KEJADIAN 23
23
Sara war atfagma owikmu kilapfag ane
1Sara ino indag tibag sali mo ilig am wirig am turukmu teng fuwaben 127 atfagma 2Kanaan kinang fam o Hebron inowen war atfag. War atfagma ahun Abraham inowen fong watuk latfag.
3Fong watuk latfareg Abraham ino uhe wareg ino olma embeselug Het inap o Hebron kinang ngi reg latfahon enembeg libareg hiyag isaruk lit, 4#Kis 7:16; Ibr 11:9, 13”An hit sehelimu pohon welahireg nuhe salmin ambeg fahet kinang tot hiyag nitlihiben heng henebik wahi,” ulug hiyag isibag.
5Hiyag isibagma iren uruk lit, 6”Ninikni, hat ap suwon nit sehelimu Allahn hineyap haptukmu welahenon hi haptuk lahe. Nit nenengginang ap warehon sal eneptuk lahe ambeg mondabi fanowon fam hat huhe oho salmihin. Ap saltuk ambeg nit wal tanehen tohon arimano sehelimuwon misig fam huhe salmihinon fahet nit obog tohowen fano peruk lahe,” ulug hiyag itfag.
7Hiyag itfagma Abraham it onolohotman orohole han kinangma sahung atfareg 8-9ele uruk lit, ”Hiren an nuhe tuma salmisi pehepma o Makhpela owik hun Zohar amloho Efron angginang iraham werehon ino onggo palminen hiyag itlihip ulug heng heneptuk lahi. Aren onggo heng napmisiyon hikit toho hit hiniline og itminteg kinang onggo palmin ambeg ino nuhe salminen an nangginang atmisi,” ulug hiyag isibag.
10O ino sambil hun Efron ino Het inap sehelimu elehet o pumbuk walinggoho ohowon sok iraham heriyeg lit Abrahamen ibag ane ino hol hibareg ap welatfahon obog toho iniline ele uruk lit, 11”Nikni, an nori obog toho aruma holegma huhe salmihinen kinang anden tohon ehenon ari men owik ino men saplangge og hutuk lahi,” ibag.
12Ibagma Abraham ino Het inap onolohotman kinangma sahung atfareg 13it obog toho iniline Efron fam ele uruk lit, ”Anden iminon tu holeg lamin. Kinang ino fam nuhe salminen onggo og hitminon senetmihin ulug heng haptuk lahi,” ulug hiyag itfag.
14Hiyag itfagma Efron inowen, 15”Nikni, huhe kinang ari fam salmihinen onggo anggolo wa fug teg ulug uang inggila teng-teng angge 400 uang perak heng haptuk lahiyon ita fahet hindi anggin ha fug,” ulug hiyag itfag. 16Hiyag itfagma Abrahamen fano ehek pibareg hun Efronen Het inap arimano iniline heng ibag ane hikit toho umbagpag turuk angge perak itano suburu anggin wirim haruk angge fam wirim hibareg hun Efron ino og itfag.
17Og itfareg hun Efron angginang Mamre yali fil o Makhpela werehon ino Abraham ino ngi atfag. Kinang ino fam yabuk wituk ambeg men owik men e obog toho walinggoho werehon men 18Abraham inggikmu aha ulug Het inap sok iraham welatfahon arimano obog tohowen onoluk atfag.
19Onoluk atfagma Abraham inowen Kanaan kinang fam o Hebron horogma Makhpela owikmu uhe Sara war atfahon ino kilapfag. 20Ari roho turuk lit tam Het inaben kinang seneg latfahonet owiket Abrahamen nuhe salmin ulug ngi atfag.
Currently Selected:
KEJADIAN 23: YLI
Highlight
Share
Copy
Want to have your highlights saved across all your devices? Sign up or sign in
@ LAI 2018
KEJADIAN 23
23
Sara war atfagma owikmu kilapfag ane
1Sara ino indag tibag sali mo ilig am wirig am turukmu teng fuwaben 127 atfagma 2Kanaan kinang fam o Hebron inowen war atfag. War atfagma ahun Abraham inowen fong watuk latfag.
3Fong watuk latfareg Abraham ino uhe wareg ino olma embeselug Het inap o Hebron kinang ngi reg latfahon enembeg libareg hiyag isaruk lit, 4#Kis 7:16; Ibr 11:9, 13”An hit sehelimu pohon welahireg nuhe salmin ambeg fahet kinang tot hiyag nitlihiben heng henebik wahi,” ulug hiyag isibag.
5Hiyag isibagma iren uruk lit, 6”Ninikni, hat ap suwon nit sehelimu Allahn hineyap haptukmu welahenon hi haptuk lahe. Nit nenengginang ap warehon sal eneptuk lahe ambeg mondabi fanowon fam hat huhe oho salmihin. Ap saltuk ambeg nit wal tanehen tohon arimano sehelimuwon misig fam huhe salmihinon fahet nit obog tohowen fano peruk lahe,” ulug hiyag itfag.
7Hiyag itfagma Abraham it onolohotman orohole han kinangma sahung atfareg 8-9ele uruk lit, ”Hiren an nuhe tuma salmisi pehepma o Makhpela owik hun Zohar amloho Efron angginang iraham werehon ino onggo palminen hiyag itlihip ulug heng heneptuk lahi. Aren onggo heng napmisiyon hikit toho hit hiniline og itminteg kinang onggo palmin ambeg ino nuhe salminen an nangginang atmisi,” ulug hiyag isibag.
10O ino sambil hun Efron ino Het inap sehelimu elehet o pumbuk walinggoho ohowon sok iraham heriyeg lit Abrahamen ibag ane ino hol hibareg ap welatfahon obog toho iniline ele uruk lit, 11”Nikni, an nori obog toho aruma holegma huhe salmihinen kinang anden tohon ehenon ari men owik ino men saplangge og hutuk lahi,” ibag.
12Ibagma Abraham ino Het inap onolohotman kinangma sahung atfareg 13it obog toho iniline Efron fam ele uruk lit, ”Anden iminon tu holeg lamin. Kinang ino fam nuhe salminen onggo og hitminon senetmihin ulug heng haptuk lahi,” ulug hiyag itfag.
14Hiyag itfagma Efron inowen, 15”Nikni, huhe kinang ari fam salmihinen onggo anggolo wa fug teg ulug uang inggila teng-teng angge 400 uang perak heng haptuk lahiyon ita fahet hindi anggin ha fug,” ulug hiyag itfag. 16Hiyag itfagma Abrahamen fano ehek pibareg hun Efronen Het inap arimano iniline heng ibag ane hikit toho umbagpag turuk angge perak itano suburu anggin wirim haruk angge fam wirim hibareg hun Efron ino og itfag.
17Og itfareg hun Efron angginang Mamre yali fil o Makhpela werehon ino Abraham ino ngi atfag. Kinang ino fam yabuk wituk ambeg men owik men e obog toho walinggoho werehon men 18Abraham inggikmu aha ulug Het inap sok iraham welatfahon arimano obog tohowen onoluk atfag.
19Onoluk atfagma Abraham inowen Kanaan kinang fam o Hebron horogma Makhpela owikmu uhe Sara war atfahon ino kilapfag. 20Ari roho turuk lit tam Het inaben kinang seneg latfahonet owiket Abrahamen nuhe salmin ulug ngi atfag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2018