Luka 22
22
A khungo go daya Jesu.
1Ku wa tshinele a mubuzo wa zibaba zi nga hiko na comelo, lowu va nge i Pasika. Mat. 26:2; Mar. 14:1
2A vapristi va hombe ni vatsali va lo lava lezaku va nga mu dayisa kuyini Jesu, hakuva va wa chava vanhu. Tis. 2:2; Joh. 11:47; Miti. 4:27
3Kanilezi Satani i lo enghena ka Judasi, loyi a tibyako Iskarioti, loyi a nga hlayiwa ni vakhume ni vambiri, Mat. 26:14; Mar. 14:10; Joh. 13:2, 27
4I lo famba a ya wulawula ni vapristi va hombe ni tinduna ta yimpi, lezaku i ta mu nyikelisa kuyini kabye.
5Vona va lo tsaka, va vumelana naye ku mu nyika mali. Zak. 11:12
6Loku a vumele i wa lava xikhati xo mu nyikela ha xona kabye, na xi nga hi kona xidlemo.
A Pasika ni Xilalelo.
7Laha ku nga chikele a siku ga zibaba zi nga hiko na comelo, legi ku yimelweko a ku tlhabyiwa ha gona a pasika; Mat. 26:17; Mar. 14:12
8Jesu i lo ruma Pedro na Johani, aku: Fambani mu ya hi longisela a pasika, kasi hi fela kuga.
9Vaku ngalo kakwe: U ranza a kuva hi ya yi longisela kwihi ke?
10Yena aku ngalo kabye: Loku mu enghenile mutini, mu ta tlhangana ni wanuna a rweleko a fuko ya mati; mu lanzeni ka yindlu leyi a enghenako ka yona;
11muku ka nwinyi wa yindlu: A Mugonzisi i ngalo ka wena, Yi kwihi a yindlu, laha nzi ta nga gela kona a pasika zinwe ni vapizani va mina ke?
12Yena i ta mu kangeta a yindlu ya hombe le xitezi yi sasisilweko, mu ta hi longisela kona.
13A vapizani va lo famba, va ya kuma kota lezi a nga va byelile; va longisa pasika.
14Laha na xi chikele a xikhati, i lo tshama kugeni zinwe ni vapostoli. Mat. 26:20; Mar. 14:32; Joh. 18:1
15I te ngalo kabye: Nzi xuvile nguvu a kuga na nwina a pasika legi, na nzi nga se ku xaniseka;
16hakuva nziku ka nwina: Nzi nga ta ha giga kambe, gi kala gi tatiseka mufunweni wa Nungungulu. Xip. 14:15; Miti. 10:41; Kuv. 19:9
17Loku a tekile gombe, i lo bonga, zonake aku kabye: Gi tekeni, mu siyelisana ha gona;
18hakuva nziku ka nwina: Nzi nga ha tanwa a mihanzu ya vina, wu kala wuta a mufumo wa Nungungulu. Mat. 26:29; Mar. 14:25
19Yena i lo teka xibaba, laha na a bongile, i lo xi khema, a va nyika, aku: Lexi hi miri wa mina, lowu wu nyikelwako nwina; mahani lezo, mu nzi alakanya ha zona. 1 Kor. 11:24
20Zinghaho ni gombe anzhako ka xilalelo, aku: Legi gombe hi xivumelwano xiswa nkhateni wa mina, lowu wu halatelwako nwina. 1 Kor. 10:16
21Kanilezi langutani, a canja ga loyi a nzi nyikelako gi laha mezeni zinwe na mina. Tis. 49:9; Mat. 26:21; Joh. 13:21
22Hakuva a Nʼwana wa munhu wa ti fambela, kota lezi ku yimisilweko; kanilezi i khombo ka munhu loyi a mu tokometako! Mat. 26:24; Miti. 2:23
23Vona va lo sangula ku wutisana, lezaku himani wa vona a ta nga maha lezo. Mat. 26:22; Joh. 13:25
Va kanetisana hi wukulu.
24Zonake ku lo huma a kukanetisana xikari kabye, lezaku himani a alakanyelako a kuva wa hombe. Mar. 9:34
25Jesu aku ngalo kabye: A tihosi ta vamatiko ta va fumela, ni lava va nga ni ntamu hehla kabye va vitiwa Zisasi. Mat. 20:25; Mar. 10:42
26Kanilezi nwina mu nga tava nghaho; kanilezi loyi wa hombe xikari ka nwina, a mahe kota loye tsongwani; ni loyi wa kuranga, a mahe kota loyi a nga xitiri. Mat. 20:26; 1 Ped. 5:3; Xip. 9:48
27Hakuva himani wahombe? Hi loyi a tshamako kugeni, kutani hi loyi a khozelako ke? A hi yena loyi a tshamako kugeni ke? Kasi mina nzi kona xikari ka nwina kota loyi a khozelako. Xip. 12:37; Joh. 13:13; Fil. 2:7
28Kanilezi hi nwina lava mu simamisileko na mina kuringweni ka mina. Maheb. 4:15; 2 Kor. 1:7
29Mina nza mu nyika kufuma, kota lezi Dadani a nzi nyikileko kona; Mat. 24:47
30kasi ma fela kuga ni kunwa mezeni ya mina le mufunweni wa mina; mu ta tshama zitshanwini za wuhosi, mu lamula khume ga tixaka ni timbiri ta Israeli. Tis. 49:14; Mat. 8:11; Kuv. 19:9
Jesu a tivisa Pedro hi kukaneta kakwe.
31Simoni, Simoni, languta, Satani i mu kombele, a kuva a mu kuhlunga nwentlhe kota mavele; Am. 9:9; 1 Ped. 5:8
32kanilezi mina nzi ku kombelele, lezaku a kukholwa ka wena ku nga hluleki. Wena loku u hunzulukile, tiyisa a vanakuloni. Tis. 51:13; Joh. 17:9; 21:15-17
33Pedro aku ngalo: Hosi, nzi longile a kuya paxweni ni le kufeni zinwe na wena.
34Yena aku ngalo: Nza ku byela, Pedro, a nkuku wu nga taba nyamutlha, ku kala u kaneta kunharu lezaku a ku nzi tivi. Mat. 26:34; Mar. 14:30; Joh. 13:38
35A engeta aku kabye: Laha nzi nga wa mu rumile na mu hi hava xikhwama xa mali, ni nkwama, ni zilato, mu lo vumala nchumu ke? Vaku ngalo: A hi vumalangi nchumu. Mat. 10:9; Xip. 9:3
36Aku ngalo kabye: Kanilezi makunu, loyi a nga ni xikhwama xa mali, a xi teke, zinghaho ni nkwama; ni loyi a nga hava supado, a xavise a nguwo yakwe, a ya yi xava.
37Hakuva nziku ka nwina: Ku fela ku tatiseka ka mina lezi zi tsalilweko ku ngalo: I hlayelwe zinwe ni vaonhi; hakuva lezi zi kanelweko ha mina za tatiseka makunu. Isa. 53:12; Mar. 15:28
38Vaku: Hosi, a tisupado timbiri hi leti. Aku ka vona: Ku enele.
Getsemane.
39Yena i lo huma, aya xitsungeni xa maoliva kota kutolovela kakwe; ni vapizani vakwe va lo mu lanzela. Mat. 26:36; Mar. 14:32; Joh. 18:1
40Laha a nga wa chikele kona, aku ngalo kabye: Khongelani kasi mu nga engheni kuringweni.
41I lo tsawuka ka vona a pfhukana wa ku hoxa ribye; i lo khizama, a khongela, Mat. 26:39; Mar. 14:35
42aku: Dada, loku u zi ranza, susa a gombe legi ka mina; ahemba-lokoke, na ku nga hi kuranza ka mina, kanilezi ka wena a ku maheke.
43Zonake ku lo woneka ka yena a ngelosi na yita hi le tilweni, yi ta mu tiyisa. Mat. 4:11
44Na hi kubayisekeni ka hombe, i lo kombela hi kutikisa; ni nyuko wakwe wu lo maha kota madona ya hombe ya nkhata wu donela misaveni. Joh. 12:27; Maheb. 5:7
45Laha a nga wa sukile kukhongeleni kakwe, ata ka vapizani, i lo ta va kuma na va etlele hi kuxaniseka,
46aku ngalo kabye: Hiyini mu etlelako ke? Vukani mu khongela, kasi mu nga engheni kuringweni.
Jesu a khonwa.
47Na a ha wulawula, ku lo chikela a xidlemo, zinwe ni loyi a vitwako Judasi, a nga hi munwe wa vakhume ni vambiri; yena i lo tshinela ka Jesu kasi ku mu pswopswa. Mat. 26:47; Mar. 14:43; Joh. 18:3
48Kanilezi Jesu aku ngalo kakwe: Judasi, u nyikela Nʼwana wa munhu hi kupswopswa ke?
49Lava va nga hi naye, laha na va wonile lezi zi to maheka, vaku: Hosi, hi hebheka hi supado ke?
50A munwe wa vona i loba nanza ga mupristi wa hombe, a mu tsema a ndleve ya xinene. Mat. 26:51; Mar. 14:47; Joh. 18:10
51Jesu aku ngalo: Tsikani, basi! I lo khumba a ndleve ya gona, a gi hanyisa.
52Jesu i te ngalo ka vapristi va hombe, ni tinduna ta tempeli, ni masingalakati, lava va nga mu tela: Nwina mu humele na mu hlomile a tisupado ni zigomba, kukotisa loku nzi hi muphangi ke?
53Laha nzi nga wa hi na nwina masiku wontihe lomu tempeleni, a mu ringangi ku nzi khoma; kanilezi lexi hi xikhati xa nwina ni ntamu wa munyama. Joh. 12:27
Pedro a kaneta Hosi yakwe.
54Ku te loku va mu khomile Jesu, va famba naye, va mu yisa ndlwini ya mupristi wa hombe. Kanilezi Pedro i lo lanzela hi le kule. Mat. 26:57
55Ni laha va nga dzivele a nzilo xikari ka hubye, na va tshamile wutshamu ginwe, Pedro i lo tshama xikari kabye. Mat. 26:69; Mar. 14:66; Joh. 18:17, 18
56A nanza ga xisati gi lo mu wona na a tshamile a wora nzilo, gi mu cuwukisisa, giku ngalo: Na yena loyi i wa hi zinwe naye.
57Kanilezi Pedro i lo kaneta, aku: Wasati, a nzi mu tivi.
58Anzhako ka xikhatanyana a munhu munwani i lo mu wona, aku: Wenawu u munwe wa vona. Kanilezi Pedro aku ngalo: Isawe, a hi mina.
59Anzhako ka xikhati xo khwatsi i hora yinwe, a munwani i lo tiyisa, aku: Hakunene loyi munhu kambe i wa hi naye; hakuva ngwa le Galilea. Mat. 26:73; Mar. 14:70; Joh. 18:26
60Kanilezi Pedro aku ngalo: Isaweno, a nzi zi tivi lezi u zi wulako! Zalezo na a ha wulawula a nkuku wu loba.
61Ni Hosi yi lo hunzuluka, yi cuwuka Pedro; zonake Pedro i lo alakanya a mhaka ya Hosi, leyi yi ngaku ngalo kakwe: Hi mahlweni na nkuku wu nga se kuba nyamutlha, u ta nzi kaneta kunharu. Mat. 26:34; Joh. 13:38
62Yena i lo huma, a rila hi xiviti.
Jesu a tseketselwa.
63A vanalava va nga khomile Jesu va lo mu tseketsela, va muba. Mat. 26:67, 68; Mar. 14:65
64Va lo mu boha mahlo, va mu wutisa, vaku: Vumba, himani a ku bileko ke?
65Zonake va lo mu rukatela hi timhaka tinwani to tala.
Jesu a yima mahlweni ka hubye.
66Loku gi cile, a hlengeletano ya masingalakati ya vanhu yi lo tlhangana zinwe ni vapristi va hombe ni vatsali; va mu yisa hubyeni yabye, vaku: Mat. 27:1; Miti. 22:5
67Loku wena u hi Kristu, hi byele. Kanilezi yena aku ngalo kabye: Hambu loku nzi mu byela, mu nga ta kholwa; Mat. 26:63; Mar. 14:61
68ni loku nzi mu wutisa, mu nga ta hlamula.
69Kanilezi kusukela lezi a Nʼwana wa munhu i ta tshama hi ka ga xinene ga ntamu wa Nungungulu. Mat. 26:64; Maheb. 1:3; 8:1
70Vona vontlhe vaku ngalo: Kasi hi wena Nʼwana wa Nungungulu ke? Aku ngalo kabye: Nwina ma wula muku, hi mina yena.
71Zonake vaku: Ga ha laveka hikuyini a wukustumunyu ke? Hina hi zi zwile hi le nonwini wakwe.
Currently Selected:
Luka 22: TSC72
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
