Nkanee 4
4
Kohatfo No
1Na EWURADZE kasaa kyerɛɛ Moses nye Aaron dɛ. 2Bu Kohat ne mbabanyin no ano fa fi Levi mbabanyin no mu, dɛ mbrɛ hɔn ebusua ebusua, nye hɔn egyanom efi tsetsee, 3ofi hɔn a woedzi mfe eduasa nye ekyir do kodu hɔn a woedzi mfe eduonum do, hɔn a wɔhɛn ɔsom no mu kɛyɛ edwuma wɔ ehyiadzibuw no mu no nyinara. 4Iyi nye Kohat ne mbabanyin no hɔn edwuma wɔ ehyiadzibuw no mu, wɔ krɔnkrɔndze mu adzekrɔnkrɔn ho: 5sɛ nseraban no rubotu a, Aaron nye ne mbabanyin no na wɔnkɔ mu, na wonkeyi ntwamutam nkataano no, na wɔmfa nkata dasedaka no do: 6na wɔmfa esukraman nwoma akatado nto do, na wɔmfa tam a ne nyinara yɛ bibir nkata do, na wɔmfa no mpoma no nhyehyɛ mu. 7Na wɔmfa tam bibir nkata ɔkyerɛpaanoo pon no do, na wɔmfa nkwansɛn no, nye ntser no, nye nkora, nye nkɔɔpow a wɔdze hue no nsisi do: na daa daa paanoo no nsi do: 8na wɔmfa tam memen nkata do, na wɔmfa esukraman nwoma akatado nkata ho, na wɔmfa no mpoma no nhyehyɛ mu. 9Na wɔmfa tam bibir, nkata kandzea no ne kandzeadua nye ne nkandzea, nye n’adabaa, nye no nsompokuwa no, nye no ngo ntoaba nyinara a wɔdze som no ho: 10na wɔmfa ɔno nye no ho adze nyinara nhyɛ esukraman nwoma akatado mu, na wɔmfa nto pata no do. 11Wɔmfa tam bibir nkata sika afɔrmbukyia no do, na wɔmfa esukraman nwoma akatado nkata do, na wɔmfa no mpoma no nhyehyɛ mu: 12na wɔmfa ɔsom ho ndzɛmba nyinara a wɔdze som wɔ ahotseweebea no nhyɛ tam bibir mu, na wɔmfa esukraman nwoma akatado nkata ho, na wɔmfa nto pata no do. 13Na wɔnsesaw nso no wɔ afɔrmbukyia no do, na wɔmfa tam ɔberdum nkata do: 14na wɔmfa no ho ndzɛmba nyinara a wɔdze som wɔ ho no ngu do, ogyasɛn, edzinam, nye nsofi, nye mbɛɛsen, afɔrmbukyia no ho ndzɛmba no nyinara; na wɔmfa esukraman nwoma akatado nkata do, na wɔmfa no mpoma no nhyehyɛ mu. 15Na sɛ nseraban no rubotu, na Aaron nye ne mbabanyin no wie ahotseweebea no, nye ahotseweebea no ho ndzɛmba no nyinara do kata a; nna nkyii Kohat ne mbabanyin no mbra mbɔsoa: ahotseweebea no dze mma wɔnnka, amma woeennwuwu. Ndzɛmba yi nye Kohat ne mbabanyin no hɔn adzesoa wɔ ehyiadzibuw no mu. 16Na ɔsɔfo Aaron ne babanyin Eleazar n’ahwɛdodze nye kandzea no ho ngo no, nduhuanhuam no, daa daa edziban afɔr no, ɔserango no, ntamadan no nye dza ɔayɛ no krɔnkrɔn a ɔwɔ mu no nyinara.
17Na EWURADZE kasaa kyerɛɛ Moses nye Aaron dɛ, 18Hom nhwɛ ma wontwa Kohatfo ebusua ebusua mu ebusuakuw no mmfi Levifo no mu: 19na dza hom nyɛ mma hɔn ama woeenya nkwa na woeennwuwu, sɛ wɔbɛn krɔnkrɔndze mu adzekrɔnkrɔn no a: Aaron nye ne mbabanyin no nhɛn mu, na wɔmfa hɔn nsisi obiara n’edwuma nye n’adzesoa ho: 20na hɔn dze, mma wɔnnhɛn mu nnkɔhwɛ ahotseweebea no dɛ enyi robɔ do mpo, amma woeennwuwu.
Gersonfo
21Na EWURADZE kasaa kyerɛɛ Moses dɛ, 22Bu Gerson mbabanyin no so ano, dɛ mbrɛ hɔn egyanom efi, nye hɔn ebusua ebusua tsetsee; 23ofi hɔn a woedzi mfe eduasa nye ekyir do kodu hɔn a woedzi mfe eduonum do na kan hɔn; hɔn a wɔhɛn mu kɔsom dɛ wɔkɛyɛ edwuma wɔ ehyiadzibuw no mu no nyinara. 24Iyi nye Gersonfo ebusua ebusua hɔn som wɔ ɔsom nye ndzesoa soa mu. 25Hɔn na wɔnsoa ntamadan no ne nsensɛnho atam no, nye ehyiadzibuw no, ne nkatado, nye esukraman nwoma akatado no a ɔwɔ do wɔ sor no, nye ehyiadzibuw no n’abowano nkataano; 26nye pampan no ne nsensɛnho no, nye pampan no n’abotsen abowano nkataano, dza etwa ntamadan no nye afɔrmbukyia no ho ehyia no, nye ne ntampehoma, nye no ho edwuma ho ndzɛmba nyinara, nye biribiara a wɔdze bɛyɛ no, no mu na wɔnsom. 27Aaron nye ne mbabanyin mbrasɛm do na Gersonfo mbabanyin no nyɛ hɔn edwuma nyinara, wɔ hɔn adzesoa nyinara, nye hɔn edwuma nyinara mu: na hom mfa hɔn adzesoa nyinara nhyɛ hɔn nsa ma wɔnhwɛ do. 28Iyi nye Gersonfo mbabanyin ebusua ebusua no hɔn edwuma wɔ ehyiadzibuw no mu: na hɔn ahwɛdodze wɔ ɔsɔfo Aaron ne babanyin Itamar nsamu.
Merarifo
29Merari ne mbabanyin no dze, kan hɔn dɛ mbrɛ hɔn ebusua ebusua, nye hɔn egyanom efi tsetsee; 30ofi hɔn a woedzi mfe eduasa nye ekyir do kodu hɔn a woedzi mfe eduonum do no mu, obiara a ɔhɛn ɔsom no mu, dɛ ɔkɛyɛ edwuma wɔ ehyiadzibuw no mu no. 31Na iyi nye hɔn adzesoa ahwɛdodze, dɛ mbrɛ hɔn edwuma nyinara tse wɔ ehyiadzibuw no mu; ntamadan no ne ntaabow, nye n’adaban, nye n’edum, nye ne ngyinado na kan hɔn; 32na pampan no n’edum a etwa ho ehyia no, nye ne ngyinado, nye no mbɔfondua, nye ne ntampehoma, ɔnye no ho ndzɛmba nyinara, na ɔnye n’edwuma nyinara: na hom mfa hɔn adzesoa ahwɛdodze ndzɛmba no mbɔ dzin nhyɛ hɔn nsa. 33Iyi nye Merari mbabanyin ebusua ebusua edwuma, dɛ mbrɛ hɔn edwuma nyinara tse, wɔ ehyiadzibuw no mu, wɔ ɔsɔfo Aaron ne babanyin Itamar nsamu.
34Na Moses nye Aaron nye mboanofo no mu mbapɔmba no kaan Kohatfo mbabanyin no dɛ mbrɛ hɔn ebusua ebusua, nye hɔn egyanom efi tsetsee, 35ofi hɔn a woedzi mfe eduasa nye ekyir do kodu hɔn a woedzi mfe eduonum do, dɛ ɔkɛyɛ edwuma wɔ ehyiadzibuw no mu no: 36na hɔn a wɔkaan hɔn wɔ mu dɛ mbrɛ hɔn ebusua ebusua tsetsee no wɔyɛ mpemebien ahaesuon eduonum. 37Iyinom nye hɔn a wɔkaan hɔn wɔ Kohatfo ebusua ebusua mu, hɔn a wɔsoom wɔ ehyiadzibuw no mu nyinara a Moses nye Aaron nam EWURADZE mbrasɛm a ɔwɔ Moses nsamu no do kanee no.
38Na hɔn a wɔkaan hɔn wɔ Gerson mbabanyin mu, dɛ mbrɛ hɔn ebusua ebusua, nye hɔn egyanom efi tsetsee, 39ofi hɔn a woedzi mfe eduasa nye ekyir do kodu hɔn a woedzi mfe eduonum do, obiara a ɔhɛn ɔsom no mu, dɛ ɔkɛyɛ edwuma wɔ ehyiadzibuw no mu no, 40dɛ mbrɛ hɔn ebusua, nye hɔn egyanom efi tsetsee no, wɔyɛ mpemebien nye ahaesia eduasa. 41Iyinom nye hɔn a wɔkaan hɔn wɔ Gerson ne mbabanyin ebusua ebusua mu, hɔn a wɔsomee wɔ ehyiadzibuw no mu nyinara a Moses nye Aaron nam EWURADZE mbrasɛm do kanee no.
42Na hɔn a wɔkaan hɔn wɔ Merari mbabanyin ebusua ebusua mu, dɛ mbrɛ ebusua ebusua nye hɔn egyanom efi tsetsee, 43ofi hɔn a woedzi mfe eduasa nye ekyir kodu hɔn a woedzi mfe eduonum do, obiara a ɔhɛn ɔsom no mu, dɛ ɔkɛyɛ edwuma wɔ ehyiadzibuw no mu no, 44dɛ mbrɛ hɔn ebusua ebusua tse a wɔkaan hɔn no, wɔyɛ mpemebiasa nye ahaenu. 45Iyinom nye hɔn a wɔkaan hɔn wɔ Merari ne mbabanyin ebusua ebusua a Moses nye Aaron nam EWURADZE mbrasɛm a ɔwɔ Moses nsamu no do kanee no.
46Hɔn a wɔkaan hɔn wɔ Levifo mu nyinara a Moses nye Aaron nye Israel mbapɔmba no kanee, dɛ mbrɛ hɔn ebusua ebusua, nye hɔn egyanom efi tsetsee, 47ofi hɔn a woedzi mfe eduasa nye ekyir do kodu hɔn a woedzi mfe eduonum do, obiara a ɔhɛn mu dɛ ɔkɛyɛ ɔsom edwuma, nye ndzesoa soa mu edwuma wɔ ehyiadzibuw no mu 48a wɔkaan hɔn no, wɔyɛ mpemawɔtwe ahaenum eduawɔtwe. 49Dɛ mbrɛ EWURADZE mbrasɛm tse na wɔnam Moses nsa do kaan hɔn, obiara dɛ mbrɛ no som tse, nye mbrɛ n’adzesoa tse no ara: dɛm na kaan hɔn, dɛ mbrɛ EWURADZE hyɛɛ no no.
Currently Selected:
Nkanee 4: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 4
4
Kohatfo No
1Na EWURADZE kasaa kyerɛɛ Moses nye Aaron dɛ. 2Bu Kohat ne mbabanyin no ano fa fi Levi mbabanyin no mu, dɛ mbrɛ hɔn ebusua ebusua, nye hɔn egyanom efi tsetsee, 3ofi hɔn a woedzi mfe eduasa nye ekyir do kodu hɔn a woedzi mfe eduonum do, hɔn a wɔhɛn ɔsom no mu kɛyɛ edwuma wɔ ehyiadzibuw no mu no nyinara. 4Iyi nye Kohat ne mbabanyin no hɔn edwuma wɔ ehyiadzibuw no mu, wɔ krɔnkrɔndze mu adzekrɔnkrɔn ho: 5sɛ nseraban no rubotu a, Aaron nye ne mbabanyin no na wɔnkɔ mu, na wonkeyi ntwamutam nkataano no, na wɔmfa nkata dasedaka no do: 6na wɔmfa esukraman nwoma akatado nto do, na wɔmfa tam a ne nyinara yɛ bibir nkata do, na wɔmfa no mpoma no nhyehyɛ mu. 7Na wɔmfa tam bibir nkata ɔkyerɛpaanoo pon no do, na wɔmfa nkwansɛn no, nye ntser no, nye nkora, nye nkɔɔpow a wɔdze hue no nsisi do: na daa daa paanoo no nsi do: 8na wɔmfa tam memen nkata do, na wɔmfa esukraman nwoma akatado nkata ho, na wɔmfa no mpoma no nhyehyɛ mu. 9Na wɔmfa tam bibir, nkata kandzea no ne kandzeadua nye ne nkandzea, nye n’adabaa, nye no nsompokuwa no, nye no ngo ntoaba nyinara a wɔdze som no ho: 10na wɔmfa ɔno nye no ho adze nyinara nhyɛ esukraman nwoma akatado mu, na wɔmfa nto pata no do. 11Wɔmfa tam bibir nkata sika afɔrmbukyia no do, na wɔmfa esukraman nwoma akatado nkata do, na wɔmfa no mpoma no nhyehyɛ mu: 12na wɔmfa ɔsom ho ndzɛmba nyinara a wɔdze som wɔ ahotseweebea no nhyɛ tam bibir mu, na wɔmfa esukraman nwoma akatado nkata ho, na wɔmfa nto pata no do. 13Na wɔnsesaw nso no wɔ afɔrmbukyia no do, na wɔmfa tam ɔberdum nkata do: 14na wɔmfa no ho ndzɛmba nyinara a wɔdze som wɔ ho no ngu do, ogyasɛn, edzinam, nye nsofi, nye mbɛɛsen, afɔrmbukyia no ho ndzɛmba no nyinara; na wɔmfa esukraman nwoma akatado nkata do, na wɔmfa no mpoma no nhyehyɛ mu. 15Na sɛ nseraban no rubotu, na Aaron nye ne mbabanyin no wie ahotseweebea no, nye ahotseweebea no ho ndzɛmba no nyinara do kata a; nna nkyii Kohat ne mbabanyin no mbra mbɔsoa: ahotseweebea no dze mma wɔnnka, amma woeennwuwu. Ndzɛmba yi nye Kohat ne mbabanyin no hɔn adzesoa wɔ ehyiadzibuw no mu. 16Na ɔsɔfo Aaron ne babanyin Eleazar n’ahwɛdodze nye kandzea no ho ngo no, nduhuanhuam no, daa daa edziban afɔr no, ɔserango no, ntamadan no nye dza ɔayɛ no krɔnkrɔn a ɔwɔ mu no nyinara.
17Na EWURADZE kasaa kyerɛɛ Moses nye Aaron dɛ, 18Hom nhwɛ ma wontwa Kohatfo ebusua ebusua mu ebusuakuw no mmfi Levifo no mu: 19na dza hom nyɛ mma hɔn ama woeenya nkwa na woeennwuwu, sɛ wɔbɛn krɔnkrɔndze mu adzekrɔnkrɔn no a: Aaron nye ne mbabanyin no nhɛn mu, na wɔmfa hɔn nsisi obiara n’edwuma nye n’adzesoa ho: 20na hɔn dze, mma wɔnnhɛn mu nnkɔhwɛ ahotseweebea no dɛ enyi robɔ do mpo, amma woeennwuwu.
Gersonfo
21Na EWURADZE kasaa kyerɛɛ Moses dɛ, 22Bu Gerson mbabanyin no so ano, dɛ mbrɛ hɔn egyanom efi, nye hɔn ebusua ebusua tsetsee; 23ofi hɔn a woedzi mfe eduasa nye ekyir do kodu hɔn a woedzi mfe eduonum do na kan hɔn; hɔn a wɔhɛn mu kɔsom dɛ wɔkɛyɛ edwuma wɔ ehyiadzibuw no mu no nyinara. 24Iyi nye Gersonfo ebusua ebusua hɔn som wɔ ɔsom nye ndzesoa soa mu. 25Hɔn na wɔnsoa ntamadan no ne nsensɛnho atam no, nye ehyiadzibuw no, ne nkatado, nye esukraman nwoma akatado no a ɔwɔ do wɔ sor no, nye ehyiadzibuw no n’abowano nkataano; 26nye pampan no ne nsensɛnho no, nye pampan no n’abotsen abowano nkataano, dza etwa ntamadan no nye afɔrmbukyia no ho ehyia no, nye ne ntampehoma, nye no ho edwuma ho ndzɛmba nyinara, nye biribiara a wɔdze bɛyɛ no, no mu na wɔnsom. 27Aaron nye ne mbabanyin mbrasɛm do na Gersonfo mbabanyin no nyɛ hɔn edwuma nyinara, wɔ hɔn adzesoa nyinara, nye hɔn edwuma nyinara mu: na hom mfa hɔn adzesoa nyinara nhyɛ hɔn nsa ma wɔnhwɛ do. 28Iyi nye Gersonfo mbabanyin ebusua ebusua no hɔn edwuma wɔ ehyiadzibuw no mu: na hɔn ahwɛdodze wɔ ɔsɔfo Aaron ne babanyin Itamar nsamu.
Merarifo
29Merari ne mbabanyin no dze, kan hɔn dɛ mbrɛ hɔn ebusua ebusua, nye hɔn egyanom efi tsetsee; 30ofi hɔn a woedzi mfe eduasa nye ekyir do kodu hɔn a woedzi mfe eduonum do no mu, obiara a ɔhɛn ɔsom no mu, dɛ ɔkɛyɛ edwuma wɔ ehyiadzibuw no mu no. 31Na iyi nye hɔn adzesoa ahwɛdodze, dɛ mbrɛ hɔn edwuma nyinara tse wɔ ehyiadzibuw no mu; ntamadan no ne ntaabow, nye n’adaban, nye n’edum, nye ne ngyinado na kan hɔn; 32na pampan no n’edum a etwa ho ehyia no, nye ne ngyinado, nye no mbɔfondua, nye ne ntampehoma, ɔnye no ho ndzɛmba nyinara, na ɔnye n’edwuma nyinara: na hom mfa hɔn adzesoa ahwɛdodze ndzɛmba no mbɔ dzin nhyɛ hɔn nsa. 33Iyi nye Merari mbabanyin ebusua ebusua edwuma, dɛ mbrɛ hɔn edwuma nyinara tse, wɔ ehyiadzibuw no mu, wɔ ɔsɔfo Aaron ne babanyin Itamar nsamu.
34Na Moses nye Aaron nye mboanofo no mu mbapɔmba no kaan Kohatfo mbabanyin no dɛ mbrɛ hɔn ebusua ebusua, nye hɔn egyanom efi tsetsee, 35ofi hɔn a woedzi mfe eduasa nye ekyir do kodu hɔn a woedzi mfe eduonum do, dɛ ɔkɛyɛ edwuma wɔ ehyiadzibuw no mu no: 36na hɔn a wɔkaan hɔn wɔ mu dɛ mbrɛ hɔn ebusua ebusua tsetsee no wɔyɛ mpemebien ahaesuon eduonum. 37Iyinom nye hɔn a wɔkaan hɔn wɔ Kohatfo ebusua ebusua mu, hɔn a wɔsoom wɔ ehyiadzibuw no mu nyinara a Moses nye Aaron nam EWURADZE mbrasɛm a ɔwɔ Moses nsamu no do kanee no.
38Na hɔn a wɔkaan hɔn wɔ Gerson mbabanyin mu, dɛ mbrɛ hɔn ebusua ebusua, nye hɔn egyanom efi tsetsee, 39ofi hɔn a woedzi mfe eduasa nye ekyir do kodu hɔn a woedzi mfe eduonum do, obiara a ɔhɛn ɔsom no mu, dɛ ɔkɛyɛ edwuma wɔ ehyiadzibuw no mu no, 40dɛ mbrɛ hɔn ebusua, nye hɔn egyanom efi tsetsee no, wɔyɛ mpemebien nye ahaesia eduasa. 41Iyinom nye hɔn a wɔkaan hɔn wɔ Gerson ne mbabanyin ebusua ebusua mu, hɔn a wɔsomee wɔ ehyiadzibuw no mu nyinara a Moses nye Aaron nam EWURADZE mbrasɛm do kanee no.
42Na hɔn a wɔkaan hɔn wɔ Merari mbabanyin ebusua ebusua mu, dɛ mbrɛ ebusua ebusua nye hɔn egyanom efi tsetsee, 43ofi hɔn a woedzi mfe eduasa nye ekyir kodu hɔn a woedzi mfe eduonum do, obiara a ɔhɛn ɔsom no mu, dɛ ɔkɛyɛ edwuma wɔ ehyiadzibuw no mu no, 44dɛ mbrɛ hɔn ebusua ebusua tse a wɔkaan hɔn no, wɔyɛ mpemebiasa nye ahaenu. 45Iyinom nye hɔn a wɔkaan hɔn wɔ Merari ne mbabanyin ebusua ebusua a Moses nye Aaron nam EWURADZE mbrasɛm a ɔwɔ Moses nsamu no do kanee no.
46Hɔn a wɔkaan hɔn wɔ Levifo mu nyinara a Moses nye Aaron nye Israel mbapɔmba no kanee, dɛ mbrɛ hɔn ebusua ebusua, nye hɔn egyanom efi tsetsee, 47ofi hɔn a woedzi mfe eduasa nye ekyir do kodu hɔn a woedzi mfe eduonum do, obiara a ɔhɛn mu dɛ ɔkɛyɛ ɔsom edwuma, nye ndzesoa soa mu edwuma wɔ ehyiadzibuw no mu 48a wɔkaan hɔn no, wɔyɛ mpemawɔtwe ahaenum eduawɔtwe. 49Dɛ mbrɛ EWURADZE mbrasɛm tse na wɔnam Moses nsa do kaan hɔn, obiara dɛ mbrɛ no som tse, nye mbrɛ n’adzesoa tse no ara: dɛm na kaan hɔn, dɛ mbrɛ EWURADZE hyɛɛ no no.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.