KEJADIAN 31
31
Yakob nalai neme Laban uman mai
1Yakob namanene Laban anan-nala kokolak lae leo ia, “Yakob ho'i-na basa ita aman hata-heton lala'en-na so. Basa su'i-beten sila-la, da'di neme ita aman hata-heton mai.” 2Yakob boeo nita, nae Laban ta mangana'uk non so'on, sama leo makahulun-na fa. 3Boema, Manetualain nafa'da Yakob nae, “Fali mu'um-ma leo o amam, ma o tolanoo ka'a-fa'dim-mala nusan-na muu. Neukose, Au asulu-ahapa o.”
4Basa ndia boema, Yakob nadenu hataholi neu nafa'da Rahel ma Lea, fo daenga latongo loon nai mook-ka, fo nai bi'ihii bi'ilopon-nala mamana nana'an-na. 5Boema Yakob nafa'da duas nae, “Au ita emi amam, ta tao mangana'uk neu au so'on, sama leo mandoo fai-a fa; tehu Manetualain, fo au amang sene-do'ok-ka, nasulu-nahapa au. 6Emi dua boeo, bubuluk mae au aue-ale'di puselaipana fe emi amam so. 7Leomae leondiak boe, ana ke'di-na au so, de naketu nasafali au ngga'ding-nga losa la'i sanahulu. Tehu Manetualain ta po'ilotak-kana, tao mangalauk neu au fa. 8Nai lelek emi amam nafa'da nae, ‘O soa bi'ihiik kokotok-kala, fo da'di neu o ngga'dim-ma,’ boema basa-basas bongi ana kokotok no'u-no'u. Nai lelek nafa'da nae, ‘O soa bi'ihiil kekeak-kala, fo da'di neu o ngga'dim-ma,’ boema basa-basas bongi ana keke'ak no'u-no'u. 9Manetualain ho'i-na emi amam bana manun-nala, de Ana fes leo au mai-a, enon-na leondiak.
10Ma neu faik fo, bana sila-la lala'bi, au alame'i au ita basa bi'ihii mane fo manamala'bik-kala, madulak, kokotok ma keke'ak. 11Manetualain ata nusa so'dan-na kokolak no au, nai me'is ndia dalek nae, ‘Yakob!’ Tutika au ataa ae, ‘Ya.’ 12Ata nusa so'dak ndia nafa'da seluk nae, ‘Mete mitak, bi'ihii mane fo manamala'bik sila-la, madulak, ma kokotok ma keke'ak. Au sue ito-ato leondiak soaneu o, nanahu Au ita basa, hata fo Laban taon soaneu o so. 13#Kej. 28:18-22Au nde Manetualain, fo natu'du aoinan-na neu o, neme Betel so. Nai naa, o tunu-hotu basa batu nasanene'dak esa, nenik o po'a mina setun neu lain. Nai naa boe, o soo neu Au. Besak ia, maheheleaom, fo fali leo o nusa fuafuni-ndalusitam-ma muu.’ ”
14Boema Lea no Rahel lataa lae, “Ami ta hapu baba'ek neme ami amam hata-heton mai so'on, 15nafa'da nae, ami ia, da'dileo hataholi nusa dea. Ana nase'oheni ami, de hata fo ana sipo-nan ndia, nabasan so boe. 16Manetualain ho'i-na, basa hata-heto neme ami amam mai ndia, tunga ndoon-na, ami mo ami anam-mala nuun sila. Ka'da tao hata fo, Manetualain paletan neu o leona.”
17-18Boema Yakob nafafa'u bua-lo'an, fo ana fali leo aman nai nusa Kanaan-na. Nakasasa'ek sao-anan-nala leo onta lain neu, ma ana foo-na basa bi'ihii bi'ilopon-nala, ma basa hata fo ana hapun nai Mesopotamia. 19Nai lelek ndia, Laban nai mook-ka, fo ana bei nggute bi'ilopon-nala bulun-na, ma nai lelek ndia nde, Rahel namanakon-na, aman dodoki-dudulan fo manamasulu-mahapa teidalek-ka. 20Jakob ke'di-na Laban, nenik ta nafa'dan lala'on-na fa. 21Ana ho'i neni basa hata-heton lala'en-na, de ana la'o no nakalupuk. Ana lena Lee Efrat-ta, de neu leo nusa letelepak Gilead-ta neu.
Laban usi tunga Yakob
22Basa faik telu, besak-ka lafa'da Laban lae Yakob nalai so. 23Boema Laban naloo nakabubua basa hataholin-nala, de basa-basas usi tunga Yakob nai faik hitu dalen-na, de ala tungan losa nusa letelepak Gilead-ta. 24Le'odae boema, Laban nalame'i Manetualain mai, de nafa'dan nae, “Manea matalolole, fo boso fe Yakob nasanene'da mahelek makandondook, nenik dede'ak de'ek esa boen.” 25Nai lelek ndia, Yakob napadedeik-na, lalaa teman-na nai pupukuk esa lain so. Basa boema, Laban no hataholin-nala, lapadedeik sila lalaa teman-na, nai pupuku fe'ek esa lain, fo bei nai nusak ndia boe.
26Basa ndia boema, Laban nafa'da Yakob nae, “Taole'e de, o ke'di-ma au, de o malai moo au anang-ngala, nono'kabai sila hataholi fo, musu foo nenis? 27Taole'e de, o ke'di-ma au, de o la'o no denge-dengek, ta no nate'ak fa? Leouni'ka, o mate'a soona, tao leo bee o, au po'i o la'o no namahokok, fo tambur ma kecapi-la lakamee tunga o! 28Nakalenak bai, o ta fe au loak, fo au de'i au upu-anang, da'dileo ta'du-tana nasi'da-naba'ek boen. O tatao-nono'im ndia, nggoak nanseli! 29Au balakaing-nga dai, soaneu tao mangalauk neu o, tehu le'odaek-ka, Manetualain, fo o amam sene-do'ok-ka, Ana fe au nasanene'dak, fo ela au boso fe o nasanene'da mahelek makadondook. 30Au bubuluk, ae o lala'om ndia, hu kande o mahiik fali manseli. Tehu tao le'e de, o mamanako meni dodoki-dudulak, fo manamasulu-mahapa au teidaleng-ngala?”
31Boema Yakob nataa nae, “Au la'o no denge-dengek, nanahu au bii, neukose To'o ta po'i anan-nala la'o fa. 32La'eneu dodoki-dudulak ndia soona, metema To'o hapu hataholi esa nai ia, nde namanako nenin soona, neukose hataholi ndia, nanahuku nisak. Palisak leona, ade hapu To'o bua-lo'an nai ia do ta. Metema hapu soona, ho'i-man leona. Fo ami hataholim-mala, bole lita matan.” Yakob ta bubuluk, Rahel nde namanakon-na dodoki-dudulak ndia fa.
33Boema Laban neu nggale'da Yakob lalaa teman-na; basa ndia boema, neu leo Lea lalaa teman-na neu, ma neu leo Lea ata ka dua-nala, lalaa teman-na neu, tehu ana ta hapu dodoki-dudulak ndia fa. Mate'en-na, neu leo Rahel lalaa teman dale neu. 34Ndia te, Rahel ho'i-na dodoki-dudulak ndia, de ana taon leo alukosu manai onta, ne'a sa'e ndalan dale neu, de nangatuuk neu lain. Laban nggale'da basa Rahel lalaa teman dale lala'en-na, tehu ana ta hapu dodoki-dudulak ndia fa. 35Boema, Rahel nafa'da aman nae, “Ama boso mamanasa, te au ta hapu fo'a, fo sipok Ama fa, nana au hapu bula.” Laban sanga besa-besa, tehu ana ta hapu dodoki-dudulak ndia fa.
36Boema Yakob namanasa leona, de nae, “Au tao tatao-nono'i mangalauk beek so?” natane no nasak nanseli. “Au sala beek, de nalosa To'o usi nahele au? 37Besak ia, nggale'da basa au bua-lo'ang lala'en-na so, ade To'o hapu To'o buan ndia so do beik? Kalua buas ndia leona, fo taon mai ia, fo ela au hataholing-ngala, ma To'o hataholin-nala bisa litan, fo laketu nai ita 2, see ka nde ndoos. 38Au leo o To'o, teuk duahulu dalen-na so. To'o bi'ilopo bi'ihiin-nala lamade'u so, tehu au beita u'a ita bi'ihii mane esa boen, neme To'o bana-manun mai fa. 39Beita la'i esa fo, au ini bana makaak-kala kaa lisak-kala leo To'o mai fa, nana au nde nggatis-sala. Lamanako lenis, nai lele'dok do le'odaek boe, To'o nakaseti au, fo au nggatin. 40Nasi'a, au ahoi le'do nai fai lele'don-na, makaleni nai fai le'odaen-na. Ma nasi'a, au ta hapu sungu faaanak boen. 41Au so'dang-nga leondiak, nai lelek au aue-ale'di fe To'o teuk duahulu dalen-na. Au aue-ale'di teuk sanahulu haa dalen-na, fo sue kande au hapu To'o ana ka duan sila-la, ma teuk nee seluk, fo au hapu bi'ihii bi'ilopo sila-la. Ma nai lelek ndia boe, To'o naketu nasafali au ngga'ding-nga losa la'i sanahulu. 42Leouni'ka, au bei-ba'i kaing Manetualain-na, fo nde Manetualain fo Abraham ma Isak sene-do'ok-ka, ta nasulu-nahapa au fa, soona tao leo bee-o, To'o nadenu basa au, fo au la'o no lima louk so. Tehu Manetualain taoafik neu au toto'a-tataang, ma tatao-nono'ik fo au tao-no'in, de le'odaek-ka, Ana fe basa nakeketun-na so.”
Yakob no Laban tao hehelu-balataak
43Boema Laban nataa Yakob nae, “Au anang inak-ka duak sila-la; anan-nala nde been-na, au nuung, ma bi'ilopo bubuak sila-la boeo au nuung. Tete'ek-ka, o mita basa hata lala'en manai ia-la, au nuung basa sila-la. Tehu au ta hapu tao hata-hata, soaneu au akataka ahele au upuanang-ngala fa. 44Hu ndia de, mai fo ata tao hehelu-balataak, ma takatoto'dok batu, da'dileo ta'du-tana hehelu-balataak ndia.”
45Basa boema, Yakob ho'i-na batu esa, de napadedeik-kana, da'di batu nasanene'dak. 46Boema, nadenu hataholin-nala, fo tao batu nananaunuk. Basa ndia boema, la'a sama-sama deka loo batu nananaunuk ndia. 47Laban foi batu nananaunuk ndia na'de Yegar-Sahaduta, tehu Yakob foin na'de Galed. 48Laban nafa'da Yakob nae, “Batu nananaunuk ia, neukose ana da'di, batu nasanenedak neu ita dua.” Hu ndia de, loke mamanak ndia soona lae, Galed. 49Laban boeo nafa'da nae, “Sa'di leo been-na, Manetualain mete-nakanae ita, nai ita maso'dan, fo komododoon ia dalek.” Hu ndia de, loke mamanak ndia soona lae, Mizpa boe. 50Laban nafa'da seluk nae, “Metema, o tao mangalauk neu au anang-ngala, do o sao ina fe'ek, leomae ta hapu hataholi bubuluk fa, tehu mafandendelek te, Manetualain nanea besa-besa no ita. 51Au aunu basa batu-la nde ia, ma batu nasanene'dak-ka nde ia. 52Nau batu nananaunuk ia, do batu nasanene'dak ndia, fe nasanene'dak neu ita, nae au ta bole la'o seli batu nananaunuk ia, ma batu nasanene'dak ia, fo au sapu-a o, ma o boeo, ta bole la'o seli batu nananaunuk ia, ma batu nasanene'dak ia, fo o sapu-ma au. 53Manetualain fo Abraham sene-do'ok-ka, ma au amang Nahor sene-do'ok-ka, neukose ana da'di manamaketu-mala'dik neu ita.” Boema Yakob soo nenik Manetualain, fo aman Isak sene-do'ok-ka na'den-na, fo ana tao natetu hehelu-balataan. 54Ana do'do bana esa, de ana tunu-hotun nai pupukuk ndia lain. Boema ana ka'i basa hataholin-nala, fo la'a sama-sama. La'a basa boema, ala sungu leme pupukuk ndia lain. 55Balahaa fafaianak boema, Laban de'i upu-anan, da'di leo dedei nasi'da-naba'ek, boema ana fes baba'e-papalak, de ana fali leo nusan-na neu.
Currently Selected:
KEJADIAN 31: twu
Highlight
Share
Copy
Want to have your highlights saved across all your devices? Sign up or sign in
KEJADIAN 31
31
Yakob nalai neme Laban uman mai
1Yakob namanene Laban anan-nala kokolak lae leo ia, “Yakob ho'i-na basa ita aman hata-heton lala'en-na so. Basa su'i-beten sila-la, da'di neme ita aman hata-heton mai.” 2Yakob boeo nita, nae Laban ta mangana'uk non so'on, sama leo makahulun-na fa. 3Boema, Manetualain nafa'da Yakob nae, “Fali mu'um-ma leo o amam, ma o tolanoo ka'a-fa'dim-mala nusan-na muu. Neukose, Au asulu-ahapa o.”
4Basa ndia boema, Yakob nadenu hataholi neu nafa'da Rahel ma Lea, fo daenga latongo loon nai mook-ka, fo nai bi'ihii bi'ilopon-nala mamana nana'an-na. 5Boema Yakob nafa'da duas nae, “Au ita emi amam, ta tao mangana'uk neu au so'on, sama leo mandoo fai-a fa; tehu Manetualain, fo au amang sene-do'ok-ka, nasulu-nahapa au. 6Emi dua boeo, bubuluk mae au aue-ale'di puselaipana fe emi amam so. 7Leomae leondiak boe, ana ke'di-na au so, de naketu nasafali au ngga'ding-nga losa la'i sanahulu. Tehu Manetualain ta po'ilotak-kana, tao mangalauk neu au fa. 8Nai lelek emi amam nafa'da nae, ‘O soa bi'ihiik kokotok-kala, fo da'di neu o ngga'dim-ma,’ boema basa-basas bongi ana kokotok no'u-no'u. Nai lelek nafa'da nae, ‘O soa bi'ihiil kekeak-kala, fo da'di neu o ngga'dim-ma,’ boema basa-basas bongi ana keke'ak no'u-no'u. 9Manetualain ho'i-na emi amam bana manun-nala, de Ana fes leo au mai-a, enon-na leondiak.
10Ma neu faik fo, bana sila-la lala'bi, au alame'i au ita basa bi'ihii mane fo manamala'bik-kala, madulak, kokotok ma keke'ak. 11Manetualain ata nusa so'dan-na kokolak no au, nai me'is ndia dalek nae, ‘Yakob!’ Tutika au ataa ae, ‘Ya.’ 12Ata nusa so'dak ndia nafa'da seluk nae, ‘Mete mitak, bi'ihii mane fo manamala'bik sila-la, madulak, ma kokotok ma keke'ak. Au sue ito-ato leondiak soaneu o, nanahu Au ita basa, hata fo Laban taon soaneu o so. 13#Kej. 28:18-22Au nde Manetualain, fo natu'du aoinan-na neu o, neme Betel so. Nai naa, o tunu-hotu basa batu nasanene'dak esa, nenik o po'a mina setun neu lain. Nai naa boe, o soo neu Au. Besak ia, maheheleaom, fo fali leo o nusa fuafuni-ndalusitam-ma muu.’ ”
14Boema Lea no Rahel lataa lae, “Ami ta hapu baba'ek neme ami amam hata-heton mai so'on, 15nafa'da nae, ami ia, da'dileo hataholi nusa dea. Ana nase'oheni ami, de hata fo ana sipo-nan ndia, nabasan so boe. 16Manetualain ho'i-na, basa hata-heto neme ami amam mai ndia, tunga ndoon-na, ami mo ami anam-mala nuun sila. Ka'da tao hata fo, Manetualain paletan neu o leona.”
17-18Boema Yakob nafafa'u bua-lo'an, fo ana fali leo aman nai nusa Kanaan-na. Nakasasa'ek sao-anan-nala leo onta lain neu, ma ana foo-na basa bi'ihii bi'ilopon-nala, ma basa hata fo ana hapun nai Mesopotamia. 19Nai lelek ndia, Laban nai mook-ka, fo ana bei nggute bi'ilopon-nala bulun-na, ma nai lelek ndia nde, Rahel namanakon-na, aman dodoki-dudulan fo manamasulu-mahapa teidalek-ka. 20Jakob ke'di-na Laban, nenik ta nafa'dan lala'on-na fa. 21Ana ho'i neni basa hata-heton lala'en-na, de ana la'o no nakalupuk. Ana lena Lee Efrat-ta, de neu leo nusa letelepak Gilead-ta neu.
Laban usi tunga Yakob
22Basa faik telu, besak-ka lafa'da Laban lae Yakob nalai so. 23Boema Laban naloo nakabubua basa hataholin-nala, de basa-basas usi tunga Yakob nai faik hitu dalen-na, de ala tungan losa nusa letelepak Gilead-ta. 24Le'odae boema, Laban nalame'i Manetualain mai, de nafa'dan nae, “Manea matalolole, fo boso fe Yakob nasanene'da mahelek makandondook, nenik dede'ak de'ek esa boen.” 25Nai lelek ndia, Yakob napadedeik-na, lalaa teman-na nai pupukuk esa lain so. Basa boema, Laban no hataholin-nala, lapadedeik sila lalaa teman-na, nai pupuku fe'ek esa lain, fo bei nai nusak ndia boe.
26Basa ndia boema, Laban nafa'da Yakob nae, “Taole'e de, o ke'di-ma au, de o malai moo au anang-ngala, nono'kabai sila hataholi fo, musu foo nenis? 27Taole'e de, o ke'di-ma au, de o la'o no denge-dengek, ta no nate'ak fa? Leouni'ka, o mate'a soona, tao leo bee o, au po'i o la'o no namahokok, fo tambur ma kecapi-la lakamee tunga o! 28Nakalenak bai, o ta fe au loak, fo au de'i au upu-anang, da'dileo ta'du-tana nasi'da-naba'ek boen. O tatao-nono'im ndia, nggoak nanseli! 29Au balakaing-nga dai, soaneu tao mangalauk neu o, tehu le'odaek-ka, Manetualain, fo o amam sene-do'ok-ka, Ana fe au nasanene'dak, fo ela au boso fe o nasanene'da mahelek makadondook. 30Au bubuluk, ae o lala'om ndia, hu kande o mahiik fali manseli. Tehu tao le'e de, o mamanako meni dodoki-dudulak, fo manamasulu-mahapa au teidaleng-ngala?”
31Boema Yakob nataa nae, “Au la'o no denge-dengek, nanahu au bii, neukose To'o ta po'i anan-nala la'o fa. 32La'eneu dodoki-dudulak ndia soona, metema To'o hapu hataholi esa nai ia, nde namanako nenin soona, neukose hataholi ndia, nanahuku nisak. Palisak leona, ade hapu To'o bua-lo'an nai ia do ta. Metema hapu soona, ho'i-man leona. Fo ami hataholim-mala, bole lita matan.” Yakob ta bubuluk, Rahel nde namanakon-na dodoki-dudulak ndia fa.
33Boema Laban neu nggale'da Yakob lalaa teman-na; basa ndia boema, neu leo Lea lalaa teman-na neu, ma neu leo Lea ata ka dua-nala, lalaa teman-na neu, tehu ana ta hapu dodoki-dudulak ndia fa. Mate'en-na, neu leo Rahel lalaa teman dale neu. 34Ndia te, Rahel ho'i-na dodoki-dudulak ndia, de ana taon leo alukosu manai onta, ne'a sa'e ndalan dale neu, de nangatuuk neu lain. Laban nggale'da basa Rahel lalaa teman dale lala'en-na, tehu ana ta hapu dodoki-dudulak ndia fa. 35Boema, Rahel nafa'da aman nae, “Ama boso mamanasa, te au ta hapu fo'a, fo sipok Ama fa, nana au hapu bula.” Laban sanga besa-besa, tehu ana ta hapu dodoki-dudulak ndia fa.
36Boema Yakob namanasa leona, de nae, “Au tao tatao-nono'i mangalauk beek so?” natane no nasak nanseli. “Au sala beek, de nalosa To'o usi nahele au? 37Besak ia, nggale'da basa au bua-lo'ang lala'en-na so, ade To'o hapu To'o buan ndia so do beik? Kalua buas ndia leona, fo taon mai ia, fo ela au hataholing-ngala, ma To'o hataholin-nala bisa litan, fo laketu nai ita 2, see ka nde ndoos. 38Au leo o To'o, teuk duahulu dalen-na so. To'o bi'ilopo bi'ihiin-nala lamade'u so, tehu au beita u'a ita bi'ihii mane esa boen, neme To'o bana-manun mai fa. 39Beita la'i esa fo, au ini bana makaak-kala kaa lisak-kala leo To'o mai fa, nana au nde nggatis-sala. Lamanako lenis, nai lele'dok do le'odaek boe, To'o nakaseti au, fo au nggatin. 40Nasi'a, au ahoi le'do nai fai lele'don-na, makaleni nai fai le'odaen-na. Ma nasi'a, au ta hapu sungu faaanak boen. 41Au so'dang-nga leondiak, nai lelek au aue-ale'di fe To'o teuk duahulu dalen-na. Au aue-ale'di teuk sanahulu haa dalen-na, fo sue kande au hapu To'o ana ka duan sila-la, ma teuk nee seluk, fo au hapu bi'ihii bi'ilopo sila-la. Ma nai lelek ndia boe, To'o naketu nasafali au ngga'ding-nga losa la'i sanahulu. 42Leouni'ka, au bei-ba'i kaing Manetualain-na, fo nde Manetualain fo Abraham ma Isak sene-do'ok-ka, ta nasulu-nahapa au fa, soona tao leo bee-o, To'o nadenu basa au, fo au la'o no lima louk so. Tehu Manetualain taoafik neu au toto'a-tataang, ma tatao-nono'ik fo au tao-no'in, de le'odaek-ka, Ana fe basa nakeketun-na so.”
Yakob no Laban tao hehelu-balataak
43Boema Laban nataa Yakob nae, “Au anang inak-ka duak sila-la; anan-nala nde been-na, au nuung, ma bi'ilopo bubuak sila-la boeo au nuung. Tete'ek-ka, o mita basa hata lala'en manai ia-la, au nuung basa sila-la. Tehu au ta hapu tao hata-hata, soaneu au akataka ahele au upuanang-ngala fa. 44Hu ndia de, mai fo ata tao hehelu-balataak, ma takatoto'dok batu, da'dileo ta'du-tana hehelu-balataak ndia.”
45Basa boema, Yakob ho'i-na batu esa, de napadedeik-kana, da'di batu nasanene'dak. 46Boema, nadenu hataholin-nala, fo tao batu nananaunuk. Basa ndia boema, la'a sama-sama deka loo batu nananaunuk ndia. 47Laban foi batu nananaunuk ndia na'de Yegar-Sahaduta, tehu Yakob foin na'de Galed. 48Laban nafa'da Yakob nae, “Batu nananaunuk ia, neukose ana da'di, batu nasanenedak neu ita dua.” Hu ndia de, loke mamanak ndia soona lae, Galed. 49Laban boeo nafa'da nae, “Sa'di leo been-na, Manetualain mete-nakanae ita, nai ita maso'dan, fo komododoon ia dalek.” Hu ndia de, loke mamanak ndia soona lae, Mizpa boe. 50Laban nafa'da seluk nae, “Metema, o tao mangalauk neu au anang-ngala, do o sao ina fe'ek, leomae ta hapu hataholi bubuluk fa, tehu mafandendelek te, Manetualain nanea besa-besa no ita. 51Au aunu basa batu-la nde ia, ma batu nasanene'dak-ka nde ia. 52Nau batu nananaunuk ia, do batu nasanene'dak ndia, fe nasanene'dak neu ita, nae au ta bole la'o seli batu nananaunuk ia, ma batu nasanene'dak ia, fo au sapu-a o, ma o boeo, ta bole la'o seli batu nananaunuk ia, ma batu nasanene'dak ia, fo o sapu-ma au. 53Manetualain fo Abraham sene-do'ok-ka, ma au amang Nahor sene-do'ok-ka, neukose ana da'di manamaketu-mala'dik neu ita.” Boema Yakob soo nenik Manetualain, fo aman Isak sene-do'ok-ka na'den-na, fo ana tao natetu hehelu-balataan. 54Ana do'do bana esa, de ana tunu-hotun nai pupukuk ndia lain. Boema ana ka'i basa hataholin-nala, fo la'a sama-sama. La'a basa boema, ala sungu leme pupukuk ndia lain. 55Balahaa fafaianak boema, Laban de'i upu-anan, da'di leo dedei nasi'da-naba'ek, boema ana fes baba'e-papalak, de ana fali leo nusan-na neu.
Currently Selected:
:
Highlight
Share
Copy
Want to have your highlights saved across all your devices? Sign up or sign in