KEJADIAN 22
22
Allahn Abraham ubam hamloho waroho indokma yaluhun ibag ane
1 #
Ibr 11:17-19
Tot welatfareg Allahn Abraham inowen nele holmisi ano ulug wal hamin pibareg Abraham ulug wol tibag. Wol tibagma, ”Nikni, welahi,” ibagma 2Allahn hiyag utuk lit, ”Hamloho misig enehon hindi anggen tohon Ishak men Moria kinangma lalihip. Lalihipteg Anden punu eke hiyag huruhuk ambeg lahakupteg hamloho An nubahet waroho indokma yaluhun,” ulug hiyag itfag.
3Hiyag itfagma nohibareg likiya hubet Abraham inowen Allah fahet hubu lahabuhuken walug lul ulug e ting-ting witfareg sum tug toho imbibahon wam keledai emberimu imbik lahibareg Ishak men amingmingangge piren men Allahn hiyag itfag ambeg libag. 4Larukmen eneg hup piren atfagma o hinahaneg angge laruk lit yet harukmen Allahn ibag ambeg ino onorohole fil tot yat toho weregma yet hibareg 5Abraham inowen amingmingangge piren itano fam hiyag isaruk lit, ”Hit keledai aru men tiya welatlihip. An namloho menen Ninikni Allah fam sembahyang ulen lendima lahulteg henembeg wamul,” ulug hiyag isibag.
6Hiyag isibareg Allah fahet hubu lahabul ulug e witfahon itano Ishak unggulmu ha ribibareg inggarehen indok huk men karog men seneko amloho men laruk latfag. 7Laruk lit Ishak inowen niyon ibagma Abraham inowen, ”Namloho, nungge?” ibag.
Ibagma Ishak inowen, ”Indok men e men wehe angge famen wam domba umalik indokma yaltulon kema wereg?” ulug kapal hibagma 8Abraham inowen, ”Namloho, Allahn hiyag nisamisiyon yaltul,” ibareg laruk latfag.
9 #
Yak 2:21
Libareg Allahn hiyag itfag ambeg ino lahibareg Abraham inowen Allah fahet hubu lahapmin ulug helep sengget watfareg e palimu yahare fibag. Yahare fibareg amloho Ishak ino inggik uyug hele fam pug toho e palimu yinggi fik lahibareg 10karog lisoho watmin ulug turukmen 11Ninikni Allah ot malaikat inowen poholman, ”Abraham, Abraham,” ulug wol tibagma Abraham inowen wo ibag.
12Wo ibagma malaikat inowen, ”Hamloho wabuk fug! At ubam nungge-nungge timihin fug. Haren An fahet hakol toho wereg lit nele holtuk lahenon ketiya An noluk aha. Hamloho misig enehon og nuruhun irikikmu nindi ulug umbat tarikin fug,” ibag.
13Ibagma Abraham inowen hebeloho yet harukmen wam domba hunon misig andimbuk fam alog-alog angge sehelimu heleyen het toho weregma yet hibareg wam ino wak libareg amloho ubalma Allah fahet waroho yalfag. 14Yalfag ambeg ino Abraham inowen unuk ”Ninikni Allahn Neneseher angge Og Nisarukon Wereg Ambeg” suwalfag. Suwalfag ane hikit toho ketiya oho aben uruk lit, ”Ninikni Allah antom fam neneseher angge wep toho wereg,” uruk.
15Malaikat inowen nin eke poholman Abraham fam ele uruk lit, 16#Ibr 6:13-14, 11:12”An Hikni Allahn ninggareg nunuk fam tik-tem toho iminon tu: Anden hamloho misig enehon og nuruhun irikikmu nindi ulug umbat tarikin fugmu 17Anden hat hineyap habuhukmu haren ondohowonen endebuhubon arimano suhal men ik yinggi saho ahik ayegma werehon men mondeg hag amuhupteg ap seliyon apmayap eneptuk lamuhup. 18#Kis 3:25; Gal 3:16Haren An nele holehenma fobik ap o pumbuk obog toho kinangma werehon arimanowen An nalukema waharuk lit, ’Abraham umbusagsi inineyap eneptikin hag toho nir oho ninineyap nenepmihin,’ ulug heng naptuk lamuhup,” ulug hiyag itfag. 19Hiyag itfagma Abraham ino amingmingangge piren imbisibag ambeg suhuloho wambik watfareg it ambiyeg o Bersyeba libareg mondabi welatfag.
Nahor umalikisi fahet ibag ane
20Welatfareg ap ekeyen Abraham hiyag utuk lit, ”He Milka inowen oho hot Nahor umalikisi indag itisi,” ulug hiyag itfag. 21Malik indag itfahon arimano wandabon unuk Us, ot unuk Bus, eke Aram ikni unuk Kemuel ino, 22Kesed, Hazo, Pildas, Yidlaf, Betuel men suwal enepfag. 23Malik likinen itano he Milka inowen Abraham ot Nahor indag itfag. Welatfareg hun Betuel inowen ahaloho Ribka indag tibag. 24Nahor inowen uhe eke hilibahon unuk Reuma inowen oho umalikisi Tebah, Gaham, Tahas, Maakha men indag enepfag.
Currently Selected:
KEJADIAN 22: YLI
Highlight
Share
Copy
Want to have your highlights saved across all your devices? Sign up or sign in
@ LAI 2018
KEJADIAN 22
22
Allahn Abraham ubam hamloho waroho indokma yaluhun ibag ane
1 #
Ibr 11:17-19
Tot welatfareg Allahn Abraham inowen nele holmisi ano ulug wal hamin pibareg Abraham ulug wol tibag. Wol tibagma, ”Nikni, welahi,” ibagma 2Allahn hiyag utuk lit, ”Hamloho misig enehon hindi anggen tohon Ishak men Moria kinangma lalihip. Lalihipteg Anden punu eke hiyag huruhuk ambeg lahakupteg hamloho An nubahet waroho indokma yaluhun,” ulug hiyag itfag.
3Hiyag itfagma nohibareg likiya hubet Abraham inowen Allah fahet hubu lahabuhuken walug lul ulug e ting-ting witfareg sum tug toho imbibahon wam keledai emberimu imbik lahibareg Ishak men amingmingangge piren men Allahn hiyag itfag ambeg libag. 4Larukmen eneg hup piren atfagma o hinahaneg angge laruk lit yet harukmen Allahn ibag ambeg ino onorohole fil tot yat toho weregma yet hibareg 5Abraham inowen amingmingangge piren itano fam hiyag isaruk lit, ”Hit keledai aru men tiya welatlihip. An namloho menen Ninikni Allah fam sembahyang ulen lendima lahulteg henembeg wamul,” ulug hiyag isibag.
6Hiyag isibareg Allah fahet hubu lahabul ulug e witfahon itano Ishak unggulmu ha ribibareg inggarehen indok huk men karog men seneko amloho men laruk latfag. 7Laruk lit Ishak inowen niyon ibagma Abraham inowen, ”Namloho, nungge?” ibag.
Ibagma Ishak inowen, ”Indok men e men wehe angge famen wam domba umalik indokma yaltulon kema wereg?” ulug kapal hibagma 8Abraham inowen, ”Namloho, Allahn hiyag nisamisiyon yaltul,” ibareg laruk latfag.
9 #
Yak 2:21
Libareg Allahn hiyag itfag ambeg ino lahibareg Abraham inowen Allah fahet hubu lahapmin ulug helep sengget watfareg e palimu yahare fibag. Yahare fibareg amloho Ishak ino inggik uyug hele fam pug toho e palimu yinggi fik lahibareg 10karog lisoho watmin ulug turukmen 11Ninikni Allah ot malaikat inowen poholman, ”Abraham, Abraham,” ulug wol tibagma Abraham inowen wo ibag.
12Wo ibagma malaikat inowen, ”Hamloho wabuk fug! At ubam nungge-nungge timihin fug. Haren An fahet hakol toho wereg lit nele holtuk lahenon ketiya An noluk aha. Hamloho misig enehon og nuruhun irikikmu nindi ulug umbat tarikin fug,” ibag.
13Ibagma Abraham inowen hebeloho yet harukmen wam domba hunon misig andimbuk fam alog-alog angge sehelimu heleyen het toho weregma yet hibareg wam ino wak libareg amloho ubalma Allah fahet waroho yalfag. 14Yalfag ambeg ino Abraham inowen unuk ”Ninikni Allahn Neneseher angge Og Nisarukon Wereg Ambeg” suwalfag. Suwalfag ane hikit toho ketiya oho aben uruk lit, ”Ninikni Allah antom fam neneseher angge wep toho wereg,” uruk.
15Malaikat inowen nin eke poholman Abraham fam ele uruk lit, 16#Ibr 6:13-14, 11:12”An Hikni Allahn ninggareg nunuk fam tik-tem toho iminon tu: Anden hamloho misig enehon og nuruhun irikikmu nindi ulug umbat tarikin fugmu 17Anden hat hineyap habuhukmu haren ondohowonen endebuhubon arimano suhal men ik yinggi saho ahik ayegma werehon men mondeg hag amuhupteg ap seliyon apmayap eneptuk lamuhup. 18#Kis 3:25; Gal 3:16Haren An nele holehenma fobik ap o pumbuk obog toho kinangma werehon arimanowen An nalukema waharuk lit, ’Abraham umbusagsi inineyap eneptikin hag toho nir oho ninineyap nenepmihin,’ ulug heng naptuk lamuhup,” ulug hiyag itfag. 19Hiyag itfagma Abraham ino amingmingangge piren imbisibag ambeg suhuloho wambik watfareg it ambiyeg o Bersyeba libareg mondabi welatfag.
Nahor umalikisi fahet ibag ane
20Welatfareg ap ekeyen Abraham hiyag utuk lit, ”He Milka inowen oho hot Nahor umalikisi indag itisi,” ulug hiyag itfag. 21Malik indag itfahon arimano wandabon unuk Us, ot unuk Bus, eke Aram ikni unuk Kemuel ino, 22Kesed, Hazo, Pildas, Yidlaf, Betuel men suwal enepfag. 23Malik likinen itano he Milka inowen Abraham ot Nahor indag itfag. Welatfareg hun Betuel inowen ahaloho Ribka indag tibag. 24Nahor inowen uhe eke hilibahon unuk Reuma inowen oho umalikisi Tebah, Gaham, Tahas, Maakha men indag enepfag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2018