Ndwuma 4
4
Wɔkyer Peter na John Kɔ Ɔman Nhyiamu Enyim
1Na wɔrekasa kyerɛ nkorɔfo no, asɔfo nye asɔrfi safohen, nye Sadusiifo no baa hɔn do, 2na ɔyɛɛ hɔn ehi dɛ wɔnam Jesus do reka ewufo mu soɛr ho asɛm. 3Na wɔdze nsa suoo hɔn mu dze hɔn kesiee dɛ adze nkye: osiandɛ nna edu anafua. 4Na hɔn a wɔtsee asɛm no dodowara gyee dzii; na nyimpa no dodow bɛyɛɛ mpemenum.
5Na ɔbaa dɛ adze kyee no, hɔn etsitsir nye mpanyimfo nye kyerɛwfo no behyiae wɔ Jerusalɛm, 6wɔnye ɔsɔfopanyin Annas, nye Kaiafas, nye John, nye Alɛksandar, nye dodowara a wofi sɔfopanyin ebusua mu. 7Na wɔdze hɔn begyinaa finimfin bisaa hɔn dɛ, Ebɛn tum anaadɛ ebɛn dzin mu na hom yɛɛ yi? 8Nna Peter a Sunsum Krɔnkrɔn ahyɛ no ma no see hɔn dɛ, Ɔman mu etsitsir, nye mpanyimfo, 9sɛ dza wɔrepɛnsa hɛn mu ndɛ wɔ yie a wɔayɛ ama ɔyarfo yi ho, nye dɛ, Ɔnam ebɛnadze do na wɔagye no nkwa a; 10hom nyina nye Israelman nyina nhu dɛ Nazarɛtnyi Jesus Kraest a hom bɔɔ no mbeamudua mu na Nyankopɔn nyaan no fii ewufo mu no, ne dzin mu a; ɔno no mu na oyi no ho asan gyina hom enyim ha yi. 11#Dwom 118.22 Ɔno nye ɔbo a hom adantofo emmbu no bi, na wɔayɛ no kutuwdo bo. 12Na nkwagye nnyi obiara so mu: eso dzin fofor biara nnyi wi yi ase a wɔdze ama wɔ nyimpa mu a otwar dɛ wɔgye hɛn nkwa wɔ mu.
13Na wohun Peter nye John hɔn ndam no, na wɔtsee ase dɛ wɔyɛ nyimpa a wonnsuaa nwoma na wɔyɛ ntsetsekwaa no, ɔyɛɛ hɔn nwanwa; na wohun dɛ wɔnye Jesus anantsew pɛn. 14Na wɔhwɛɛ nyimpa a wɔasa no yarba no a ɔnye hɔn gyina hɔ no, woenntum annka hwee enntsia hɔn. 15Dɛm ntsi wɔhyɛɛ hɔn dɛ womfi bagua mu hɔ nkɔ nkyɛn, na wotuu hɔn mu egyina, 16dɛ, Yɛnyɛ nyimpa yi dɛn? Wɔnam hɔn do ayɛ asɛnkyerɛdze a ɔyɛ nwanwa, a ada edzi ama hɔn a wɔtse Jerusalɛm nyina, na yerunntum nnsan. 17Na mbrɛ ɔbɛyɛ ma ɔnnkɛda ho atahye ɔman mu no, hom mma yempuw hɔn dɛ mma wɔnnka dzin yi ho asɛm nnkyerɛ nyimpa biara bio. 18Na wɔfrɛɛ hɔn hyɛɛ hɔn dɛ mma wɔnnkasa, eso mma wɔnnkyerɛkyerɛ wɔ Jesus dzin mu koraa. 19Na Peter nye John buae see hɔn dɛ, Sɛ ɔtsen wɔ Nyankopɔn enyim dɛ yetsie hom kyɛn Nyankopɔn a, hom mbua atsɛn: 20na hɛn dze, yerunntum gyedɛ yɛka dza yeehu na yɛatse. 21Na hɔn dze, wopupuuw hɔn bio no, wɔmaa wɔkɔree, na woennhu mbrɛ wɔbɛyɛ atsea hɔn wɔ ɔman no ntsi, osiandɛ hɔn nyina hyɛɛ Nyankopɔn enyimnyam wɔ dza esi no ho. 22Nna nyimpa no a wɔyɛɛ dɛm ayarsa asɛnkyerɛdze yi wɔ no do no, edzi bɔbor mfe eduanan.
Wɔbɔ Mpaa Bisa Ndamyɛ
23Na wogyaa hɔn no, wɔbaa hɔn mfɛfo nkyɛn, na wɔbɛkaa dza asɔfompanyin nye mpanyimfo no see hɔn nyina kyerɛɛ hɔn. 24#Eks 20.11; Neh 9.6; Dwom 146.6 Na wɔtsee no, wɔyɛɛ anokor maa hɔn ndze do maa Nyankopɔn see dɛ, Yewura, ɔwo a eyɛɛ ɔsor nye asaase nye po nye no mu dza ɔwɔ mu nyina 25#Dwom 2.1, 2 a enam Sunsum Krɔnkrɔn do kae wɔ w’akowaa David anomu dɛ,
Ebɛnadze ntsi na amanaman reyɛ gyigyeegye,
Na amanamamfo rususu adze gyangyan yi?
26Asaase do ahemfo baa mpasuar,
Etsitsir boaa ano tsiaa Ewuradze nye ne Kraest no:
27 #
Luk 23.7-11; Mat 27.1, 2; Mar 15.1; Luk 23.1; Joh 18.28, 29 ampaara w’Akowaa Krɔnkrɔn Jesus a asera no no, na Herod nye Pontius Pilate nye amanamamfo nye Israelmba hyiae tsiaa no, wɔ kurow yi mu, 28dɛ wɔrebɛyɛ dza wo nsa nye w’apam hyɛe too hɔ dɛ onsi no nyina. 29Na afei, Ewuradze, hwɛ hɔn empuw, na ma wo nkowaa mfa ndamyɛ nyina nka w’asɛm, 30dɛ ebɛtsen wo nsa asa yarba, ma wɔnam w’Akowaa Krɔnkrɔn Jesus ne dzin do aayɛ nsɛnkyerɛdze nye anwanwadze. 31Na wowiee nkotoserɛ mpaabɔ no, beebi mbrɛ woehyia hɔ no wosowee, na Sunsum Krɔnkrɔn hyɛɛ hɔn nyina ma, na wɔdze ndam kaa Nyankopɔn asɛm no.
Agyedzifo no yɛ Hɔn Ndzɛmba Kwasafodze
32 #
Ndwu 2.44, 45 Na nyimpadodow a wɔgyee dzii no, yɛɛ akoma kor, nye ɔkra kor; na hɔn mu biara annse dɛ ndzɛmba a ɔwɔ yɛ nankasa nedze, na ne nyina yɛɛ hɔn kwasafodze. 33Na ahoɔdzen kɛse na asomafo no dze gyee Jesus no wunyan ho dase, na adom kɛse baa hɔn nyina do. 34Eso obiara nnyi hɔn mu a ohiaa no, na hɔn a wɔwɔ nsaase nye adan tontɔnee, na wɔdze dza wɔtɔnee ne tsibo bae, 35na wɔdze boguu asomafo no ananadze, na wɔkyɛe maa obiara dɛ mbrɛ ohia no.
36Na Josef a asomafo no too no Barnabas (ne nkyerɛase nye dɛ Awerɛkyekyer Ba no) a ɔyɛ Levinyi a ofi Siprusman mu no, 37ɔwɔ asaase, na ɔtɔnee, na ɔdze ne sika bae boguu asomafo no ananadze.
Currently Selected:
Ndwuma 4: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 4
4
Wɔkyer Peter na John Kɔ Ɔman Nhyiamu Enyim
1Na wɔrekasa kyerɛ nkorɔfo no, asɔfo nye asɔrfi safohen, nye Sadusiifo no baa hɔn do, 2na ɔyɛɛ hɔn ehi dɛ wɔnam Jesus do reka ewufo mu soɛr ho asɛm. 3Na wɔdze nsa suoo hɔn mu dze hɔn kesiee dɛ adze nkye: osiandɛ nna edu anafua. 4Na hɔn a wɔtsee asɛm no dodowara gyee dzii; na nyimpa no dodow bɛyɛɛ mpemenum.
5Na ɔbaa dɛ adze kyee no, hɔn etsitsir nye mpanyimfo nye kyerɛwfo no behyiae wɔ Jerusalɛm, 6wɔnye ɔsɔfopanyin Annas, nye Kaiafas, nye John, nye Alɛksandar, nye dodowara a wofi sɔfopanyin ebusua mu. 7Na wɔdze hɔn begyinaa finimfin bisaa hɔn dɛ, Ebɛn tum anaadɛ ebɛn dzin mu na hom yɛɛ yi? 8Nna Peter a Sunsum Krɔnkrɔn ahyɛ no ma no see hɔn dɛ, Ɔman mu etsitsir, nye mpanyimfo, 9sɛ dza wɔrepɛnsa hɛn mu ndɛ wɔ yie a wɔayɛ ama ɔyarfo yi ho, nye dɛ, Ɔnam ebɛnadze do na wɔagye no nkwa a; 10hom nyina nye Israelman nyina nhu dɛ Nazarɛtnyi Jesus Kraest a hom bɔɔ no mbeamudua mu na Nyankopɔn nyaan no fii ewufo mu no, ne dzin mu a; ɔno no mu na oyi no ho asan gyina hom enyim ha yi. 11#Dwom 118.22 Ɔno nye ɔbo a hom adantofo emmbu no bi, na wɔayɛ no kutuwdo bo. 12Na nkwagye nnyi obiara so mu: eso dzin fofor biara nnyi wi yi ase a wɔdze ama wɔ nyimpa mu a otwar dɛ wɔgye hɛn nkwa wɔ mu.
13Na wohun Peter nye John hɔn ndam no, na wɔtsee ase dɛ wɔyɛ nyimpa a wonnsuaa nwoma na wɔyɛ ntsetsekwaa no, ɔyɛɛ hɔn nwanwa; na wohun dɛ wɔnye Jesus anantsew pɛn. 14Na wɔhwɛɛ nyimpa a wɔasa no yarba no a ɔnye hɔn gyina hɔ no, woenntum annka hwee enntsia hɔn. 15Dɛm ntsi wɔhyɛɛ hɔn dɛ womfi bagua mu hɔ nkɔ nkyɛn, na wotuu hɔn mu egyina, 16dɛ, Yɛnyɛ nyimpa yi dɛn? Wɔnam hɔn do ayɛ asɛnkyerɛdze a ɔyɛ nwanwa, a ada edzi ama hɔn a wɔtse Jerusalɛm nyina, na yerunntum nnsan. 17Na mbrɛ ɔbɛyɛ ma ɔnnkɛda ho atahye ɔman mu no, hom mma yempuw hɔn dɛ mma wɔnnka dzin yi ho asɛm nnkyerɛ nyimpa biara bio. 18Na wɔfrɛɛ hɔn hyɛɛ hɔn dɛ mma wɔnnkasa, eso mma wɔnnkyerɛkyerɛ wɔ Jesus dzin mu koraa. 19Na Peter nye John buae see hɔn dɛ, Sɛ ɔtsen wɔ Nyankopɔn enyim dɛ yetsie hom kyɛn Nyankopɔn a, hom mbua atsɛn: 20na hɛn dze, yerunntum gyedɛ yɛka dza yeehu na yɛatse. 21Na hɔn dze, wopupuuw hɔn bio no, wɔmaa wɔkɔree, na woennhu mbrɛ wɔbɛyɛ atsea hɔn wɔ ɔman no ntsi, osiandɛ hɔn nyina hyɛɛ Nyankopɔn enyimnyam wɔ dza esi no ho. 22Nna nyimpa no a wɔyɛɛ dɛm ayarsa asɛnkyerɛdze yi wɔ no do no, edzi bɔbor mfe eduanan.
Wɔbɔ Mpaa Bisa Ndamyɛ
23Na wogyaa hɔn no, wɔbaa hɔn mfɛfo nkyɛn, na wɔbɛkaa dza asɔfompanyin nye mpanyimfo no see hɔn nyina kyerɛɛ hɔn. 24#Eks 20.11; Neh 9.6; Dwom 146.6 Na wɔtsee no, wɔyɛɛ anokor maa hɔn ndze do maa Nyankopɔn see dɛ, Yewura, ɔwo a eyɛɛ ɔsor nye asaase nye po nye no mu dza ɔwɔ mu nyina 25#Dwom 2.1, 2 a enam Sunsum Krɔnkrɔn do kae wɔ w’akowaa David anomu dɛ,
Ebɛnadze ntsi na amanaman reyɛ gyigyeegye,
Na amanamamfo rususu adze gyangyan yi?
26Asaase do ahemfo baa mpasuar,
Etsitsir boaa ano tsiaa Ewuradze nye ne Kraest no:
27 #
Luk 23.7-11; Mat 27.1, 2; Mar 15.1; Luk 23.1; Joh 18.28, 29 ampaara w’Akowaa Krɔnkrɔn Jesus a asera no no, na Herod nye Pontius Pilate nye amanamamfo nye Israelmba hyiae tsiaa no, wɔ kurow yi mu, 28dɛ wɔrebɛyɛ dza wo nsa nye w’apam hyɛe too hɔ dɛ onsi no nyina. 29Na afei, Ewuradze, hwɛ hɔn empuw, na ma wo nkowaa mfa ndamyɛ nyina nka w’asɛm, 30dɛ ebɛtsen wo nsa asa yarba, ma wɔnam w’Akowaa Krɔnkrɔn Jesus ne dzin do aayɛ nsɛnkyerɛdze nye anwanwadze. 31Na wowiee nkotoserɛ mpaabɔ no, beebi mbrɛ woehyia hɔ no wosowee, na Sunsum Krɔnkrɔn hyɛɛ hɔn nyina ma, na wɔdze ndam kaa Nyankopɔn asɛm no.
Agyedzifo no yɛ Hɔn Ndzɛmba Kwasafodze
32 #
Ndwu 2.44, 45 Na nyimpadodow a wɔgyee dzii no, yɛɛ akoma kor, nye ɔkra kor; na hɔn mu biara annse dɛ ndzɛmba a ɔwɔ yɛ nankasa nedze, na ne nyina yɛɛ hɔn kwasafodze. 33Na ahoɔdzen kɛse na asomafo no dze gyee Jesus no wunyan ho dase, na adom kɛse baa hɔn nyina do. 34Eso obiara nnyi hɔn mu a ohiaa no, na hɔn a wɔwɔ nsaase nye adan tontɔnee, na wɔdze dza wɔtɔnee ne tsibo bae, 35na wɔdze boguu asomafo no ananadze, na wɔkyɛe maa obiara dɛ mbrɛ ohia no.
36Na Josef a asomafo no too no Barnabas (ne nkyerɛase nye dɛ Awerɛkyekyer Ba no) a ɔyɛ Levinyi a ofi Siprusman mu no, 37ɔwɔ asaase, na ɔtɔnee, na ɔdze ne sika bae boguu asomafo no ananadze.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.