Ndwuma 6
6
Aboafo Beesuon no
1Na nda yi mu no a esuafo no dodow rodɔɔ so no, ehwinhwin baa Helenifo no mu tsiaa Hebriwfo no, osiandɛ wobuu hɔn enyi guu hɔn ekunafo do wɔ daadaa som no mu. 2Na duebien no frɛɛ esuafo kuw no nyina baa hɔn nkyɛn, na wɔsee dɛ, Ɔmmfata dɛ hɛn yɛbɛdan Nyankopɔn asɛm egya, na yɛakɔsom apon do. 3Dɛm ntsi, enuanom, hom nhwehwɛ hom mu mbarimba beesuon a wɔwɔ dzin pa a Sunsum nye nyansa ahyɛ hɔn ma, na yenyi hɔn nsi edwuma yi do. 4Na hɛn dze, yɛbɔkɔ do araa esuo mpaabɔ nye nyamesɛm no som mu dzen. 5Na asɛm no sɔɔ dɔm no nyina enyi; na woyii Stefen, ɔbarimba a gyedzi nye Sunsum Krɔnkrɔn ahyɛ no ma, nye Filip, nye Prokorɔs, nye Nikanor, nye Timon, nye Parmenas, nye Nikolas a ofi Antiok a ɔadan Jewnyi no; 6hɔn na wɔdze hɔn gyinaa asomafo no enyim, na wɔbɔɔ mpaa dze hɔn nsa guu hɔn do.
7Na Nyankopɔn n’asɛm no dɔree, na esuafo no dodow yɛɛ pii wɔ Jerusalɛm, na asɔfo no so hɔn mu okuw kɛsenara yɛɛ setsie maa gyedzi no.
8Na Stefen a adom nye ahoɔdzen ahyɛ no ma no, yɛɛ anwanwadze nye asɛnkyerɛdze akɛse wɔ ɔman no mu. 9Na binom a wofi nhyiamudan a nna wɔfrɛ no Fahodzifo Hyiadan nye Sirenefo nye Alɛksandriafo nye hɔn a wofi Silisia nye Asia dze no mu soɛree, nye Stefen gyee ekyingye. 10Na woenntum enngyina nyansa nye Sunsum a ɔdze kasae no ano. 11Nna wɔhyɛɛ nyimpa bi tsipia ma wɔsee dɛ, Yɛatse dɛ ɔka ebususɛm tsia Moses nye Nyankopɔn. 12Na wohuenyaan ɔman no nye mpanyimfo, nye kyerɛwfo no, ma wɔbaa no do bɛkyeer no dze no kɔr bagua mu; 13na wɔdze adasefo atorfo begyinaa hɔ a wɔsee dɛ, Nyimpa yi nngyaa dɛ ɔkasa tsia krɔnkrɔnbea yi nye mbra no. 14Na yɛatse dɛ ɔka dɛ Jesus Nazarɛtnyi no bobutuw bea yi, na ɔasakyer amambra a Moses dze maa hɛn no. 15Na hɔn a wɔtse bagua mu hɔ nyina dze hɔn enyiwa tsiim no do no, wohun n’enyim dɛ ɔtse dɛ sor abɔfo enyim.
Currently Selected:
Ndwuma 6: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 6
6
Aboafo Beesuon no
1Na nda yi mu no a esuafo no dodow rodɔɔ so no, ehwinhwin baa Helenifo no mu tsiaa Hebriwfo no, osiandɛ wobuu hɔn enyi guu hɔn ekunafo do wɔ daadaa som no mu. 2Na duebien no frɛɛ esuafo kuw no nyina baa hɔn nkyɛn, na wɔsee dɛ, Ɔmmfata dɛ hɛn yɛbɛdan Nyankopɔn asɛm egya, na yɛakɔsom apon do. 3Dɛm ntsi, enuanom, hom nhwehwɛ hom mu mbarimba beesuon a wɔwɔ dzin pa a Sunsum nye nyansa ahyɛ hɔn ma, na yenyi hɔn nsi edwuma yi do. 4Na hɛn dze, yɛbɔkɔ do araa esuo mpaabɔ nye nyamesɛm no som mu dzen. 5Na asɛm no sɔɔ dɔm no nyina enyi; na woyii Stefen, ɔbarimba a gyedzi nye Sunsum Krɔnkrɔn ahyɛ no ma, nye Filip, nye Prokorɔs, nye Nikanor, nye Timon, nye Parmenas, nye Nikolas a ofi Antiok a ɔadan Jewnyi no; 6hɔn na wɔdze hɔn gyinaa asomafo no enyim, na wɔbɔɔ mpaa dze hɔn nsa guu hɔn do.
7Na Nyankopɔn n’asɛm no dɔree, na esuafo no dodow yɛɛ pii wɔ Jerusalɛm, na asɔfo no so hɔn mu okuw kɛsenara yɛɛ setsie maa gyedzi no.
8Na Stefen a adom nye ahoɔdzen ahyɛ no ma no, yɛɛ anwanwadze nye asɛnkyerɛdze akɛse wɔ ɔman no mu. 9Na binom a wofi nhyiamudan a nna wɔfrɛ no Fahodzifo Hyiadan nye Sirenefo nye Alɛksandriafo nye hɔn a wofi Silisia nye Asia dze no mu soɛree, nye Stefen gyee ekyingye. 10Na woenntum enngyina nyansa nye Sunsum a ɔdze kasae no ano. 11Nna wɔhyɛɛ nyimpa bi tsipia ma wɔsee dɛ, Yɛatse dɛ ɔka ebususɛm tsia Moses nye Nyankopɔn. 12Na wohuenyaan ɔman no nye mpanyimfo, nye kyerɛwfo no, ma wɔbaa no do bɛkyeer no dze no kɔr bagua mu; 13na wɔdze adasefo atorfo begyinaa hɔ a wɔsee dɛ, Nyimpa yi nngyaa dɛ ɔkasa tsia krɔnkrɔnbea yi nye mbra no. 14Na yɛatse dɛ ɔka dɛ Jesus Nazarɛtnyi no bobutuw bea yi, na ɔasakyer amambra a Moses dze maa hɛn no. 15Na hɔn a wɔtse bagua mu hɔ nyina dze hɔn enyiwa tsiim no do no, wohun n’enyim dɛ ɔtse dɛ sor abɔfo enyim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.