MARAKUT 7
7
It inombomini eeko nogogwaarak mamunik wone
(Mat 15:1-9)
1It Yerutalem nen wogogwaarak aap Pariti mendek inom, it Ala wone liiru mbanak unde ando inom, Yetut owagam kuwak ogogwaarik, 2at Yetut oone waganggwi nogo ineenggi niyo kooka'lek we ugun aret mbi nunggwi inigen iyareegwaarak.
3-4(It Pariti mendek nogo inom, it Yakuri mendek nogo inom, it abok aret inombomini nen eeko nogogwaarak mamunik eeko logonet, ineenggi kooka'lek mbi nunggwi, mbi kunggo menggam nogome nen wogo nagaatik, inabin kooka'lek logonet, mbi nunggwi, eeko logolik o. It inombomini eeko nogogwaarak mamunik me eeko logonet, yiiwak mbuulogwe inom, yo'nggok inom, mbutiiwak inom, kooko menggaarak.)
5Togop eeko menggaarak me, it Pariti mendek nogo inom, it Ala wone liiru mbanak unde nogo inom, Yetut yogo logonet, ”Kat koone waganggwi yi, ninombomini eeko nogogwaarak wone mamunik nogo eeka'lek logonet, nonggop nduk ineenggi kooka'lek ugun aret mbi nonggo agaarik o?”
6Yogo mbareegwa, at Yetut nen yorage logonet,
”Kit aakumi yi, kinambe paga an wogoppanugwi kwe,
kiniki perak, ninom ogoorak aret wonogwe o.
7Kit mamunirogo monggotak ti, aakumi inoone yugu
kagak, mamunirogo monggotak me,
aanom warogo alut ee'nako ogotik o,
yinuk, Ala yereegerak nogo, at Yetaya nen kit kiniki laakot logonet eekwi kiinok, abet aret liiru mbaneegerak o. 8At Ala wone lengganak nogo tebenogo punuk, kit kinombomini eeko nogogwaarak mamunik me eeko monggotak kiigi o,” yinuk, yoragagerak.
9Yorage nagagirik, ”Kit kinombomini eeko nogogwaarak mamunik me eeko logorak mba'nuk, at Ala nen yereegerak wone mbo pugwi yi, kit obeelom aret kiigi o. 10At Muta nen. Kinagalo-kinogoba inoone liirogon konenggo logonet, inayuk wuko logonip o. Ndi, kinagalo-kinogoba inoone taganggwi kiinok ti, kambumunggup aret o, yinuk, yereegerak kwe, 11kit nogo kinagalo-kinogoba yorogo logonet, Namendek wokkiriyak mbakirak kwe, Koraban o, yinuk, yagarak o. Ti, Ala ake wogogirak o, yinuk, yogwe kiinok, 12kinagalo-kinogoba inake agago piyoorak lek nduk, Koraban o, yinuk, yogwe kiigi o. 13Kinombomini nen eeko nogogwaarak mamunik me aakumi yorogo monggotak nogo eerit nogwe paga, Ala wone ti taganogo mbo pugwi kiigi. Ti eeko menggaarak kwak, kit togop ambik aret eerit nogo monggotak kiigi o,” yoragagerak.
Nano paga maluk ee'ninake menggerak yoragagerak wone
(Mat 15:10-20)
14Yorage nagagirik, it aakumi ambik wiiragagerak nogo, abok wogo mbareegwa, yorage logonet, ”Kit abok aret an noone kinaruk liirogon konembunuk, waganggo logonip o,” 15yorage nagagirik, ”Nonggo monggotak ti paga maluk eekkinakeelik o. Ata, wone kinikime nen wunggetak paga mban maluk eekkinake menggerak o. 16Kinaruk wonage kenok, liirogon aret konenggo logonip o,” yinuk, yoragagerak.
17Yorage nagagirik, aakumi nogo teppiinok, oome unggwage mbareegi, at oone waganggwi nogo nen, ”Kat eegu laarogo negen yo'niragandak nogo ti, liirogon yo'niret o,” 18-19yogo mbareegwa, at nogo nen, ”Kit kunduk kiniki liippega'lek logonet, yogo ogotik? Yi mendek ndi mendek nonggo monggotak nogo kinikime unggwageelik o. We, kinaanogum me wangge nagaatik, mbo pi nogo monggotak me, yi mendek ndi mendek nonggo monggotak paga maluk eekkinakeelik yi kogo ogotik?” yoragagerak. (Wone ti yoragagerak nogo, nonggo menggaarak mendek abok aret mage lek nduk yoragagerak.)
20Yorage nagagirik, ti'nuk, ambi yorage logonet, ”Kinikime nen wunggetak paga maluk aret eekkinake menggerak. 21Kinikime nen maluk eeriyak koonggwi, komologwe tawe ugun yogot wuginakwi, yogot waganggwi, aap wakwi, 22mbabi eekwi, aap inamendek uugwe-ugwe agan nugwi, maluk mban eekwi, inambokan laganggwi, iniki kumi paga mban luunik logonet kumili negen ugun-ugun eerit nugwi, kiniki aagi wungge, inabok mbanggwi, wogoppatit nugwi, kiniki mbanak negen eerit nugwi, 23ti, eerit nugu monggotak ti abok aret kinikime nen aret wunggetak paga mban maluk eekkinake menggerak o,” yoragagerak.
Kwe ambi iniki abet mbareegerak wone
(Mat 15:21-28)
24Yoraanok, o time mbo punuk, o Tirut unggwi wagagerak. Unggwi wage nagagirik, o ambi wurik me unggwagagerak nogome logonet, ”Aakumi neegwi iyo, kumaarak logokit,” mbareegerak kwe, meek agagerak. 25-26Meek age mbareegi, kwe ambi eebe Yunani mendek kwe, nda nagagim awi alom o Penitiya Tiro mendek me, aagaluk kolaga nogo kugi maluk mendek inikime unggwagagerak nogo Yetut wage aruk konembunuk, at owagam nagagerak. Nage nagagirik, abu'me tebe yinuk, abuwa warak nggo-nggo logonet, ”Ai, nogoba,” yinuk, ”An naagaluk kugi inikime unggwagagerak me, nggiginogo nappenok nduk yokkigi o,” yoreegerak.
27Yoge mbareegi, at Yetut nen, ”It elege-aabologwe inambi ndonggorogon nawak o. Nengga'lek iigak, inake aago ndinogo nggeewo wogoriyak ti mage o.”
28Yoge mbareegi, at kwe nogo nen, ”Aret kwe, nogoba. Elegeaabologwe inambi nunggwi iigak, anggen yumbu-yumbu eyo ndoonak mbi nonggo menggam abu'me wanggetak ti, nggeewo aret nonggo menggaarak o,” yoreegerak.
29Yoge mbareegi, at nen, ”Kat wone obeelom togop aret yagandak ti paga kugi kaagaluk inikime unggwagagerak nogo muk nggigik togon wunggerak me, kame nak o.”
30Yoge mbareegi, ame nage nagagirik, aagaluk nogo kugi inikime wungge nagaarik, obeelom agaarak windak minggim windak wonage me ka nagagerak.
Yetut nen aap aruk logu oone lek me, obeelom eereegerak wone
31Ti eeppege nagagirik, at Yetut nogo nen o Turut teppunuk, o Ndekapolit tu paga nen o Tiron unggwagak niyo Nggalileya aa'nggi paga ari nagagerak. 32Ari nagagerak me, it aakumi time nogo nen aap aruk logu oone lek me wonok, at Yetut owagam pi nogo nogogwaarik, Yetut nen eenggi oba pigaawak nduk, inabuwa warak nggonggo logonet, yoreegwaarak. 33Yogo mbareegwa, it aakumi ambik aago nogo teppiinok, at aruk logu nogo, ”Omok o,” yo'nuk, imbirak inalik nogo nogogwaarik, aruk me eenggi mambege logonet, awoori waganogo amili paga nabembege, 34eeppege nagagirik, ena mbogut paga ni'nage logonet, ”Ai!” mbake nagagirik, ”Epata o,” yoreegerak. (Ti yoreegerak ti, nit ninoone paga, ”Karuk paa'naru o,” yoreegerak.)
35Yoge mbareegi, aruk paa'nage, oone lek nogo oone warak age, age nagagirik, oone abe aret yereegerak. 36Oone abe ari mbareegi, at Yetut nen aakumi time wonogwe nogo inaruk wake logonet, ”Aakumi abu yoraagup o,” yoragaatak kwe, kagak, oone tagambunuk, yoranet negak mban eeko nogogwaarak. 37Yoranet nugwi nogo inaruk konenggo nogogwaarik, yogo logonet, ”Inaruk logu nogo inaruk paarogo piige, inoone lek nogo inoone warak agago piige, eeginabit nege logonet, yi eekak ndi eekak obeelom mban eerit nege yi, wi!” yinuk, inagabiti ogo nagaatik, pi wako nogogwaarak.
Currently Selected:
MARAKUT 7: WNO
Highlight
Share
Copy
Want to have your highlights saved across all your devices? Sign up or sign in
MARAKUT 7
7
It inombomini eeko nogogwaarak mamunik wone
(Mat 15:1-9)
1It Yerutalem nen wogogwaarak aap Pariti mendek inom, it Ala wone liiru mbanak unde ando inom, Yetut owagam kuwak ogogwaarik, 2at Yetut oone waganggwi nogo ineenggi niyo kooka'lek we ugun aret mbi nunggwi inigen iyareegwaarak.
3-4(It Pariti mendek nogo inom, it Yakuri mendek nogo inom, it abok aret inombomini nen eeko nogogwaarak mamunik eeko logonet, ineenggi kooka'lek mbi nunggwi, mbi kunggo menggam nogome nen wogo nagaatik, inabin kooka'lek logonet, mbi nunggwi, eeko logolik o. It inombomini eeko nogogwaarak mamunik me eeko logonet, yiiwak mbuulogwe inom, yo'nggok inom, mbutiiwak inom, kooko menggaarak.)
5Togop eeko menggaarak me, it Pariti mendek nogo inom, it Ala wone liiru mbanak unde nogo inom, Yetut yogo logonet, ”Kat koone waganggwi yi, ninombomini eeko nogogwaarak wone mamunik nogo eeka'lek logonet, nonggop nduk ineenggi kooka'lek ugun aret mbi nonggo agaarik o?”
6Yogo mbareegwa, at Yetut nen yorage logonet,
”Kit aakumi yi, kinambe paga an wogoppanugwi kwe,
kiniki perak, ninom ogoorak aret wonogwe o.
7Kit mamunirogo monggotak ti, aakumi inoone yugu
kagak, mamunirogo monggotak me,
aanom warogo alut ee'nako ogotik o,
yinuk, Ala yereegerak nogo, at Yetaya nen kit kiniki laakot logonet eekwi kiinok, abet aret liiru mbaneegerak o. 8At Ala wone lengganak nogo tebenogo punuk, kit kinombomini eeko nogogwaarak mamunik me eeko monggotak kiigi o,” yinuk, yoragagerak.
9Yorage nagagirik, ”Kit kinombomini eeko nogogwaarak mamunik me eeko logorak mba'nuk, at Ala nen yereegerak wone mbo pugwi yi, kit obeelom aret kiigi o. 10At Muta nen. Kinagalo-kinogoba inoone liirogon konenggo logonet, inayuk wuko logonip o. Ndi, kinagalo-kinogoba inoone taganggwi kiinok ti, kambumunggup aret o, yinuk, yereegerak kwe, 11kit nogo kinagalo-kinogoba yorogo logonet, Namendek wokkiriyak mbakirak kwe, Koraban o, yinuk, yagarak o. Ti, Ala ake wogogirak o, yinuk, yogwe kiinok, 12kinagalo-kinogoba inake agago piyoorak lek nduk, Koraban o, yinuk, yogwe kiigi o. 13Kinombomini nen eeko nogogwaarak mamunik me aakumi yorogo monggotak nogo eerit nogwe paga, Ala wone ti taganogo mbo pugwi kiigi. Ti eeko menggaarak kwak, kit togop ambik aret eerit nogo monggotak kiigi o,” yoragagerak.
Nano paga maluk ee'ninake menggerak yoragagerak wone
(Mat 15:10-20)
14Yorage nagagirik, it aakumi ambik wiiragagerak nogo, abok wogo mbareegwa, yorage logonet, ”Kit abok aret an noone kinaruk liirogon konembunuk, waganggo logonip o,” 15yorage nagagirik, ”Nonggo monggotak ti paga maluk eekkinakeelik o. Ata, wone kinikime nen wunggetak paga mban maluk eekkinake menggerak o. 16Kinaruk wonage kenok, liirogon aret konenggo logonip o,” yinuk, yoragagerak.
17Yorage nagagirik, aakumi nogo teppiinok, oome unggwage mbareegi, at oone waganggwi nogo nen, ”Kat eegu laarogo negen yo'niragandak nogo ti, liirogon yo'niret o,” 18-19yogo mbareegwa, at nogo nen, ”Kit kunduk kiniki liippega'lek logonet, yogo ogotik? Yi mendek ndi mendek nonggo monggotak nogo kinikime unggwageelik o. We, kinaanogum me wangge nagaatik, mbo pi nogo monggotak me, yi mendek ndi mendek nonggo monggotak paga maluk eekkinakeelik yi kogo ogotik?” yoragagerak. (Wone ti yoragagerak nogo, nonggo menggaarak mendek abok aret mage lek nduk yoragagerak.)
20Yorage nagagirik, ti'nuk, ambi yorage logonet, ”Kinikime nen wunggetak paga maluk aret eekkinake menggerak. 21Kinikime nen maluk eeriyak koonggwi, komologwe tawe ugun yogot wuginakwi, yogot waganggwi, aap wakwi, 22mbabi eekwi, aap inamendek uugwe-ugwe agan nugwi, maluk mban eekwi, inambokan laganggwi, iniki kumi paga mban luunik logonet kumili negen ugun-ugun eerit nugwi, kiniki aagi wungge, inabok mbanggwi, wogoppatit nugwi, kiniki mbanak negen eerit nugwi, 23ti, eerit nugu monggotak ti abok aret kinikime nen aret wunggetak paga mban maluk eekkinake menggerak o,” yoragagerak.
Kwe ambi iniki abet mbareegerak wone
(Mat 15:21-28)
24Yoraanok, o time mbo punuk, o Tirut unggwi wagagerak. Unggwi wage nagagirik, o ambi wurik me unggwagagerak nogome logonet, ”Aakumi neegwi iyo, kumaarak logokit,” mbareegerak kwe, meek agagerak. 25-26Meek age mbareegi, kwe ambi eebe Yunani mendek kwe, nda nagagim awi alom o Penitiya Tiro mendek me, aagaluk kolaga nogo kugi maluk mendek inikime unggwagagerak nogo Yetut wage aruk konembunuk, at owagam nagagerak. Nage nagagirik, abu'me tebe yinuk, abuwa warak nggo-nggo logonet, ”Ai, nogoba,” yinuk, ”An naagaluk kugi inikime unggwagagerak me, nggiginogo nappenok nduk yokkigi o,” yoreegerak.
27Yoge mbareegi, at Yetut nen, ”It elege-aabologwe inambi ndonggorogon nawak o. Nengga'lek iigak, inake aago ndinogo nggeewo wogoriyak ti mage o.”
28Yoge mbareegi, at kwe nogo nen, ”Aret kwe, nogoba. Elegeaabologwe inambi nunggwi iigak, anggen yumbu-yumbu eyo ndoonak mbi nonggo menggam abu'me wanggetak ti, nggeewo aret nonggo menggaarak o,” yoreegerak.
29Yoge mbareegi, at nen, ”Kat wone obeelom togop aret yagandak ti paga kugi kaagaluk inikime unggwagagerak nogo muk nggigik togon wunggerak me, kame nak o.”
30Yoge mbareegi, ame nage nagagirik, aagaluk nogo kugi inikime wungge nagaarik, obeelom agaarak windak minggim windak wonage me ka nagagerak.
Yetut nen aap aruk logu oone lek me, obeelom eereegerak wone
31Ti eeppege nagagirik, at Yetut nogo nen o Turut teppunuk, o Ndekapolit tu paga nen o Tiron unggwagak niyo Nggalileya aa'nggi paga ari nagagerak. 32Ari nagagerak me, it aakumi time nogo nen aap aruk logu oone lek me wonok, at Yetut owagam pi nogo nogogwaarik, Yetut nen eenggi oba pigaawak nduk, inabuwa warak nggonggo logonet, yoreegwaarak. 33Yogo mbareegwa, it aakumi ambik aago nogo teppiinok, at aruk logu nogo, ”Omok o,” yo'nuk, imbirak inalik nogo nogogwaarik, aruk me eenggi mambege logonet, awoori waganogo amili paga nabembege, 34eeppege nagagirik, ena mbogut paga ni'nage logonet, ”Ai!” mbake nagagirik, ”Epata o,” yoreegerak. (Ti yoreegerak ti, nit ninoone paga, ”Karuk paa'naru o,” yoreegerak.)
35Yoge mbareegi, aruk paa'nage, oone lek nogo oone warak age, age nagagirik, oone abe aret yereegerak. 36Oone abe ari mbareegi, at Yetut nen aakumi time wonogwe nogo inaruk wake logonet, ”Aakumi abu yoraagup o,” yoragaatak kwe, kagak, oone tagambunuk, yoranet negak mban eeko nogogwaarak. 37Yoranet nugwi nogo inaruk konenggo nogogwaarik, yogo logonet, ”Inaruk logu nogo inaruk paarogo piige, inoone lek nogo inoone warak agago piige, eeginabit nege logonet, yi eekak ndi eekak obeelom mban eerit nege yi, wi!” yinuk, inagabiti ogo nagaatik, pi wako nogogwaarak.
Currently Selected:
:
Highlight
Share
Copy
Want to have your highlights saved across all your devices? Sign up or sign in