Nkanee 3
3
Levi Ebusuakuw
1Afei iyinom nye Aaron nye Moses hɔn ebusuasantsen wɔ da a EWURADZE nye Moses kasae, wɔ kokwaa Sinai do no. 2Na iyinom nye Aaron ne mbabanyin no hɔn edzin; Nadab a ɔyɛ abakan no, nye Abihu, Eleazar, nye Itamar. 3Iyinom nye Aaron ne mbabanyin, asɔfo a wɔseraa hɔn ngo a wotuu hɔn sii nkyɛn dɛ wondzi asɔfo no, hɔn edzin. 4Na Nadab nye Abihu wuwui wɔ EWURADZE enyim, aber a wɔdze ananagya baa EWURADZE enyim, wɔ Sinai sar do no, na woennya mba ntsi Eleazar nye Itamar nko na wodzii asɔfo wɔ hɔn egya Aaron enyim.
5Na EWURADZE kasaa kyerɛɛ Moses dɛ, 6Fa Levi ebusuakuw no bɛn, na fa hɔn begyina ɔsɔfo Aaron enyim ma wɔnsom me. 7Na wɔnhwɛ n’ahwɛdze do, nye mboanofo no nyinara ahwɛdze no do wɔ ehyiadzibuw no enyim, mfa nyɛ ntamadan no ho edwuma no. 8Na wɔnhwɛ ehyiadzibuw no ne ndzɛmba no nyinara, nye Israelmba ahwɛdze no do, mfa nyɛ ntamadan no ho edwuma no. 9Na fa Levifo no ma Aaron nye ne mbabanyin no: wɔdze hɔn ama no koraa wɔ Israelmba no afamu. 10Na yi Aaron nye ne mbabanyin no si hɔ, na wɔnhwɛ hɔn asɔfodzi no do: na sɛ ɔhɔho ba ho a wonku no.
11Na EWURADZE kasaa kyerɛɛ Moses dɛ, 12Hwɛ, emi, mafa Levifo no efi Israelmba mu ahyɛ Israelmba mu mbakan a wobue yafun mu no nyinara no ananmu; na Levifo no nyɛ medze: 13no mbakan nyinara yɛ medze. Da a mobobɔɔ Egypt asaase do mbakan nyinara no na metseew Israel mu mbakan nyinara ho maa moho, nyimpa nye abowa nyina: wɔyɛ medze; emi nye EWURADZE.
Levifo No Hɔn Nkanee
14Na EWURADZE kasaa kyerɛɛ Moses wɔ Sinai sar do dɛ, 15Kan Levimba no dɛ mbrɛ hɔn egyanom efi, nye hɔn ebusua ebusua tsetsee: banyin biara a oedzi bosoom nye ekyir no kan no. 16Na Moses kaan hɔn dɛ mbrɛ EWURADZE n’asɛm a ɔhyɛɛ no no tse. 17Na iyinom nye Levi mbabanyin dɛ mbrɛ hɔn edzin no tse; Gerson, Kohat, nye Merari. 18Na iyinom nye Gerson ne mbabanyin edzin dɛ mbrɛ hɔn ebusua ebusua tsetsee; Libni nye Simei. 19Na Kohat mbabanyin dɛ mbrɛ hɔn ebusua ebusua tsetsee; Amram, Izhar, Hebron, nye Uziel. 20Na Merari mbabanyin dɛ mbrɛ hɔn ebusua ebusua tsetsee; Mahili nye Musi. Iyinom nye Levifo ebusua ebusua no dɛ mbrɛ hɔn egyanom efi no tsetsee.
21Gerson dze nye Libnifo, nye Simeifo ebusua: iyinom nye Gersonfo ebusua ebusua no. 22Hɔn a wɔkaan hɔn wɔ mu no, dɛ mbrɛ mbanyin no nyinara a woedzi bosoom nye ekyir no hɔn dodow tse no, wɔyɛ mpemesuon nye ahaenum. 23Gersonfo ebusua ebusua no nkyer nsera wɔ ntamadan no ekyir anee afamu. 24Na Lael ne babanyin Eliasaf na ɔnyɛ Gersonfo egyanom efi mu safohen panyin. 25Na Gerson ne mbabanyin no hɔn ahwɛdze wɔ ehyiadzibuw no mu nye ntamadan no, nye Buw no, n’akatado, nye ehyiadzibuw no n’abowano nkataano, 26nye dampan no ne nsensɛnho, nye dampan no n’abowano nkataano no, dza ɔwɔ ntamadan no ho, na otwa afɔrmbukyia no ho hyia no, nye ne ntampehoma wɔ no ho edwuma nyinara ho.
27Na Kohat dze nye Amramfo ebusua, Izharfo ebusua, Hebronfo ebusua, nye Uzielfo ebusua: iyinom nye Kohatfo ebusua ebusua no. 28Dɛ mbrɛ mbanyin nyinara a woedzi bosoom nye ekyir no hɔn dodow tse no, wɔyɛ mpemawɔtwe nye ahaesia a wɔhwɛ ahotseweebea ahwɛdodze no do. 29Kohat ne mbabanyin ebusua ebusua no nkyer nsera wɔ ntamadan no nkyɛn wɔ pomu afamu. 30Na Uziel ne mbabanyin Elizafan na ɔnyɛ ɔsafohen panyin wɔ Kohatfo ebusua ebusua no hɔn egyanom fie mu. 31Na ahwɛdze nye adaka no, nye pon no, nye kandzeadua no, nye afɔrmbukyia no, nye ahotseweebea ndzɛmba no a wɔdze som no, nye nkataano no, nye no ho edwuma nyinara. 32Na ɔsɔfo Aaron ne babanyin Eleazar na nyɛ ɔsafohen panyin wɔ Levifo asafohemfo mu, na ɔnhwɛ hɔn a wɔhwɛ ahotseweebea no do ahwɛdodze do no do.
33Merari dze nye Mahilifo ebusua, nye Musfo ebusua: iyinom nye Merari ebusua ebusua no. 34Na hɔn a wɔkaan hɔn wɔ mu no, dɛ mbrɛ mbanyin no nyinara a woedzi bosoom nye ekyir no hɔn dodow tse no, wɔyɛ mpemesia nye ahaenu. 35Abihail ne babanyin Zuriel nye Merari ebusua ebusua no mu egyanom fi mu safohen panyin: hɔn na wɔnkyer nsera wɔ ntamadan no nkyɛn wɔ kwaamu afamu. 36Na ahwɛdodze a wɔahyɛ ama Merari ne mbabanyin no nye ntamadan no ne ntaabow, nye ne ndaban, nye n’edum, nye ne ntaataase, nye no ho ndzɛmba nyinara, nye no ho edwuma nyinara; 37na dampan no n’edum a ehyia ho no, nye ne ntaease no, nye no mbɔfondua, nye ne ntampehoma. 38Na hɔn a wɔnkyer nsera wɔ ntamadan no enyim wɔ boka afamu, wɔ ehyiadzibuw no enyim a odzi kɔ wipuei no, nye Moses, nye Aaron nye ne mbabanyin a wɔhwɛ ahotseweebea ahwɛdodze no ma Israelmba no; na ɔhɔho biara a ɔbɛba ho no wonku no. 39Hɔn a wofi Levifo mu a Moses nye Aaron nam EWURADZE ne mbrasɛm do kaan hɔn nyinara, dɛ mbrɛ hɔn ebusua ebusua no tse no, mbanyin a woedzi bosoom nye ekyir no nyinara, wɔyɛ mpemeduonu ebien.
Wɔdze Levifo Pon Mbakan
40Na EWURADZE see Moses dɛ, Kan Israelmba mu mbakan mbanyin a woedzi bosoom nye ekyir no nyinara, na bu hɔn edzin no dodow ano. 41Na fa Levifo no ma me (emi nye EWURADZE) fa hyɛ Israelmba mu mbakan no nyinara ananmu; nye Levifo fiembowa no hyɛ Israelmba fiembowa mu mbakan no nyinara ananmu. 42Na Moses kaan Israelmba mu mbakan no nyinara, dɛ mbrɛ EWURADZE hyɛɛ no no. 43Na mbakan mbanyin a woedzidzi bosoom nye ekyir, dɛ mbrɛ edzin dodow no tse wɔ hɔn a wɔkaan hɔn wɔ mu no mu no, wɔyɛ mpemeduonu ebien ahaenu eduosuon ebiasa.
44Na EWURADZE kasaa kyerɛ, Moses dɛ, 45Fa Levifo no hyɛ Israelmba mu mbakan no nyinara ananmu, na fa Levifo fiembowa no hyɛ hɔn fiembowa no ananmu: na Levifo no nyɛ medze; emi nye EWURADZE. 46Na Israelmba mbakan ahaenu eduosuon ebiasa a wɔbor Levifo no hɔn dodow do no hɔn apondze no dze, 47gyegye hɔn tsir sika dwetɛbona enum enum dɛ mbrɛ wɔtse nkorkor; mbrɛ ahotseweebea nhyehyɛɛ tse no na gye hɔn (dwetɛbona yɛ gera enum): 48na fa sika no a wɔdze poon hɔn a wɔbor hɔn do no ma Aaron nye ne mbabanyin no. 49Na Moses gyegyee apondze sika no wɔ hɔn a wɔbor hɔn a Levifo poon hɔn no hɔ: 50Israelmba mbakan hɔ na ɔgyegyee sika no; dwetɛbona apem ahaasa eduosia enum, dɛ mbrɛ ahotseweebea dwetɛbona tse: 51na Moses dze apondze sika no maa Aaron nye ne mbabanyin no, dɛ mbrɛ EWURADZE n’asɛm a ɔhyɛɛ Moses no tse no.
Currently Selected:
Nkanee 3: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 3
3
Levi Ebusuakuw
1Afei iyinom nye Aaron nye Moses hɔn ebusuasantsen wɔ da a EWURADZE nye Moses kasae, wɔ kokwaa Sinai do no. 2Na iyinom nye Aaron ne mbabanyin no hɔn edzin; Nadab a ɔyɛ abakan no, nye Abihu, Eleazar, nye Itamar. 3Iyinom nye Aaron ne mbabanyin, asɔfo a wɔseraa hɔn ngo a wotuu hɔn sii nkyɛn dɛ wondzi asɔfo no, hɔn edzin. 4Na Nadab nye Abihu wuwui wɔ EWURADZE enyim, aber a wɔdze ananagya baa EWURADZE enyim, wɔ Sinai sar do no, na woennya mba ntsi Eleazar nye Itamar nko na wodzii asɔfo wɔ hɔn egya Aaron enyim.
5Na EWURADZE kasaa kyerɛɛ Moses dɛ, 6Fa Levi ebusuakuw no bɛn, na fa hɔn begyina ɔsɔfo Aaron enyim ma wɔnsom me. 7Na wɔnhwɛ n’ahwɛdze do, nye mboanofo no nyinara ahwɛdze no do wɔ ehyiadzibuw no enyim, mfa nyɛ ntamadan no ho edwuma no. 8Na wɔnhwɛ ehyiadzibuw no ne ndzɛmba no nyinara, nye Israelmba ahwɛdze no do, mfa nyɛ ntamadan no ho edwuma no. 9Na fa Levifo no ma Aaron nye ne mbabanyin no: wɔdze hɔn ama no koraa wɔ Israelmba no afamu. 10Na yi Aaron nye ne mbabanyin no si hɔ, na wɔnhwɛ hɔn asɔfodzi no do: na sɛ ɔhɔho ba ho a wonku no.
11Na EWURADZE kasaa kyerɛɛ Moses dɛ, 12Hwɛ, emi, mafa Levifo no efi Israelmba mu ahyɛ Israelmba mu mbakan a wobue yafun mu no nyinara no ananmu; na Levifo no nyɛ medze: 13no mbakan nyinara yɛ medze. Da a mobobɔɔ Egypt asaase do mbakan nyinara no na metseew Israel mu mbakan nyinara ho maa moho, nyimpa nye abowa nyina: wɔyɛ medze; emi nye EWURADZE.
Levifo No Hɔn Nkanee
14Na EWURADZE kasaa kyerɛɛ Moses wɔ Sinai sar do dɛ, 15Kan Levimba no dɛ mbrɛ hɔn egyanom efi, nye hɔn ebusua ebusua tsetsee: banyin biara a oedzi bosoom nye ekyir no kan no. 16Na Moses kaan hɔn dɛ mbrɛ EWURADZE n’asɛm a ɔhyɛɛ no no tse. 17Na iyinom nye Levi mbabanyin dɛ mbrɛ hɔn edzin no tse; Gerson, Kohat, nye Merari. 18Na iyinom nye Gerson ne mbabanyin edzin dɛ mbrɛ hɔn ebusua ebusua tsetsee; Libni nye Simei. 19Na Kohat mbabanyin dɛ mbrɛ hɔn ebusua ebusua tsetsee; Amram, Izhar, Hebron, nye Uziel. 20Na Merari mbabanyin dɛ mbrɛ hɔn ebusua ebusua tsetsee; Mahili nye Musi. Iyinom nye Levifo ebusua ebusua no dɛ mbrɛ hɔn egyanom efi no tsetsee.
21Gerson dze nye Libnifo, nye Simeifo ebusua: iyinom nye Gersonfo ebusua ebusua no. 22Hɔn a wɔkaan hɔn wɔ mu no, dɛ mbrɛ mbanyin no nyinara a woedzi bosoom nye ekyir no hɔn dodow tse no, wɔyɛ mpemesuon nye ahaenum. 23Gersonfo ebusua ebusua no nkyer nsera wɔ ntamadan no ekyir anee afamu. 24Na Lael ne babanyin Eliasaf na ɔnyɛ Gersonfo egyanom efi mu safohen panyin. 25Na Gerson ne mbabanyin no hɔn ahwɛdze wɔ ehyiadzibuw no mu nye ntamadan no, nye Buw no, n’akatado, nye ehyiadzibuw no n’abowano nkataano, 26nye dampan no ne nsensɛnho, nye dampan no n’abowano nkataano no, dza ɔwɔ ntamadan no ho, na otwa afɔrmbukyia no ho hyia no, nye ne ntampehoma wɔ no ho edwuma nyinara ho.
27Na Kohat dze nye Amramfo ebusua, Izharfo ebusua, Hebronfo ebusua, nye Uzielfo ebusua: iyinom nye Kohatfo ebusua ebusua no. 28Dɛ mbrɛ mbanyin nyinara a woedzi bosoom nye ekyir no hɔn dodow tse no, wɔyɛ mpemawɔtwe nye ahaesia a wɔhwɛ ahotseweebea ahwɛdodze no do. 29Kohat ne mbabanyin ebusua ebusua no nkyer nsera wɔ ntamadan no nkyɛn wɔ pomu afamu. 30Na Uziel ne mbabanyin Elizafan na ɔnyɛ ɔsafohen panyin wɔ Kohatfo ebusua ebusua no hɔn egyanom fie mu. 31Na ahwɛdze nye adaka no, nye pon no, nye kandzeadua no, nye afɔrmbukyia no, nye ahotseweebea ndzɛmba no a wɔdze som no, nye nkataano no, nye no ho edwuma nyinara. 32Na ɔsɔfo Aaron ne babanyin Eleazar na nyɛ ɔsafohen panyin wɔ Levifo asafohemfo mu, na ɔnhwɛ hɔn a wɔhwɛ ahotseweebea no do ahwɛdodze do no do.
33Merari dze nye Mahilifo ebusua, nye Musfo ebusua: iyinom nye Merari ebusua ebusua no. 34Na hɔn a wɔkaan hɔn wɔ mu no, dɛ mbrɛ mbanyin no nyinara a woedzi bosoom nye ekyir no hɔn dodow tse no, wɔyɛ mpemesia nye ahaenu. 35Abihail ne babanyin Zuriel nye Merari ebusua ebusua no mu egyanom fi mu safohen panyin: hɔn na wɔnkyer nsera wɔ ntamadan no nkyɛn wɔ kwaamu afamu. 36Na ahwɛdodze a wɔahyɛ ama Merari ne mbabanyin no nye ntamadan no ne ntaabow, nye ne ndaban, nye n’edum, nye ne ntaataase, nye no ho ndzɛmba nyinara, nye no ho edwuma nyinara; 37na dampan no n’edum a ehyia ho no, nye ne ntaease no, nye no mbɔfondua, nye ne ntampehoma. 38Na hɔn a wɔnkyer nsera wɔ ntamadan no enyim wɔ boka afamu, wɔ ehyiadzibuw no enyim a odzi kɔ wipuei no, nye Moses, nye Aaron nye ne mbabanyin a wɔhwɛ ahotseweebea ahwɛdodze no ma Israelmba no; na ɔhɔho biara a ɔbɛba ho no wonku no. 39Hɔn a wofi Levifo mu a Moses nye Aaron nam EWURADZE ne mbrasɛm do kaan hɔn nyinara, dɛ mbrɛ hɔn ebusua ebusua no tse no, mbanyin a woedzi bosoom nye ekyir no nyinara, wɔyɛ mpemeduonu ebien.
Wɔdze Levifo Pon Mbakan
40Na EWURADZE see Moses dɛ, Kan Israelmba mu mbakan mbanyin a woedzi bosoom nye ekyir no nyinara, na bu hɔn edzin no dodow ano. 41Na fa Levifo no ma me (emi nye EWURADZE) fa hyɛ Israelmba mu mbakan no nyinara ananmu; nye Levifo fiembowa no hyɛ Israelmba fiembowa mu mbakan no nyinara ananmu. 42Na Moses kaan Israelmba mu mbakan no nyinara, dɛ mbrɛ EWURADZE hyɛɛ no no. 43Na mbakan mbanyin a woedzidzi bosoom nye ekyir, dɛ mbrɛ edzin dodow no tse wɔ hɔn a wɔkaan hɔn wɔ mu no mu no, wɔyɛ mpemeduonu ebien ahaenu eduosuon ebiasa.
44Na EWURADZE kasaa kyerɛ, Moses dɛ, 45Fa Levifo no hyɛ Israelmba mu mbakan no nyinara ananmu, na fa Levifo fiembowa no hyɛ hɔn fiembowa no ananmu: na Levifo no nyɛ medze; emi nye EWURADZE. 46Na Israelmba mbakan ahaenu eduosuon ebiasa a wɔbor Levifo no hɔn dodow do no hɔn apondze no dze, 47gyegye hɔn tsir sika dwetɛbona enum enum dɛ mbrɛ wɔtse nkorkor; mbrɛ ahotseweebea nhyehyɛɛ tse no na gye hɔn (dwetɛbona yɛ gera enum): 48na fa sika no a wɔdze poon hɔn a wɔbor hɔn do no ma Aaron nye ne mbabanyin no. 49Na Moses gyegyee apondze sika no wɔ hɔn a wɔbor hɔn a Levifo poon hɔn no hɔ: 50Israelmba mbakan hɔ na ɔgyegyee sika no; dwetɛbona apem ahaasa eduosia enum, dɛ mbrɛ ahotseweebea dwetɛbona tse: 51na Moses dze apondze sika no maa Aaron nye ne mbabanyin no, dɛ mbrɛ EWURADZE n’asɛm a ɔhyɛɛ Moses no tse no.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.