ԾՆՈՒՆԴՔ Գլուխ ԺԸ
Գլուխ ԺԸ
1 Եւ երեւեցաւ նմա #18։1 Եբր. ՏէրԱստուած առ կաղնեաւն Մամբրէի, մինչդեռ նստէր առ դուրս խորանի իւրոյ ի միջօրէի։ 2Ամբարձեալ զաչս իւր եւ ետես, եւ ահա արք երեք կային ի վերոյ քան զնա. եւ իբրեւ ետես, ընթացաւ ընդ առաջ նոցա ի դրանէ խորանին իւրոյ, եւ երկիր եպագ ի վերայ երկրի 3եւ ասէ. Տէր, եթէ գտի շնորհս առաջի քո, մի՛ զանց առներ ի ծառայէ քումմէ։ 4Այլ առցի սակաւ մի ջուր, եւ լուասցեն զոտս ձեր, եւ զովասջիք ընդ ծառովս։ 5Եւ առից հաց եւ կերիջիք, եւ ապա երթիջիք զճանապարհ ձեր. փոխանակ զի դարձարուք առ ծառայ ձեր։ Եւ ասեն. Այդպէս արա, որպէս ասացերդ։ 6Եւ պնդեցաւ Աբրահամ ի խորանն առ Սառա, եւ ասէ ցնա. Փութա թրեա գրիւս երիս ալեր նաշհոյ, եւ արա նկանս։ 7Եւ յանդեայ ընթացաւ Աբրահամ, եւ առ որթ մի մատաղ եւ բարի եւ ետ ցպատանին, եւ փութացոյց վաղվաղակի հասուցանել։ 8Եւ առ կոգի եւ կաթն եւ զորթն զոր հասոյց, եւ եդ առաջի նոցա եւ կերան. եւ նա կայր առաջի նոցա ընդ ծառովն։ 9Եւ ասեն ցնա. Ո՞ւր է Սառա կին քո։ Նա պատասխանի ետ եւ ասէ. Ահաւանիկ ի խորանի անդ է։ 10Եւ ասէ. Դարձեալ եկից առ քեզ #18։10 Եբր. ըստ ժամանակի կենացի ժամանակի յայսմիկ ի սոյն աւուրս՝՝, եւ ունիցի որդի Սառա կին քո. եւ Սառա ունկն դնէր առ դրան խորանին, քանզի յետոյ նորա կայր։ 11Եւ Աբրահամ եւ Սառա ծերացեալք էին եւ անցեալք զաւուրբք, եւ պակասեալ էր ի Սառայէ լինել ի կանանց օրինի։ 12Ծիծաղեցաւ Սառա ընդ միտս եւ ասէ. #18։12 Եբր. Եւ արդ զի ծերացայ, եղիցի ինձ փափկութի՞ւնՈր ինչ ցայժմ ոչ եղեւ ինձ՝ ա՞րդ լինիցի՝՝. եւ տէր իմ ծերացեալ է։ 13Եւ ասէ Տէր ցԱբրահամ. Զի՞ է զի ծիծաղեցաւ Սառա ընդ միտս իւր եւ ասէ, թէ Արդարեւ ծնանիցի՞մ, զի ահա ես պառաւեալ եմ։ 14Միթէ տկարանայցէ՞ առ ի #18։14 Եբր. ՏեառնէյԱստուծոյ բան. ի ժամանակի յայսմիկ դարձայց առ քեզ #18։14 Եբր. ըստ ժամանակի կենացի սոյն աւուրս՝՝, եւ եղիցի Սառայի որդի։ 15Ժխտեաց Սառա եւ ասէ, թէ Ոչ ծիծաղեցայ. քանզի երկեաւ։ Եւ ասէ. Ոչ այդպէս, այլ ծիծաղեցար։
16Եւ յարուցեալ անտի արանցն հայեցան ընդ երեսս Սոդոմացւոց #18։16 ՅԵբր. պակասէեւ Գոմորացւոց՝՝. եւ Աբրահամ երթայր ընդ նոսա յուղարկել զնոսա։ 17Եւ ասէ Տէր. Միթէ թաքո՞ւստ ինչ իցէ յԱբրահամէ #18։17 ՅԵբր. պակասէծառայէ իմմէ՝՝ զոր ինչ գործելոց եմ։ 18Այլ Աբրահամ լինելով լինիցի յազգ մեծ եւ ի բազում, եւ օրհնեսցին ի նա ամենայն ազգք երկրի։ 19Քանզի գիտէի եթէ պատուիրեսցէ որդւոց իւրոց եւ տան իւրոյ յետ իւր՝ պահել զճանապարհս Տեառն եւ առնել զարդարութիւն եւ զիրաւունս. եւ ածցէ Տէր #18։19 ՅԵբր. պակասէԱստուած ի վերայ Աբրահամու զամենայն զոր խօսեցաւ ընդ նմա։ 20Եւ ասէ Տէր. Աղաղակ Սոդոմացւոց եւ Գոմորացւոց յաճախեաց, եւ մեղք նոցա մեծացան յոյժ։ 21Եւ արդ իջեալ տեսից եթէ ըստ աղաղակին նոցա որ յիսն հասանէ՝ վճարիցե՞ն. ապա թէ ոչ՝ զի գիտացից։ 22Եւ դարձեալ անտի արանցն եկին ի Սոդոմ. եւ Աբրահամ կայր առաջի Տեառն։
23Եւ մատուցեալ Աբրահամ ասէր. Միթէ կորուսանիցե՞ս զարդարն ընդ ամպարշտին, #18։23 ՅԵբր. պակասէեւ լինիցի՞ արդարն իբրեւ զամպարիշտն։՝՝ 24Եթէ իցեն յիսուն արդար ի քաղաքի, կորուսանիցե՞ս զնոսա, եւ ո՞չ ներիցես ամենայն տեղեացն վասն յիսուն արդարոյն եթէ իցեն ի նմա։ 25Քաւ լիցի քեզ առնել զայն բան. սպանանել զարդարն ընդ ամպարշտի, եւ լինիցի արդարն իբրեւ զամպարիշտն. քաւ լիցի քեզ որ դատիս զամենայն երկիր, մի՛ արասցես զայն դատաստան։ 26Եւ ասէ Տէր. Եթէ գտցի ի Սոդոմ յիսուն արդար ի քաղաքի անդ, թողացուցից ամենայն տեղեացն վասն նոցա։ 27Պատասխանի ետ Աբրահամ եւ ասէ. Այժմ սկսայ խօսել ընդ Տեառն, բայց ես հող եմ եւ մոխիր։ 28Եթէ պակասիցեն քան զյիսուն արդար հնգիւ չափ, կորուսանիցե՞ս վասն հնգիցն զամենայն քաղաքն։ Եւ ասէ. Ոչ կորուսից, եթէ գտցի անդ քառասուն եւ հինգ։ 29Եւ յաւել եւս խօսել ընդ նմա եւ ասէ. Իսկ եթէ գտցի անդ քառասուն։ Եւ ասէ. Ոչ կորուսից վասն քառասնիցն։ 30Եւ ասէ. #18։30 Եբր. Աղէ՛, մի բարկասցի Տէր իմՄիթէ իցէ՞ ինչ, Տէր,՝՝ եթէ խօսիցիմ։ Իսկ եթէ գտցի անդ երեսուն։ Եւ ասէ. Ոչ կորուսից, եթէ գտցի անդ երեսուն։ 31Եւ ասէ. Որովհետեւ կալայ խօսել ընդ Տեառն. եթէ գտցի անդ քսան։ Եւ ասէ. Ոչ կորուսից վասն քսանիցն։ 32Եւ ասէ. #18։32 Եբր. Աղէ՛, մի բարկասցի Տէր իմՄիթէ իցէ՞ ինչ, Տէր՝՝, եթէ խօսեցայց եւս մեւս անգամ. եթէ գտանիցի անդ տասն։ Եւ ասէ. Ոչ կորուսից վասն տասանցն։ 33Եւ գնաց Տէր իբրեւ լռեաց ի խօսելոյ անտի ընդ Աբրահամու, եւ Աբրահամ դարձաւ ի տեղի իւր։
Currently Selected:
ԾՆՈՒՆԴՔ Գլուխ ԺԸ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
