KEJADIAN 26
26
Ishak o Gerar kinangma welatfag ane
1Abraham wereg li suburu obok humon lahibag hag toho kinang ino fam suburu obok eke lahibagma Ishak ino Filistin inap onowe suwon Abimelekh wereg ambeg o Gerar libag. 2Libagma Ninikni Allah at olohotma inam atuk lit ubam ele ibahon tu, ”Hat o Mesir wirig aruhun fug. We Anden hiyag hitmin ambeg welaruhun. 3#Kej 22:16-18Hat ap pohon hag toho o aru welaruhunmu An hat men wereg lit hineyap haptuk laruhuk. Anden kinang aru obog toho hat men haren ondohowonen endebuhubon men hunubam og hisaruk lit hikni Abraham ubam sali imbiyahon hikit toho hat hubam tuhuk. 4Anden hat hineyap habuhukmu haren ondohowonen endebuhubon arimano suhal poholma mondeg hag toho welamuhup. Welamuhupmu Anden kinang aru obog toho og isahuk. Ari roho turuk lit haren ondohowonen endebuhubon arimano feneyen Anden ap o pumbuk obog toho inineyap enebuhuk. 5Hikni Abraham inowen An nele holtuk lit hunubabut fano roho wereg lit tu men ari men turuk lamuhup iyag ane ino seneg latfag ane ari famen Anden hat hineyap haptuk laruhuk,” ulug hiyag itfag. 6Hiyag itfagma Ishak ino o Gerar wereg latfag.
7 #
Kej 12:13, 20:2 Welatfagma o Gerar inap arimanowen Ishak uhe fahet, ”Hiyap tu sa?” ulug kapal hibagma aren te, ”An not,” ibag. Ribka orohole fano rehen o tu inaben hilaruk lit nuwabuhup tohon ulug akolen tu an nuhe ibag fug. 8Ibag fugmu Filistin inap onowe suwon Abimelekh inowen o ele keyen yet harukmen Ishak uhe Ribka men mako pug-pug atukmu yet isibareg 9Abimelekh inowen Ishak wol tibareg ele uruk lit, ”Ari we tem toho hat huhe wereg angge famen nungge fahet an not irikin?” ibagma Ishak inowen ele uruk lit, ”Ap aruman at fahet nuwabuhup tohon ulug wenggel haruk lit irikik,” ibag. 10Ibagma Abimelekh inowen ele uruk lit, ”Nungge fahet alem ari hahon nunubam tirikin? Haren tirikinon ariyen o tu ahun ekeyen hat huhe men nohelepman alem siyahon nunubam alep,” ibareg 11umalikisi obog toho hiyag isaruk lit, ”Ap san ap aru men uhe men enele ying enebuhu halug at ino ware fusuhuk,” ulug hiyag isibag.
12Welatfareg Ninikni Allahn Ishak ineyap turukmu aren yatfag angge arimano mo ino fam anggen teng uhan yig atfag. 13Ari turukmu Ishak ino mun angge man angge anggolo inggikmu atukmen eneg tung ahun atfag. 14Tung ahun atfagma wereg lit wam domba men sapi men amingmingangge men Ishak inggikmu anggolo regma yet haruk lit Filistin inaben at hag toho nir oho wilala peruk lit inindi siyag atuk latfag. 15Inindi siyag atuk lit Ishak ikni Abraham wereg li amingminganggeyen ik fabulfag ambeg arimano obog toho Filistin inaben kinang fabuloho abiri fisibag. 16Ari tibagma Abimelekhen Ishak fam ele uruk lit, ”Nit ap tuma welaheyon apma regma we hat eneg mondabi palimu atikin angge re nit sehelimuwen wilip atmihin,” ulug hiyag itfagma 17Ishak o pumbuk ino embeselug libareg Gerar tonggoma o sabo wiroho welatfag. 18Wereg lit ikni Abrahamen ik fabulfag ambeg arimano Abraham war atfagma Filistin inaben kinang fabuloho abiri fisibahon arimano Ishak inowen nin hebeloho fabulfag. Nin hebeloho fabulfag ambeg arimano ununuk ikniyen suwalfahon hikit toho aren oho suwalfag. 19Ari tibareg Ishak amingmingangge arimanowen tonggo ino fam kinang fabultukmen ik eleruk wilip atuk ambeg hiyahibag. 20Hiyahibahon fahet Gerar inap enembohom forohowon arimanowen Ishak umalikisi it enembohom forohowon arimano unubam suwahal uruk lit, ”Ik ari nit nenehik,” uruk latfag. Suwahal ibahon ino fahet Ishak inowen ik ino unuk ”Suwahal Uruk Ambeg” suwalfag. 21Welatfareg nin ik eke fabultul ulug turukmen pet-pet atuk latfag ane ino fahet Ishak inowen ik ino unuk ”Pet-Pet” suwalfag. 22Ari turuk latfareg o inowen wilip atug ik winon eke fabulik libag. Ik fabulik libag ambeg ino fahet suwahal ibag fugmu Ishak inowen, ”Ketiya Ninikni Allahn nit fahet kinang tu kolowap nesehekma kinang tu famen endebuhukon arimano mondabi anggolo amuhup,” ulug ik ino unuk ”Kolowap” suwalfag.
23Welatfareg o inowen wilip atug o Bersyeba libag. 24Libareg nohorukmen Ninikni Allah at olohotman inam atfareg ele uruk lit, ”An hikni Abraham Ikni Allah welahi. An hat men welahireg hakol ha fug. Namingmingangge Abraham ino fam sali imbiyahon hikit toho Anden hat hineyap habuhukmu haren ondohowonen endebuhubon anggolo amuhup,” ulug hiyag itfag. 25Hiyag itfagma Ishak inowen Allah fahet hubu lahapmin ulug helep sengget watfareg Ninikni Allah unuk wel tibag. Wel tibareg o inowen o sabo witfagma amingmingangge arimanowen ik eke fabulfag.
Ishak men Abimelekh menen sali imbibag ane
26 #
Kej 21:22
Ari turukmen Abimelekh are Ahuzat men umalikisi sehen senehon onowe Pikhol men o Gerar inowen Ishak weregma watfag. 27Watfagma Ishak inowen it unubam enele uruk lit, ”Hiren an fahet ninirim perikipteg yanggal naptikip angge famen nungge fahet wahep?” ibagma 28iren te, ”Hikni Allah hat men weregma tem toho ninilen yet heyehereg nenele hubam ulon tu: Hat men nit men mangno roho welamuhuk ulug sali umbulon fahet nenele tik-tem toho ul. 29Niren hat siyahap haptuk lit hele ying habuk fug angge fano ane eneg hubam turuk lit ninindiyen fano roho hat lamihin ulug hiyag hutukuk angge re haren oho holok ane nunubam tuhun fug. Hikni Allahn hat hineyap haptuk ane yet hehereg nenele ehe,” ibag. 30Ari ibagma Ishak inowen suburu esetfareg suburu men ik men it inim ambiyeg nibag. 31Nibareg likiyamon hubet-habet mangno roho welamuhuk ulug enele tik-tem toho ibareg Ishak inowen indiyen fano roho lalihip ulug hiyag isibagma Ishak embeselug libag.
32It libag sambil ino Ishak amingmingangge arimano ambeg watfareg ubam enele uruk lit, ”Niren ik eke fabulehereg hiyahake,” ulug hiyag itfagma 33Ishak inowen ik ino unuk ”Sali” suwalfag. Unuk suwalfahon ari hikit toho o pumbuk unuk Bersyeba#Bersyeba: Ibrani enele fam o unuk Bersyeba ino ”Ik Sali” uruk. suwalehon ketiya oho wereg.
Esau inowen hiyap eke hilibag ane
34Esau indag tibag sali mo ilig am wirig am turukmen teng misigmen nubam hilag nuwalen 40 atfagma Het ahun Beeri ahaloho Yudit men Het ahun Elon ahaloho Basmat men og enepfag. 35Esau uhesi piren itanowen Ishak men uhe Ribka men inindi siyahap eneptuk latfag.
Currently Selected:
KEJADIAN 26: YLI
Highlight
Share
Copy
Want to have your highlights saved across all your devices? Sign up or sign in
@ LAI 2018
KEJADIAN 26
26
Ishak o Gerar kinangma welatfag ane
1Abraham wereg li suburu obok humon lahibag hag toho kinang ino fam suburu obok eke lahibagma Ishak ino Filistin inap onowe suwon Abimelekh wereg ambeg o Gerar libag. 2Libagma Ninikni Allah at olohotma inam atuk lit ubam ele ibahon tu, ”Hat o Mesir wirig aruhun fug. We Anden hiyag hitmin ambeg welaruhun. 3#Kej 22:16-18Hat ap pohon hag toho o aru welaruhunmu An hat men wereg lit hineyap haptuk laruhuk. Anden kinang aru obog toho hat men haren ondohowonen endebuhubon men hunubam og hisaruk lit hikni Abraham ubam sali imbiyahon hikit toho hat hubam tuhuk. 4Anden hat hineyap habuhukmu haren ondohowonen endebuhubon arimano suhal poholma mondeg hag toho welamuhup. Welamuhupmu Anden kinang aru obog toho og isahuk. Ari roho turuk lit haren ondohowonen endebuhubon arimano feneyen Anden ap o pumbuk obog toho inineyap enebuhuk. 5Hikni Abraham inowen An nele holtuk lit hunubabut fano roho wereg lit tu men ari men turuk lamuhup iyag ane ino seneg latfag ane ari famen Anden hat hineyap haptuk laruhuk,” ulug hiyag itfag. 6Hiyag itfagma Ishak ino o Gerar wereg latfag.
7 #
Kej 12:13, 20:2 Welatfagma o Gerar inap arimanowen Ishak uhe fahet, ”Hiyap tu sa?” ulug kapal hibagma aren te, ”An not,” ibag. Ribka orohole fano rehen o tu inaben hilaruk lit nuwabuhup tohon ulug akolen tu an nuhe ibag fug. 8Ibag fugmu Filistin inap onowe suwon Abimelekh inowen o ele keyen yet harukmen Ishak uhe Ribka men mako pug-pug atukmu yet isibareg 9Abimelekh inowen Ishak wol tibareg ele uruk lit, ”Ari we tem toho hat huhe wereg angge famen nungge fahet an not irikin?” ibagma Ishak inowen ele uruk lit, ”Ap aruman at fahet nuwabuhup tohon ulug wenggel haruk lit irikik,” ibag. 10Ibagma Abimelekh inowen ele uruk lit, ”Nungge fahet alem ari hahon nunubam tirikin? Haren tirikinon ariyen o tu ahun ekeyen hat huhe men nohelepman alem siyahon nunubam alep,” ibareg 11umalikisi obog toho hiyag isaruk lit, ”Ap san ap aru men uhe men enele ying enebuhu halug at ino ware fusuhuk,” ulug hiyag isibag.
12Welatfareg Ninikni Allahn Ishak ineyap turukmu aren yatfag angge arimano mo ino fam anggen teng uhan yig atfag. 13Ari turukmu Ishak ino mun angge man angge anggolo inggikmu atukmen eneg tung ahun atfag. 14Tung ahun atfagma wereg lit wam domba men sapi men amingmingangge men Ishak inggikmu anggolo regma yet haruk lit Filistin inaben at hag toho nir oho wilala peruk lit inindi siyag atuk latfag. 15Inindi siyag atuk lit Ishak ikni Abraham wereg li amingminganggeyen ik fabulfag ambeg arimano obog toho Filistin inaben kinang fabuloho abiri fisibag. 16Ari tibagma Abimelekhen Ishak fam ele uruk lit, ”Nit ap tuma welaheyon apma regma we hat eneg mondabi palimu atikin angge re nit sehelimuwen wilip atmihin,” ulug hiyag itfagma 17Ishak o pumbuk ino embeselug libareg Gerar tonggoma o sabo wiroho welatfag. 18Wereg lit ikni Abrahamen ik fabulfag ambeg arimano Abraham war atfagma Filistin inaben kinang fabuloho abiri fisibahon arimano Ishak inowen nin hebeloho fabulfag. Nin hebeloho fabulfag ambeg arimano ununuk ikniyen suwalfahon hikit toho aren oho suwalfag. 19Ari tibareg Ishak amingmingangge arimanowen tonggo ino fam kinang fabultukmen ik eleruk wilip atuk ambeg hiyahibag. 20Hiyahibahon fahet Gerar inap enembohom forohowon arimanowen Ishak umalikisi it enembohom forohowon arimano unubam suwahal uruk lit, ”Ik ari nit nenehik,” uruk latfag. Suwahal ibahon ino fahet Ishak inowen ik ino unuk ”Suwahal Uruk Ambeg” suwalfag. 21Welatfareg nin ik eke fabultul ulug turukmen pet-pet atuk latfag ane ino fahet Ishak inowen ik ino unuk ”Pet-Pet” suwalfag. 22Ari turuk latfareg o inowen wilip atug ik winon eke fabulik libag. Ik fabulik libag ambeg ino fahet suwahal ibag fugmu Ishak inowen, ”Ketiya Ninikni Allahn nit fahet kinang tu kolowap nesehekma kinang tu famen endebuhukon arimano mondabi anggolo amuhup,” ulug ik ino unuk ”Kolowap” suwalfag.
23Welatfareg o inowen wilip atug o Bersyeba libag. 24Libareg nohorukmen Ninikni Allah at olohotman inam atfareg ele uruk lit, ”An hikni Abraham Ikni Allah welahi. An hat men welahireg hakol ha fug. Namingmingangge Abraham ino fam sali imbiyahon hikit toho Anden hat hineyap habuhukmu haren ondohowonen endebuhubon anggolo amuhup,” ulug hiyag itfag. 25Hiyag itfagma Ishak inowen Allah fahet hubu lahapmin ulug helep sengget watfareg Ninikni Allah unuk wel tibag. Wel tibareg o inowen o sabo witfagma amingmingangge arimanowen ik eke fabulfag.
Ishak men Abimelekh menen sali imbibag ane
26 #
Kej 21:22
Ari turukmen Abimelekh are Ahuzat men umalikisi sehen senehon onowe Pikhol men o Gerar inowen Ishak weregma watfag. 27Watfagma Ishak inowen it unubam enele uruk lit, ”Hiren an fahet ninirim perikipteg yanggal naptikip angge famen nungge fahet wahep?” ibagma 28iren te, ”Hikni Allah hat men weregma tem toho ninilen yet heyehereg nenele hubam ulon tu: Hat men nit men mangno roho welamuhuk ulug sali umbulon fahet nenele tik-tem toho ul. 29Niren hat siyahap haptuk lit hele ying habuk fug angge fano ane eneg hubam turuk lit ninindiyen fano roho hat lamihin ulug hiyag hutukuk angge re haren oho holok ane nunubam tuhun fug. Hikni Allahn hat hineyap haptuk ane yet hehereg nenele ehe,” ibag. 30Ari ibagma Ishak inowen suburu esetfareg suburu men ik men it inim ambiyeg nibag. 31Nibareg likiyamon hubet-habet mangno roho welamuhuk ulug enele tik-tem toho ibareg Ishak inowen indiyen fano roho lalihip ulug hiyag isibagma Ishak embeselug libag.
32It libag sambil ino Ishak amingmingangge arimano ambeg watfareg ubam enele uruk lit, ”Niren ik eke fabulehereg hiyahake,” ulug hiyag itfagma 33Ishak inowen ik ino unuk ”Sali” suwalfag. Unuk suwalfahon ari hikit toho o pumbuk unuk Bersyeba#Bersyeba: Ibrani enele fam o unuk Bersyeba ino ”Ik Sali” uruk. suwalehon ketiya oho wereg.
Esau inowen hiyap eke hilibag ane
34Esau indag tibag sali mo ilig am wirig am turukmen teng misigmen nubam hilag nuwalen 40 atfagma Het ahun Beeri ahaloho Yudit men Het ahun Elon ahaloho Basmat men og enepfag. 35Esau uhesi piren itanowen Ishak men uhe Ribka men inindi siyahap eneptuk latfag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2018