Nkanee 1
1
Israel Nyimpakan A Odzi kan
1Na Israelfo fii Egypt asaase do firii no n’ekyir afe a otsia ebien no mu bosoom a otsia ebien no ne da a odzi kan no, EWURADZE kasaa kyerɛɛ Moses wɔ Sinai sar do wɔ ehyiadzibuw no mu dɛ, 2Ɔwo na Aaron mbu Israelmba mboanofo no nyinara ano, dɛ mbrɛ hɔn ebusua ebusua tsetsee, na mbrɛ hɔn egyanom efi tsetsee, na dɛ mbrɛ hɔn banyin biara ne dzin tse nkorkor. 3Israel mu hɔn a woedzi mfe eduonu na ekyir a wotum kɔ ɔsa nyinara no hom nkan hɔn dɛ mbrɛ hɔn dɔm no tse. 4Na ebusuakuw biara mu banyin bi nka hom ho; kor biara a ɔyɛ n’egyanom fi mu otsitsir. 5Na mbanyin a womfo a ebusuakuw no mu mboa hom no hɔn edzin nye yi: Reuben dze; Sedeur ne babanyin Elizur. 6Simeon dze; Zurisadai ne babanyin Selumiel. 7Juda dze; Amminadab ne babanyin Nahson. 8Isakar dze; Zuar ne babanyin Netanel. 9Zebulun dze; Helon ne babanyin Eliab. 10Josef ne mba no dze; Efraim dze; Ammihud ne babanyin Elisama: Manaasɛ dze; Pedazur ne babanyin Gamaliel. 11Benjamin dze; Gideoni ne babanyin Abidan. 12Dan dze; Ammisaddai ne babanyin Ahiezer. 13Aser dze; Okran ne babanyin Pagiel. 14Gad dze; Deutel ne babanyin Eliasaf. 15Naftali dze; Enan ne babanyin Ahira. 16Iyinom nye hɔn a wɔfrɛɛ hɔn wɔ mboanofo no mu, hɔn egyanom ebusuakuw mu mbapɔmba no; wɔyɛ Israel mpem mpem mu etsitsir. 17Na Moses nye Aaron faa mbanyin a wɔabobɔ hɔn edzin yi: 18na wohyiaa mboanofo no nyinara boaa ano wɔ bosoom a otsia ebien no ne da a odzi kan no mu, na wɔkyerɛɛ hɔn asefo dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir, dɛ mbrɛ wɔtse nkorkor. 19Dɛ mbrɛ EWURADZE hyɛɛ Moses no, dɛmara na ɔkaan hɔn wɔ Sinai sar no do.
20Na Israel n’abakan Reuben, ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, ɔbanyin biara a oedzi mfe eduonu na ekyir, na hɔn a wotum kɔ ɔsa 21a wɔkaan hɔn wɔ Reuben ebusuakuw mu, nyinara yɛ mpemeduanan esia na ahaenum.
22Simeon ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, ɔbanyin biara a oedzi mfe eduonu na ekyir, na hɔn a wotum kɔ ɔsa nyinara; 23a wɔkaan hɔn wɔ Simeon ebusuakuw mu no, nyinara mpemeduonum akron na ahaasa.
24Gad ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir a wotum kɔ ɔsa 25a wɔkaan hɔn wɔ Gad ebusuakuw mu, nyinara yɛ mpemeduanan enum ahaesia na eduonum.
26Juda ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir na hɔn a wotum kɔ ɔsa nyinara 27a wɔkaan hɔn wɔ Juda ebusuakuw mu no nyinara mpemeduosuon anan na ahaesia.
28Isakar ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no hɔn a woedzi mfe eduonu na ekyir, hɔn a wotum kɔ ɔsa nyinara 29a wɔkaan hɔn wɔ Isakar ebusuakuw mu no yɛ mpemeduonum anan na ahaanan.
30Zebulun ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse no, hɔn a woedzi mfe eduonu na ekyir a wotum kɔ ɔsa 31a wɔkaan hɔn wɔ Zebulun ebusuakuw mu nyinara, wɔyɛ mpemeduonum esuon na ahaanan.
32Josef n’asefo a wɔyɛ, Efraim ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse no hɔn a woedzi mfe eduonu na ekyir a wotum kɔ ɔsa 33a wɔkaan hɔn wɔ Efraim ebusuakuw mu no yɛ mpemeduanan na ahaenum.
34Manaasɛ ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, hɔn a woedzi mfe eduonu na ekyir a wotum kɔ ɔsa 35a wɔkaan hɔn wɔ Manaasɛ ebusuakuw mu nyinara, yɛ mpemeduasa ebien na ahaenu.
36Benjamin ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir a wotum kɔ ɔsa nyinara; 37hɔn a wɔkaan hɔn wɔ Benjamin ebusuakuw mu no, yɛ mpemeduasa enum na ahaanan.
38Dan ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, hɔn a woedzi mfe eduonu na ekyir a wotum kɔ ɔsa 39a wɔkaan hɔn, wɔ Dan ebusuakuw mu no nyinara yɛ mpemeduosia ebien na ahaesuon.
40Aser ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse no hɔn a woedzi mfe eduonu na ekyir a wotum kɔ ɔsa 41wɔkaan hɔn wɔ Aser ebusuakuw mu no nyinara, wɔyɛ mpemeduanan biako na ahaenum.
42Naftali ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir a wotum kɔ ɔsa nyinara 43a wɔkaan hɔn wɔ Naftali ebusuakuw mu no nyinara, wɔyɛ mpemeduonum ebiasa na ahaanan.
44Iyinom nye hɔn a Moses na Aaron nye Israel mbapɔmba no a wɔyɛ mbanyin duebien no kanee no: wogyinagyinaa hɔn egyanom efi ananmu nkorkor. 45Dɛm ntsi hɔn a wɔkaan hɔn wɔ Israelmba mu dɛ mbrɛ hɔn egyanom efi tsetsee nyinara, hɔn a woedzi mfe eduonu na ekyir a wotum kɔ ɔsa wɔ Israel mu 46a wɔkaan hɔn nyinara no yɛ mpemahaesia na ebiasa na ahaenum eduonum.
Levifo No Hɔn Ahyɛdze
47Levifo no dze, dɛ mbrɛ hɔn egyanom ebusuakuw tse no, wɔannkan hɔn ammfora hɔn. 48Na EWURADZE kasaa kyerɛɛ Moses dɛ, 49Levi ebusuakuw nkotsee na mma nnkan, nkyii so mma mmbu hɔn dodow ano mmfora Israelmba: 50mbom woara fa Levifo no si dase ntamadan no na no ho ndzɛmba nyinara na dza odzi wɔ no nyinara do: hɔn na wɔnsoa ntamadan no, na no ho ndzɛmba nyinara; na wɔnyɛ ho edwuma, na wɔmbɔ nseraban nhyia ntamadan no ho. 51Na sɛ worutu ntamadan no akɔ kan a, Levifo no na wontutu: na sɛ wɔrekyer ntamadan no nsera a, Levifo no na wonsi: na sɛ ɔhɔho ba ho a wonku no. 52Na Israelmba no mbɔ hɔn asesee, nyimpa biara wɔ nankasa ne nseraban do, na nyimpa biara wɔ nankasa ne frankaa ho, dɛ mbrɛ hɔn dɔm no tse. 53Levifo no dze wɔnkyer nsera wɔ dase ntamadan no ho nhyia, amma ebufuw bi aammba Israelmba mboanofo no do: na Levifo no nhwɛ dase ntamadan ahwɛdze no do. 54Na Israelmba no yɛe; dɛ mbrɛ EWURADZE hyɛɛ Moses no nyinara, dɛmara na wɔyɛe.
Currently Selected:
Nkanee 1: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 1
1
Israel Nyimpakan A Odzi kan
1Na Israelfo fii Egypt asaase do firii no n’ekyir afe a otsia ebien no mu bosoom a otsia ebien no ne da a odzi kan no, EWURADZE kasaa kyerɛɛ Moses wɔ Sinai sar do wɔ ehyiadzibuw no mu dɛ, 2Ɔwo na Aaron mbu Israelmba mboanofo no nyinara ano, dɛ mbrɛ hɔn ebusua ebusua tsetsee, na mbrɛ hɔn egyanom efi tsetsee, na dɛ mbrɛ hɔn banyin biara ne dzin tse nkorkor. 3Israel mu hɔn a woedzi mfe eduonu na ekyir a wotum kɔ ɔsa nyinara no hom nkan hɔn dɛ mbrɛ hɔn dɔm no tse. 4Na ebusuakuw biara mu banyin bi nka hom ho; kor biara a ɔyɛ n’egyanom fi mu otsitsir. 5Na mbanyin a womfo a ebusuakuw no mu mboa hom no hɔn edzin nye yi: Reuben dze; Sedeur ne babanyin Elizur. 6Simeon dze; Zurisadai ne babanyin Selumiel. 7Juda dze; Amminadab ne babanyin Nahson. 8Isakar dze; Zuar ne babanyin Netanel. 9Zebulun dze; Helon ne babanyin Eliab. 10Josef ne mba no dze; Efraim dze; Ammihud ne babanyin Elisama: Manaasɛ dze; Pedazur ne babanyin Gamaliel. 11Benjamin dze; Gideoni ne babanyin Abidan. 12Dan dze; Ammisaddai ne babanyin Ahiezer. 13Aser dze; Okran ne babanyin Pagiel. 14Gad dze; Deutel ne babanyin Eliasaf. 15Naftali dze; Enan ne babanyin Ahira. 16Iyinom nye hɔn a wɔfrɛɛ hɔn wɔ mboanofo no mu, hɔn egyanom ebusuakuw mu mbapɔmba no; wɔyɛ Israel mpem mpem mu etsitsir. 17Na Moses nye Aaron faa mbanyin a wɔabobɔ hɔn edzin yi: 18na wohyiaa mboanofo no nyinara boaa ano wɔ bosoom a otsia ebien no ne da a odzi kan no mu, na wɔkyerɛɛ hɔn asefo dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir, dɛ mbrɛ wɔtse nkorkor. 19Dɛ mbrɛ EWURADZE hyɛɛ Moses no, dɛmara na ɔkaan hɔn wɔ Sinai sar no do.
20Na Israel n’abakan Reuben, ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, ɔbanyin biara a oedzi mfe eduonu na ekyir, na hɔn a wotum kɔ ɔsa 21a wɔkaan hɔn wɔ Reuben ebusuakuw mu, nyinara yɛ mpemeduanan esia na ahaenum.
22Simeon ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, ɔbanyin biara a oedzi mfe eduonu na ekyir, na hɔn a wotum kɔ ɔsa nyinara; 23a wɔkaan hɔn wɔ Simeon ebusuakuw mu no, nyinara mpemeduonum akron na ahaasa.
24Gad ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir a wotum kɔ ɔsa 25a wɔkaan hɔn wɔ Gad ebusuakuw mu, nyinara yɛ mpemeduanan enum ahaesia na eduonum.
26Juda ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir na hɔn a wotum kɔ ɔsa nyinara 27a wɔkaan hɔn wɔ Juda ebusuakuw mu no nyinara mpemeduosuon anan na ahaesia.
28Isakar ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no hɔn a woedzi mfe eduonu na ekyir, hɔn a wotum kɔ ɔsa nyinara 29a wɔkaan hɔn wɔ Isakar ebusuakuw mu no yɛ mpemeduonum anan na ahaanan.
30Zebulun ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse no, hɔn a woedzi mfe eduonu na ekyir a wotum kɔ ɔsa 31a wɔkaan hɔn wɔ Zebulun ebusuakuw mu nyinara, wɔyɛ mpemeduonum esuon na ahaanan.
32Josef n’asefo a wɔyɛ, Efraim ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse no hɔn a woedzi mfe eduonu na ekyir a wotum kɔ ɔsa 33a wɔkaan hɔn wɔ Efraim ebusuakuw mu no yɛ mpemeduanan na ahaenum.
34Manaasɛ ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, hɔn a woedzi mfe eduonu na ekyir a wotum kɔ ɔsa 35a wɔkaan hɔn wɔ Manaasɛ ebusuakuw mu nyinara, yɛ mpemeduasa ebien na ahaenu.
36Benjamin ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir a wotum kɔ ɔsa nyinara; 37hɔn a wɔkaan hɔn wɔ Benjamin ebusuakuw mu no, yɛ mpemeduasa enum na ahaanan.
38Dan ne mba, hɔn ebusuasantsen, dɛ mbrɛ hɔn ebusua ebusua na hɔn egyanom efi tsetsee, dɛ mbrɛ edzin no no dodow tse no, hɔn a woedzi mfe eduonu na ekyir a wotum kɔ ɔsa 39a wɔkaan hɔn, wɔ Dan ebusuakuw mu no nyinara yɛ mpemeduosia ebien na ahaesuon.
40Aser ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse no hɔn a woedzi mfe eduonu na ekyir a wotum kɔ ɔsa 41wɔkaan hɔn wɔ Aser ebusuakuw mu no nyinara, wɔyɛ mpemeduanan biako na ahaenum.
42Naftali ne mba, hɔn ebusuasantsen, dɛ mbrɛ hɔn ebusua ebusua, na hɔn egyanom efi tsetsee, dɛ mbrɛ edzin no no dodow tse, hɔn a woedzi mfe eduonu na ekyir a wotum kɔ ɔsa nyinara 43a wɔkaan hɔn wɔ Naftali ebusuakuw mu no nyinara, wɔyɛ mpemeduonum ebiasa na ahaanan.
44Iyinom nye hɔn a Moses na Aaron nye Israel mbapɔmba no a wɔyɛ mbanyin duebien no kanee no: wogyinagyinaa hɔn egyanom efi ananmu nkorkor. 45Dɛm ntsi hɔn a wɔkaan hɔn wɔ Israelmba mu dɛ mbrɛ hɔn egyanom efi tsetsee nyinara, hɔn a woedzi mfe eduonu na ekyir a wotum kɔ ɔsa wɔ Israel mu 46a wɔkaan hɔn nyinara no yɛ mpemahaesia na ebiasa na ahaenum eduonum.
Levifo No Hɔn Ahyɛdze
47Levifo no dze, dɛ mbrɛ hɔn egyanom ebusuakuw tse no, wɔannkan hɔn ammfora hɔn. 48Na EWURADZE kasaa kyerɛɛ Moses dɛ, 49Levi ebusuakuw nkotsee na mma nnkan, nkyii so mma mmbu hɔn dodow ano mmfora Israelmba: 50mbom woara fa Levifo no si dase ntamadan no na no ho ndzɛmba nyinara na dza odzi wɔ no nyinara do: hɔn na wɔnsoa ntamadan no, na no ho ndzɛmba nyinara; na wɔnyɛ ho edwuma, na wɔmbɔ nseraban nhyia ntamadan no ho. 51Na sɛ worutu ntamadan no akɔ kan a, Levifo no na wontutu: na sɛ wɔrekyer ntamadan no nsera a, Levifo no na wonsi: na sɛ ɔhɔho ba ho a wonku no. 52Na Israelmba no mbɔ hɔn asesee, nyimpa biara wɔ nankasa ne nseraban do, na nyimpa biara wɔ nankasa ne frankaa ho, dɛ mbrɛ hɔn dɔm no tse. 53Levifo no dze wɔnkyer nsera wɔ dase ntamadan no ho nhyia, amma ebufuw bi aammba Israelmba mboanofo no do: na Levifo no nhwɛ dase ntamadan ahwɛdze no do. 54Na Israelmba no yɛe; dɛ mbrɛ EWURADZE hyɛɛ Moses no nyinara, dɛmara na wɔyɛe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.