KEJADIAN 25
25
Abraham uhe Ketura menen unumalikisi indag enepfag ane
1 #
1Taw 1:32-33
Welatfareg Abrahamen hiyap eke unuk Ketura hilibagma 2umalikisi Zimran, Yoksan, Medan, Midian, Isbak, Suah men indag itfag. 3Hun Yoksan inowen Syeba men Dedan men indag enepfag. Dedan ondohowonen ondohowon Asyur inap, Letus inap, Leum inap men wereg. 4Hun Midian inowen Efa, Efer, Henokh, Abida, Eldaa men indag enepfag. It obog toho arimano he Ketura inowen endetfahonen ondohowon wereg. 5Abrahamen mun angge man angge at inggikmuwon obog toho amloho Ishak og itfareg 6uhesiyap enepfahon unumalikisi arimano inindi fanowap angge we tor angge og isibag. Og isibareg Abraham oluk wereg li Ishak embeselug kinang yali filon fam lalihip ulug hiyag isibagma libag.
Abraham war atfag ane
7-8Abraham indag tibag sali mo ilig am wirig am turukmu teng sabiren 175 atfagma amusun toho welatikik ulug indi yuwag toho war atfareg umbasi men mangno atfag. 9War atfagma umalikisi Ishak men Ismael menen kinang o Mamre yali fil werehon fam Makhpela owikmu kilapfag. Kinang ino tam Het ahun Zohar amloho Efron inowen ngi regma 10#Kej 23:3-16Abraham inowen onggo palfareg uhe Sara owikmu kilapfag ambeg ino Abraham oho kilapfag. 11Kilapfareg weregma Allahn Abraham amloho Ishak ino indi haruk lit let turuk latfag. O itano li Ishak ino ik fahet habulig ambeg ”Allah Mondabi Oluk Werehonen Kim Niyarisi Ambeg” suwalehon iraham welatfag.
Hun Ismael inowen endetfahonen ondohowon fahet ibag ane
12Abraham inowen Sara amingmingangge Mesir hiyap Hagar ino hilibagma amloho Ismael indag itfahon inowen endetfahonen ondohowon ununuk tuma haharoho imbibag. 13#1Taw 1:28-31Ismael inowen amloho wandabon Nebayot indag tibareg otsi Kedar, Adbeel, Mibsam, 14Misma, Duma, Masa, 15Hadad, Tema, Yetur, Nafis, Kedma men indag enepfag. 16Ismaelen endetfahonen ondohowon ununggul unuk nisanggowen arimano onowesi wal tanehen sen enesugmu inibam man-man wereg lit winon o sabo wirigmu winon o pumbukmu wereg. 17Ismael indag tibag sali mo ilig am wirig am turukmen teng fuwaben 137 atfagma war atfareg umbasi men mangno atfag. 18Ismaelen endetfahonen ondohowon arimano inibam o Hawila famen tulug kalem o Mesiren Asyur kinang fil laruk ke ilanma o Syur wereg lit onori obog toho men seli roho welatfag.
Esau men Yakub men indag enepfag ane
19Abraham amloho Ishak inowen turuk latfag ane tu: 20Ishak indag tibag sali mo ilig am wirig am turukmu teng misig nubam hilag nuwalen 40 atfagma uhe Ribka hilibag. Ribka ino Aram ahun o Mesopotamia welatfahon Betuel amloho Laban ot welatfag. 21Ribka ino malik indag ta fug angge welatfagma Ishak inowen sembahyang urukmu Ninikni Allahn holfagma Ribka ino malik ahummu atfag. 22Malik piren ahummu wereg lit miyal-miyal atuk latfagma Ribka inowen, ”Nungge fahet alem tu an nubam ari roho turuk?” ulug indimuwen wenggel hibareg Ninikni Allahn seleg toho hiyag nitmisi ulug kapal ha libag.
23 #
Rm 9:12
Kapal hibagma Ninikni Allahn hiyag utuk lit,
”Ap ununggul unuk piren unumbasi welamuhubon hat hahummu wereg.
It-it hili roho welamuhubon indag enebuhun.
Ap ununggul unuk piren itano misihen eke apmayap turuk laruhu.
Owe ino ot amingmingangge aruhu,” ulug hiyag itfag.
24Hiyag itfagma welatfareg Ribka inowen piren umalik indag enepfag. 25Tam indag atfahon ino ahap hulu reg lit amenderuk pak oruk hag toho wilibig latfag. Wilibig latfag ane fahet unuk Esau suwalfag.#Esau: Ibrani enele fam Esauen ondohowonen ondohowon welatfag ambeg unuk Seir men, amenderuk anggolo wilibihon urukon men wirim teg. 26Esau tam indag atukmu ot fobikon inowen Esau uyug anggul seneko indag atfag. Uyug anggul seneko indag atfag ane fahet unuk Yakub suwalfag.#Yakub: Ibrani enele fam unuk Yakub men, uyug anggul urukon men ambi reg. Ishak indag tibag sali mo ilig am wirig am turukmu teng piren 60 atfagma malik piren umalik itano indag tibag.
Esauen amloho wandabon hag toho welatfahon ino imbisibag ane
27Malik piren itano su atfareg Esau ino suwe pak watuk ane indi anggat teg lit farema wilip atuk ane ahiyeg toho turuk latfag. Yakub ino ubabut lombuk toho wereg lit ibam eneg welatfag. 28Ishaken pak unu narukon fahet ahiyeg toho wereg lit amloho Esau fahet indi reg latfagma Ribka inowen amloho Yakub fahet indi reg latfag.
29Misihim sambil Yakub inowen sak esetukmu Esau ino fareman suburu obok toho watfag. 30Watfareg Yakub fam, ”Nare, suburu obok anggolowen hulu angge ari og nimin!” ulug heng tibag. Hulu angge ibag ane ari fahet unuk eke Edom suwalfag.#Edom: Ibrani enele fam unuk Edom ino men, hulu angge urukon men ambi reg.
31Esau inowen heng tibagma Yakub inowen hiyag utuk lit, ”Fano heng nabehenma hat wandabon welahen ane ino embesemihinteg ilabowon hag toho atmihinmu an wandabon hag atmin halug eneg heng ehenon ari og hitmin,” ulug hiyag itfag.
32Hiyag itfagma Esau inowen, ”Suburu oboken war am hag ane naptuken nungge fahet an mondabi wandabon welaruhuk imin?” ibag.
33 #
Ibr 12:16
Ibagma Yakub inowen, ”Hat wandabon hag toho welaruhun ulug Allah unuk fam tik-tem toho imihin,” ulug hiyag itfagma we tik-tem toho ihi ibagma Yakub ino wandabon hag atfag. 34Ari tibagma Yakub inowen suburu roti men sak amug huluwon ino men og itfagma nibareg libag. Ari roho turuk lit Esau inowen an wandabon welahi ane nirim ulug imbisibag.
Currently Selected:
KEJADIAN 25: YLI
Highlight
Share
Copy
Want to have your highlights saved across all your devices? Sign up or sign in
@ LAI 2018
KEJADIAN 25
25
Abraham uhe Ketura menen unumalikisi indag enepfag ane
1 #
1Taw 1:32-33
Welatfareg Abrahamen hiyap eke unuk Ketura hilibagma 2umalikisi Zimran, Yoksan, Medan, Midian, Isbak, Suah men indag itfag. 3Hun Yoksan inowen Syeba men Dedan men indag enepfag. Dedan ondohowonen ondohowon Asyur inap, Letus inap, Leum inap men wereg. 4Hun Midian inowen Efa, Efer, Henokh, Abida, Eldaa men indag enepfag. It obog toho arimano he Ketura inowen endetfahonen ondohowon wereg. 5Abrahamen mun angge man angge at inggikmuwon obog toho amloho Ishak og itfareg 6uhesiyap enepfahon unumalikisi arimano inindi fanowap angge we tor angge og isibag. Og isibareg Abraham oluk wereg li Ishak embeselug kinang yali filon fam lalihip ulug hiyag isibagma libag.
Abraham war atfag ane
7-8Abraham indag tibag sali mo ilig am wirig am turukmu teng sabiren 175 atfagma amusun toho welatikik ulug indi yuwag toho war atfareg umbasi men mangno atfag. 9War atfagma umalikisi Ishak men Ismael menen kinang o Mamre yali fil werehon fam Makhpela owikmu kilapfag. Kinang ino tam Het ahun Zohar amloho Efron inowen ngi regma 10#Kej 23:3-16Abraham inowen onggo palfareg uhe Sara owikmu kilapfag ambeg ino Abraham oho kilapfag. 11Kilapfareg weregma Allahn Abraham amloho Ishak ino indi haruk lit let turuk latfag. O itano li Ishak ino ik fahet habulig ambeg ”Allah Mondabi Oluk Werehonen Kim Niyarisi Ambeg” suwalehon iraham welatfag.
Hun Ismael inowen endetfahonen ondohowon fahet ibag ane
12Abraham inowen Sara amingmingangge Mesir hiyap Hagar ino hilibagma amloho Ismael indag itfahon inowen endetfahonen ondohowon ununuk tuma haharoho imbibag. 13#1Taw 1:28-31Ismael inowen amloho wandabon Nebayot indag tibareg otsi Kedar, Adbeel, Mibsam, 14Misma, Duma, Masa, 15Hadad, Tema, Yetur, Nafis, Kedma men indag enepfag. 16Ismaelen endetfahonen ondohowon ununggul unuk nisanggowen arimano onowesi wal tanehen sen enesugmu inibam man-man wereg lit winon o sabo wirigmu winon o pumbukmu wereg. 17Ismael indag tibag sali mo ilig am wirig am turukmen teng fuwaben 137 atfagma war atfareg umbasi men mangno atfag. 18Ismaelen endetfahonen ondohowon arimano inibam o Hawila famen tulug kalem o Mesiren Asyur kinang fil laruk ke ilanma o Syur wereg lit onori obog toho men seli roho welatfag.
Esau men Yakub men indag enepfag ane
19Abraham amloho Ishak inowen turuk latfag ane tu: 20Ishak indag tibag sali mo ilig am wirig am turukmu teng misig nubam hilag nuwalen 40 atfagma uhe Ribka hilibag. Ribka ino Aram ahun o Mesopotamia welatfahon Betuel amloho Laban ot welatfag. 21Ribka ino malik indag ta fug angge welatfagma Ishak inowen sembahyang urukmu Ninikni Allahn holfagma Ribka ino malik ahummu atfag. 22Malik piren ahummu wereg lit miyal-miyal atuk latfagma Ribka inowen, ”Nungge fahet alem tu an nubam ari roho turuk?” ulug indimuwen wenggel hibareg Ninikni Allahn seleg toho hiyag nitmisi ulug kapal ha libag.
23 #
Rm 9:12
Kapal hibagma Ninikni Allahn hiyag utuk lit,
”Ap ununggul unuk piren unumbasi welamuhubon hat hahummu wereg.
It-it hili roho welamuhubon indag enebuhun.
Ap ununggul unuk piren itano misihen eke apmayap turuk laruhu.
Owe ino ot amingmingangge aruhu,” ulug hiyag itfag.
24Hiyag itfagma welatfareg Ribka inowen piren umalik indag enepfag. 25Tam indag atfahon ino ahap hulu reg lit amenderuk pak oruk hag toho wilibig latfag. Wilibig latfag ane fahet unuk Esau suwalfag.#Esau: Ibrani enele fam Esauen ondohowonen ondohowon welatfag ambeg unuk Seir men, amenderuk anggolo wilibihon urukon men wirim teg. 26Esau tam indag atukmu ot fobikon inowen Esau uyug anggul seneko indag atfag. Uyug anggul seneko indag atfag ane fahet unuk Yakub suwalfag.#Yakub: Ibrani enele fam unuk Yakub men, uyug anggul urukon men ambi reg. Ishak indag tibag sali mo ilig am wirig am turukmu teng piren 60 atfagma malik piren umalik itano indag tibag.
Esauen amloho wandabon hag toho welatfahon ino imbisibag ane
27Malik piren itano su atfareg Esau ino suwe pak watuk ane indi anggat teg lit farema wilip atuk ane ahiyeg toho turuk latfag. Yakub ino ubabut lombuk toho wereg lit ibam eneg welatfag. 28Ishaken pak unu narukon fahet ahiyeg toho wereg lit amloho Esau fahet indi reg latfagma Ribka inowen amloho Yakub fahet indi reg latfag.
29Misihim sambil Yakub inowen sak esetukmu Esau ino fareman suburu obok toho watfag. 30Watfareg Yakub fam, ”Nare, suburu obok anggolowen hulu angge ari og nimin!” ulug heng tibag. Hulu angge ibag ane ari fahet unuk eke Edom suwalfag.#Edom: Ibrani enele fam unuk Edom ino men, hulu angge urukon men ambi reg.
31Esau inowen heng tibagma Yakub inowen hiyag utuk lit, ”Fano heng nabehenma hat wandabon welahen ane ino embesemihinteg ilabowon hag toho atmihinmu an wandabon hag atmin halug eneg heng ehenon ari og hitmin,” ulug hiyag itfag.
32Hiyag itfagma Esau inowen, ”Suburu oboken war am hag ane naptuken nungge fahet an mondabi wandabon welaruhuk imin?” ibag.
33 #
Ibr 12:16
Ibagma Yakub inowen, ”Hat wandabon hag toho welaruhun ulug Allah unuk fam tik-tem toho imihin,” ulug hiyag itfagma we tik-tem toho ihi ibagma Yakub ino wandabon hag atfag. 34Ari tibagma Yakub inowen suburu roti men sak amug huluwon ino men og itfagma nibareg libag. Ari roho turuk lit Esau inowen an wandabon welahi ane nirim ulug imbisibag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2018