Nkanee 2
2
Ebusuakuw Nserakyer Ho Nhyehyɛɛ
1Na EWURADZE kasaa kyerɛɛ Moses na Aaron dɛ, 2Israelmba no nkyer nsera wɔ nyimpa biara nankasa ne frankaa ho, wɔ hɔn egyanom efi nsɛnkyerɛdze do: ehyiadzibuw no ne tsentsendo na wɔnkyer hɔn nsera no nhyia. 3Na hɔn a wɔnkyer nsera wɔ boka afamu a odzi kɔ wipuei no nye hɔn a wɔwɔ Juda nseraban do frankaa ho no dɛ mbrɛ hɔn dɔm no tse: na Amminadab ne babanyin Nason na ɔnyɛ Judamba no hɔn safohen panyin. 4Na no dɔm, na hɔn a wɔkaan hɔn wɔ mu no, wɔyɛ mpemeduosuon anan na ahaesia. 5Na hɔn a wɔnkyer nsera ntoa no do nye Isakar ebusuakuw. Zuar ne babanyin Netanel na ɔnyɛ Isakarmba no hɔn safohen panyin: 6na no dɔm, na hɔn a wɔkaan hɔn wɔ mu no, wɔyɛ mpemeduonum anan na ahaanan. 7Zebulun ebusuakuw ntoa do: na Helon ne babanyin Eliab na ɔnyɛ Zebulunmba no hɔn safohen panyin: 8na no dɔm, na hɔn a wɔkaan hɔn wɔ mu no, wɔyɛ mpemeduonum esuon na ahaanan. 9Hɔn a wɔkaan hɔn wɔ Juda nseraban do nyinara yɛ mpem ɔha eduowɔtwe esia na ahaanan, dɛ mbrɛ hɔn dɔm no tse. Hɔn na wondzi kan ntu.
10Pomu afamu na Reuben nseraban do frankaa ndzi dɛ mbrɛ hɔn dɔm no tse: na Sedeur ne babanyin Elizur na ɔnyɛ Reubenmba ɔsafohen panyin. 11Na no dɔm, na hɔn a wɔkaan hɔn wɔ mu no yɛ mpemeduanan esia na ahaenum. 12Hɔn a wɔnkyer nsera ntoa no do nye Simeon ebusuakuw: na Zurisadai ne babanyin Selumiel na ɔnyɛ Simeonmba no hɔn safohen panyin: 13na no dɔm a wɔkaan hɔn wɔ mu no, wɔyɛ mpemeduonum akron na ahaasa. 14Gad ebusuakuw no ntoa hɔn do: na Reuel ne babanyin Eliasaf na ɔnyɛ Gadmba no hɔn safohen panyin: 15na no dɔm a wɔkaan hɔn wɔ mu no yɛ mpemeduanan enum na ahaesia eduonum. 16Hɔn a wɔkaan hɔn wɔ Reuben nseraban do nyinara wɔyɛ mpem ɔha eduonum biako na ahaanan eduonum, dɛ mbrɛ hɔn dɔm no tse. Na hɔn na wɔntɔ do ebien ntu.
17Nkyii so ehyiadzibuw no, nye Levifo nseraban no ntu ndzi nseraban nseraban no ne finimfin: dɛ mbrɛ wɔbɔ nseraban no, dɛmara na wontu, nyimpa biara wɔ ne dzibew, dɛ mbrɛ hɔn mfrankaa no tse.
18Efraim ne nseraban do frankaa ndzi anee afamu dɛ mbrɛ hɔn dɔm no tse: na Ammihud ne babanyin Elisama na ɔnyɛ Efraimmba no hɔn safohen panyin. 19Na no dɔm, na hɔn a wɔkaan hɔn wɔ mu no, wɔyɛ mpemeduanan na ahaenum. 20Na Manaasɛ ebusuakuw ntoa no do: na Pedazur ne babanyin Gamaliel na ɔnyɛ Manaasɛmba no hɔn safohen panyin. 21Na no dɔm, na hɔn a wɔkaan hɔn wɔ mu no yɛ mpemeduasa ebien na ahaenu. 22Benjamin ebusuakuw no, Gideoni ne babanyin Abidan na ɔnyɛ hɔn safohen panyin: 23na no dɔm, na hɔn a wɔkaan hɔn wɔ mu no yɛ mpemeduasa enum na ahaanan. 24Hɔn a wɔkaan hɔn wɔ Efraim nseraban do nyinara yɛ mpem ɔha nye awɔtwe na ɔha, dɛ mbrɛ hɔn dɔm no tse. Na hɔn na wɔntɔ do ebiasa ntu.
25Dan ne nseraban do frankaa ndzi kwaamu afamu dɛ mbrɛ hɔn dɔm no tse: na Ammisaddai ne babanyin Ahiezer na ɔnyɛ Danmba no hɔn safohen panyin. 26Na no dɔm a wɔkaan hɔn wɔ mu no yɛ mpemeduosia ebien na ahaesuon. 27Na hɔn a wɔnkyer nsera ntoa no do nye Aser ebusuakuw: na Okran ne babanyin Pagiel na ɔnyɛ Asermba no hɔn safohen panyin. 28No dɔm na hɔn a wɔkaan hɔn wɔ mu no, wɔyɛ mpemeduanan biako na ahaenum. 29Naftali ebusuakuw no, Enan ne babanyin Ahira na ɔnyɛ Naftalimba no hɔn safohen panyin: 30na no dɔm a wɔkaan hɔn wɔ mu no, yɛ mpemeduonum ebiasa na ahaanan. 31Hɔn a wɔkaan hɔn wɔ Dan ne nseraban do nyinara yɛ mpem ɔha na eduonum esuon na ahaesia. Hɔn na wondzi ekyir ntu dɛ mbrɛ hɔn mfrankaa no tse.
32Iyinom nye Israelmba mu hɔn a wɔkaan hɔn dɛ mbrɛ hɔn egyanom efi tsetsee: hɔn a wɔkaan hɔn wɔ nseraban nseraban do dɛ mbrɛ hɔn dɔm no tse nyinara yɛ mpemahaesia nye ebiasa na ahaenum eduonum. 33Levifo no dze, wɔannkan hɔn ammfora Israelmba no; dɛ mbrɛ EWURADZE hyɛɛ Moses no. 34Na Israelmba no yɛɛ dɛ mbrɛ EWURADZE hyɛɛ Moses no nyinara, na wɔkyeer nsera dɛ mbrɛ hɔn mfrankaa no tse, na dɛmara so na wotui, obiara dɛ mbrɛ hɔn ebusua na hɔn egyanom efi tsetsee.
Currently Selected:
Nkanee 2: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 2
2
Ebusuakuw Nserakyer Ho Nhyehyɛɛ
1Na EWURADZE kasaa kyerɛɛ Moses na Aaron dɛ, 2Israelmba no nkyer nsera wɔ nyimpa biara nankasa ne frankaa ho, wɔ hɔn egyanom efi nsɛnkyerɛdze do: ehyiadzibuw no ne tsentsendo na wɔnkyer hɔn nsera no nhyia. 3Na hɔn a wɔnkyer nsera wɔ boka afamu a odzi kɔ wipuei no nye hɔn a wɔwɔ Juda nseraban do frankaa ho no dɛ mbrɛ hɔn dɔm no tse: na Amminadab ne babanyin Nason na ɔnyɛ Judamba no hɔn safohen panyin. 4Na no dɔm, na hɔn a wɔkaan hɔn wɔ mu no, wɔyɛ mpemeduosuon anan na ahaesia. 5Na hɔn a wɔnkyer nsera ntoa no do nye Isakar ebusuakuw. Zuar ne babanyin Netanel na ɔnyɛ Isakarmba no hɔn safohen panyin: 6na no dɔm, na hɔn a wɔkaan hɔn wɔ mu no, wɔyɛ mpemeduonum anan na ahaanan. 7Zebulun ebusuakuw ntoa do: na Helon ne babanyin Eliab na ɔnyɛ Zebulunmba no hɔn safohen panyin: 8na no dɔm, na hɔn a wɔkaan hɔn wɔ mu no, wɔyɛ mpemeduonum esuon na ahaanan. 9Hɔn a wɔkaan hɔn wɔ Juda nseraban do nyinara yɛ mpem ɔha eduowɔtwe esia na ahaanan, dɛ mbrɛ hɔn dɔm no tse. Hɔn na wondzi kan ntu.
10Pomu afamu na Reuben nseraban do frankaa ndzi dɛ mbrɛ hɔn dɔm no tse: na Sedeur ne babanyin Elizur na ɔnyɛ Reubenmba ɔsafohen panyin. 11Na no dɔm, na hɔn a wɔkaan hɔn wɔ mu no yɛ mpemeduanan esia na ahaenum. 12Hɔn a wɔnkyer nsera ntoa no do nye Simeon ebusuakuw: na Zurisadai ne babanyin Selumiel na ɔnyɛ Simeonmba no hɔn safohen panyin: 13na no dɔm a wɔkaan hɔn wɔ mu no, wɔyɛ mpemeduonum akron na ahaasa. 14Gad ebusuakuw no ntoa hɔn do: na Reuel ne babanyin Eliasaf na ɔnyɛ Gadmba no hɔn safohen panyin: 15na no dɔm a wɔkaan hɔn wɔ mu no yɛ mpemeduanan enum na ahaesia eduonum. 16Hɔn a wɔkaan hɔn wɔ Reuben nseraban do nyinara wɔyɛ mpem ɔha eduonum biako na ahaanan eduonum, dɛ mbrɛ hɔn dɔm no tse. Na hɔn na wɔntɔ do ebien ntu.
17Nkyii so ehyiadzibuw no, nye Levifo nseraban no ntu ndzi nseraban nseraban no ne finimfin: dɛ mbrɛ wɔbɔ nseraban no, dɛmara na wontu, nyimpa biara wɔ ne dzibew, dɛ mbrɛ hɔn mfrankaa no tse.
18Efraim ne nseraban do frankaa ndzi anee afamu dɛ mbrɛ hɔn dɔm no tse: na Ammihud ne babanyin Elisama na ɔnyɛ Efraimmba no hɔn safohen panyin. 19Na no dɔm, na hɔn a wɔkaan hɔn wɔ mu no, wɔyɛ mpemeduanan na ahaenum. 20Na Manaasɛ ebusuakuw ntoa no do: na Pedazur ne babanyin Gamaliel na ɔnyɛ Manaasɛmba no hɔn safohen panyin. 21Na no dɔm, na hɔn a wɔkaan hɔn wɔ mu no yɛ mpemeduasa ebien na ahaenu. 22Benjamin ebusuakuw no, Gideoni ne babanyin Abidan na ɔnyɛ hɔn safohen panyin: 23na no dɔm, na hɔn a wɔkaan hɔn wɔ mu no yɛ mpemeduasa enum na ahaanan. 24Hɔn a wɔkaan hɔn wɔ Efraim nseraban do nyinara yɛ mpem ɔha nye awɔtwe na ɔha, dɛ mbrɛ hɔn dɔm no tse. Na hɔn na wɔntɔ do ebiasa ntu.
25Dan ne nseraban do frankaa ndzi kwaamu afamu dɛ mbrɛ hɔn dɔm no tse: na Ammisaddai ne babanyin Ahiezer na ɔnyɛ Danmba no hɔn safohen panyin. 26Na no dɔm a wɔkaan hɔn wɔ mu no yɛ mpemeduosia ebien na ahaesuon. 27Na hɔn a wɔnkyer nsera ntoa no do nye Aser ebusuakuw: na Okran ne babanyin Pagiel na ɔnyɛ Asermba no hɔn safohen panyin. 28No dɔm na hɔn a wɔkaan hɔn wɔ mu no, wɔyɛ mpemeduanan biako na ahaenum. 29Naftali ebusuakuw no, Enan ne babanyin Ahira na ɔnyɛ Naftalimba no hɔn safohen panyin: 30na no dɔm a wɔkaan hɔn wɔ mu no, yɛ mpemeduonum ebiasa na ahaanan. 31Hɔn a wɔkaan hɔn wɔ Dan ne nseraban do nyinara yɛ mpem ɔha na eduonum esuon na ahaesia. Hɔn na wondzi ekyir ntu dɛ mbrɛ hɔn mfrankaa no tse.
32Iyinom nye Israelmba mu hɔn a wɔkaan hɔn dɛ mbrɛ hɔn egyanom efi tsetsee: hɔn a wɔkaan hɔn wɔ nseraban nseraban do dɛ mbrɛ hɔn dɔm no tse nyinara yɛ mpemahaesia nye ebiasa na ahaenum eduonum. 33Levifo no dze, wɔannkan hɔn ammfora Israelmba no; dɛ mbrɛ EWURADZE hyɛɛ Moses no. 34Na Israelmba no yɛɛ dɛ mbrɛ EWURADZE hyɛɛ Moses no nyinara, na wɔkyeer nsera dɛ mbrɛ hɔn mfrankaa no tse, na dɛmara so na wotui, obiara dɛ mbrɛ hɔn ebusua na hɔn egyanom efi tsetsee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.