MARAKUT 8
8
Yetut nen aap ineebe 4000 mbi karerogo wogoragagerak wone
(Mat 15:32-39)
1Ti eerit nage nagagirik nogome wonage me, aakumi ambik at owagam kuwak ari wogogwaarak. Kuwak ari wogogwaarak nogo, inambi noorak lek aret me, at oone waganggwi nogo wiiragagerak wogo mbareegwa, yorage logonet, 2”Wologo wae! It aakumi ambik yi, ninom nogo 3 yogo logonet, inambi abu lek agaarak me, inabuwa o. 3It ando inawi ndaanda nen wagaarak me, iname nappiige neenok, nogo logonet, mbi abu nen inambuluk pigin mbaki o.”
4Yorage mbareegi, at oone waganggwi nogo nen, ”O karume yime aakumi inawi wurik lek me, it aakumi ambik yi mbi ngga mendek wogoramonggoorak ndak nagun mbaken?”
5Yogo mbareegwa, at Yetut nen, ”Kit roti mbi larak mande porogo ogotik o?”
Yorage mbareegi, ”Lek o. We 7 aret porogo ogoorik o,” yoreegwaarak.
6Yogo mbareegwa, at Yetut nogo nen aakumi ambik kuwak aago nogo kwi'naruwak nduk yorage nagagirik, roti mbi 7 nogo eenggim wappunuk, ”Ala wa!” yinuk, karerogo aakumi tumburiraawak nduk, at oone waganggwi nogo wogorage mbareegi, tumburirogogwaarak. 7Tumburirogo mbareegwa, ikan mbuulogwe mbereeluk aret wonage me, ”Ala wa!” yinuk, tamban eeke nagagirik, ”Ikan yi inom tumburiraanip o,” yinuk, wogoragagerak. 8Wogorage mbareegi, nonggo nogogwaarik, ndonggoppiyareegerak. Ndonggoppiige mbareegi, mbi karerak ando ndiinogo pereegwaarak nogo, yum 7 eno korok togon yonggologo pereegwaarak. 9It nunggugwaarak nogo, aakumi ineebe ambik 4000 negen aret nunggugwaarak me, iname nappiinok, 10at Yetut at oone waganggwi nogo inom yiiro paga unggwogo nogogwaarik, o Ndalamanuta aret wunda nogogwaarak.
It Pariti mendek nen, ”Nineenu ariyak mendek eeke keyaawi o,” yoreegwaarak wone
(Mat 16:1-4)
11O Ndalamanuta wunda nogo mbareegwa, it Pariti mendek nen at owagam wogo nogogwaarik, inom wone wako logonet, ”Nineenu ariyak mbogut paga mendek ambi eeke keyaawi o,” yinuk, at eeke abut mbanuwok nduk yoreegwaarak. 12Yogo mbareegwa, at Yetut nen, ”Ai!” yinuk, yorage logonet, ”Kit aakumi yogondak wonogwe yi, nonggop nduk, nineenu ariyak mendek ambi eeke keyaawi mban yo'nogo ogotik? Kineenu ariyak mendek ambi eeke neyaamunggup mondok lek o, yinuk, abet aret yokkirage agarik o,” yinuk, yoragagerak.
It aap Pariti inom, Keroret inom ti, roti mbi piike menggerak pogom yoragagerak wone
(Mat 16:5-12)
13Yorage nagagirik, it nogo teppiinok, yiiro paga unggwage nagagirik, wunda nawok nduk, 14inom yiiro paga wage logonet, roti mbi larak nogo inami a'nuk, we ambit aret wonok wogwe me. 15Yetut nen, ”It aap Pariti mendek inom, at Keroret inom, inoone ti, roti mbi piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.
16Inaruk wake logonet yoragagerak nogo, it-it wone mbanggo logonet, ”Roti mbi larak lek kenok, yo'nirage kogo o,” 17yogwe at Yetut yelok iige nagagirik, ”Kit nonggop nduk, roti mbi lek wone yogo ogotik? Kit awo liippega'lek kobak logonet, yogo ogotik? An yokkiragarak nogo kiniki apit logonet, yogo ogotik? 18Kit kinigen wonage kwe, kaga'lek negen logonet, yogo ogotik? Kinaruk wonage kwe, konengga'lek logonet, yogo ogotik? 19Roti mbi 5 paga it yi aap ndi aap ambik 5000 aret kareriragagirak nogo kiniki abeka'lek logonet, yogo ogotik? Mbi karerak ndiinogo pegaarak nogo kuwak agago yum mande eno korok togon yonggokotak?”
Yorage mbareegi, it nogo, ”Lek o. Yum 12 aret yonggokoorak o.”
20Yogo mbareegwa, ”Ti'nuk, it yi aap ndi aap 4000 aret mbi roti nawak nduk karerogo wokkirage mbaki, karerak ndiinogo pegaarak nogo mbirim yum mande eno korok togon yonggokotak o?”
Yorage mbareegi, it nogo nen, ”Yum 7 aret yonggokoorak o.”
21Yogo mbareegwa, at nen, ”Yogondak kunduk kit awo liippega'lek logonet yogo ogotik?” yoragagerak.
Yetut nen o Mbetayira aap enegen mbuk me obeelom eereegerak wone
22Yorage nagagirik, ti'nuk, o Mbetayira wogogwaarak. Wogo mbareegwa, it aakumi time nen aap enegen mbuk me at owagam wonok wogo nogogwaarik, Yetut nen at oba eenggi pigaawak nduk, inabuwa warak nggo-nggo logonet, Yetut yoreegwaarak. 23Yogo mbareegwa, at Yetut nogo nen oore'nggam time nen eenggi piganok, wonok endekem wundi nagagerak. Nage nagagirik, woori enegen me lenggembege, eebe eenggi pigagangge, eeppege nagagirik, ”Yogondak yi mendek ndi mendek muk kagan a?”
24Yinuk, yoge mbareegi, at enegen pagak yikit nduk eeke kagak, ”Aakumi negen iige kwe, eyo negen nugwi iigi o.”
25Ari mbareegi, ti'nuk, at eenggi enegen me nobake mbareegi, aap nogo enegen looge logonet, abe aret pagak ari nagagirik, yi mendek ndi mendek abok aret tena'me enegen kagagerak. 26Enegen obeelom eeppege nagagirik, ”Oore'nggam time unggugun o,” yinuk, ame nappereegerak.
Peterut nen, ”Kat Keritut aret o,” yinuk, paganogo yoreegerak wone
(Mat 16:13-20, Luk 9:18-21)
27Nappege nagagirik, Yetut at oone waganggwi inom o time nen o Kayitareya Pilipi o tini lombok time aret nugu nogogwaarak. Tu paga wogo logonet, at nen, ”It aakumi an ta nomba'nuk, yogo agaarik o?”
28Yinuk, at oone waganggwi nogo yorage mbareegi, it nogo nen, ”It ando nen, kat Yaya Yiime Wuppiige Menggerak nogo aret yogwe, ndi, it ando nen, Kat Eliyat aret yogwe, ndi, ando nen, Aap ambi Ala wone yorogo menggaarak nabi nogo mendek aret yogwe, eeko agaarik o.”
29Yogo mbareegwa, at nen, ”Kit perak, an ta nomba'nuk, yogo monggotak?”
Yorage mbareegi, at Peterut nen, ”Lek o. Ala nen leenogo mippagareegerak Mesias kat aret o,” yoreegerak.
30Yoge mbareegi, ”An nabok ti, aakumi ambi paganogo yoraagup o,” yinuk, inaruk wareegerak.
Yetut nen, ”Noba aaninggin-paaninggi agago paninuk noorugun o,” yinuk, yoragagerak wone
(Mat 16:21-28, Luk 9:22-27)
31Inaruk wappege nagagirik, wone yorage logonet, ”An aap aret nda'nagagirak nogo, mondok noba aaninggin-paaninggin agago panugun o. It aap inanggok inom, it Ala unde inoweewi inom, it Ala wone liiru mbanak unde inom ineebi nen nooko mbarumengga, nogo mbere yippunuk, neenik arigin o,” yinuk, 32wone paganogo yoragagerak. Paganogo yorage mbareegi, at Peterut nen Yetut nomorogon wonok nage nagagirik, ”Togop yugun o,” yinuk, aruk warikit nduk eeke kagak, 33at Yetut nen at oone waganggwi nogo ena logurogon pegiige nagagirik, Peterut mberege logonet, ”Kat Ibilit yi, Ala iniki mbake nogo eeka'lek aakumi iniki mbakwi mendek eeke menggendak me, mondok nak o,” yinuk, mberereegerak.
34Mberege mbareegi, it aakumi kuwak aago inom, at oone waganggwi nogo inom, wiiragagerak wogo mbareegwa, yorage logonet, ”An ninom nugu logorak mbakwi kenok, kit yi mendek ndi mendek eeriyak mbakwi nogo mbo punuk, eyo karo-karo paga nabembinagarak nogo, ko'nok an ninom aret nugu logowok o. 35Kineebe kinili yikkolamonggotak kenok, kineebe kobak aret arumunggup o. Ndi, an nendage inom, obeelom wone inom nggwok aruwak nduk, kineebe wondet agago patumonggotak kenok perak, kineebe kinili aago aret logomunggup o. 36Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nugu logomunggup mbakop? 37Kineebe kobak arumonggotak kenok, obaane'me nano patiyak o? 38It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naane'le mbangga'lek logomonggotak kenok, an aap aret nda'nagagirak yi, peebi an nogoba amendik-amendek li'luk ee'nuk, it mbogut paga Ala yonggo nappiige menggerak melaikat ninom wogo logomonggoorik, an kunduk aakumi nagabiti nen kinaane'le mbanigin lek o,” yinuk, yoragagerak.
Currently Selected:
MARAKUT 8: WNO
Highlight
Share
Copy
Want to have your highlights saved across all your devices? Sign up or sign in
MARAKUT 8
8
Yetut nen aap ineebe 4000 mbi karerogo wogoragagerak wone
(Mat 15:32-39)
1Ti eerit nage nagagirik nogome wonage me, aakumi ambik at owagam kuwak ari wogogwaarak. Kuwak ari wogogwaarak nogo, inambi noorak lek aret me, at oone waganggwi nogo wiiragagerak wogo mbareegwa, yorage logonet, 2”Wologo wae! It aakumi ambik yi, ninom nogo 3 yogo logonet, inambi abu lek agaarak me, inabuwa o. 3It ando inawi ndaanda nen wagaarak me, iname nappiige neenok, nogo logonet, mbi abu nen inambuluk pigin mbaki o.”
4Yorage mbareegi, at oone waganggwi nogo nen, ”O karume yime aakumi inawi wurik lek me, it aakumi ambik yi mbi ngga mendek wogoramonggoorak ndak nagun mbaken?”
5Yogo mbareegwa, at Yetut nen, ”Kit roti mbi larak mande porogo ogotik o?”
Yorage mbareegi, ”Lek o. We 7 aret porogo ogoorik o,” yoreegwaarak.
6Yogo mbareegwa, at Yetut nogo nen aakumi ambik kuwak aago nogo kwi'naruwak nduk yorage nagagirik, roti mbi 7 nogo eenggim wappunuk, ”Ala wa!” yinuk, karerogo aakumi tumburiraawak nduk, at oone waganggwi nogo wogorage mbareegi, tumburirogogwaarak. 7Tumburirogo mbareegwa, ikan mbuulogwe mbereeluk aret wonage me, ”Ala wa!” yinuk, tamban eeke nagagirik, ”Ikan yi inom tumburiraanip o,” yinuk, wogoragagerak. 8Wogorage mbareegi, nonggo nogogwaarik, ndonggoppiyareegerak. Ndonggoppiige mbareegi, mbi karerak ando ndiinogo pereegwaarak nogo, yum 7 eno korok togon yonggologo pereegwaarak. 9It nunggugwaarak nogo, aakumi ineebe ambik 4000 negen aret nunggugwaarak me, iname nappiinok, 10at Yetut at oone waganggwi nogo inom yiiro paga unggwogo nogogwaarik, o Ndalamanuta aret wunda nogogwaarak.
It Pariti mendek nen, ”Nineenu ariyak mendek eeke keyaawi o,” yoreegwaarak wone
(Mat 16:1-4)
11O Ndalamanuta wunda nogo mbareegwa, it Pariti mendek nen at owagam wogo nogogwaarik, inom wone wako logonet, ”Nineenu ariyak mbogut paga mendek ambi eeke keyaawi o,” yinuk, at eeke abut mbanuwok nduk yoreegwaarak. 12Yogo mbareegwa, at Yetut nen, ”Ai!” yinuk, yorage logonet, ”Kit aakumi yogondak wonogwe yi, nonggop nduk, nineenu ariyak mendek ambi eeke keyaawi mban yo'nogo ogotik? Kineenu ariyak mendek ambi eeke neyaamunggup mondok lek o, yinuk, abet aret yokkirage agarik o,” yinuk, yoragagerak.
It aap Pariti inom, Keroret inom ti, roti mbi piike menggerak pogom yoragagerak wone
(Mat 16:5-12)
13Yorage nagagirik, it nogo teppiinok, yiiro paga unggwage nagagirik, wunda nawok nduk, 14inom yiiro paga wage logonet, roti mbi larak nogo inami a'nuk, we ambit aret wonok wogwe me. 15Yetut nen, ”It aap Pariti mendek inom, at Keroret inom, inoone ti, roti mbi piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.
16Inaruk wake logonet yoragagerak nogo, it-it wone mbanggo logonet, ”Roti mbi larak lek kenok, yo'nirage kogo o,” 17yogwe at Yetut yelok iige nagagirik, ”Kit nonggop nduk, roti mbi lek wone yogo ogotik? Kit awo liippega'lek kobak logonet, yogo ogotik? An yokkiragarak nogo kiniki apit logonet, yogo ogotik? 18Kit kinigen wonage kwe, kaga'lek negen logonet, yogo ogotik? Kinaruk wonage kwe, konengga'lek logonet, yogo ogotik? 19Roti mbi 5 paga it yi aap ndi aap ambik 5000 aret kareriragagirak nogo kiniki abeka'lek logonet, yogo ogotik? Mbi karerak ndiinogo pegaarak nogo kuwak agago yum mande eno korok togon yonggokotak?”
Yorage mbareegi, it nogo, ”Lek o. Yum 12 aret yonggokoorak o.”
20Yogo mbareegwa, ”Ti'nuk, it yi aap ndi aap 4000 aret mbi roti nawak nduk karerogo wokkirage mbaki, karerak ndiinogo pegaarak nogo mbirim yum mande eno korok togon yonggokotak o?”
Yorage mbareegi, it nogo nen, ”Yum 7 aret yonggokoorak o.”
21Yogo mbareegwa, at nen, ”Yogondak kunduk kit awo liippega'lek logonet yogo ogotik?” yoragagerak.
Yetut nen o Mbetayira aap enegen mbuk me obeelom eereegerak wone
22Yorage nagagirik, ti'nuk, o Mbetayira wogogwaarak. Wogo mbareegwa, it aakumi time nen aap enegen mbuk me at owagam wonok wogo nogogwaarik, Yetut nen at oba eenggi pigaawak nduk, inabuwa warak nggo-nggo logonet, Yetut yoreegwaarak. 23Yogo mbareegwa, at Yetut nogo nen oore'nggam time nen eenggi piganok, wonok endekem wundi nagagerak. Nage nagagirik, woori enegen me lenggembege, eebe eenggi pigagangge, eeppege nagagirik, ”Yogondak yi mendek ndi mendek muk kagan a?”
24Yinuk, yoge mbareegi, at enegen pagak yikit nduk eeke kagak, ”Aakumi negen iige kwe, eyo negen nugwi iigi o.”
25Ari mbareegi, ti'nuk, at eenggi enegen me nobake mbareegi, aap nogo enegen looge logonet, abe aret pagak ari nagagirik, yi mendek ndi mendek abok aret tena'me enegen kagagerak. 26Enegen obeelom eeppege nagagirik, ”Oore'nggam time unggugun o,” yinuk, ame nappereegerak.
Peterut nen, ”Kat Keritut aret o,” yinuk, paganogo yoreegerak wone
(Mat 16:13-20, Luk 9:18-21)
27Nappege nagagirik, Yetut at oone waganggwi inom o time nen o Kayitareya Pilipi o tini lombok time aret nugu nogogwaarak. Tu paga wogo logonet, at nen, ”It aakumi an ta nomba'nuk, yogo agaarik o?”
28Yinuk, at oone waganggwi nogo yorage mbareegi, it nogo nen, ”It ando nen, kat Yaya Yiime Wuppiige Menggerak nogo aret yogwe, ndi, it ando nen, Kat Eliyat aret yogwe, ndi, ando nen, Aap ambi Ala wone yorogo menggaarak nabi nogo mendek aret yogwe, eeko agaarik o.”
29Yogo mbareegwa, at nen, ”Kit perak, an ta nomba'nuk, yogo monggotak?”
Yorage mbareegi, at Peterut nen, ”Lek o. Ala nen leenogo mippagareegerak Mesias kat aret o,” yoreegerak.
30Yoge mbareegi, ”An nabok ti, aakumi ambi paganogo yoraagup o,” yinuk, inaruk wareegerak.
Yetut nen, ”Noba aaninggin-paaninggi agago paninuk noorugun o,” yinuk, yoragagerak wone
(Mat 16:21-28, Luk 9:22-27)
31Inaruk wappege nagagirik, wone yorage logonet, ”An aap aret nda'nagagirak nogo, mondok noba aaninggin-paaninggin agago panugun o. It aap inanggok inom, it Ala unde inoweewi inom, it Ala wone liiru mbanak unde inom ineebi nen nooko mbarumengga, nogo mbere yippunuk, neenik arigin o,” yinuk, 32wone paganogo yoragagerak. Paganogo yorage mbareegi, at Peterut nen Yetut nomorogon wonok nage nagagirik, ”Togop yugun o,” yinuk, aruk warikit nduk eeke kagak, 33at Yetut nen at oone waganggwi nogo ena logurogon pegiige nagagirik, Peterut mberege logonet, ”Kat Ibilit yi, Ala iniki mbake nogo eeka'lek aakumi iniki mbakwi mendek eeke menggendak me, mondok nak o,” yinuk, mberereegerak.
34Mberege mbareegi, it aakumi kuwak aago inom, at oone waganggwi nogo inom, wiiragagerak wogo mbareegwa, yorage logonet, ”An ninom nugu logorak mbakwi kenok, kit yi mendek ndi mendek eeriyak mbakwi nogo mbo punuk, eyo karo-karo paga nabembinagarak nogo, ko'nok an ninom aret nugu logowok o. 35Kineebe kinili yikkolamonggotak kenok, kineebe kobak aret arumunggup o. Ndi, an nendage inom, obeelom wone inom nggwok aruwak nduk, kineebe wondet agago patumonggotak kenok perak, kineebe kinili aago aret logomunggup o. 36Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nugu logomunggup mbakop? 37Kineebe kobak arumonggotak kenok, obaane'me nano patiyak o? 38It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naane'le mbangga'lek logomonggotak kenok, an aap aret nda'nagagirak yi, peebi an nogoba amendik-amendek li'luk ee'nuk, it mbogut paga Ala yonggo nappiige menggerak melaikat ninom wogo logomonggoorik, an kunduk aakumi nagabiti nen kinaane'le mbanigin lek o,” yinuk, yoragagerak.
Currently Selected:
:
Highlight
Share
Copy
Want to have your highlights saved across all your devices? Sign up or sign in