Nkanee 6
6
Nazirinyiyɛ Ho Mbra
1Na EWURADZE kasaa kyerɛɛ Moses dɛ, 2Kasa kyerɛ Israelmba, na se hɔn dɛ, Sɛ ɔbanyin anaa ɔbaa bi bɔ anohoba soronko, Nazirinyi anohoba, dɛ orutu noho dze ama EWURADZE a: 3ɔnkam noho wɔ wenyin nye nsa dzendzen ho: mma ɔnnom wenyin kawee, anaa nsa dzendzen kawee, nkyii so mma ɔnnom esikyireamba nsa biara, na onndzi esikyireamba momon anaa guanee so. 4Noho nkamee nda nyinara mu mma onndzi biribiara a wɔdze wenyindua ho biribi ayɛ, no nsowee mu aba o, no ho ahon o. 5Noho nkamee anohoba nda nyinara mu no mma oyindam bi nnka ne tsir: ɔnyɛ krɔnkrɔn nkodu dɛ nda a ɔkaam noho maa EWURADZE wɔ mu no bɔso, onsie etsimum. 6Nda a ɔakam noho ama EWURADZE no nyinara mma ɔnnkɔ nyimpa bi fun ho. 7Sɛ n’egya, anaa ne na, no nua anaa n’akyerɛbaa mpo wuwu a, mma onnkogu noho fi: osiandɛ noho nkamee a ɔdze ma Nyankopɔn no wɔ n’etsifi. 8Noho nkamee nda nyinara ɔyɛ krɔnkrɔn ma EWURADZE. 9Na sɛ nyimpa bi wu awerɛfir mu wɔ ne nkyɛn, na ogu noho nkamee tsir ho fi a; ɔno da a otsia esuon no onyi ne tsir wɔ n’ahoguar da no mu. 10Na da a otsia awɔtwe no ɔmfa ntamram ebien, anaa mborɔnomamba ebien, mbrɛ ɔsɔfo no, wɔ ehyiadzibuw no n’abowano: 11na ɔsɔfo no mfa kor mbɔ bɔn ho afɔr, na kor no so ɔmfa nyɛ ɔhyew afɔr, na ɔmpata mma no, dɛ ɔafom wɔ fun no ho, na ɔntsew ne tsir ho da no ara. 12Na ɔnsan nkam noho mma EWURADZE, na ɔmfa eguambaanyin a oedzi afrenhyia mbra mbɔbɔ asodzi ho afɔr: mbom nkan no nda no ayɛ kwa, osiandɛ noho nkamee no ho egu fi.
13Na iyi nye Nazirinyi ho mbra, aber a noho nkamee nda ewie du no: wɔmfa no mbra ehyiadzibuw no n’abowano: 14na ɔmfa ayɛyɛdze mbrɛ EWURADZE, eguambaanyin a oedzi afrenhyia a onndzii dzɛm kor mbɔbɔ ɔhyew afɔr, na eguambaaber a oedzi afrenhyia a onndzii dzɛm kor mbɔbɔ bɔn ho afɔr, nye oguannyin a onndzii dzɛm kor mbɔbɔ asomdwee afɔr, 15nye epitsi boodoo kɛntsɛn no, nye isiam pa tatar a wɔdze ngo afrɔw, nye epitsi tatar ntrɛtraba a wɔdze ngo egu do, nye n’edziban afɔr, nye no nom afɔr. 16Na ɔsɔfo no mfa mbra EWURADZE enyim, na ɔmbɔ no bɔn ho afɔr, nye ne hyew afɔr: 17na ɔmfa oguannyin no mbɔ asomdwee afɔr mma EWURADZE, nka epitsi boodoo kɛntsɛn no ho: ɔsɔfo no mbɔ n’edziban afɔr, nye no nom afɔr no so. 18Na Nazirinyi no nyi ne tsir no wɔ ehyiadzibuw no n’abowano, na ɔmfa ne tsinhwi no ngu ogya no a ɔwɔ asomdwee afɔr ase no mu. 19Na oeyi ne tsir no ekyir no, ɔsɔfo no mfa oguannyin abasa a wɔanoa, nye kɛntsɛn no mu epitsi tatar kor, na epitsi tatar ntrɛtraba kor ngu Nazirinyi no nsamu, 20na ɔsɔfo no ntow no ɔtow afɔr wɔ EWURADZE enyim; iyi yɛ krɔnkrɔn ma ɔsɔfo no dze ka ɔtow nyan nye ohim aserɛ no ho: na ɔno ekyir no Nazirinyi no nnom wenyin. 21Iyi nye mbra a ɔwɔ hɔ ma Nazirinyi na mbom sɛ ɔbɔ anohoba bi ka dza Nazirinyi yɛ no ho a, otwar dɛ ɔpon dɛm anohoba no ka dza noho nkamee nhyehyɛɛ no kyerɛ no.
Mbrɛ Asɔfo No Nsi Nhyira
22Na EWURADZE kasaa kyerɛɛ Moses dɛ, 23Kasa kyerɛ Aaron nye ne mbabanyin no dɛ, Mbrɛ hom nsi nhyira Israelmba no nye yi; hom nse hɔn dɛ,
24EWURADZE nhyira wo,
na ɔnhwɛ wo do:
25EWURADZE ntsew n’enyim nkyerɛ wo,
na ɔndom wo:
26EWURADZE mma n’enyi do nhwɛ wo,
na ɔmma wo asomdwee.
27Na wɔmfa me dzin nto Israelmba do dɛm; na mibehyira hɔn.
Currently Selected:
Nkanee 6: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 6
6
Nazirinyiyɛ Ho Mbra
1Na EWURADZE kasaa kyerɛɛ Moses dɛ, 2Kasa kyerɛ Israelmba, na se hɔn dɛ, Sɛ ɔbanyin anaa ɔbaa bi bɔ anohoba soronko, Nazirinyi anohoba, dɛ orutu noho dze ama EWURADZE a: 3ɔnkam noho wɔ wenyin nye nsa dzendzen ho: mma ɔnnom wenyin kawee, anaa nsa dzendzen kawee, nkyii so mma ɔnnom esikyireamba nsa biara, na onndzi esikyireamba momon anaa guanee so. 4Noho nkamee nda nyinara mu mma onndzi biribiara a wɔdze wenyindua ho biribi ayɛ, no nsowee mu aba o, no ho ahon o. 5Noho nkamee anohoba nda nyinara mu no mma oyindam bi nnka ne tsir: ɔnyɛ krɔnkrɔn nkodu dɛ nda a ɔkaam noho maa EWURADZE wɔ mu no bɔso, onsie etsimum. 6Nda a ɔakam noho ama EWURADZE no nyinara mma ɔnnkɔ nyimpa bi fun ho. 7Sɛ n’egya, anaa ne na, no nua anaa n’akyerɛbaa mpo wuwu a, mma onnkogu noho fi: osiandɛ noho nkamee a ɔdze ma Nyankopɔn no wɔ n’etsifi. 8Noho nkamee nda nyinara ɔyɛ krɔnkrɔn ma EWURADZE. 9Na sɛ nyimpa bi wu awerɛfir mu wɔ ne nkyɛn, na ogu noho nkamee tsir ho fi a; ɔno da a otsia esuon no onyi ne tsir wɔ n’ahoguar da no mu. 10Na da a otsia awɔtwe no ɔmfa ntamram ebien, anaa mborɔnomamba ebien, mbrɛ ɔsɔfo no, wɔ ehyiadzibuw no n’abowano: 11na ɔsɔfo no mfa kor mbɔ bɔn ho afɔr, na kor no so ɔmfa nyɛ ɔhyew afɔr, na ɔmpata mma no, dɛ ɔafom wɔ fun no ho, na ɔntsew ne tsir ho da no ara. 12Na ɔnsan nkam noho mma EWURADZE, na ɔmfa eguambaanyin a oedzi afrenhyia mbra mbɔbɔ asodzi ho afɔr: mbom nkan no nda no ayɛ kwa, osiandɛ noho nkamee no ho egu fi.
13Na iyi nye Nazirinyi ho mbra, aber a noho nkamee nda ewie du no: wɔmfa no mbra ehyiadzibuw no n’abowano: 14na ɔmfa ayɛyɛdze mbrɛ EWURADZE, eguambaanyin a oedzi afrenhyia a onndzii dzɛm kor mbɔbɔ ɔhyew afɔr, na eguambaaber a oedzi afrenhyia a onndzii dzɛm kor mbɔbɔ bɔn ho afɔr, nye oguannyin a onndzii dzɛm kor mbɔbɔ asomdwee afɔr, 15nye epitsi boodoo kɛntsɛn no, nye isiam pa tatar a wɔdze ngo afrɔw, nye epitsi tatar ntrɛtraba a wɔdze ngo egu do, nye n’edziban afɔr, nye no nom afɔr. 16Na ɔsɔfo no mfa mbra EWURADZE enyim, na ɔmbɔ no bɔn ho afɔr, nye ne hyew afɔr: 17na ɔmfa oguannyin no mbɔ asomdwee afɔr mma EWURADZE, nka epitsi boodoo kɛntsɛn no ho: ɔsɔfo no mbɔ n’edziban afɔr, nye no nom afɔr no so. 18Na Nazirinyi no nyi ne tsir no wɔ ehyiadzibuw no n’abowano, na ɔmfa ne tsinhwi no ngu ogya no a ɔwɔ asomdwee afɔr ase no mu. 19Na oeyi ne tsir no ekyir no, ɔsɔfo no mfa oguannyin abasa a wɔanoa, nye kɛntsɛn no mu epitsi tatar kor, na epitsi tatar ntrɛtraba kor ngu Nazirinyi no nsamu, 20na ɔsɔfo no ntow no ɔtow afɔr wɔ EWURADZE enyim; iyi yɛ krɔnkrɔn ma ɔsɔfo no dze ka ɔtow nyan nye ohim aserɛ no ho: na ɔno ekyir no Nazirinyi no nnom wenyin. 21Iyi nye mbra a ɔwɔ hɔ ma Nazirinyi na mbom sɛ ɔbɔ anohoba bi ka dza Nazirinyi yɛ no ho a, otwar dɛ ɔpon dɛm anohoba no ka dza noho nkamee nhyehyɛɛ no kyerɛ no.
Mbrɛ Asɔfo No Nsi Nhyira
22Na EWURADZE kasaa kyerɛɛ Moses dɛ, 23Kasa kyerɛ Aaron nye ne mbabanyin no dɛ, Mbrɛ hom nsi nhyira Israelmba no nye yi; hom nse hɔn dɛ,
24EWURADZE nhyira wo,
na ɔnhwɛ wo do:
25EWURADZE ntsew n’enyim nkyerɛ wo,
na ɔndom wo:
26EWURADZE mma n’enyi do nhwɛ wo,
na ɔmma wo asomdwee.
27Na wɔmfa me dzin nto Israelmba do dɛm; na mibehyira hɔn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.