YAYA 20
20
Yetut eebe ndoome lek kogogwaarak wone
(Mat 28:1-8, Mrk 16:1-8, Luk 24:1-12)
1 Hari minggu paga o wikit nduk apit aago kagak, at kwe Mariya awi Magaralena mendek ndoome nage nagagirik, yugum tu narak nogo pelenogo nappereegerak kagagerak. 2Kage nagagirik, puu'nuk Timon Peterut inom, aap Yetut oone wagangge iniki kunik wonagagerak inom, iya wage nagagirik, ”Ie! Ninogoba ndoome nen waganogo nggeeme pi nagaarak nit nineenggo'lek o.”
3Yorage mbareegi, at Peterut aap Yetut oone wagangge nogo imbirak wundi nogo nogogwaarik, ndoome pekka nogogwaarak. 4Imbirak puu'nuk nogo logonet, at Yetut oone wagangge nogo nen Peterut wuppunuk, at aa'nduk puu'nuk ndoome nogome nagagerak. 5Aa'nduk ndoome nage nagagirik, ena tebe yinuk, enegen mannage nagagirik, yum laambu nogo mban nggonenak kage nagagirik, unggulik puk agagerak. 6Puk agagerak wonage kagak, Peterut at ambokan nok-nok ndoome unggwi nage nagagirik, yum laambu nggonenak nogo inom, 7ndi, ambi yum at anobak me perenak wonagagerak nogo inom, enegen kagagerak. Yum at anobak me perenak wonagagerak nogo ti yum laambu yum nggonenak nogo inom lek, alik me taati pirik-perek eerak wonage kagagerak. 8Ti kenok wonage me, at Yetut oone wagangge mendek ambi ndoome aa'nduk nagagerak nogo nen unggwi nanuk, enegen kage nagagirik, abet mbareegerak. 9Ala nen, ”Yetut kambunuk, nogo menggam nen eenik a'nuk, mi'nariyak o,” yinuk, yereegerak liiru mbanak wonagagerak kwe, at oone waganggwi mendek nogo awo liippega'lek kobak aret wonogwe iigak, at ambi nogo nen perak, enegen kage nagagirik, abet mbareegerak. 10It nogo imbirak inigen kogo nogogwaarik, iname iniyok paga aret wogogwaarak.
Yetut nen Mariya awi Magaralena mendek eebe nikkagagerak wone
(Mat 28:9-10, Mrk 16:9-11)
11Iname wogwe iigak, at kwe Mariya ndo ambe paga taati le ari nagagerak. Le ari logonet, ena tebe yinuk, enegen mannage nagagirik, 12mbogut paga yonggo nugu menggaarak melaikat mendek mbere yum laambu yirik Yetut eebe warogo pereegwam nogome ambi anobak wonagagim, ndi, ambi iyok wonagagim imbirak kwi'ndak wonogwe iyareegerak. 13Iige mbareegi, it yonggo nogo nen, ”Kolaga yi wae. Kat nonggop nduk le ari agandik o?”
Yogo mbareegwa, at Mariya nen, ”Lek o. It aakumi nen an nogoba wonok nagaarak o. Ndi, at eebe nggeeme pi nagaarak an neenggolek me, le ari agarik o.”
14Yorage nagagirik, ena logurogon ambokan pe'nage nagagirik, at Yetut taati mi'ndak wonage kagagerak kwe, Yi at aret, mbarulik. 15Mbaka'lek mbareegi, at Yetut nen, ”Kolaga yi wae. Kat nonggop nduk le ari agandik o? Aap ta kwaake agandik?”
Yoge mbareegi, at Mariya nogo nen, ”Aap yi, yabu yarak unde nogo ilik,” mbake logonet, ”Ai, nogoba. At eebe kat aret wonok nagandak kenok, ngga pi nagandak an wa naakit nduk, yo'niru o.”
16Yoge mbareegi, at Yetut nen, ”Mariya wae!”
Yoge mbareegi, at ena logurogon pekkage nagagirik, Iberani wone paga, ”Raboni,” yoreegerak. (”Raboni” yoreegerak nogo ti, nit ninoone paga ”Ie! Nogoba Ngguru o,” yinuk, yoreegerak.)
17Yoge mbareegi, at Yetut nen, ”An nogoba wonage me awo ka lagangga'lek me, pi'nabugun o. An kit ninom ninogoba Ala ambit menggerak nogo, ka lagi nage me, noreewi ineenu logowak nduk, yora nak o.”
18Yoge mbareegi, at Mariya awi Magaralena mendek nen Yetut oone waganggwi mendek iya wage nagagirik, ”Wologwe! Ninogoba muk eenik mi'nagaarak nenegen kagarak o,” yinuk, Yetut nen at yoreegerak nogo mbininogo yoragagerak.
Yetut oone waganggwi mendek eebe nigiyareegerak wone
(Mat 26:16-20, Mrk 16:14-18, Luk 24:36-49)
19 Hari Minggu ti paga o apit agagerak kagak, it Yetut oone waganggwi nogo nen aakumi Yakuri mendek inagabiti nen oome tu nappunuk ugun wonogwe me, Yetut inenggela'me mi'nari unggwage nagagirik, ”Noreewi kiniki kwippinip o.” 20Yorage nagagirik, at eenggi inom, obate mbanak inom, nigiyareegerak. Nigiige mbareegi, it Yetut oone waganggwi mendek nen inogoba at aret kogo nogogwaarik, iniki ale'nggen ambik mbareegwaarak. 21Iniki ale'nggen ambik mbakwi iigak, Yetut nen ambinom yorage logonet, ”Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.” 22Yorage nagagirik, ambe aagi inoba pu eerogo piige logonet, ”Kit Aberiniki kolaanip o. 23Kit nen aakumi inomaluk lek eerogo piigwi kiinok, lek aret arigin o. Ndi, it inomaluk lek eerogo piigwi lek kenok ti, mondok iitok aret logogin o,” yinuk, yoragagerak.
Yetut eebe Tomat nikkagagerak wone
24Yetut wage nagagirik, wone yoragagerak nogo ti, at oone waganggwi mendek ambi endage Kulu'mbere ndarak Tomat nogo, eebe lek kagak wagagerak me, 25it Yetut oone waganggwi mendek ando nogo nen Tomat yogo logonet, ”Tomat wae! Ninogoba muk eenik mi'nagaarak ninigen kogoorak o.”
Yogo mbareegwa, at Tomat nen, ”Wologwe! An at eenggi pulu warak awinobam nenegen kage, ndi, eenggi pulu warak me inom, obate mbanak me inom, neenggi mambege, eeka'lek neegak, an abet mbarigin lek o,” yinuk, yoragagerak.
26Yorage mbareegi, nogo 7 yinuk, 8 paga it aap Yetut oone waganggwi mendek Tomat inom oome tu narak kagak wonogwe me, Yetut inenggela'me mi'nari unggwage nagagirik, ”Noreewi kiniki kwippinip o.” 27Yorage nagagirik, Tomat nogo yoge logonet, ”Wulaga Tomat wae. Keenggi an neenggi yi, pi'nake logonet, nawinobam pekkage, ndi, kobaak ngginogo nobate mbanak me keenggi mambege, ee'nake logominggindik, kiniki tiyak-tebek ari logonet, abet nombaka'lek logorak ti mage o. Ata, kiniki noba panggombunuk, abet nombake logot o,” yinuk, yoreegerak.
28Yoge mbareegi, at Tomat nen, ”Ai! An nogoba Ala kat aret keegi o.”
29Yoge mbareegi, at Yetut nen, ”Tomat wae! Kat kenegen neege nagandik, kiniki noba panggombunuk, abet nombakendak kwe, it aakumi ando inigen neega'lek logonet, iniki noba panggombunuk, abet nombakwi iinok perak, iniki ale'nggen ambik kogo logogun o,” yinuk, yoreegerak.
Mbuku yi nonggop nduk liiru mbaneegerak wone
30At Yetut nen at oone waganggwi mendek inenggaanom ineenu ariyak inagabiti warak mendek ando apit aret eeke nagagerak kwe, mbuku yi paga liiru mbanak lek o. 31Eeke nagagerak liiru mbanak yi nogo ti, at Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.
Currently Selected:
YAYA 20: WNO
Highlight
Share
Copy
Want to have your highlights saved across all your devices? Sign up or sign in
YAYA 20
20
Yetut eebe ndoome lek kogogwaarak wone
(Mat 28:1-8, Mrk 16:1-8, Luk 24:1-12)
1 Hari minggu paga o wikit nduk apit aago kagak, at kwe Mariya awi Magaralena mendek ndoome nage nagagirik, yugum tu narak nogo pelenogo nappereegerak kagagerak. 2Kage nagagirik, puu'nuk Timon Peterut inom, aap Yetut oone wagangge iniki kunik wonagagerak inom, iya wage nagagirik, ”Ie! Ninogoba ndoome nen waganogo nggeeme pi nagaarak nit nineenggo'lek o.”
3Yorage mbareegi, at Peterut aap Yetut oone wagangge nogo imbirak wundi nogo nogogwaarik, ndoome pekka nogogwaarak. 4Imbirak puu'nuk nogo logonet, at Yetut oone wagangge nogo nen Peterut wuppunuk, at aa'nduk puu'nuk ndoome nogome nagagerak. 5Aa'nduk ndoome nage nagagirik, ena tebe yinuk, enegen mannage nagagirik, yum laambu nogo mban nggonenak kage nagagirik, unggulik puk agagerak. 6Puk agagerak wonage kagak, Peterut at ambokan nok-nok ndoome unggwi nage nagagirik, yum laambu nggonenak nogo inom, 7ndi, ambi yum at anobak me perenak wonagagerak nogo inom, enegen kagagerak. Yum at anobak me perenak wonagagerak nogo ti yum laambu yum nggonenak nogo inom lek, alik me taati pirik-perek eerak wonage kagagerak. 8Ti kenok wonage me, at Yetut oone wagangge mendek ambi ndoome aa'nduk nagagerak nogo nen unggwi nanuk, enegen kage nagagirik, abet mbareegerak. 9Ala nen, ”Yetut kambunuk, nogo menggam nen eenik a'nuk, mi'nariyak o,” yinuk, yereegerak liiru mbanak wonagagerak kwe, at oone waganggwi mendek nogo awo liippega'lek kobak aret wonogwe iigak, at ambi nogo nen perak, enegen kage nagagirik, abet mbareegerak. 10It nogo imbirak inigen kogo nogogwaarik, iname iniyok paga aret wogogwaarak.
Yetut nen Mariya awi Magaralena mendek eebe nikkagagerak wone
(Mat 28:9-10, Mrk 16:9-11)
11Iname wogwe iigak, at kwe Mariya ndo ambe paga taati le ari nagagerak. Le ari logonet, ena tebe yinuk, enegen mannage nagagirik, 12mbogut paga yonggo nugu menggaarak melaikat mendek mbere yum laambu yirik Yetut eebe warogo pereegwam nogome ambi anobak wonagagim, ndi, ambi iyok wonagagim imbirak kwi'ndak wonogwe iyareegerak. 13Iige mbareegi, it yonggo nogo nen, ”Kolaga yi wae. Kat nonggop nduk le ari agandik o?”
Yogo mbareegwa, at Mariya nen, ”Lek o. It aakumi nen an nogoba wonok nagaarak o. Ndi, at eebe nggeeme pi nagaarak an neenggolek me, le ari agarik o.”
14Yorage nagagirik, ena logurogon ambokan pe'nage nagagirik, at Yetut taati mi'ndak wonage kagagerak kwe, Yi at aret, mbarulik. 15Mbaka'lek mbareegi, at Yetut nen, ”Kolaga yi wae. Kat nonggop nduk le ari agandik o? Aap ta kwaake agandik?”
Yoge mbareegi, at Mariya nogo nen, ”Aap yi, yabu yarak unde nogo ilik,” mbake logonet, ”Ai, nogoba. At eebe kat aret wonok nagandak kenok, ngga pi nagandak an wa naakit nduk, yo'niru o.”
16Yoge mbareegi, at Yetut nen, ”Mariya wae!”
Yoge mbareegi, at ena logurogon pekkage nagagirik, Iberani wone paga, ”Raboni,” yoreegerak. (”Raboni” yoreegerak nogo ti, nit ninoone paga ”Ie! Nogoba Ngguru o,” yinuk, yoreegerak.)
17Yoge mbareegi, at Yetut nen, ”An nogoba wonage me awo ka lagangga'lek me, pi'nabugun o. An kit ninom ninogoba Ala ambit menggerak nogo, ka lagi nage me, noreewi ineenu logowak nduk, yora nak o.”
18Yoge mbareegi, at Mariya awi Magaralena mendek nen Yetut oone waganggwi mendek iya wage nagagirik, ”Wologwe! Ninogoba muk eenik mi'nagaarak nenegen kagarak o,” yinuk, Yetut nen at yoreegerak nogo mbininogo yoragagerak.
Yetut oone waganggwi mendek eebe nigiyareegerak wone
(Mat 26:16-20, Mrk 16:14-18, Luk 24:36-49)
19 Hari Minggu ti paga o apit agagerak kagak, it Yetut oone waganggwi nogo nen aakumi Yakuri mendek inagabiti nen oome tu nappunuk ugun wonogwe me, Yetut inenggela'me mi'nari unggwage nagagirik, ”Noreewi kiniki kwippinip o.” 20Yorage nagagirik, at eenggi inom, obate mbanak inom, nigiyareegerak. Nigiige mbareegi, it Yetut oone waganggwi mendek nen inogoba at aret kogo nogogwaarik, iniki ale'nggen ambik mbareegwaarak. 21Iniki ale'nggen ambik mbakwi iigak, Yetut nen ambinom yorage logonet, ”Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.” 22Yorage nagagirik, ambe aagi inoba pu eerogo piige logonet, ”Kit Aberiniki kolaanip o. 23Kit nen aakumi inomaluk lek eerogo piigwi kiinok, lek aret arigin o. Ndi, it inomaluk lek eerogo piigwi lek kenok ti, mondok iitok aret logogin o,” yinuk, yoragagerak.
Yetut eebe Tomat nikkagagerak wone
24Yetut wage nagagirik, wone yoragagerak nogo ti, at oone waganggwi mendek ambi endage Kulu'mbere ndarak Tomat nogo, eebe lek kagak wagagerak me, 25it Yetut oone waganggwi mendek ando nogo nen Tomat yogo logonet, ”Tomat wae! Ninogoba muk eenik mi'nagaarak ninigen kogoorak o.”
Yogo mbareegwa, at Tomat nen, ”Wologwe! An at eenggi pulu warak awinobam nenegen kage, ndi, eenggi pulu warak me inom, obate mbanak me inom, neenggi mambege, eeka'lek neegak, an abet mbarigin lek o,” yinuk, yoragagerak.
26Yorage mbareegi, nogo 7 yinuk, 8 paga it aap Yetut oone waganggwi mendek Tomat inom oome tu narak kagak wonogwe me, Yetut inenggela'me mi'nari unggwage nagagirik, ”Noreewi kiniki kwippinip o.” 27Yorage nagagirik, Tomat nogo yoge logonet, ”Wulaga Tomat wae. Keenggi an neenggi yi, pi'nake logonet, nawinobam pekkage, ndi, kobaak ngginogo nobate mbanak me keenggi mambege, ee'nake logominggindik, kiniki tiyak-tebek ari logonet, abet nombaka'lek logorak ti mage o. Ata, kiniki noba panggombunuk, abet nombake logot o,” yinuk, yoreegerak.
28Yoge mbareegi, at Tomat nen, ”Ai! An nogoba Ala kat aret keegi o.”
29Yoge mbareegi, at Yetut nen, ”Tomat wae! Kat kenegen neege nagandik, kiniki noba panggombunuk, abet nombakendak kwe, it aakumi ando inigen neega'lek logonet, iniki noba panggombunuk, abet nombakwi iinok perak, iniki ale'nggen ambik kogo logogun o,” yinuk, yoreegerak.
Mbuku yi nonggop nduk liiru mbaneegerak wone
30At Yetut nen at oone waganggwi mendek inenggaanom ineenu ariyak inagabiti warak mendek ando apit aret eeke nagagerak kwe, mbuku yi paga liiru mbanak lek o. 31Eeke nagagerak liiru mbanak yi nogo ti, at Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.
Currently Selected:
:
Highlight
Share
Copy
Want to have your highlights saved across all your devices? Sign up or sign in