KEJADIAN 41
41
Yusuf nafa'da mangalele'do manek Masir-ra me'i na sosoa-ndandaan
1Basa teuk dua boema, manek Masir-ra nalame'i, nae ndia napadeik nai Lee Nil la su'un-na. 2No kaiboboianak sapi maao hitu loun-nala mangadilak, kalua leme lee ndia dalek mai, boema la'a na'u nai lee ndia su'un-na. 3Basa boema sapi fe'ek hitu to'da mai boe; bana sila-la mangalo'dok ma ela ka'da louk palu duik. Sapi mangalo'dok sila-la lapadeik lai sapi maao la boboan-na, nai lee ndia su'un-na. 4Basa boema sapi mangalo'dok kala la'aheni sapi maao la. Basa ndia boema, manek-ka fo'a neme susungun-na mai. 5Basa boema ana sungu de nalame'i seluk. Nai me'i na dalek, ana nita gandum maisik pulek hitu latu-latuk mesan moli lai gandum huuk esa. 6Basa boema gandum fe'ek pulek hitu moli boe, nalak mesa-mesan ma lamatuu nanahu anin moo maloa. 7Boema gandum nalak sila-la ko'do heni na'kasa gandum maisi pule ka hitu kala. Basa ndia boema, manek-ka fo'a de, name'da nae ana nalame'i so. 8#Dan. 2:2Fafaik boema, manek-ka dalen-na ta tesa-tama fa, hu ndia de nadenu leu laloo basa manasiula-tongono kala ma hataholi malelaina manai Masir-ra. Boema ana tui mei na neus, tehu ta hapu hataholi esa boen hapu nafa'da mangalele'do sosoa-ndandaan fa.
9Basa boema manaito-ato nininuk-ka nafa'da manek-ka nae, “Faik ia, ata ma muse manaku ata ma sala na. 10Makahulun-na Ama Manek namanasa manaito-ato loti a ma neu ata ma, boema ami nanataok leo bui dale neu, fo nai malanga manamanea uma manek-ka uman. 11Nai le'odaek esa boema, ami dua malame'i, de ami me'im ndia sosoa-ndandaan ta sama fa. 12Touanak Ibrani esa no ami nai ndia. Hataholi ndia, uma manek-ka manamanean-nala malanga malalau-maoonon ndia Ami tuin ami me'i ma, boema nafa'da mangalele'do me'is ndia sosoa-ndandaan. 13Tete'ek-ka basa-basan da'di sama leo hala nafafa'da na, fo nde: Ama Manek fe falik ata ma leo ue-le'di makasososan-na neu, tehu hukunisa manaito-ato loti ndia.”
14Boema manek-ka nadenu leu lala Yusuf, de no lai-laik nanakaluak neme bui a mai. Yusuf nggeu basa nggolomei na ma nggatiheni bua papaken-na boema, neu nataa manek-ka. 15Manek-ka nafa'dan nae, “Au alame'i so, de ta hapu hataholi esa boen hapu nafa'da mangalele'do sosoa-ndandaan fa. Hapu hataholi neni halak nae o hapu mafa'da mangalele'do mala me'is.”
16Yusuf nataa nae, “Au ta, Tuan, te Manetualain nde neukose nafa'da mangalele'do la'e nana.”
17Boema manek-ka nae, “Au alame'i me'i sa nae au bei apadeik nai Lee Nil la su'un-na. 18Boema sapi maao hitu loun-nala mangadilak, kalua leme lee ndia dalek mai, boema mulai la'a na'u nai lee ndia su'un-na. 19Basa boema sapi fe'ek hitu to'da mai, fo magalo'dok mesa-mesan ma ela ka'da louk palu duik. Beita la'iesa fo au ita sapi mangalo'dok leondia ka nai basa Masir lala'en-na fa. 20Sapi mangalo'dok sila-la la'aheni sapi maao ka hituk na'kasa. 21Tehu basa ndia boema, sapi mangalo'dok sila-la bei mangalo'dok lahele. Boema au fo'a eme au susungung-nga mai. 22Basa boema au sungu de au alame'i seluk, nae au ita gandum maisik pulek hitu latu-latuk mesan, ala moli lai gandum huuk esa. 23Boema gandum pulek hitu moli boe te nala-nalak mesan ma lamatuu nanahu anin moo maloa. 24Gandum nalak sila-la ko'do heni gandum maisik na'kasa. Au tui basa au me'ing ka duang sila-la neu basa manasiula-tongono kala, tehu ta hapu hataholi esa boen hapu nafa'da mangalele'do sosoa-ndandaan fa.”
25Boema Yusuf nafa'da manek-ka nae, “Me'i ka duak sila-la, sosoa-ndandaan matak esa; Manetualain nafa'da basa Tuan, hata fo neukose Ana taon so. 26Sapi maao ka hituk sila-la nde teuk ka hituk-ka, ma gandum pule ka hituk sila-la nde teuk ka hituk-ka boe; duas sosoa-ndandaan matak esa. 27Sapi mangalo'do ka hituk fo makabuin-na ala to'da mai, boema gandum ka hituk nalak ma lamatuu nanahu ani moo maloa ndia, nde tepo lelek la'andoes teuk ka hituk-ka dalen-na. 28Sama leo hata fo ata ma nafa'da basan neu Tuan ae, Manetualain nafa'da basan neu Tuan, hata fo neukose Ana taon. 29Mahani te, neukose teuk hitu mai fo henuk no su'i-betes sa nai basa nusa Masir-ra lala'en-na. 30-31Basa ndia soona, neukose teuk ka hituk-ka mai fo teuk la'andoes ndia, de tepo lelek fo henuk no su'i-betes ndia, neukose ta nananafandendelek makandondook so'on, nanahu tepo lelek la'andoes ndia neukose ba'un-na seli, nalosa nusak ia da'di dae tokotiik. 32Au Ama Manek me'i ndia ana da'di la'i dua, de ndia sosoan-na nae dede'ak ndia nana naketu basak neme Manetualain mai so ma nae neukose Manetualain nakalala'o kana no lai-laik.
33Hu ndia de, malole lenak au Ama Manek hele na hataholi dodole neuk ma manatee tenok esa fo fen koasa soaneu ito-ato nusak ia. 34-35Boeo au Ama Manek muse so'u hataholi mana'a ngga'di fe'ek-kala, fo fes koasa soaneu leu susu gandum baba'ek esa neme baba'ek liman-nai teuk-ka hituk fo henuk no su'i-betes ia dalen-na, fo pe'da lakabubuas nai kota-kota la boema lanean. 36Gandum sila-la, neukose ala da'di nana'a nanasadiak nai teuk-ka hituk fo tepo lelek la'andoes fo neukose ana da'di nai Masir. No enok ndia, neukose laun-na ta mate no la'as sa fa.”
Yusuf nanandoo eik da'di gobelnol nai Masir
37Manek ma basa hataholi mana'a ngga'din-nala lakaheik tunga Yusuf dale tutu'un ndia. 38Boema manek-ka nafa'das nae, “Tao leo bee o ita ta hapu hataholi fe'ek fo nandaa lena neme Yusuf mai fa, nana Manetualain hela-nolen.” 39Boema manek-ka nafa'da Yusuf nae, “Manetualain nafa'da basa dede'ak ia la neu o so, da'di mangale'dok so nae o dodole neuk ma manatee tenok lena neme su'di see mai boe. 40#Hat. 7:10Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.” 41-42#Dan. 5:29Basa ndia boema, manek-ka o'du na ndeli nanadoki-dulak nenik cap nusak-ka neme lima ku'un-na mai, boema ana o'dun neu Yusuf lima ku'un-na ma nae, “No enok ia, au so'u o da'di filana neu basa Masir lala'en-na.” Basa boema ana o'du ba'du manalu aba lutu esa neu Yusuf, ma ana o'du lilo dook esa neu Yusuf botoliin-na. 43Boema ana fe kaleta manek ka dua neu Yusuf soaneu kaleta sasa'e na, de manek-ka manamanea ha'da-holomatan-nala la'ok nai kaleta ndia uluk, boema laloo bou-bou lae, “Masingok! Soi enok! Soi enok!” Yusuf nanandoo eik da'di filana neu Masir lala'en-na leondiak. 44Manek-ka nafa'dan nae, “Au nde manek-ka – de au po'a-benga ae, metema o ta fe loak fa soona, hataholi esa boen nai Masir lala'en-na ta bole tao hata-hata fa.” 45-46Boema manek-ka fe na'de Masir esa neu Yusuf, fo nde Zafnat-Paaneah. Ana fen saoinak esa boe, na'de Asnat, Potifera anan-na fo ana da'di imam nai kota Heliopolis.
Yusuf teun teluhulu nai lelek ana mulai naue-nale'di soaneu manek Masir-ra. Boema Yusuf la'o neme uma manek-ka mai de ana la'ok okofefeo basa nusak-ka lala'en-na. 47Nai tepo lelek teuk-ka hituk fo henuk no su'i-betes ndia dalek-ka, dae isi-minan sasi kao-kao. 48Yusuf nakabubuan-na basa gandum sila-la boema ana pe'dan nai kota-kota la. Nai kota la esa-esak dalek, ana pe'da gandum manai kota ndia boboa-kaisun-nala. 49Gandum fo Yusuf tao nakabubuak sila-la, makadotok nanseli, nalosa hataholi-la hahae uuku-dodoun, nanahu dede'un-na sama leo solokaek manai tasi su'un-na.
50Tepo lelek la'andoes ndia beita losa fa te, Yusuf saon Asnat ana bongi ana touk dua. 51Yusuf nae, “Manetualain tao na au afandele heni basa au doi-dosong lala'en-na ma au amang teidale-bobongin so.” Hu ndia de, ana foi ana makasososan-na na'de “Manasye”. 52Yusuf nafa'da seluk nae, Manetualain fe basa au anak nai au toto'a-tataa taang dalek so, “Boema ana foi ana ka duan-na na'de Efraim.”
53Teuk hitu, nusa Masir-ra name'da nita tepo lelek fo henuk no su'i-betes ndia, nate'e. 54#Hat. 7:11Boema tepo lelek la'andoes teuk-ka hitu ka mai, nandaa no hata fo Yusuf nafa'da basan so. La'andoes-sa, da'di nai basa daebafak-ka lala'en-na, tehu nai Masir lala'en-na hapu nana'ak ba'uk ka. 55#Yoh. 2:5Lelek laun Masir-ra mulai doidoso no la'andoes-sa, ala loke manek-ka nana'ak. Boema manek-ka nadenus leu leo Yusuf leu, ma ala tunga basa hata lala'en fo Yusuf paleta neus. 56Lelek la'andoes-sa boetai namatua ka, de nafeo basa nai basa nusak-ka lala'en-na, Yusuf soi basa mamana pepe'da nana'ak kala de nase'o gandum neu hataholi Masir ala. 57Hataholi la mai leme basa daebafak-ka lala'en-na soaneu asa gandum neme Yusuf mai, nanahu la'andoes matuaina nai mamanak lala'en-na.
Currently Selected:
KEJADIAN 41: twu
Highlight
Share
Copy
Want to have your highlights saved across all your devices? Sign up or sign in
KEJADIAN 41
41
Yusuf nafa'da mangalele'do manek Masir-ra me'i na sosoa-ndandaan
1Basa teuk dua boema, manek Masir-ra nalame'i, nae ndia napadeik nai Lee Nil la su'un-na. 2No kaiboboianak sapi maao hitu loun-nala mangadilak, kalua leme lee ndia dalek mai, boema la'a na'u nai lee ndia su'un-na. 3Basa boema sapi fe'ek hitu to'da mai boe; bana sila-la mangalo'dok ma ela ka'da louk palu duik. Sapi mangalo'dok sila-la lapadeik lai sapi maao la boboan-na, nai lee ndia su'un-na. 4Basa boema sapi mangalo'dok kala la'aheni sapi maao la. Basa ndia boema, manek-ka fo'a neme susungun-na mai. 5Basa boema ana sungu de nalame'i seluk. Nai me'i na dalek, ana nita gandum maisik pulek hitu latu-latuk mesan moli lai gandum huuk esa. 6Basa boema gandum fe'ek pulek hitu moli boe, nalak mesa-mesan ma lamatuu nanahu anin moo maloa. 7Boema gandum nalak sila-la ko'do heni na'kasa gandum maisi pule ka hitu kala. Basa ndia boema, manek-ka fo'a de, name'da nae ana nalame'i so. 8#Dan. 2:2Fafaik boema, manek-ka dalen-na ta tesa-tama fa, hu ndia de nadenu leu laloo basa manasiula-tongono kala ma hataholi malelaina manai Masir-ra. Boema ana tui mei na neus, tehu ta hapu hataholi esa boen hapu nafa'da mangalele'do sosoa-ndandaan fa.
9Basa boema manaito-ato nininuk-ka nafa'da manek-ka nae, “Faik ia, ata ma muse manaku ata ma sala na. 10Makahulun-na Ama Manek namanasa manaito-ato loti a ma neu ata ma, boema ami nanataok leo bui dale neu, fo nai malanga manamanea uma manek-ka uman. 11Nai le'odaek esa boema, ami dua malame'i, de ami me'im ndia sosoa-ndandaan ta sama fa. 12Touanak Ibrani esa no ami nai ndia. Hataholi ndia, uma manek-ka manamanean-nala malanga malalau-maoonon ndia Ami tuin ami me'i ma, boema nafa'da mangalele'do me'is ndia sosoa-ndandaan. 13Tete'ek-ka basa-basan da'di sama leo hala nafafa'da na, fo nde: Ama Manek fe falik ata ma leo ue-le'di makasososan-na neu, tehu hukunisa manaito-ato loti ndia.”
14Boema manek-ka nadenu leu lala Yusuf, de no lai-laik nanakaluak neme bui a mai. Yusuf nggeu basa nggolomei na ma nggatiheni bua papaken-na boema, neu nataa manek-ka. 15Manek-ka nafa'dan nae, “Au alame'i so, de ta hapu hataholi esa boen hapu nafa'da mangalele'do sosoa-ndandaan fa. Hapu hataholi neni halak nae o hapu mafa'da mangalele'do mala me'is.”
16Yusuf nataa nae, “Au ta, Tuan, te Manetualain nde neukose nafa'da mangalele'do la'e nana.”
17Boema manek-ka nae, “Au alame'i me'i sa nae au bei apadeik nai Lee Nil la su'un-na. 18Boema sapi maao hitu loun-nala mangadilak, kalua leme lee ndia dalek mai, boema mulai la'a na'u nai lee ndia su'un-na. 19Basa boema sapi fe'ek hitu to'da mai, fo magalo'dok mesa-mesan ma ela ka'da louk palu duik. Beita la'iesa fo au ita sapi mangalo'dok leondia ka nai basa Masir lala'en-na fa. 20Sapi mangalo'dok sila-la la'aheni sapi maao ka hituk na'kasa. 21Tehu basa ndia boema, sapi mangalo'dok sila-la bei mangalo'dok lahele. Boema au fo'a eme au susungung-nga mai. 22Basa boema au sungu de au alame'i seluk, nae au ita gandum maisik pulek hitu latu-latuk mesan, ala moli lai gandum huuk esa. 23Boema gandum pulek hitu moli boe te nala-nalak mesan ma lamatuu nanahu anin moo maloa. 24Gandum nalak sila-la ko'do heni gandum maisik na'kasa. Au tui basa au me'ing ka duang sila-la neu basa manasiula-tongono kala, tehu ta hapu hataholi esa boen hapu nafa'da mangalele'do sosoa-ndandaan fa.”
25Boema Yusuf nafa'da manek-ka nae, “Me'i ka duak sila-la, sosoa-ndandaan matak esa; Manetualain nafa'da basa Tuan, hata fo neukose Ana taon so. 26Sapi maao ka hituk sila-la nde teuk ka hituk-ka, ma gandum pule ka hituk sila-la nde teuk ka hituk-ka boe; duas sosoa-ndandaan matak esa. 27Sapi mangalo'do ka hituk fo makabuin-na ala to'da mai, boema gandum ka hituk nalak ma lamatuu nanahu ani moo maloa ndia, nde tepo lelek la'andoes teuk ka hituk-ka dalen-na. 28Sama leo hata fo ata ma nafa'da basan neu Tuan ae, Manetualain nafa'da basan neu Tuan, hata fo neukose Ana taon. 29Mahani te, neukose teuk hitu mai fo henuk no su'i-betes sa nai basa nusa Masir-ra lala'en-na. 30-31Basa ndia soona, neukose teuk ka hituk-ka mai fo teuk la'andoes ndia, de tepo lelek fo henuk no su'i-betes ndia, neukose ta nananafandendelek makandondook so'on, nanahu tepo lelek la'andoes ndia neukose ba'un-na seli, nalosa nusak ia da'di dae tokotiik. 32Au Ama Manek me'i ndia ana da'di la'i dua, de ndia sosoan-na nae dede'ak ndia nana naketu basak neme Manetualain mai so ma nae neukose Manetualain nakalala'o kana no lai-laik.
33Hu ndia de, malole lenak au Ama Manek hele na hataholi dodole neuk ma manatee tenok esa fo fen koasa soaneu ito-ato nusak ia. 34-35Boeo au Ama Manek muse so'u hataholi mana'a ngga'di fe'ek-kala, fo fes koasa soaneu leu susu gandum baba'ek esa neme baba'ek liman-nai teuk-ka hituk fo henuk no su'i-betes ia dalen-na, fo pe'da lakabubuas nai kota-kota la boema lanean. 36Gandum sila-la, neukose ala da'di nana'a nanasadiak nai teuk-ka hituk fo tepo lelek la'andoes fo neukose ana da'di nai Masir. No enok ndia, neukose laun-na ta mate no la'as sa fa.”
Yusuf nanandoo eik da'di gobelnol nai Masir
37Manek ma basa hataholi mana'a ngga'din-nala lakaheik tunga Yusuf dale tutu'un ndia. 38Boema manek-ka nafa'das nae, “Tao leo bee o ita ta hapu hataholi fe'ek fo nandaa lena neme Yusuf mai fa, nana Manetualain hela-nolen.” 39Boema manek-ka nafa'da Yusuf nae, “Manetualain nafa'da basa dede'ak ia la neu o so, da'di mangale'dok so nae o dodole neuk ma manatee tenok lena neme su'di see mai boe. 40#Hat. 7:10Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.” 41-42#Dan. 5:29Basa ndia boema, manek-ka o'du na ndeli nanadoki-dulak nenik cap nusak-ka neme lima ku'un-na mai, boema ana o'dun neu Yusuf lima ku'un-na ma nae, “No enok ia, au so'u o da'di filana neu basa Masir lala'en-na.” Basa boema ana o'du ba'du manalu aba lutu esa neu Yusuf, ma ana o'du lilo dook esa neu Yusuf botoliin-na. 43Boema ana fe kaleta manek ka dua neu Yusuf soaneu kaleta sasa'e na, de manek-ka manamanea ha'da-holomatan-nala la'ok nai kaleta ndia uluk, boema laloo bou-bou lae, “Masingok! Soi enok! Soi enok!” Yusuf nanandoo eik da'di filana neu Masir lala'en-na leondiak. 44Manek-ka nafa'dan nae, “Au nde manek-ka – de au po'a-benga ae, metema o ta fe loak fa soona, hataholi esa boen nai Masir lala'en-na ta bole tao hata-hata fa.” 45-46Boema manek-ka fe na'de Masir esa neu Yusuf, fo nde Zafnat-Paaneah. Ana fen saoinak esa boe, na'de Asnat, Potifera anan-na fo ana da'di imam nai kota Heliopolis.
Yusuf teun teluhulu nai lelek ana mulai naue-nale'di soaneu manek Masir-ra. Boema Yusuf la'o neme uma manek-ka mai de ana la'ok okofefeo basa nusak-ka lala'en-na. 47Nai tepo lelek teuk-ka hituk fo henuk no su'i-betes ndia dalek-ka, dae isi-minan sasi kao-kao. 48Yusuf nakabubuan-na basa gandum sila-la boema ana pe'dan nai kota-kota la. Nai kota la esa-esak dalek, ana pe'da gandum manai kota ndia boboa-kaisun-nala. 49Gandum fo Yusuf tao nakabubuak sila-la, makadotok nanseli, nalosa hataholi-la hahae uuku-dodoun, nanahu dede'un-na sama leo solokaek manai tasi su'un-na.
50Tepo lelek la'andoes ndia beita losa fa te, Yusuf saon Asnat ana bongi ana touk dua. 51Yusuf nae, “Manetualain tao na au afandele heni basa au doi-dosong lala'en-na ma au amang teidale-bobongin so.” Hu ndia de, ana foi ana makasososan-na na'de “Manasye”. 52Yusuf nafa'da seluk nae, Manetualain fe basa au anak nai au toto'a-tataa taang dalek so, “Boema ana foi ana ka duan-na na'de Efraim.”
53Teuk hitu, nusa Masir-ra name'da nita tepo lelek fo henuk no su'i-betes ndia, nate'e. 54#Hat. 7:11Boema tepo lelek la'andoes teuk-ka hitu ka mai, nandaa no hata fo Yusuf nafa'da basan so. La'andoes-sa, da'di nai basa daebafak-ka lala'en-na, tehu nai Masir lala'en-na hapu nana'ak ba'uk ka. 55#Yoh. 2:5Lelek laun Masir-ra mulai doidoso no la'andoes-sa, ala loke manek-ka nana'ak. Boema manek-ka nadenus leu leo Yusuf leu, ma ala tunga basa hata lala'en fo Yusuf paleta neus. 56Lelek la'andoes-sa boetai namatua ka, de nafeo basa nai basa nusak-ka lala'en-na, Yusuf soi basa mamana pepe'da nana'ak kala de nase'o gandum neu hataholi Masir ala. 57Hataholi la mai leme basa daebafak-ka lala'en-na soaneu asa gandum neme Yusuf mai, nanahu la'andoes matuaina nai mamanak lala'en-na.
Currently Selected:
:
Highlight
Share
Copy
Want to have your highlights saved across all your devices? Sign up or sign in