KEJADIAN 32
32
Yakob naheheleaon fo natongon-no Esau
1Yakob la'ok nakandoo leleo-lala'on. Boema ata nusa so'dak de'ubee, ala mai latongo loon. 2Lelek Yakob nitas boema, nafa'da nae, “Manetualain lalaa teman ia,” hu ndia de, ana foi mamanak ndia na'de Mahanaim.
3Basa ndia boema, Yakob nadenu hataholin de'ubee lakahuluk leo nusa Edom-ma leu, fo latongo loo ka'an Esau. 4Yakob nafa'das nae, “Mafa'da au ka'ang Esau mae leoia, ‘Au Yakob, fo o atam-ma. Dodoo basa ia, au leo o Laban so. 5Besak ia, au anuu sapi, keledei, bi'ilopo, bi'ihiik ma ata. Au haitua halak leo au tuang-nga neu, no namahehenak, neukose au tuang-nga namahoko.’ ”
6Lelek hataholi nadedenuk-kala falima'i seluk-kasa leo Yakob mai boema, lafa'da lae, “Ami meu leo Tuan ka'an Esau meu so, de ana nau natongon-no Tuan. Ana mai so, tehu bei nai eno tala'dak. Ana mai no hataholi natun haa.” 7Yakob namanene dede'ak ndia boema, ana bii nanseli, ma dalen-na ta tesa-tama fa. Boema ana ba'e hataholi fo sama-sama loon-nana, neu bubuak dua, leondiak boe, bi'ilopon-nala, bi'ihiin-nala, sapin-nala ma ontan-nala. 8Ana dodoo nae, “Metema Esau mai, fo ana sapun-na bubua makasososak-ka, soona fafa'kama bubua ka dua hapu loak lalai.”
9Basa boema, Yakob hule-haladoi nae, “Ou Manetualain, fo au ba'ing Abraham ma au amang Isak sene-do'ok-ka, mamanene au leona! Amak-ka nadenu basa au, fo au fali ma'ing-nga leo au nusang-nga mai, ma au tolanoo ka'a-fa'ding-ngala mai so. Ma Amak-ka helu, nae neukose Amak-ka ito-ato basa hata lala'en-na no malole, soaneu au. 10Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la. 11Au dokodoe anseli, soi-mala au, eme au ka'ang Esau mai. Au bii, boso nalosak ana mai sapun-na ami, fo ana tao namopo-namate ami basa-basam-mala, inak-kala ma ni'iana-la boe. 12#Kej. 22:17Mafandendelek te, Manetualain helu basa, nae neukose Amak-ka ito-ato basa hata lala'en-na no malole soaneu au, ma Amak-ka fe au tititi-nonosik makadotok. Ta hapu hataholi esa boen, hapu leke-nala fan, nanahu dede'un-na sama leo solokaek manai tasi su'un-na.”
13-15Yakob sungu neme ndia, boema ana foo-na bana-manun-nala seli, de ana palsen-nasa leo Esau neu. Palsen sila-la nalupa leo: bi'ihii ina natun dua, bi'ihii mane duahulu, bi'ilopo ina natun dua, bi'ilopo mane duahulu, onta bei manasu'uk, sama-sama no anan-nala teluhulu, sapi ina haahulu, sapi mane sanahulu, keledei ina duahulu, ma keledei mane sanahulu. 16Ana ba'e bana sila-la, neu bubuak de'ubee, de ana fes leo atan-nala neu, de esan-na, bubuak esa. Nafa'das nae, “Emi la'ok makahuluk, ma manea, fo daenga boso la'ok makabubua.” 17Yakob paleta atan makasososak-ka nae, “Metema au ka'ang Esau natongon-no o, fo natane nae, ‘O tuam-ma nde see? O sanga leo bee muu? O foo bana ia-la, lamatuan-na nde see?’ 18Soona mataa mae, ‘O atam, Yakob bana-manun ia-la. Ana haitua bana-manu ia-la da'dileo fee feek esa neu ndia tuan Esau. O atam Yakob bei nai dea.’ ” 19-20Ana fe paleta matak esa neu atan ka dua, ka telu, ma neu basa hataholi fo, mana ito-ato bana-manun sila-la. Nana Yakob dodoo, nae ana hapu kokoe-na Esau, nenik fee feek sila-la, fo ela metema natongon-no Esau soona, ana nau fe do'o do ampon neun. 21Da'di, ana haitua nakahuluk fee feek sila-la, te le'odaek ia, ana bei sungu nai uma ofu.
Yakob naho'uk no Manetualain nai Pniel
22Yakob fo'a nai le'odaek ndia boe, boema no sao ka dua-nala ma sao ka telu ma ka haan-na boema ana ka sanahuluesan-nala, de ala lena Lee Yabok-ka. 23Nakalelenak basas boema, ana fali, de nakalelenak basa hata-heton lala'en-na leo selik neu. 24#Hos. 12:3-4Tehu elan mesak-kana neme ndia.
Boema touk esa mai, de naho'uk no Yakob, losa lolebalahaak. 25Lelek hataholi ndia name'da, nae neukose ndia kala nai naho'uk ndia dalek boema, ana fepan neu Yakob kale'bon-na, de nalosa kosikheni dui kale'bon-na. 26Boema, hataholi ndia nae, “Po'i au; te ba'ihanak seluk faa bai te, le'do-a tii.”
Yakob nataa nae, “Neukose au ta po'i Tuan fa, ta'da fe'e, metema Tuan ba'e-pala au.”
27Hataholi ndia, natane nae, “O na'de see?”
Boema Yakob nataa nae, “Au na'de Yakob.”
28 #
Kej. 35:10
Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”
29 #
Hak. 13:17-18
Boema Yakob nae, “Tuan mafa'da na'dem-ma dei.” Tehu hataholi ndia nataa nae, “Ta paluu o matane, au na'de see fa!” Boema, Ana ba'e-pala Yakob.
30Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel. 31Lelek le'do-a tenak, boema Yakob la'oela Pniel, tehu ana da'di eihelak, nanahu kosik heni duik manai kale'bon-na. 32Losa besak ia boe, Israel tititi-nonosin ta la'a paa kale'bok fa, nanahu Yakob hapu fefepak neu kale'bon-na.
Currently Selected:
KEJADIAN 32: twu
Highlight
Share
Copy
Want to have your highlights saved across all your devices? Sign up or sign in
KEJADIAN 32
32
Yakob naheheleaon fo natongon-no Esau
1Yakob la'ok nakandoo leleo-lala'on. Boema ata nusa so'dak de'ubee, ala mai latongo loon. 2Lelek Yakob nitas boema, nafa'da nae, “Manetualain lalaa teman ia,” hu ndia de, ana foi mamanak ndia na'de Mahanaim.
3Basa ndia boema, Yakob nadenu hataholin de'ubee lakahuluk leo nusa Edom-ma leu, fo latongo loo ka'an Esau. 4Yakob nafa'das nae, “Mafa'da au ka'ang Esau mae leoia, ‘Au Yakob, fo o atam-ma. Dodoo basa ia, au leo o Laban so. 5Besak ia, au anuu sapi, keledei, bi'ilopo, bi'ihiik ma ata. Au haitua halak leo au tuang-nga neu, no namahehenak, neukose au tuang-nga namahoko.’ ”
6Lelek hataholi nadedenuk-kala falima'i seluk-kasa leo Yakob mai boema, lafa'da lae, “Ami meu leo Tuan ka'an Esau meu so, de ana nau natongon-no Tuan. Ana mai so, tehu bei nai eno tala'dak. Ana mai no hataholi natun haa.” 7Yakob namanene dede'ak ndia boema, ana bii nanseli, ma dalen-na ta tesa-tama fa. Boema ana ba'e hataholi fo sama-sama loon-nana, neu bubuak dua, leondiak boe, bi'ilopon-nala, bi'ihiin-nala, sapin-nala ma ontan-nala. 8Ana dodoo nae, “Metema Esau mai, fo ana sapun-na bubua makasososak-ka, soona fafa'kama bubua ka dua hapu loak lalai.”
9Basa boema, Yakob hule-haladoi nae, “Ou Manetualain, fo au ba'ing Abraham ma au amang Isak sene-do'ok-ka, mamanene au leona! Amak-ka nadenu basa au, fo au fali ma'ing-nga leo au nusang-nga mai, ma au tolanoo ka'a-fa'ding-ngala mai so. Ma Amak-ka helu, nae neukose Amak-ka ito-ato basa hata lala'en-na no malole, soaneu au. 10Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la. 11Au dokodoe anseli, soi-mala au, eme au ka'ang Esau mai. Au bii, boso nalosak ana mai sapun-na ami, fo ana tao namopo-namate ami basa-basam-mala, inak-kala ma ni'iana-la boe. 12#Kej. 22:17Mafandendelek te, Manetualain helu basa, nae neukose Amak-ka ito-ato basa hata lala'en-na no malole soaneu au, ma Amak-ka fe au tititi-nonosik makadotok. Ta hapu hataholi esa boen, hapu leke-nala fan, nanahu dede'un-na sama leo solokaek manai tasi su'un-na.”
13-15Yakob sungu neme ndia, boema ana foo-na bana-manun-nala seli, de ana palsen-nasa leo Esau neu. Palsen sila-la nalupa leo: bi'ihii ina natun dua, bi'ihii mane duahulu, bi'ilopo ina natun dua, bi'ilopo mane duahulu, onta bei manasu'uk, sama-sama no anan-nala teluhulu, sapi ina haahulu, sapi mane sanahulu, keledei ina duahulu, ma keledei mane sanahulu. 16Ana ba'e bana sila-la, neu bubuak de'ubee, de ana fes leo atan-nala neu, de esan-na, bubuak esa. Nafa'das nae, “Emi la'ok makahuluk, ma manea, fo daenga boso la'ok makabubua.” 17Yakob paleta atan makasososak-ka nae, “Metema au ka'ang Esau natongon-no o, fo natane nae, ‘O tuam-ma nde see? O sanga leo bee muu? O foo bana ia-la, lamatuan-na nde see?’ 18Soona mataa mae, ‘O atam, Yakob bana-manun ia-la. Ana haitua bana-manu ia-la da'dileo fee feek esa neu ndia tuan Esau. O atam Yakob bei nai dea.’ ” 19-20Ana fe paleta matak esa neu atan ka dua, ka telu, ma neu basa hataholi fo, mana ito-ato bana-manun sila-la. Nana Yakob dodoo, nae ana hapu kokoe-na Esau, nenik fee feek sila-la, fo ela metema natongon-no Esau soona, ana nau fe do'o do ampon neun. 21Da'di, ana haitua nakahuluk fee feek sila-la, te le'odaek ia, ana bei sungu nai uma ofu.
Yakob naho'uk no Manetualain nai Pniel
22Yakob fo'a nai le'odaek ndia boe, boema no sao ka dua-nala ma sao ka telu ma ka haan-na boema ana ka sanahuluesan-nala, de ala lena Lee Yabok-ka. 23Nakalelenak basas boema, ana fali, de nakalelenak basa hata-heton lala'en-na leo selik neu. 24#Hos. 12:3-4Tehu elan mesak-kana neme ndia.
Boema touk esa mai, de naho'uk no Yakob, losa lolebalahaak. 25Lelek hataholi ndia name'da, nae neukose ndia kala nai naho'uk ndia dalek boema, ana fepan neu Yakob kale'bon-na, de nalosa kosikheni dui kale'bon-na. 26Boema, hataholi ndia nae, “Po'i au; te ba'ihanak seluk faa bai te, le'do-a tii.”
Yakob nataa nae, “Neukose au ta po'i Tuan fa, ta'da fe'e, metema Tuan ba'e-pala au.”
27Hataholi ndia, natane nae, “O na'de see?”
Boema Yakob nataa nae, “Au na'de Yakob.”
28 #
Kej. 35:10
Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”
29 #
Hak. 13:17-18
Boema Yakob nae, “Tuan mafa'da na'dem-ma dei.” Tehu hataholi ndia nataa nae, “Ta paluu o matane, au na'de see fa!” Boema, Ana ba'e-pala Yakob.
30Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel. 31Lelek le'do-a tenak, boema Yakob la'oela Pniel, tehu ana da'di eihelak, nanahu kosik heni duik manai kale'bon-na. 32Losa besak ia boe, Israel tititi-nonosin ta la'a paa kale'bok fa, nanahu Yakob hapu fefepak neu kale'bon-na.
Currently Selected:
:
Highlight
Share
Copy
Want to have your highlights saved across all your devices? Sign up or sign in