Luka 12
12
Ku chava mahanyela ya vaFarisi ni ku chava Nungungulu.
1A xikhatini lexo, laha a mazanazana ya vanhu va nga wa tsombene, laha ka kuva va kanzihelana, Jesu i lo sangula ku wulawula ka vapizani vakwe, aku: Tlharihani a comelo ga vaFarisi, legi gi nga wuxengeteli. Mat. 16:6, 12; Mar. 8:15
2A ku na xilo xi fenengetilweko, xi ta nga kala ku funungulwa, ni lexi xi fihlilweko xi ta nga kala ku tibyiwa. Xip. 8:17; Mat. 10:26; Mar. 4:22
3Hikwalaho zontlhe lezi mu zi wulawulileko munyameni zi ta zwiwa kuwonekeleni; ni lezi mu zi hlevele-neko zipetsweni za lomo xikari ka tiyindlu, zi ta biwa hungu zixungweni za tiyindlu.
4Nza wula ka nwina, mu nga maxaka ya mina: Mu nga chavi lava va dayako miri, kanilezi na va nga hi na ntamu ku maha nchumu kambe. Isa. 51:7, 8; Jer. 1:8; Joh. 15:14, 15
5Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.
6A ntlhanu wa vamanjingiri a va xabyiwi hi ticapawu timbiri ke? Kasi lezo a nga kona ni munwe a rivakelweko mahlweni ka Nungungulu.
7Kanilezi hambu ni misisi yontlhe ya tihloko ta nwina yi hlayilwe. Mu nga chavi, nwina ma va hunza nguvu a vamanjingiri vanyingi.
8Nziku ka nwina: Kani hi mani a ta nga nzi vumela mahlweni ka vanhu, na yena Nʼwana wa munhu i ta mu vumela mahlweni ka tingelosi ta Nungungulu. Mat. 10:32; Mar. 8:38; 2 Tim. 2:12; Kuv. 3:5
9Kanilezi loyi a nzi alako mahlweni ka vanhu, i ta aliwa mahlweni ka tingelosi ta Nungungulu,
10Kani hi mani a ta nga wula mhaka yo vukela Nʼwana wa munhu, i ta tsetselelwa; kanilezi yena loyi a rukatelako a Moya wa ku Basa a nga ta tsetselelwa. Mat. 12:31; Mar. 3:28; 1 Joh. 5:16
11Loku va mu yisa mahlweni ka masinagoga, ni ka vafumeli, ni ka tihosi, mu nga kanakani lezaku mu ta ti hlamulela hi yini, ni lezaku mu ta wulawula yini; Mat. 10:19; Mar. 13:11; Xip. 21:14
12hakuva a Moya wa ku Basa wu ta mu gonzisa hi xwalexo xikhati lezi mu faneleko a ku zi wula.
A zigonzo za kufuma ka tiko.
13Ni munwe wa le xidlenwini aku ngalo ka yena: Mugonzisi, laya nakulori lezaku a avana na mina a tshomba.
14Jesu aku ngalo kakwe: I sawe, himani a nzi vekileko a kuva mulamuli ni muavanyisi xikari ka nwina ke? Joh. 18:36
15Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7
16I lo kanela a mufananiso kabye, aku: A simu ga munhu wo kari wo fuma gi lo pfuna ha hombe nguvu;
17i lo alakanya mbilwini yakwe, aku: Nzi ta maha yini, hakuva a nzi na wutshamu ga ku hlengeletela kona a mavele ya mina?
18Aku ngalo: Nzi ta maha lezi: nzi ta hahlula a zigurumbu za mina, nzi aka za hombe; hi laho nzi ta nga hlengeletela kona a mavele ya mina wontihe ni zilo za mina.
19Nzi taku ka muhefemulo wa mina: Muhefemulo, u hlengeletele a zilo zinyingi zo enela malembe yo tala; humula, uga, unwa, u tsaka. Mutsa. 11:9; 1 Kor. 15:32; Jak. 5:5
20Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14
21Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19
Nungungulu wa wundla vanhu vakwe.
22Yena aku ngalo ka vapizani vakwe: Hikwalaho nziku ka nwina: Mu nga karatekeli a kuhanya ka nwina, lezaku mu taga yini; hambu ni mimiri ya nwina, lezaku mu ta ambala yini. Mat. 6:25
23Hakuva a kuhanya ka hunza a zakuga, ni miri wa hunza ziambalo.
24Hi nga cuwuka ni zikunguwa; a zi byali, hambu ni ku tshovela; a zi na gomba hambu ni zigurumbu, kanilezi Nungungulu wa zi wundla; kasike nwina mu hunza nguvu tinyanyani! Joba 38:41; Tis. 147:9
25Himani xikari ka nwina a zi kotako ku engetela a nkono munwe ka xiyimo xakwe hi kukaratekela kakwe ke?
26Hikwalaho loku mu nga zi koti ku maha hambu ni lezi zi tsongwani, hikuyini mu karatekelako a zinwani ke?
27Langutani a makoʼnwa, lezaku ma kulisa kuyini: a ma swuli, hambu ni ku khata; kasi lezo nziku ka nwina: Hambu Solomoni hi kungangamela kakwe kontlhe a nga bombangi kota ginwe ga wona.
28Makunu loku Nungungulu a ambexisa lezo a byanyi, legi gi nga kona masinwini nyamutlha, kasi hi manziko gi ta hoxwa nzilweni; a nga ta hunzeleta ku mu ambexa xana, nwina lava va kukholwa ku tsongwanyani ke?
29Mu nga lavi lezi mu ta ngaga, ni lezi mu ta nganwa, kambe mu nga kanakani.
30A vamatiko va lavisisa zontlhe lezi zilo, kanilezi a Raru wa nwina wa zi tiva lezaku za laveka ka nwina;
31kanilezi lavani a mufumo wakwe, zonake lezi zilo zi ta engetelwa ka nwina. Mat. 6:33
32Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26
33Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34
34Hakuva laha a tshomba ya nwina yi nga kona, ni tona timbilu ta nwina ti tava kona. A malanza ma langutelako a nwinyi wa wona.
35Ngha na ziwunu za nwina zi bohiwa hi mabhandi, ni tikandiya ta nwina ti vura; Mat. 25:1; Efe. 6:14; 1 Ped. 1:13
36mu kota vanhu va langutelako a hosi yabye laha yi ta nga wuya hi le mubuzweni; kasi loku yita yi ta gongonza, va fela ku yi vululela hi xihatla.
37Ma katekile a malanza lawo a hosi ya wona yi ta nga ta ma kuma na ma lavelele a kuwuyeni ka yona; hizinene nziku ka nwina, yi ta ti boha bhandi, yi ma tshamisa kugeni yita yi ta ma tirela. Mat. 24:46
38Ni loku yi chikela hi xirinzo xa wumbiri, kutani hi xa wunharu, yi ma kuma ma hi nghaho, ma katekile lawo malanza.
39Kanilezi tivani lezi, lezaku loku a nwinyi wa yindlu a wa xi tivile a xikhati lexi a khamba gi ta ngata ha xona, ngha a rinzele, ngha a nga siyangi a yindlu yakwe yi bhoxiwa. Mat. 24:43; 1 Tes. 5:2; 2 Ped. 3:10; Kuv. 3:3; 16:15
40Na nwinawu, ngha mu tshama mu longile; hakuva a Nʼwana wa munhu i ta wuya hi xikhati mu nga xi alakanyiko. Mat. 24:44; 25:13; Mar. 13:33
41Pedro aku ngalo: Hosi, a mufananiso lowu u wu kanela ka hina, kutani ni ka vontlhe ke?
42A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2
43Gi katekile lego nanza, a hosi ya gona yi ta nga wuya yi ta gi kuma gi kari gi maha lezo.
44Hizinene nziku ka nwina: Yi ta gi yimisa a kuva muhlayisi wa zontlhe lezi yi nga nazo. Mat. 24:47
45Kanilezi loku a nanza lego giku mbilwini ya gona: A hosi ya mina ya hlwela ku wuya; gi sangula kuba a malanza ya xinuna ni ya xisati, giga, ginwa, gi popiwa;
46a hosi ya lego nanza yi ta wuya hi siku gi nga yi langutelangiko, ni xikhati lexi gi nga xi tiviko, yi ta gi pulakanyisa, yi gi nyika xiavelo zinwe ni va nga kholekangiko.
47A nanza legi gi tivako a kuranza ka hosi ya gona, gi nga longisi nchumu, hambu ni ku maha kota kuranza ka yona, gi ta xupulwa hi tirimbiri tinyingi; Mitse. 15:30; Deut. 25:2; Jak. 4:17
48kanilezi legi gi nga ku tiviko, gi maha lezi zi faneleko kubiwa, gi ta xupulwa hi tirimbiri ti tsongwani. Ni wihi a nyikilweko nguvu, ka yena ku ta labyiwa zo tala; ni loyi ku vekelweko zo tala ka yena, ku ta labyiwa zo tala ka yena. Levi 5:17; 1 Tim. 1:13
A kuhambana laha misaveni.
49Mina nzi tile ku ta hoxa nzilo misaveni, a kuranza ka mina ku wa hi ku ngha wu vura ni lezi:
50Ku kona a kubapatiza loku nzi ta nga bapatizwa ha kona; nzi xanisekisa kuyini ku kala ku mbhetiseka! Mat. 20:22; Mar. 10:38
51Mu alakanya muku nzi tele ku ta neha kurula misaveni ke? Nziku ka nwina, Ahihi, kanilezi kuhambana. Mat. 10:34; Mika 7:6; Joh. 7:43
52Hakuva kusukela lezi loku va hi kona ntlhanu va yindlu yinwe, va ta hambana: a vanharu va vukela vambiri, ni vambiri va vukela vanharu. Mat. 10:35
53A raru i ta hambana ni nʼwana wakwe, ni nʼwana i ta hambana ni raru wakwe; a nyine i ta hambana ni nhanyana wakwe, ni nhanyana a hambana ni nyine wakwe; a mwingi i ta hambana ni katamwane wakwe, ni katamwane a hambana ni mwingi.
Zikombiso za zikhati.
54Zonake aku ngalo ka zidlemo: Loku mu wona a refu na gi huma hi le Muhlwa-gambo, ma hatlisa muku ngalo: Yi tana vula; zi maheka lezo. Mat. 16:2
55Laha na mu wona a mheho ya le Dzongeni, mu ngalo: Ku tava ni mumu; zi maheka lezo.
56Nwina vaxengeteli, ma zi tiva ku tlhamusela nghohe ya misava ni tilo; kanilezi hi yini mu nga zi kotiko a ku tlhamusela a xikhati lexi ke?
57Hikuyini mu nga lamuliko ha nwece lezi zi lulamileko ke?
58Loku u kari uya hosini ni loyi a ku kecarileko, ringa nguvu a kuva u tlhatlhiswa ka yena na ma hi ndleleni; a nga taku a ku kokovisela ka mulamuli, ni mulamuli a ku nyikela ka nduna ya hubye, zonake a nduna yi ku valela paxweni. Mav. 25:8; Mat. 5:25
59Nziku ka wena, Cima u nga ta huma kona, u kala u riha mali yontlhe.
Currently Selected:
Luka 12: TSC72
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Luka 12
12
Ku chava mahanyela ya vaFarisi ni ku chava Nungungulu.
1A xikhatini lexo, laha a mazanazana ya vanhu va nga wa tsombene, laha ka kuva va kanzihelana, Jesu i lo sangula ku wulawula ka vapizani vakwe, aku: Tlharihani a comelo ga vaFarisi, legi gi nga wuxengeteli. Mat. 16:6, 12; Mar. 8:15
2A ku na xilo xi fenengetilweko, xi ta nga kala ku funungulwa, ni lexi xi fihlilweko xi ta nga kala ku tibyiwa. Xip. 8:17; Mat. 10:26; Mar. 4:22
3Hikwalaho zontlhe lezi mu zi wulawulileko munyameni zi ta zwiwa kuwonekeleni; ni lezi mu zi hlevele-neko zipetsweni za lomo xikari ka tiyindlu, zi ta biwa hungu zixungweni za tiyindlu.
4Nza wula ka nwina, mu nga maxaka ya mina: Mu nga chavi lava va dayako miri, kanilezi na va nga hi na ntamu ku maha nchumu kambe. Isa. 51:7, 8; Jer. 1:8; Joh. 15:14, 15
5Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.
6A ntlhanu wa vamanjingiri a va xabyiwi hi ticapawu timbiri ke? Kasi lezo a nga kona ni munwe a rivakelweko mahlweni ka Nungungulu.
7Kanilezi hambu ni misisi yontlhe ya tihloko ta nwina yi hlayilwe. Mu nga chavi, nwina ma va hunza nguvu a vamanjingiri vanyingi.
8Nziku ka nwina: Kani hi mani a ta nga nzi vumela mahlweni ka vanhu, na yena Nʼwana wa munhu i ta mu vumela mahlweni ka tingelosi ta Nungungulu. Mat. 10:32; Mar. 8:38; 2 Tim. 2:12; Kuv. 3:5
9Kanilezi loyi a nzi alako mahlweni ka vanhu, i ta aliwa mahlweni ka tingelosi ta Nungungulu,
10Kani hi mani a ta nga wula mhaka yo vukela Nʼwana wa munhu, i ta tsetselelwa; kanilezi yena loyi a rukatelako a Moya wa ku Basa a nga ta tsetselelwa. Mat. 12:31; Mar. 3:28; 1 Joh. 5:16
11Loku va mu yisa mahlweni ka masinagoga, ni ka vafumeli, ni ka tihosi, mu nga kanakani lezaku mu ta ti hlamulela hi yini, ni lezaku mu ta wulawula yini; Mat. 10:19; Mar. 13:11; Xip. 21:14
12hakuva a Moya wa ku Basa wu ta mu gonzisa hi xwalexo xikhati lezi mu faneleko a ku zi wula.
A zigonzo za kufuma ka tiko.
13Ni munwe wa le xidlenwini aku ngalo ka yena: Mugonzisi, laya nakulori lezaku a avana na mina a tshomba.
14Jesu aku ngalo kakwe: I sawe, himani a nzi vekileko a kuva mulamuli ni muavanyisi xikari ka nwina ke? Joh. 18:36
15Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7
16I lo kanela a mufananiso kabye, aku: A simu ga munhu wo kari wo fuma gi lo pfuna ha hombe nguvu;
17i lo alakanya mbilwini yakwe, aku: Nzi ta maha yini, hakuva a nzi na wutshamu ga ku hlengeletela kona a mavele ya mina?
18Aku ngalo: Nzi ta maha lezi: nzi ta hahlula a zigurumbu za mina, nzi aka za hombe; hi laho nzi ta nga hlengeletela kona a mavele ya mina wontihe ni zilo za mina.
19Nzi taku ka muhefemulo wa mina: Muhefemulo, u hlengeletele a zilo zinyingi zo enela malembe yo tala; humula, uga, unwa, u tsaka. Mutsa. 11:9; 1 Kor. 15:32; Jak. 5:5
20Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14
21Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19
Nungungulu wa wundla vanhu vakwe.
22Yena aku ngalo ka vapizani vakwe: Hikwalaho nziku ka nwina: Mu nga karatekeli a kuhanya ka nwina, lezaku mu taga yini; hambu ni mimiri ya nwina, lezaku mu ta ambala yini. Mat. 6:25
23Hakuva a kuhanya ka hunza a zakuga, ni miri wa hunza ziambalo.
24Hi nga cuwuka ni zikunguwa; a zi byali, hambu ni ku tshovela; a zi na gomba hambu ni zigurumbu, kanilezi Nungungulu wa zi wundla; kasike nwina mu hunza nguvu tinyanyani! Joba 38:41; Tis. 147:9
25Himani xikari ka nwina a zi kotako ku engetela a nkono munwe ka xiyimo xakwe hi kukaratekela kakwe ke?
26Hikwalaho loku mu nga zi koti ku maha hambu ni lezi zi tsongwani, hikuyini mu karatekelako a zinwani ke?
27Langutani a makoʼnwa, lezaku ma kulisa kuyini: a ma swuli, hambu ni ku khata; kasi lezo nziku ka nwina: Hambu Solomoni hi kungangamela kakwe kontlhe a nga bombangi kota ginwe ga wona.
28Makunu loku Nungungulu a ambexisa lezo a byanyi, legi gi nga kona masinwini nyamutlha, kasi hi manziko gi ta hoxwa nzilweni; a nga ta hunzeleta ku mu ambexa xana, nwina lava va kukholwa ku tsongwanyani ke?
29Mu nga lavi lezi mu ta ngaga, ni lezi mu ta nganwa, kambe mu nga kanakani.
30A vamatiko va lavisisa zontlhe lezi zilo, kanilezi a Raru wa nwina wa zi tiva lezaku za laveka ka nwina;
31kanilezi lavani a mufumo wakwe, zonake lezi zilo zi ta engetelwa ka nwina. Mat. 6:33
32Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26
33Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34
34Hakuva laha a tshomba ya nwina yi nga kona, ni tona timbilu ta nwina ti tava kona. A malanza ma langutelako a nwinyi wa wona.
35Ngha na ziwunu za nwina zi bohiwa hi mabhandi, ni tikandiya ta nwina ti vura; Mat. 25:1; Efe. 6:14; 1 Ped. 1:13
36mu kota vanhu va langutelako a hosi yabye laha yi ta nga wuya hi le mubuzweni; kasi loku yita yi ta gongonza, va fela ku yi vululela hi xihatla.
37Ma katekile a malanza lawo a hosi ya wona yi ta nga ta ma kuma na ma lavelele a kuwuyeni ka yona; hizinene nziku ka nwina, yi ta ti boha bhandi, yi ma tshamisa kugeni yita yi ta ma tirela. Mat. 24:46
38Ni loku yi chikela hi xirinzo xa wumbiri, kutani hi xa wunharu, yi ma kuma ma hi nghaho, ma katekile lawo malanza.
39Kanilezi tivani lezi, lezaku loku a nwinyi wa yindlu a wa xi tivile a xikhati lexi a khamba gi ta ngata ha xona, ngha a rinzele, ngha a nga siyangi a yindlu yakwe yi bhoxiwa. Mat. 24:43; 1 Tes. 5:2; 2 Ped. 3:10; Kuv. 3:3; 16:15
40Na nwinawu, ngha mu tshama mu longile; hakuva a Nʼwana wa munhu i ta wuya hi xikhati mu nga xi alakanyiko. Mat. 24:44; 25:13; Mar. 13:33
41Pedro aku ngalo: Hosi, a mufananiso lowu u wu kanela ka hina, kutani ni ka vontlhe ke?
42A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2
43Gi katekile lego nanza, a hosi ya gona yi ta nga wuya yi ta gi kuma gi kari gi maha lezo.
44Hizinene nziku ka nwina: Yi ta gi yimisa a kuva muhlayisi wa zontlhe lezi yi nga nazo. Mat. 24:47
45Kanilezi loku a nanza lego giku mbilwini ya gona: A hosi ya mina ya hlwela ku wuya; gi sangula kuba a malanza ya xinuna ni ya xisati, giga, ginwa, gi popiwa;
46a hosi ya lego nanza yi ta wuya hi siku gi nga yi langutelangiko, ni xikhati lexi gi nga xi tiviko, yi ta gi pulakanyisa, yi gi nyika xiavelo zinwe ni va nga kholekangiko.
47A nanza legi gi tivako a kuranza ka hosi ya gona, gi nga longisi nchumu, hambu ni ku maha kota kuranza ka yona, gi ta xupulwa hi tirimbiri tinyingi; Mitse. 15:30; Deut. 25:2; Jak. 4:17
48kanilezi legi gi nga ku tiviko, gi maha lezi zi faneleko kubiwa, gi ta xupulwa hi tirimbiri ti tsongwani. Ni wihi a nyikilweko nguvu, ka yena ku ta labyiwa zo tala; ni loyi ku vekelweko zo tala ka yena, ku ta labyiwa zo tala ka yena. Levi 5:17; 1 Tim. 1:13
A kuhambana laha misaveni.
49Mina nzi tile ku ta hoxa nzilo misaveni, a kuranza ka mina ku wa hi ku ngha wu vura ni lezi:
50Ku kona a kubapatiza loku nzi ta nga bapatizwa ha kona; nzi xanisekisa kuyini ku kala ku mbhetiseka! Mat. 20:22; Mar. 10:38
51Mu alakanya muku nzi tele ku ta neha kurula misaveni ke? Nziku ka nwina, Ahihi, kanilezi kuhambana. Mat. 10:34; Mika 7:6; Joh. 7:43
52Hakuva kusukela lezi loku va hi kona ntlhanu va yindlu yinwe, va ta hambana: a vanharu va vukela vambiri, ni vambiri va vukela vanharu. Mat. 10:35
53A raru i ta hambana ni nʼwana wakwe, ni nʼwana i ta hambana ni raru wakwe; a nyine i ta hambana ni nhanyana wakwe, ni nhanyana a hambana ni nyine wakwe; a mwingi i ta hambana ni katamwane wakwe, ni katamwane a hambana ni mwingi.
Zikombiso za zikhati.
54Zonake aku ngalo ka zidlemo: Loku mu wona a refu na gi huma hi le Muhlwa-gambo, ma hatlisa muku ngalo: Yi tana vula; zi maheka lezo. Mat. 16:2
55Laha na mu wona a mheho ya le Dzongeni, mu ngalo: Ku tava ni mumu; zi maheka lezo.
56Nwina vaxengeteli, ma zi tiva ku tlhamusela nghohe ya misava ni tilo; kanilezi hi yini mu nga zi kotiko a ku tlhamusela a xikhati lexi ke?
57Hikuyini mu nga lamuliko ha nwece lezi zi lulamileko ke?
58Loku u kari uya hosini ni loyi a ku kecarileko, ringa nguvu a kuva u tlhatlhiswa ka yena na ma hi ndleleni; a nga taku a ku kokovisela ka mulamuli, ni mulamuli a ku nyikela ka nduna ya hubye, zonake a nduna yi ku valela paxweni. Mav. 25:8; Mat. 5:25
59Nziku ka wena, Cima u nga ta huma kona, u kala u riha mali yontlhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.