Ndwuma 5
5
Ananias na Safira
1Na ɔbarimba bi a ne dzin dze Ananias nye ne yer Safira kɔtɔɔn asaase bi, 2na ɔdze ne tsisika bi siei, nna ne yer so nyim ho bi, na ɔdze fa bi bae bɔtoo asomafo no ananadze. 3Na Peter see dɛ, Ananias, ɔyɛ dɛn na Satan ahyɛ w’akoma ma dɛ ibedzi ator akyerɛ Sunsum Krɔnkrɔn no, na edze asaase no ne tsisika no bi esuma? 4Ana ɔwɔ hɔ no, nnyɛ wankasa wodze bi a? Na wɔtɔnee no, onnyi wankasa wo nsamu bi? Ɔyɛ dɛn na adwen adze yi wɔ w’akoma mu? Nnyɛ nyimpa na edzi ator akyerɛ hɔn, na Nyankopɔn a. 5Na Ananias tsee nsɛm yi no, otwae hwee famu wui, na hu kɛse kaa hɔn a wɔtsee yinom nyina. 6Na mberantsɛ no soɛree kyekyeer no ho, na wɔdze no kɔree kesiee no.
7Na n’ekyir bɛyɛ ndɔnhwer ebiasa, na ne yer a onnyim dza esi no so bae. 8Na Peter see no dɛ, Ka kyerɛ me, ana hom tɔɔn asaase no gyee dɛmara? Na ɔsee dɛ, Nyew, dɛmara. 9Na Peter see no dɛ, Ɔyɛ dɛn na hom ayɛ kor dɛ hom robɔsɔ Ewuradze Sunsum no ahwɛ yi? Hwɛ, hɔn a wokesiee wo kun no anan wɔ abowano, na wɔbɔsoa wo so akɔ dɛmara. 10Na ɔhwee n’ananadze amonmu hɔ ara wui; na mberantsɛ no bae bohun dɛ oewu no, wɔsoaa no kɔree kesiee no no kun nkyɛn. 11Na hu kɛse baa asɔr mu no nyina, nye dodow a wɔtsee yinom nyina do.
Nsɛnkyerɛdze Nye Anwanwadze Pii
12Na wɔnam asomafo no nsa do na wɔyɛɛ nsɛnkyerɛdze nye anwanwadze pii wɔ ɔman no mu, na hɔn nyina yɛɛ adwenkor wɔ Solomon abrandaa mu. 13Na nkaa no mu obiara ennsi no bo dɛ ɔdze noho bɔ hɔn ho, na ɔman no dze, wɔkamfoo hɔn. 14Na dodow bɛkaa hɔn ho a wɔgyee Ewuradze dzii, mbarimba nye mbaa pii, 15ma wɔsoaa ayarfo fiir edzi baa abrɔn mu so bɔtotoo mpikyi nye nkɛtɛ do, ama Peter resen a no sunsuma aakata hɔn mu bi do. 16Na nkurow a oetwa ho ehyia no mu nyimpadodow so dze ayarfo nye hɔn a esunsum fi rehyɛ hɔn amen baa Jerusalɛm, na wɔyɛɛ hɔn nyina edur.
Ewuradze Yi Asomafo no Fi Efiadze
17Na ɔsɔfopanyin nye hɔn a wɔka no ho a wofi Sadusiifo fɛkuw no soɛree, na nyinkun hyɛɛ hɔn ma, 18na wɔdze hɔn nsa suoo asomafo no mu, na wɔdze hɔn koguu kwasafo efiadze. 19Na Ewuradze bɔfoe bobuee efiadze no no mbobow no na ɔdze hɔn puei, na ɔsee dɛ, 20Hom nkɔ nkegyina asɔrfi no mu nkɛka dɛm Nkwa yi ne nsɛm nyina nkyerɛ ɔman no. 21Na wɔtsee no, wɔkɔr asɔrfi no mu anapaatu kɛkyerɛkyerɛe. Na ɔsɔfopanyin no nye hɔn a wɔka no ho no bae, na wɔbɛfrɛɛ baguafo nye Israelmba mpanyimfo nyina boaa ano, na wɔsomae kɔr efiadze hɔ dɛ wɔnkɛfa hɔn mbra. 22Na asomfo no kɔr hɔ na woennhu hɔn efiadze hɔ no, wɔsanee bɛkaa dɛ, 23Efiadze no dze, yekohun dɛ wɔatow mu yie pɛpɛɛpɛr, na ahwɛfo no gyina ekyir wɔ abowano, naaso yebuei no yeennhu obiara wɔ mu. 24Na asɔrfi safohen no nye asɔfompanyin no tsee nsɛm yi no, hɔn tsirmu yɛɛ hɔn konsee wɔ ho dɛ, na ebɛn asɛm nye yi? 25Na obi bae bɛkaa kyerɛɛ hɔn dɛ, Hwɛ, mbarimba no a hom dze hɔn guu efiadze no gyina asɔrfi no mu rekyerɛkyerɛ ɔman no. 26Nna safohen no nye asomfo no kɔree kɛfaa hɔn bae, nnyɛ akataban do bi a, osiandɛ wosuroo ɔman no, amma woeennsiw hɔn abo. 27Na wɔdze hɔn bae no, wɔdze hɔn begyinaa bagua mu, na ɔsɔfopanyin no bisaa hɔn dɛ, 28#Mat 27.25 Yɛbraa hom ketsee dɛ mma hom nnkyerɛkyerɛ wɔ dɛm dzin yi mu; na hwɛ, hom dze hom nkyerɛkyerɛ ahyɛ Jerusalɛm nyina ma, na hom pɛ dɛ hom dze nyimpa yi no bɔgyaa ba hɛn do. 29Na Peter nye asomafo no buae see dɛ, Otwar dɛ yetsie Nyankopɔn asɛm mbom kyɛn nyimpa dze. 30Hɛn egyanom Nyankopɔn nyaan Jesus a hom sɛɛn no dua do kum no no. 31Ɔno na Nyankopɔn dze ne nsa nyimfa maa no do dɛ Safohen nye Agyenkwa, dɛ ɔmma Israel nnuho nye bɔnfakyɛ. 32Na hɛn yɛyɛ nsɛm yi ho adasefo, dɛmara so na Sunsum Krɔnkrɔn no a Nyankopɔn dze ama hɔn a wotsie no no yɛ.
33Na hɔn dze wɔtsee yi no, hɔn akoma mu twitwaa hɔn, na wɔkɔr apam dɛ woboku hɔn. 34Na baguafo no mu baako a ɔyɛ Farisiinyi a ne dzin dze Gamaliel a ɔyɛ mbrakyerɛfo a ɔman no nyina buu no bi no soɛree, na ɔhyɛɛ dɛ wɔmfa nyimpa no mfir edzi kakra. 35Na ɔsee hɔn dɛ, Israel mbarimba, hom nhwɛ hom ho yie wɔ nyimpa yi ho, dza hom rebɛyɛ. 36Na ansaana mber yi rebɛba no, na Teudas a ɔhyehyɛɛ noho dɛ ɔyɛ obi soɛree, na mbarimba a hɔn dodow bɛyɛ dɛ ahaanan dze hɔnho kɔbɔɔ no ho; ɔno na wokum no, na hɔn a wotsiee no nyina hwetsee, na wɔyɛɛ gyan. 37Na oyi ekyir, Judas Galiliinyi soɛɛr ɔkankyerɛw nda no mu, na ɔtwee binom pii dzii n’ekyir; na ɔno so wui, na hɔn a wotsiee no nyina bɔɔ apetse. 38Na afei mese hom dɛ, Hom ntwe hom ho mfi nyimpa yi ho, na hom ngyaa hɔn: na sɛ apam yi anaa edwuma yi fir nyimpa mu a, obobutuw; 39na sɛ ofir Nyankopɔn a, hom runntum mmbutuw no, amma hom aammbɛyɛ dɛ hom nye Nyankopɔn mpo roko. 40Na wotsiee no na wɔfrɛɛ asomafo no bae, na wɔhwee hɔn na wɔbraa hɔn dɛ mma wɔnnkasa wɔ Jesus dzin mu, na wogyaa hɔn. 41Na hɔn dze, wɔdze dɛw fii baguafo no enyim hɔ kɔree, dɛ woebu hɔn bi dɛ wɔsɛ dɛ wɔbɔ hɔn adapaa wɔ Dzin no ntsi. 42Na woenngyaa dɛ daa nyina wɔ asɔrfi mu nye efiefie no, wɔkyerɛkyerɛ na wɔka asɛmpa wɔ Jesus ho, dɛ ɔno nye Kraest no.
Currently Selected:
Ndwuma 5: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 5
5
Ananias na Safira
1Na ɔbarimba bi a ne dzin dze Ananias nye ne yer Safira kɔtɔɔn asaase bi, 2na ɔdze ne tsisika bi siei, nna ne yer so nyim ho bi, na ɔdze fa bi bae bɔtoo asomafo no ananadze. 3Na Peter see dɛ, Ananias, ɔyɛ dɛn na Satan ahyɛ w’akoma ma dɛ ibedzi ator akyerɛ Sunsum Krɔnkrɔn no, na edze asaase no ne tsisika no bi esuma? 4Ana ɔwɔ hɔ no, nnyɛ wankasa wodze bi a? Na wɔtɔnee no, onnyi wankasa wo nsamu bi? Ɔyɛ dɛn na adwen adze yi wɔ w’akoma mu? Nnyɛ nyimpa na edzi ator akyerɛ hɔn, na Nyankopɔn a. 5Na Ananias tsee nsɛm yi no, otwae hwee famu wui, na hu kɛse kaa hɔn a wɔtsee yinom nyina. 6Na mberantsɛ no soɛree kyekyeer no ho, na wɔdze no kɔree kesiee no.
7Na n’ekyir bɛyɛ ndɔnhwer ebiasa, na ne yer a onnyim dza esi no so bae. 8Na Peter see no dɛ, Ka kyerɛ me, ana hom tɔɔn asaase no gyee dɛmara? Na ɔsee dɛ, Nyew, dɛmara. 9Na Peter see no dɛ, Ɔyɛ dɛn na hom ayɛ kor dɛ hom robɔsɔ Ewuradze Sunsum no ahwɛ yi? Hwɛ, hɔn a wokesiee wo kun no anan wɔ abowano, na wɔbɔsoa wo so akɔ dɛmara. 10Na ɔhwee n’ananadze amonmu hɔ ara wui; na mberantsɛ no bae bohun dɛ oewu no, wɔsoaa no kɔree kesiee no no kun nkyɛn. 11Na hu kɛse baa asɔr mu no nyina, nye dodow a wɔtsee yinom nyina do.
Nsɛnkyerɛdze Nye Anwanwadze Pii
12Na wɔnam asomafo no nsa do na wɔyɛɛ nsɛnkyerɛdze nye anwanwadze pii wɔ ɔman no mu, na hɔn nyina yɛɛ adwenkor wɔ Solomon abrandaa mu. 13Na nkaa no mu obiara ennsi no bo dɛ ɔdze noho bɔ hɔn ho, na ɔman no dze, wɔkamfoo hɔn. 14Na dodow bɛkaa hɔn ho a wɔgyee Ewuradze dzii, mbarimba nye mbaa pii, 15ma wɔsoaa ayarfo fiir edzi baa abrɔn mu so bɔtotoo mpikyi nye nkɛtɛ do, ama Peter resen a no sunsuma aakata hɔn mu bi do. 16Na nkurow a oetwa ho ehyia no mu nyimpadodow so dze ayarfo nye hɔn a esunsum fi rehyɛ hɔn amen baa Jerusalɛm, na wɔyɛɛ hɔn nyina edur.
Ewuradze Yi Asomafo no Fi Efiadze
17Na ɔsɔfopanyin nye hɔn a wɔka no ho a wofi Sadusiifo fɛkuw no soɛree, na nyinkun hyɛɛ hɔn ma, 18na wɔdze hɔn nsa suoo asomafo no mu, na wɔdze hɔn koguu kwasafo efiadze. 19Na Ewuradze bɔfoe bobuee efiadze no no mbobow no na ɔdze hɔn puei, na ɔsee dɛ, 20Hom nkɔ nkegyina asɔrfi no mu nkɛka dɛm Nkwa yi ne nsɛm nyina nkyerɛ ɔman no. 21Na wɔtsee no, wɔkɔr asɔrfi no mu anapaatu kɛkyerɛkyerɛe. Na ɔsɔfopanyin no nye hɔn a wɔka no ho no bae, na wɔbɛfrɛɛ baguafo nye Israelmba mpanyimfo nyina boaa ano, na wɔsomae kɔr efiadze hɔ dɛ wɔnkɛfa hɔn mbra. 22Na asomfo no kɔr hɔ na woennhu hɔn efiadze hɔ no, wɔsanee bɛkaa dɛ, 23Efiadze no dze, yekohun dɛ wɔatow mu yie pɛpɛɛpɛr, na ahwɛfo no gyina ekyir wɔ abowano, naaso yebuei no yeennhu obiara wɔ mu. 24Na asɔrfi safohen no nye asɔfompanyin no tsee nsɛm yi no, hɔn tsirmu yɛɛ hɔn konsee wɔ ho dɛ, na ebɛn asɛm nye yi? 25Na obi bae bɛkaa kyerɛɛ hɔn dɛ, Hwɛ, mbarimba no a hom dze hɔn guu efiadze no gyina asɔrfi no mu rekyerɛkyerɛ ɔman no. 26Nna safohen no nye asomfo no kɔree kɛfaa hɔn bae, nnyɛ akataban do bi a, osiandɛ wosuroo ɔman no, amma woeennsiw hɔn abo. 27Na wɔdze hɔn bae no, wɔdze hɔn begyinaa bagua mu, na ɔsɔfopanyin no bisaa hɔn dɛ, 28#Mat 27.25 Yɛbraa hom ketsee dɛ mma hom nnkyerɛkyerɛ wɔ dɛm dzin yi mu; na hwɛ, hom dze hom nkyerɛkyerɛ ahyɛ Jerusalɛm nyina ma, na hom pɛ dɛ hom dze nyimpa yi no bɔgyaa ba hɛn do. 29Na Peter nye asomafo no buae see dɛ, Otwar dɛ yetsie Nyankopɔn asɛm mbom kyɛn nyimpa dze. 30Hɛn egyanom Nyankopɔn nyaan Jesus a hom sɛɛn no dua do kum no no. 31Ɔno na Nyankopɔn dze ne nsa nyimfa maa no do dɛ Safohen nye Agyenkwa, dɛ ɔmma Israel nnuho nye bɔnfakyɛ. 32Na hɛn yɛyɛ nsɛm yi ho adasefo, dɛmara so na Sunsum Krɔnkrɔn no a Nyankopɔn dze ama hɔn a wotsie no no yɛ.
33Na hɔn dze wɔtsee yi no, hɔn akoma mu twitwaa hɔn, na wɔkɔr apam dɛ woboku hɔn. 34Na baguafo no mu baako a ɔyɛ Farisiinyi a ne dzin dze Gamaliel a ɔyɛ mbrakyerɛfo a ɔman no nyina buu no bi no soɛree, na ɔhyɛɛ dɛ wɔmfa nyimpa no mfir edzi kakra. 35Na ɔsee hɔn dɛ, Israel mbarimba, hom nhwɛ hom ho yie wɔ nyimpa yi ho, dza hom rebɛyɛ. 36Na ansaana mber yi rebɛba no, na Teudas a ɔhyehyɛɛ noho dɛ ɔyɛ obi soɛree, na mbarimba a hɔn dodow bɛyɛ dɛ ahaanan dze hɔnho kɔbɔɔ no ho; ɔno na wokum no, na hɔn a wotsiee no nyina hwetsee, na wɔyɛɛ gyan. 37Na oyi ekyir, Judas Galiliinyi soɛɛr ɔkankyerɛw nda no mu, na ɔtwee binom pii dzii n’ekyir; na ɔno so wui, na hɔn a wotsiee no nyina bɔɔ apetse. 38Na afei mese hom dɛ, Hom ntwe hom ho mfi nyimpa yi ho, na hom ngyaa hɔn: na sɛ apam yi anaa edwuma yi fir nyimpa mu a, obobutuw; 39na sɛ ofir Nyankopɔn a, hom runntum mmbutuw no, amma hom aammbɛyɛ dɛ hom nye Nyankopɔn mpo roko. 40Na wotsiee no na wɔfrɛɛ asomafo no bae, na wɔhwee hɔn na wɔbraa hɔn dɛ mma wɔnnkasa wɔ Jesus dzin mu, na wogyaa hɔn. 41Na hɔn dze, wɔdze dɛw fii baguafo no enyim hɔ kɔree, dɛ woebu hɔn bi dɛ wɔsɛ dɛ wɔbɔ hɔn adapaa wɔ Dzin no ntsi. 42Na woenngyaa dɛ daa nyina wɔ asɔrfi mu nye efiefie no, wɔkyerɛkyerɛ na wɔka asɛmpa wɔ Jesus ho, dɛ ɔno nye Kraest no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.