KELUARAN 4
4
Manetualain fe Musa koasa, fo ana tao manada'di beuk
1Boema, Musa nataa Manetualain nae, “Tehu tao leo beek, fo leounik-ka hataholi Israel-la ta nau lamahele ma ta nau taoafik neu au hala-kokolang fa? Metema, leounik-ka lafa'da lae Manetualain ta natu'du aoinan-na neu au fa soona, au muse tao beek?”
2 Manetualain natane Musa nae, “Beek manai o limam-ma ndia?” Musa nataa nae, “Aitete'ek.”
3 Manetualain nae, “Tapa aitete'ek ndia leo dae lain neu” Boema Musa tapan neu, de aitete'ek ndia nasafali da'di menge, boema Musa nalai leo dook-ka neu. 4Manetualain nafa'da Musa nae, “Muu deka moo menge ndia, fo ho'u-ma ikon-na”. Musa neu deka non, de ana ho'un-na menge ndia, boema no lai-laik nasafali seluk da'di aitete'ek, nai Musa liman dale ndia. 5Manetualain nae, “Taon leondiak, fo ela hataholi Israel-la lamahele, lae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so.”
6 Manetualain nafa'da seluk Musa nae, “Tao o limam-ma, leo o ba'dum dale neu.” Musa taon neu, de nai lelek ana hela falik liman-na leo deak mai, te liman ndia fulak ha'do-ha'dok, nanahu la'e he'di lou mangalauk. 7Boema, Manetualain nafa'da nae, “Tao falik o limam-ma, leo o ba'dum dale neu.” Musa taon neu, de nai lelek ana hela falik-kana, te liman ndia lea-hai so. 8Manetualain nae, “Metema, ala ta nau lamahele o fa, do nai lelek lita manada'di beuk makasososak-ka, te ta lamahele fa, soona neukose manada'di beuk ia, taon-nalas lamahele. 9Metema, ala beita nau lamahele neu o boen, leomae lita manada'di beuk ka duak ia-la so, boema ala ta nau taoafik neu o hala-kokolam fa soona, ho'i-ma Lee Nil-la oen faaanaks, fo po'an neu dae lain. Neukose oe ndia, nasafali da'di daak.”
10Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”
11 Manetualain nafa'dan nae, “See kande, fe hataholi daebafak-ka bafak? See kande, tao-na hataholi ndia hala taak, do pakek? See kande, tao-na hataholi ndia nita, do poken? Ade ta Au, fo Manetualain fa do? 12Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”
13Tehu Musa nataa nae, “Au dokodoe, fo boso madenu au, ou Manetualain, te madenu hataholi fe'ek.”
14Boema, Manetualain, namanasa nanseli, de nafa'da nae, “Ade o tolanoom esa, ta na'de Harun fa do? Au bubuluk hataholi bafa da'uk ndia; nakalenak ana mai leo ia mai, de nai eno tala'dak so; metema nita o soona, neukose namahoko nanseli. 15Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in. 16Ana muse kokolak pake o na'dem-ma, nai laun-na matan. Neukose, ana da'di o hataholi manakokolam, de ana tao o da'di sama leo Manetualain, fo nafa'da hata fo ana muse kokolak-kana. 17Ho'i meni aitete'ek ndia, nanahu neukose o tao manada'di beuk, menik aitete'ek ndia.”
Musa fali leo Masir neu
18Basa ndia boema, Musa fali ne'un leo aliaman Yitro uman neu, de nafa'dan nae, “Fe au loak fali leo Masir u, fo au u dama au tolanoong-ngala, ma au metes, ade bei laso'da do ta.” Yitro nafa'da Musa nae, “La'o no so'da-molek.”
19Lelek Musa bei nai dae Midian-na, te Manetualain nafa'dan nae, “Fali leo Masir muu leona. Te mate la'iesak hataholi, fo ala nau taolisa o-a so.” 20Boema, Musa leleko saon-na ma anan-nala, de nakasasa'ek-kasa neu keledei lain, de ala la'o sama-sama leo Masir leu. No Manetualain paletan-na, de Musa ho'i neni aitete'en-na boe.
21 Manetualain, nafa'da Musa nae, “Au fe basa o koasa, soaneu tao manada'di beuk-kala so. Da'di, mahani te, metema o losa Masir soona, tao basa manada'di beuk sila-la nai manek Masir-ra matan. Tehu, neukose Au tao-an nalanga batu, nalosa ana ta po'i leoina ndia la'o fa. 22Boema, mafa'da manek ndia mae Au, Manetualain, helu ae leo ia, ‘Israel nde been-na Au ana ulung-nga, 23#Kel. 12:29 de Au paleta basa o so, de po'i Au anang sila fo ala la'o, fo ela ala sene-do'ok neu Au, tehu o ta sipok fa. Besak ia, neukose Au taoissa o ana ulum-ma.’ ”
24Nai leleo-lala'on-na dalek, fo nai mamana oofuk esa, Manetualain mai leo Musa mai, fo Ana sanga taonisan. 25Zipora, fo saoinan-na, ho'i-na batu matane esa, de ana sunat anan-na, boema ana lose daan-na neu Musa ein-na, Zipora nae, “O nde been-na saotou daak, ba'eneu au.” 26Nafa'da dede'ak ndia, nana natutik no sunat-ta. Boema Manetualain, ta da'di taonisa Musa fa.
27Boema, Manetualain nafa'da Harun nae, “Muu leo moo solokaek-ka muu, fo matongo moo Musa.” Harun neu, de natongo no fa'din-na, nai lete malalao-malalafuk-ka, de ana de'in. 28Musa tui Harun, basa hata fo Manetualainnafa'da neun, nai lelek nadenun fali leo Masir neu, boeo ana tuin la'eneu basa manada'di beuk, fo muse ana taon. 29Basa boema, Musa ma Harun leu leo Masir leu, de laloo lakabubua basa mane leo Israel-la. 30Harun nanduku-nalosak neus, basa hata lala'en fo Manetualain nafa'dan neu Musa, de Musa tao basa manada'di beuk-kala, nai hataholi sila-la matan. 31Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.
Currently Selected:
KELUARAN 4: twu
Highlight
Share
Copy
Want to have your highlights saved across all your devices? Sign up or sign in
KELUARAN 4
4
Manetualain fe Musa koasa, fo ana tao manada'di beuk
1Boema, Musa nataa Manetualain nae, “Tehu tao leo beek, fo leounik-ka hataholi Israel-la ta nau lamahele ma ta nau taoafik neu au hala-kokolang fa? Metema, leounik-ka lafa'da lae Manetualain ta natu'du aoinan-na neu au fa soona, au muse tao beek?”
2 Manetualain natane Musa nae, “Beek manai o limam-ma ndia?” Musa nataa nae, “Aitete'ek.”
3 Manetualain nae, “Tapa aitete'ek ndia leo dae lain neu” Boema Musa tapan neu, de aitete'ek ndia nasafali da'di menge, boema Musa nalai leo dook-ka neu. 4Manetualain nafa'da Musa nae, “Muu deka moo menge ndia, fo ho'u-ma ikon-na”. Musa neu deka non, de ana ho'un-na menge ndia, boema no lai-laik nasafali seluk da'di aitete'ek, nai Musa liman dale ndia. 5Manetualain nae, “Taon leondiak, fo ela hataholi Israel-la lamahele, lae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so.”
6 Manetualain nafa'da seluk Musa nae, “Tao o limam-ma, leo o ba'dum dale neu.” Musa taon neu, de nai lelek ana hela falik liman-na leo deak mai, te liman ndia fulak ha'do-ha'dok, nanahu la'e he'di lou mangalauk. 7Boema, Manetualain nafa'da nae, “Tao falik o limam-ma, leo o ba'dum dale neu.” Musa taon neu, de nai lelek ana hela falik-kana, te liman ndia lea-hai so. 8Manetualain nae, “Metema, ala ta nau lamahele o fa, do nai lelek lita manada'di beuk makasososak-ka, te ta lamahele fa, soona neukose manada'di beuk ia, taon-nalas lamahele. 9Metema, ala beita nau lamahele neu o boen, leomae lita manada'di beuk ka duak ia-la so, boema ala ta nau taoafik neu o hala-kokolam fa soona, ho'i-ma Lee Nil-la oen faaanaks, fo po'an neu dae lain. Neukose oe ndia, nasafali da'di daak.”
10Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”
11 Manetualain nafa'dan nae, “See kande, fe hataholi daebafak-ka bafak? See kande, tao-na hataholi ndia hala taak, do pakek? See kande, tao-na hataholi ndia nita, do poken? Ade ta Au, fo Manetualain fa do? 12Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”
13Tehu Musa nataa nae, “Au dokodoe, fo boso madenu au, ou Manetualain, te madenu hataholi fe'ek.”
14Boema, Manetualain, namanasa nanseli, de nafa'da nae, “Ade o tolanoom esa, ta na'de Harun fa do? Au bubuluk hataholi bafa da'uk ndia; nakalenak ana mai leo ia mai, de nai eno tala'dak so; metema nita o soona, neukose namahoko nanseli. 15Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in. 16Ana muse kokolak pake o na'dem-ma, nai laun-na matan. Neukose, ana da'di o hataholi manakokolam, de ana tao o da'di sama leo Manetualain, fo nafa'da hata fo ana muse kokolak-kana. 17Ho'i meni aitete'ek ndia, nanahu neukose o tao manada'di beuk, menik aitete'ek ndia.”
Musa fali leo Masir neu
18Basa ndia boema, Musa fali ne'un leo aliaman Yitro uman neu, de nafa'dan nae, “Fe au loak fali leo Masir u, fo au u dama au tolanoong-ngala, ma au metes, ade bei laso'da do ta.” Yitro nafa'da Musa nae, “La'o no so'da-molek.”
19Lelek Musa bei nai dae Midian-na, te Manetualain nafa'dan nae, “Fali leo Masir muu leona. Te mate la'iesak hataholi, fo ala nau taolisa o-a so.” 20Boema, Musa leleko saon-na ma anan-nala, de nakasasa'ek-kasa neu keledei lain, de ala la'o sama-sama leo Masir leu. No Manetualain paletan-na, de Musa ho'i neni aitete'en-na boe.
21 Manetualain, nafa'da Musa nae, “Au fe basa o koasa, soaneu tao manada'di beuk-kala so. Da'di, mahani te, metema o losa Masir soona, tao basa manada'di beuk sila-la nai manek Masir-ra matan. Tehu, neukose Au tao-an nalanga batu, nalosa ana ta po'i leoina ndia la'o fa. 22Boema, mafa'da manek ndia mae Au, Manetualain, helu ae leo ia, ‘Israel nde been-na Au ana ulung-nga, 23#Kel. 12:29 de Au paleta basa o so, de po'i Au anang sila fo ala la'o, fo ela ala sene-do'ok neu Au, tehu o ta sipok fa. Besak ia, neukose Au taoissa o ana ulum-ma.’ ”
24Nai leleo-lala'on-na dalek, fo nai mamana oofuk esa, Manetualain mai leo Musa mai, fo Ana sanga taonisan. 25Zipora, fo saoinan-na, ho'i-na batu matane esa, de ana sunat anan-na, boema ana lose daan-na neu Musa ein-na, Zipora nae, “O nde been-na saotou daak, ba'eneu au.” 26Nafa'da dede'ak ndia, nana natutik no sunat-ta. Boema Manetualain, ta da'di taonisa Musa fa.
27Boema, Manetualain nafa'da Harun nae, “Muu leo moo solokaek-ka muu, fo matongo moo Musa.” Harun neu, de natongo no fa'din-na, nai lete malalao-malalafuk-ka, de ana de'in. 28Musa tui Harun, basa hata fo Manetualainnafa'da neun, nai lelek nadenun fali leo Masir neu, boeo ana tuin la'eneu basa manada'di beuk, fo muse ana taon. 29Basa boema, Musa ma Harun leu leo Masir leu, de laloo lakabubua basa mane leo Israel-la. 30Harun nanduku-nalosak neus, basa hata lala'en fo Manetualain nafa'dan neu Musa, de Musa tao basa manada'di beuk-kala, nai hataholi sila-la matan. 31Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.
Currently Selected:
:
Highlight
Share
Copy
Want to have your highlights saved across all your devices? Sign up or sign in