minte ni rue ni khubyanyi wontihe, kasi mu tsika nongameto ni kuranza ka Nungungulu; kanilezi mu wa fanele ku maha lezi, na mu nga tsikangi ku humesa leʼzo ranga. Mat. 23:23
43Khombo a give ka nwina vaFarisi; hakuva mu ranza a zitshamu za le mahlweni masinagogeni, ni kuloswa wutshanwini go hlengeletana. Mat. 23:6; Mar. 12:38, 39
44Khombo a give ka nwina; hakuva mu fanana ni zilahla zi nga wonekiko; lezi vanhu va zi kanzihelako va nga zi tivi. Tis. 5:9; Mat. 23:27
45Munwe wa vagonzisi va nayo i lo hlamula aku ngalo kakwe: Mugonzisi, hi ku wula lezo wa hi rukatela na hinawu kambe,
46Yena i te ngalo: Khombo a give ni ka nwina vagonzisi va nayo; hakuva mu rwexa vanhu a minzhwalo yo binza; kasi nwina wutsumbu a mu vumeli ku henya minzhwalo leyo hi litiho linwe la nwina. Mat. 23:4
47Khombo a give ka nwina; hakuva ma aka a zilahla za vaprofeti lava va nga dawa hi vararu va nwina. Mat. 23:29
48Lezo mu maha wukustumunyu hi mitiro ya vararu va nwina ni ku yi vumela; hakuva vona va lo daya vaprofeti, na nwina mu aka zilahla zabye.
49Hikwalaho a wutlhari ga Nungungulu gi wulile lezaku: Nzi ta va rumela a vaprofeti ni vapostoli, vanwani va vona va ta va daya, va xanisa vanwani; Mat. 23:34
50kasi a nkhata wa vaprofeti vontlhe, lowu wu halatilweko kusukela kuvangiweni ka misava, wu fela ku labyiwa ka lexi xizukulwana.
51Ku sangula hi nkhata wa Abeli ku kala nkhateni wa Zakaria, loyi a nga dawa xikari ka alati ni tempeli; ina, nziku ka nwina, wu ta labyiwa ka lexi xizukulwana. Gen. 4:8; 2 Kro. 24:20, 21
52Khombo a give ka nwina, vagonzisi va nayo; hakuva mu susile a pfhungulo ya wutivi; nwina wutsumbu a mu enghenangi, ni lava va nga kari va enghena mu va tsimbetelo. Mat. 23:13
53Laha na a humile ndlwini leyo, a vatsali ni vaFarisi va lo sangula ku mu vukela hi ku mu tlokolotela, ni ku mu kucetela ku wulawula hi timhaka to tala;
54na va mu wonga kasi ku mu hika kuwulawuleni kakwe. Mar. 12:13
Currently Selected:
Luka 11: TSC72
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Luka 11
11
Jesu a gonzisa hi kukhongela.
1Ku te laha a nga kari a khongela wutshanwini go kari, loku a gumesile a munwe wa vapizani vakwe aku ngalo kakwe: Hosi, hi gonzise ku khongela, kota lezi Johani a nga gonzisa vapizani vakwe.
2Yena aku ngalo kabye: Laha mu khongelako wulani, muku: Dada, a vito ga wena a gi hlawuliwe; a wute mufumo wa wena.
3Hi nyike a masiku ni masiku a kuga ka hina ku eneleko.
4Hi tsetselele a zionho za hina; hakuva na hinawu ha tsetselela vontlhelele lava va aga ni milanzu ka hina. U nga hi yisi kuringweni.
5A engeta aku ka vona: Loku munwe wa nwina a hi ni xaka, aya ka gona xikari ka wusiku, a yaku ka gona: Nzi pembe zibaba zinharu;
6hakuva a xaka ga mina ga muenzi gi hambukele ka mina, a nzi na nchumu xa ku mu fihluta ha xona.
7Loyi a nga lomo ndlwini a hlamula, aku: U nga nzi karati; hakuva a livati li valilwe, ni vanana va mina va etlele masangweni na mina; a nzi zi koti ku vuka nzi ku nyika.
8Nziku ka nwina; Hambu a wa nga ta zi ranza ku vuka a mu nyika, hilezi a nga xaka gakwe, kanilezi hi kota yo kurumeta kakwe, i ta vuka a ta mu nyika zontlhe lezi a zi lavako. Xip. 18:1
9Mina nziku ka nwina: Kombelani, mu ta nyikiwa; lavani, mu ta zi kuma; gongonzani, mu ta vululelwa. Mat. 7:7; 21:22; Mar. 11:24; Joh. 15:7; Jak. 1:6; 1 Joh. 3:22
10Hakuva kani hi mani a kombelako, wa amukela; ni loyi a lavako, wa zi kuma; ni ka loyi a gongonzako, ku ta vululelwa ka yena.
11Hi wihi raru xikari ka nwina, loku a nʼwana wakwe a mu kombela xibaba, a ta nga mu nyika ribye ke? Ni loku a kombela xidluwani, i ta mu nyika nyoka ke? Mat. 7:9
12Kutani loku a kombela a tanza, i ta mu nyika a hume ke?
13Makunu loku nwina, na mu bihile, mu tiva a ku va nyika a zinyikiwo zo saseka a vanana va nwina, a Raru wa nwina wa le tilweni a nga ta hunzeleta, a ku nyika a Moya wa ku Basa ka lava va mu kombelako ke? Vahombe vaku Jasu a hlongola madimoni hi ntamu wa Belzebuba.
14Yena i wa hlongola a dimoni gi nga hi mbeveve. Ku te laha a dimoni gi nga wa humele, a mbeveve yi lo wulawula; a zidlemo zi lo hlamala. Mat. 9:32; 12:22
15A vanwani vaku ngalo: I hlongola madimoni hi Belzebuba, a hosi ya madimoni. Mat. 9:34; 12:24
16Ni vanwani va lo mu ringa, va kombela a xiwoniso xa le tilweni.
17Kanilezi yena na a tiva maalakanyo yabye, aku kabye: Ni wihi mufumo wu ti panzako ha woce wu ta hangalaka; ni yindlu yi ti panzako ha yoce yi tawa. Mat. 12:25; Mar. 3:24; Joh. 2:25
18Loku Satani a hambene ha yece, a mufumo wakwe wu ta tiyisa kuyini ke? Hakuva mu ngalo nzi humesa madimoni hi Belzebuba.
19Loku mina nzi hlongola madimoni hi Belzebuba, va ma hlongolisa hi mani a vapizani va nwina ke? Hikwalaho va ta maha valamuli va nwina.
20Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19
21Loku a nhenha yi: hlomile yi lavelela a yindlu ya yona, a zilo zakwe zi tshameka khwatsi; Mat. 12:29; Mar. 3:27
22kanilezi loku munwani loyi a nga ni ntamu ku yi hunza a yi hlomela, a yi hlula, wa yi wutlela matlhari lawa a nhenha yi nga wa ma tsumba, a avanyisa lezi a zi phangileko. Isa. 53:12; Kol. 2:15
23Loyi a nga hiko na mina i hambene na mina; ni loyi a nga hlengeletiko na mina wa hangalasa. Mat. 12:30
24A moya wa kubiha na wu humele munhwini, wu tsemakanya a wutshanwini go kala mati, na wu lava a kuhumula. Kanilezi na wu nga ku kumi, wuku: Nzi ta tlhelela ndlwini ya mina, leyi nzi nga huma ka yona. Mat. 12:43
25Laha na wu wuyile, wu yi kuma na yi swiyelwe na yi longisilwe.
26Zonake wu famba, wu ya lava a yinwani mimoya ya ntlhanu ni mimbiri yo biha ku hunza wona wutsumbu; yi enghena yi tshama kona; zonake a matshamela yo gumesa ya munhu loye rna biha ku hunza yo sangula. Joh. 5:14; Maheb. 6:4; 2 Ped. 2:20
27Ku te laha na a ha wulawula timhaka leti, a wasati wo kari wa le xidlenwini i lo tlakusa gezu gakwe, aku ngalo ka yena: Yi katekile a nyimba leyi yi nga ku beleka, ni mavele lawa u nga ma anʼwa.
28Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25
Xiwoniso xa Jona.
29Laha a zidlemo zi nga tsombana kakwe, i lo sangula ku wulawula, aku: A xizukulwana lexi xi bihile, xi lava xiwoniso; kanilezi xi nga ta nyikiwa xiwoniso, ntsena a xiwoniso xa Jona. Mat. 12:38, 39
30Hakuva kota lezi Jona a nga wa hi xiwoniso ka va le Niniva, i tava nghaho Nʼwana wa munhu ka lexi xizukulwana. Jona 1:17; 2:10
31A muzinza wa le Dzongeni i ta suka a yima kulamuleni zinwe ni vavanuna va lexi xizukulwana, i ta va kona; hakuva i tile hi le magemetamusi a ku tazwa a wutlhari ga Solomoni; kasi a wahombe ku hunza Solomoni i kona laha, 1 Tih. 10:1
32A vavanuna va le Niniva va ta yima kulamuleni zinwe ni lexi xizukulwana, va ta xi kona; hakuva va lo hunzuluka laha Jona a nga kanela kabye; kasi a wahombe ku hunza Jona i kona laha, Jona 3:5
A kandiya.
33A ku na munhu a lumekako kandiya, a yi veka wutshanwini ga xihundla, hambu lahasi ka xirunzu, kanilezi yi hayekwa le hehla, kasi lava va enghenako va fela ku wona a kuwonekela. Mat. 5:15; Mar. 4:21; Xip. 8:16
34A kandiya ya miri hi tihlo ga wena. Loku a tihlo ga wena gi hi ginene, a miri wa wena wontihe wu ta tala hi kuwonekela; kanilezi loku gi babya, a miri wa wena kambe wu tele hi munyama. Mat. 6:22
35Hikwalaho ti wonele lezaku a kuwonekela loku ku nga ka wena ku nga ngha ku hi munyama.
36Hikwalaho loku a miri wontihe wa wena wu tele hi kuwonekela na wu nga hi na tlhelo ga munyama, wona wontihe wu ta woningelwa, kota lezi a kandiya yi ku woningelako hi kuwonekela ka yona.
Jesu a kawuka vaFarisi ni vatsali.
37Na a ha wulawula, a muFarisi i lo mu ramba ku yaga zinwe naye; yena i lo enghena a tshama kugeni.
38Laha a muFarisi a nga wa zi wonile, i lo hlamala lezi Jesu a nga kala ku ranga hi ku hlamba na a nga se kuga. Mar. 7:3
39A Hosi yi te ngalo kakwe: Kunene nwina vaFarisi mu hlaza lahandle ka gombe ni ngelo; kanilezi lomo nzeni mu tele hi kuyiva ni kubiha. Mat. 23:25; Tit. 1:15
40Zipumbu nzi nwina, loyi a nga maha za lahandle, a nga mahangi za lomo nzeni ke?
41Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33
42Kanilezi khombo a give ka nwina vaFarisi; hakuva mu nyikela a za wukhume ka minte ni rue ni khubyanyi wontihe, kasi mu tsika nongameto ni kuranza ka Nungungulu; kanilezi mu wa fanele ku maha lezi, na mu nga tsikangi ku humesa leʼzo ranga. Mat. 23:23
43Khombo a give ka nwina vaFarisi; hakuva mu ranza a zitshamu za le mahlweni masinagogeni, ni kuloswa wutshanwini go hlengeletana. Mat. 23:6; Mar. 12:38, 39
44Khombo a give ka nwina; hakuva mu fanana ni zilahla zi nga wonekiko; lezi vanhu va zi kanzihelako va nga zi tivi. Tis. 5:9; Mat. 23:27
45Munwe wa vagonzisi va nayo i lo hlamula aku ngalo kakwe: Mugonzisi, hi ku wula lezo wa hi rukatela na hinawu kambe,
46Yena i te ngalo: Khombo a give ni ka nwina vagonzisi va nayo; hakuva mu rwexa vanhu a minzhwalo yo binza; kasi nwina wutsumbu a mu vumeli ku henya minzhwalo leyo hi litiho linwe la nwina. Mat. 23:4
47Khombo a give ka nwina; hakuva ma aka a zilahla za vaprofeti lava va nga dawa hi vararu va nwina. Mat. 23:29
48Lezo mu maha wukustumunyu hi mitiro ya vararu va nwina ni ku yi vumela; hakuva vona va lo daya vaprofeti, na nwina mu aka zilahla zabye.
49Hikwalaho a wutlhari ga Nungungulu gi wulile lezaku: Nzi ta va rumela a vaprofeti ni vapostoli, vanwani va vona va ta va daya, va xanisa vanwani; Mat. 23:34
50kasi a nkhata wa vaprofeti vontlhe, lowu wu halatilweko kusukela kuvangiweni ka misava, wu fela ku labyiwa ka lexi xizukulwana.
51Ku sangula hi nkhata wa Abeli ku kala nkhateni wa Zakaria, loyi a nga dawa xikari ka alati ni tempeli; ina, nziku ka nwina, wu ta labyiwa ka lexi xizukulwana. Gen. 4:8; 2 Kro. 24:20, 21
52Khombo a give ka nwina, vagonzisi va nayo; hakuva mu susile a pfhungulo ya wutivi; nwina wutsumbu a mu enghenangi, ni lava va nga kari va enghena mu va tsimbetelo. Mat. 23:13
53Laha na a humile ndlwini leyo, a vatsali ni vaFarisi va lo sangula ku mu vukela hi ku mu tlokolotela, ni ku mu kucetela ku wulawula hi timhaka to tala;
54na va mu wonga kasi ku mu hika kuwulawuleni kakwe. Mar. 12:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.