LUKAT 3
3
Yaya Yiime Wuppiige Menggerak nen Ala wone yorage nagagerak wone
(Mat 3:1-12, Mrk 1:1-8, Ya 1:19-28)
1Aap endagembogut Kayitat Tiberiyut aakumi inarum logonet, tahun ne 15 eeke kagak, aap Pondiyut Pilatut o Yureya nggubereno aret wonage, ndi, aap Keroret o Nggalileya unde wonage, ndi, aap Keroret awoluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak. 2Ti unde wonogwe iigak, it aap Kaanat Kayapat imbirak Ala unde inoweewi wonogwe iigak, Takariya aput Yaya nogo karume aakumi lek me wonage me, Ala nen wone ambi at inikime manabi wagagerak. 3Manabi wage kagak, at Yaya nen aakumi yorage logonet, ”Kinomaluk lek eerogo pinagawak nduk, maluk eeko monggotak nogo kiniki koombunuk, mbo pinip o. Ti eekwi kiinok perak, yiime wuppinagarak o,” yinuk, wone ti, niyo Yorenan ene-yi yoranet nege nagagerak. 4Aap Ala wone yorage nagagerak nabi Yetaya nogo nen liiru mbangge logonet,
”Aap ambi karume aakumi lek me kuum ari logonet,
Ninogoba endagembogut woroorak tu ogobakkigirogo yakwi,
ndi, at nage logorak tu koonogo yakwi, eeko logonip o.
5Alu'me kenok, kagakwi, puurom nggwok inom, mbuuluk inom,
ndenenggwi, tu yelok-nggolok kenok, koonggwi, tiyak-tebek kenok, ndak-ndak aret eekwi, eeko logonip o.
6Ala nen kinagap ndaka nappinagi woramenggerak nogo kit,
abok aret kinigen kaamunggup o, yinuk, agan woraagin,”
yereegerak liiru mbaneegerak nogo ndak-ndak at Yaya nen aret yoranet nege nagagerak o.
7Yoranet nage me, it aakumi ambik nen, ”Nit yiime wuppinanuwak o,” yinuk, at owagam kuwak eeri wogogwaarak nogo yorage logonet, ”Waalo aakumi inooka kuwak eerak pogom kit aret o. Ala anini eeppinani wage nogo eeppinagage kero, mbaganubagip nduk, ta nen kurumbi yokkiragaarak o? 8Kit maluk eeko monggotak nogo, kiniki koombunuk abet aret mbo pogotak kenok, eyo anggen abe yi'nage minggi kwak, ndak-ndak aret eeko logonip o. Kit kinikime nen, Ninombo ti, Abarakam aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok ariyak op aret iigak, kit mban iya lek me, nonggop nduk yogo ogotik? 9Ye eyo alom muk kundugu agaarak me, yi eyo ndi eyo anggen abe mendek yege lek kenok, muurogo kani kunik me mambigin o,” yinuk, yoragagerak.
10Yorage mbareegi, aakumi apit nen, ”Togop kenok, nit nonggop eeruwi o?”
11Yogo mbareegwa, at nen, ”Kit kinayum agi yirika mbere wonage kenok, aap ambi ayum lek wonage nogo ambi wogogwi, ndi, kinambi wonage kenok ti, togop aret eekwi, eeko logonip o,” yoragagerak.
12Yorage mbareegi, it pemerintah inake kuwak eeko menggaarak nogo kunduk nen, ”Yiime wuppinanuwak o,” yinuk, at owagam wogo nogogwaarik, ”Ngguru wae. Nit nonggop eeruwi o?”
13Yogo mbareegwa, at Yaya nen it yorage logonet, ”Kinogobamini nen, Wu ndogop aret kuwak eeko logonip o, yokkirogwe nogo mban aret kuwak eeko logonip o.”
14Yorage mbareegi, it aap yigin unde nogo nen, ”Ndi, nit kunduk nonggop eeruwi o?” yogo mbareegwa, at Yaya nen, ”Aakumi inageerok wokkiraawak nduk, kinoone omaawi paga yoroorak ti mage o. Ndi, pilit wone aakumi inoba piyoorak ti mage mban. Ndi, yabu eekwi onggo wokkirogwe iinok, Yi ndak-ndak aret wo'nirogop o, yinuk, waganggo logonip o,” yoragagerak.
15Ti yoragagerak nogo, it aakumi apit iniki ale'nggen mbako logonet, ”Wologwe! At Ala nen leenogo mippigin yereegerak at Yaya yi aret kulik?” ombakwi me, 16at Yaya nen it apit yorage logonet, ”An we yiime mban wuppinagage minggirak o. At ambi woroorak nogo perak, Aberiniki inom, kani inom, kinoba wuppinagi woraagin me, at nggwok aret o. An we mbuuluk me, at iyogogut nggerenak piiniyak meek o. 17Gandum ndegengge minggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk arilik kunik mban minggim nappege, eeruwak nduk, tenggap at eenggime porogo wonage o,” yinuk, yoragagerak.
18Obeelom wone it aakumi apit yorage logonet, togop aret inaruk wake nagagerak. 19Inaruk warit nage logonet, aap endagembogut Keroret nogo nen at awot akweeluk Keroriyat ndingge, ndi, yi maluk ndi maluk apit eerit nage, eeke mbareegi, at Yaya nen at inom aruk wareegerak me, 20Keroret nen Yaya eebe pigogo keele maarogo mambiigo menggam mambereegerak ti, maluk nggwok eereegerak ti aret.
Yetut yiime wuppereegerak wone
(Mat 3:13-17, Mrk 1:9-11)
21At Yaya nen aakumi abok yiime wuppiige nagagirik, Yetut inom wuppege mbareegi, Yetut tamban awo eeke kagak, mbogut keyaareegerak. 22Mbogut keyaake mbareegi, Aberiniki eebe towe puume pogom wiga agan at Yetut oba wambi wagagerak. Oba wambi wage mbareegi, mbogut paga nen oone ari logonet, ”Napuluk niniki kunik lombok kat aret me, niniki ale'nggen ee'nake keegi o,” yinuk, yoreegerak.
Yetut ombomini nda'narit wogogwaarak wone
(Mat 1:1-17)
23At Yetut eerikit nduk wagagerak nogo 30 tahun eeppunuk aret wareneegerak. It aakumi nen Yetut ti, Yutup aput mbareegwaarak. Ndi, Yutup ti, Eli aput. 24Eli ti, Matat aput. Matat ti, Leewi aput. Leewi ti, Maliki aput. Maliki ti, Yanayi aput. Yanayi ti, Yutup aput. 25Yutup ti, Matitiya aput. Matitiya ti, Amot aput. Amot ti, Nakum aput. Nakum ti, Ketili aput. Ketili ti, Nagayi aput. 26Nagayi ti, Maat aput. Maat ti, Matitiya aput. Matitiya ti, Timeyi aput. Timeyi ti, Yotek aput. Yotek ti, Yora aput. 27Yora ti, Yokanan aput. Yokanan ti, Teta aput. Teta ti, Terubaben aput. Terubaben ti, Teyalitiyet aput. Teyalitiyet ti, Neri aput. 28Neri ti, Maliki aput. Maliki ti, Ari aput. Ari ti, Kotam aput. Kotam ti, Elemaram aput. Elemaram ti, Et aput. 29Et ti, Yetuwa aput. Yetuwa ti, Eliyetet aput. Eliyetet ti, Yorim aput. Yorim ti, Matat aput. Matat ti, Leewi aput. 30Leewi ti, Timeyon aput. Timeyon ti, Yakura aput. Yakura ti, Yutup aput. Yutup ti, Yonam aput. Yonam ti, Eliyakim aput. 31Eliyakim ti, Meleya aput. Meleya ti, Mina aput. Mina ti, Matata aput. Matata ti, Natan aput. Natan ti, Ndawut aput. Ndawut ti, Itayi aput. 32Itayi ti, Obet aput. Obet ti, Mbowat aput. Mbowat ti, Talomon aput. Talomon ti, Nakaton aput. 33Nakaton ti, Aminarap aput, Aminarap ti, Arimin aput. Arimin ti, Arini aput. Arini ti, Keteron aput. Keteron ti, Peret aput. Peret ti, Yakura aput. 34Yakura ti, Yakup aput. Yakup ti, Itak aput. Itak ti, Abarakam aput. Abarakam ti, Tera aput. Tera ti, Nakot aput. 35Nakot ti, Teruk aput. Teruk ti, Ereku aput. Ereku ti, Pelek aput. Pelek ti, Ebet aput. Ebet ti, Talomon aput. Talomon ti, Kenan aput. 36Kenan ti, Arapakatat aput. Arapakatat ti, Tem aput. Tem ti, Nu aput Nu ti, Lamek aput. 37Lamek ti, Metutala aput. Metutala ti, Enok aput. Enok ti, Yaret aput. Yaret ti, Makalaten aput. Makalaten ti, Kenan aput. 38Kenan ti, Enot aput. Enot ti, Tet aput. Tet ti, Aram aput. Ndi, Aram ti, Ala aput, nda'nogogwaarak aret.
Currently Selected:
LUKAT 3: WNO
Highlight
Share
Copy
Want to have your highlights saved across all your devices? Sign up or sign in
LUKAT 3
3
Yaya Yiime Wuppiige Menggerak nen Ala wone yorage nagagerak wone
(Mat 3:1-12, Mrk 1:1-8, Ya 1:19-28)
1Aap endagembogut Kayitat Tiberiyut aakumi inarum logonet, tahun ne 15 eeke kagak, aap Pondiyut Pilatut o Yureya nggubereno aret wonage, ndi, aap Keroret o Nggalileya unde wonage, ndi, aap Keroret awoluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak. 2Ti unde wonogwe iigak, it aap Kaanat Kayapat imbirak Ala unde inoweewi wonogwe iigak, Takariya aput Yaya nogo karume aakumi lek me wonage me, Ala nen wone ambi at inikime manabi wagagerak. 3Manabi wage kagak, at Yaya nen aakumi yorage logonet, ”Kinomaluk lek eerogo pinagawak nduk, maluk eeko monggotak nogo kiniki koombunuk, mbo pinip o. Ti eekwi kiinok perak, yiime wuppinagarak o,” yinuk, wone ti, niyo Yorenan ene-yi yoranet nege nagagerak. 4Aap Ala wone yorage nagagerak nabi Yetaya nogo nen liiru mbangge logonet,
”Aap ambi karume aakumi lek me kuum ari logonet,
Ninogoba endagembogut woroorak tu ogobakkigirogo yakwi,
ndi, at nage logorak tu koonogo yakwi, eeko logonip o.
5Alu'me kenok, kagakwi, puurom nggwok inom, mbuuluk inom,
ndenenggwi, tu yelok-nggolok kenok, koonggwi, tiyak-tebek kenok, ndak-ndak aret eekwi, eeko logonip o.
6Ala nen kinagap ndaka nappinagi woramenggerak nogo kit,
abok aret kinigen kaamunggup o, yinuk, agan woraagin,”
yereegerak liiru mbaneegerak nogo ndak-ndak at Yaya nen aret yoranet nege nagagerak o.
7Yoranet nage me, it aakumi ambik nen, ”Nit yiime wuppinanuwak o,” yinuk, at owagam kuwak eeri wogogwaarak nogo yorage logonet, ”Waalo aakumi inooka kuwak eerak pogom kit aret o. Ala anini eeppinani wage nogo eeppinagage kero, mbaganubagip nduk, ta nen kurumbi yokkiragaarak o? 8Kit maluk eeko monggotak nogo, kiniki koombunuk abet aret mbo pogotak kenok, eyo anggen abe yi'nage minggi kwak, ndak-ndak aret eeko logonip o. Kit kinikime nen, Ninombo ti, Abarakam aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok ariyak op aret iigak, kit mban iya lek me, nonggop nduk yogo ogotik? 9Ye eyo alom muk kundugu agaarak me, yi eyo ndi eyo anggen abe mendek yege lek kenok, muurogo kani kunik me mambigin o,” yinuk, yoragagerak.
10Yorage mbareegi, aakumi apit nen, ”Togop kenok, nit nonggop eeruwi o?”
11Yogo mbareegwa, at nen, ”Kit kinayum agi yirika mbere wonage kenok, aap ambi ayum lek wonage nogo ambi wogogwi, ndi, kinambi wonage kenok ti, togop aret eekwi, eeko logonip o,” yoragagerak.
12Yorage mbareegi, it pemerintah inake kuwak eeko menggaarak nogo kunduk nen, ”Yiime wuppinanuwak o,” yinuk, at owagam wogo nogogwaarik, ”Ngguru wae. Nit nonggop eeruwi o?”
13Yogo mbareegwa, at Yaya nen it yorage logonet, ”Kinogobamini nen, Wu ndogop aret kuwak eeko logonip o, yokkirogwe nogo mban aret kuwak eeko logonip o.”
14Yorage mbareegi, it aap yigin unde nogo nen, ”Ndi, nit kunduk nonggop eeruwi o?” yogo mbareegwa, at Yaya nen, ”Aakumi inageerok wokkiraawak nduk, kinoone omaawi paga yoroorak ti mage o. Ndi, pilit wone aakumi inoba piyoorak ti mage mban. Ndi, yabu eekwi onggo wokkirogwe iinok, Yi ndak-ndak aret wo'nirogop o, yinuk, waganggo logonip o,” yoragagerak.
15Ti yoragagerak nogo, it aakumi apit iniki ale'nggen mbako logonet, ”Wologwe! At Ala nen leenogo mippigin yereegerak at Yaya yi aret kulik?” ombakwi me, 16at Yaya nen it apit yorage logonet, ”An we yiime mban wuppinagage minggirak o. At ambi woroorak nogo perak, Aberiniki inom, kani inom, kinoba wuppinagi woraagin me, at nggwok aret o. An we mbuuluk me, at iyogogut nggerenak piiniyak meek o. 17Gandum ndegengge minggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk arilik kunik mban minggim nappege, eeruwak nduk, tenggap at eenggime porogo wonage o,” yinuk, yoragagerak.
18Obeelom wone it aakumi apit yorage logonet, togop aret inaruk wake nagagerak. 19Inaruk warit nage logonet, aap endagembogut Keroret nogo nen at awot akweeluk Keroriyat ndingge, ndi, yi maluk ndi maluk apit eerit nage, eeke mbareegi, at Yaya nen at inom aruk wareegerak me, 20Keroret nen Yaya eebe pigogo keele maarogo mambiigo menggam mambereegerak ti, maluk nggwok eereegerak ti aret.
Yetut yiime wuppereegerak wone
(Mat 3:13-17, Mrk 1:9-11)
21At Yaya nen aakumi abok yiime wuppiige nagagirik, Yetut inom wuppege mbareegi, Yetut tamban awo eeke kagak, mbogut keyaareegerak. 22Mbogut keyaake mbareegi, Aberiniki eebe towe puume pogom wiga agan at Yetut oba wambi wagagerak. Oba wambi wage mbareegi, mbogut paga nen oone ari logonet, ”Napuluk niniki kunik lombok kat aret me, niniki ale'nggen ee'nake keegi o,” yinuk, yoreegerak.
Yetut ombomini nda'narit wogogwaarak wone
(Mat 1:1-17)
23At Yetut eerikit nduk wagagerak nogo 30 tahun eeppunuk aret wareneegerak. It aakumi nen Yetut ti, Yutup aput mbareegwaarak. Ndi, Yutup ti, Eli aput. 24Eli ti, Matat aput. Matat ti, Leewi aput. Leewi ti, Maliki aput. Maliki ti, Yanayi aput. Yanayi ti, Yutup aput. 25Yutup ti, Matitiya aput. Matitiya ti, Amot aput. Amot ti, Nakum aput. Nakum ti, Ketili aput. Ketili ti, Nagayi aput. 26Nagayi ti, Maat aput. Maat ti, Matitiya aput. Matitiya ti, Timeyi aput. Timeyi ti, Yotek aput. Yotek ti, Yora aput. 27Yora ti, Yokanan aput. Yokanan ti, Teta aput. Teta ti, Terubaben aput. Terubaben ti, Teyalitiyet aput. Teyalitiyet ti, Neri aput. 28Neri ti, Maliki aput. Maliki ti, Ari aput. Ari ti, Kotam aput. Kotam ti, Elemaram aput. Elemaram ti, Et aput. 29Et ti, Yetuwa aput. Yetuwa ti, Eliyetet aput. Eliyetet ti, Yorim aput. Yorim ti, Matat aput. Matat ti, Leewi aput. 30Leewi ti, Timeyon aput. Timeyon ti, Yakura aput. Yakura ti, Yutup aput. Yutup ti, Yonam aput. Yonam ti, Eliyakim aput. 31Eliyakim ti, Meleya aput. Meleya ti, Mina aput. Mina ti, Matata aput. Matata ti, Natan aput. Natan ti, Ndawut aput. Ndawut ti, Itayi aput. 32Itayi ti, Obet aput. Obet ti, Mbowat aput. Mbowat ti, Talomon aput. Talomon ti, Nakaton aput. 33Nakaton ti, Aminarap aput, Aminarap ti, Arimin aput. Arimin ti, Arini aput. Arini ti, Keteron aput. Keteron ti, Peret aput. Peret ti, Yakura aput. 34Yakura ti, Yakup aput. Yakup ti, Itak aput. Itak ti, Abarakam aput. Abarakam ti, Tera aput. Tera ti, Nakot aput. 35Nakot ti, Teruk aput. Teruk ti, Ereku aput. Ereku ti, Pelek aput. Pelek ti, Ebet aput. Ebet ti, Talomon aput. Talomon ti, Kenan aput. 36Kenan ti, Arapakatat aput. Arapakatat ti, Tem aput. Tem ti, Nu aput Nu ti, Lamek aput. 37Lamek ti, Metutala aput. Metutala ti, Enok aput. Enok ti, Yaret aput. Yaret ti, Makalaten aput. Makalaten ti, Kenan aput. 38Kenan ti, Enot aput. Enot ti, Tet aput. Tet ti, Aram aput. Ndi, Aram ti, Ala aput, nda'nogogwaarak aret.
Currently Selected:
:
Highlight
Share
Copy
Want to have your highlights saved across all your devices? Sign up or sign in