KELUARAN 5
5
Musa no Harun leu leo mane Masir-ra leu
1Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”
2Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”
3Musa no Harun lafa'da lae, “Hataholi Ibrani-la Manetualain-na, natu'du basa aoinan-na neu ami so. Po'i ami, fo ami meu leo mook solokaek-ka meu, dodoon-na, la'ok faik telu dalen-na, fo ami tunu-hotu tutunu-hohotuk soaneu Manetualain, fo ami Manetualaim-ma. Metema, ami ta tao tunga dede'ak ndia fa soona, neukose Ana taonisa ami nenik he'di-laus do natee-natatik.”
4Boema, manek-ka nafa'da Musa no Harun nae, “Emi mapalani manseli, taom-ma hataholi sila-la hahae ue-le'din-nala? Madenu ata sila-la, fo laue-lale'di lakandoo! 5Hataholi sila-la dede'un-na makadotok nanseli so. Besak ia emi nau, fo ela ala hahae ue-le'dis-sa!”
6Faik ndia boe, basa manamanea leoina Masir-ra, ma mandoo leoina Israel-la, ala hapu paleta neme manek-ka mai nae, 7“Boso boe fe leoina ndia ha'deaik bai, soaneu ala tao batu bata. Nemen-na, fo leu sanga aon. 8Tehu madenus fo ala tao-la sila batu batan-nala lamadai, sama leo sila baba'en mandoo fain-na. Ala nau ka'da pela-bale; hu ndia de, beemumu lakandoo, fo ela po'is ala la'o, soaneu ala tunu-hotu tutunu-hohotuk soaneu sila Manetualain-na. 9Makasetis nenik ue-le'di mabelaina seluk, fo ela lasapute ue-le'dis-sa, fo ala ta hapu loak, soaneu lamanene tutui pepekok sila fa.”
10Basa leoina Masir-ra manamanean-nala, ma leoina Israel-la mandoon-nala, ala kalua leo deak leu, boema lafa'da hataholi Israel-la lae, “Manek-ka fe paleta, fo ela boso boe fe emi ha'deaik bai. 11Emi muse meu sanga aom su'di nai bee, tehu mafandendelek te, emi taom-ma batu bata-la muse lamadai, sama leo emi baba'e mandoo faim-ma.” 12Boema hataholi Israel-la, ala la'ok okofefeo dae Masir-ra lala'en-na, fo ala sanga ha'deaik. 13Basa manamanea-la lakaseti laheles, fo daenga tunga faik, ala tao-la batu bata-la dede'un-na, sama leo nai lelek ala ba'e fes ha'deaik-ka. 14Basa manamanea sila-la, ala fepa mandol Israel fo manamanea ue-le'dis ndia. Latane mandol Israel-lala lae, “Tao le'e de, besak ia emi leoinam-ma, ta tao-la sila batu batan-nala, dede'un-na sama-na leo makahulun-na fa?”
15Boema, mandol Israel-lala leu leo manek-ka leu, de ala haladoi lae, “Tao le'e de, Ama Manek tao ami leo iak? 16Ta fe ami ha'deaik fa, tehu lakaseti ami, fo ami tao batu bata! Besak ia, ala fepa-li'u ami, te se'kona Ama Manek hataholi mana'a ngga'din-nala nde sala!”
17Boema manek-ka nataa nae, “Emi pelatua. Memak emi pelatua mangananalok. Hu ndia de, emi moke au, fo au po'i emi la'o, fo emi meu tunu-hotu tutunu-hohotuk soaneu emi Manetualaim-ma. 18Meu tao emi bela-ba'um seluk. Neukose ta fe emi ha'deaik so'on, tehu emi muse tao batu bata, dede'un-na sama nahele.” 19Mandol sila-la lame'da lae, sila nai toto'a-sosotak-ka dalek, nai lelek lafa'da sila lae hataholi Israel-la, muse tao batu bata, dede'un-na sama leo fai-fai maneuk-ka nahele.
20Lelek ala kalua leme uma manek dale mai boema, latongo loo Musa no Harun bei lahanis. 21Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”
Musa haladoi neu Manetualain
22Boema, Musa neu seluk leo Manetualain neu, de nafa'da nae, “Manetualain, tao le'e de, O tao ta malole neu leoina Israel-la leo iak? Tao le'e de, O madenu au mai leo ia mai? 23Lelek au u leo manek-ka u, de au kokolak pake O na'dem-ma, boema ana mulai fepa-li'u leoina ia. Tehu O ka'da denge-denge, te O tulu-fali fas.”
24Boema Manetualain nafa'da Musa nae, “Besak ia neukose o mita, hata fo Au taon soeneu manek-ka. Neukose Au akasetin fo ana po'i Au leoinang. Te'e-te'e, neukose Au akasetin fo ana usihenis leme nusak ia mai.”
Currently Selected:
KELUARAN 5: twu
Highlight
Share
Copy
Want to have your highlights saved across all your devices? Sign up or sign in
KELUARAN 5
5
Musa no Harun leu leo mane Masir-ra leu
1Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”
2Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”
3Musa no Harun lafa'da lae, “Hataholi Ibrani-la Manetualain-na, natu'du basa aoinan-na neu ami so. Po'i ami, fo ami meu leo mook solokaek-ka meu, dodoon-na, la'ok faik telu dalen-na, fo ami tunu-hotu tutunu-hohotuk soaneu Manetualain, fo ami Manetualaim-ma. Metema, ami ta tao tunga dede'ak ndia fa soona, neukose Ana taonisa ami nenik he'di-laus do natee-natatik.”
4Boema, manek-ka nafa'da Musa no Harun nae, “Emi mapalani manseli, taom-ma hataholi sila-la hahae ue-le'din-nala? Madenu ata sila-la, fo laue-lale'di lakandoo! 5Hataholi sila-la dede'un-na makadotok nanseli so. Besak ia emi nau, fo ela ala hahae ue-le'dis-sa!”
6Faik ndia boe, basa manamanea leoina Masir-ra, ma mandoo leoina Israel-la, ala hapu paleta neme manek-ka mai nae, 7“Boso boe fe leoina ndia ha'deaik bai, soaneu ala tao batu bata. Nemen-na, fo leu sanga aon. 8Tehu madenus fo ala tao-la sila batu batan-nala lamadai, sama leo sila baba'en mandoo fain-na. Ala nau ka'da pela-bale; hu ndia de, beemumu lakandoo, fo ela po'is ala la'o, soaneu ala tunu-hotu tutunu-hohotuk soaneu sila Manetualain-na. 9Makasetis nenik ue-le'di mabelaina seluk, fo ela lasapute ue-le'dis-sa, fo ala ta hapu loak, soaneu lamanene tutui pepekok sila fa.”
10Basa leoina Masir-ra manamanean-nala, ma leoina Israel-la mandoon-nala, ala kalua leo deak leu, boema lafa'da hataholi Israel-la lae, “Manek-ka fe paleta, fo ela boso boe fe emi ha'deaik bai. 11Emi muse meu sanga aom su'di nai bee, tehu mafandendelek te, emi taom-ma batu bata-la muse lamadai, sama leo emi baba'e mandoo faim-ma.” 12Boema hataholi Israel-la, ala la'ok okofefeo dae Masir-ra lala'en-na, fo ala sanga ha'deaik. 13Basa manamanea-la lakaseti laheles, fo daenga tunga faik, ala tao-la batu bata-la dede'un-na, sama leo nai lelek ala ba'e fes ha'deaik-ka. 14Basa manamanea sila-la, ala fepa mandol Israel fo manamanea ue-le'dis ndia. Latane mandol Israel-lala lae, “Tao le'e de, besak ia emi leoinam-ma, ta tao-la sila batu batan-nala, dede'un-na sama-na leo makahulun-na fa?”
15Boema, mandol Israel-lala leu leo manek-ka leu, de ala haladoi lae, “Tao le'e de, Ama Manek tao ami leo iak? 16Ta fe ami ha'deaik fa, tehu lakaseti ami, fo ami tao batu bata! Besak ia, ala fepa-li'u ami, te se'kona Ama Manek hataholi mana'a ngga'din-nala nde sala!”
17Boema manek-ka nataa nae, “Emi pelatua. Memak emi pelatua mangananalok. Hu ndia de, emi moke au, fo au po'i emi la'o, fo emi meu tunu-hotu tutunu-hohotuk soaneu emi Manetualaim-ma. 18Meu tao emi bela-ba'um seluk. Neukose ta fe emi ha'deaik so'on, tehu emi muse tao batu bata, dede'un-na sama nahele.” 19Mandol sila-la lame'da lae, sila nai toto'a-sosotak-ka dalek, nai lelek lafa'da sila lae hataholi Israel-la, muse tao batu bata, dede'un-na sama leo fai-fai maneuk-ka nahele.
20Lelek ala kalua leme uma manek dale mai boema, latongo loo Musa no Harun bei lahanis. 21Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”
Musa haladoi neu Manetualain
22Boema, Musa neu seluk leo Manetualain neu, de nafa'da nae, “Manetualain, tao le'e de, O tao ta malole neu leoina Israel-la leo iak? Tao le'e de, O madenu au mai leo ia mai? 23Lelek au u leo manek-ka u, de au kokolak pake O na'dem-ma, boema ana mulai fepa-li'u leoina ia. Tehu O ka'da denge-denge, te O tulu-fali fas.”
24Boema Manetualain nafa'da Musa nae, “Besak ia neukose o mita, hata fo Au taon soeneu manek-ka. Neukose Au akasetin fo ana po'i Au leoinang. Te'e-te'e, neukose Au akasetin fo ana usihenis leme nusak ia mai.”
Currently Selected:
:
Highlight
Share
Copy
Want to have your highlights saved across all your devices? Sign up or sign in