Ndwuma 7
7
1Na ɔsɔfopanyin no bisaa no dɛ, Ana asɛm yi tse dɛm a? 2#Gye 12.1 Na Stefen see dɛ, Enuanom nye egyanom, hom ntsie: Enyimnyam Nyankopɔn yii noho kyerɛɛ hɛn egya Abraham, ber a ɔwɔ Mesopotemia no, ansaana ɔrebɛtsena Haran, 3na ɔsee no dɛ, Fi w’asaase do nye w’ebusuafo mu, na bra asaase a mebɛkyerɛ wo no do. 4#Gye 11.31; Gye 12.4 Nna ofii Kaldeafo asaase no do bɛtsenaa Haran; na n’egya wu ekyir no, Nyankopɔn maa ofii hɔ bɛtsenaa asaase a hom tse do sesei yi do. 5#Gye 12.7; 13.15; 15.18; 17.8 Na ɔamma no egyapadze wɔ mu, nnyɛ anamɔn kor bi mpo; mbom ɔbɔɔ no anohoba dɛ ɔdze bɛma ɔno nye n’asefo a wodzi n’ekyir ma aayɛ hɔndze: naaso nna onnyae nnyaa ba. 6#Gye 15.13, 14 Na mbrɛ Nyankopɔn kae nye dɛ n’asefo bɛyɛ ahɔho wɔ anana asaase do, na wɔdze hɔn ayɛ nkowaa, na wɔayɛ hɔn bɔn mfe ahaanan. 7#Eks 3.12 Na ɔman no a wɔbɔkɔ hɔn mu nkowaasom no, mubobu hɔn atsɛn, Nyankopɔn na ɔse: na n’ekyir no wobefi hɔ na wɔabɔsom me wɔ bea yi mu. 8#Gye 17.10-14; Gye 21.2-4; Gye 25.26; Gye 29.31—35.18 Na ɔmaa no twatsia ahyɛmudzi no; na ɔdze dɛm woo Isaak, na ne ndaawɔtwe no otwaa no twatsia; na Isaak woo Jakob, na Jakob woo egyanom mpanyin duebien no. 9#Gye 37.11; Gye 37.28; Gye 39.2, 21 Na mpanyin duebien no dze enyitan tɔɔn Josef kɔr Egypt; na Nyankopɔn dzii n’ekyir, 10#Gye 41.39-41 na oyii no fiir n’amandzehu nyina mu, na ɔmaa no adom nye nyansa wɔ Farao, Egypthen no, enyim, na ɔyɛɛ no otsitsir wɔ Egypt nye ne fie nyina do. 11#Gye 42.1, 2 Na ɔkɔm sii Egypt nyina, nye Keenan, nye amandzehu kɛse, na hɛn egyanom ennya edziban. 12Na Jakob tsee dɛ edziban wɔ Egypt no, ɔsomaa hɛn egyanom kan. 13#Gye 45.1; Gye 45.16 Na dza otsia ebien no, Josef yii noho kyerɛɛ no nuanom no, na Farao so bohun Josef n’ebusua no. 14#Gye 45.9, 10, 17, 18; Gye 46.27 Na Josef somae ma wɔkɛfaa n’egya Jakob nye n’ebusuafo nyina a wɔyɛ nyimpa eduosuon enum no baa ne nkyɛn. 15#Gye 46.1-7; Gye 49.33 Na Jakob kɔr Egypt; na ɔno nye hɛn egyanom wuwui; 16#Gye 23.3-16; 33.19; 50.7-13; Jos 24.32 na wɔdze hɔn kɔr Sekem, na wɔdze hɔn kɔtotoo nda a Abraham dze dwɛɛtɛɛ tɔɔ no wɔ Sekem Hamor mba no hɔ no mu. 17#Eks 1.7, 8 Na anohoba a Nyankopɔn kaa ho ntam kyerɛɛ Abraham n’aber rudu no, ɔman no dɔree na wɔyɛɛ pii wɔ Egypt, 18dze kodur dɛ Egypthen bi soɛree a onnyim Josef. 19#Eks 1.10, 11; Eks 1.22 Ɔno na ɔnye hɛn ebusua dzii no yayaayaw, na ɔyɛɛ hɛn egyanom bɔn, na ɔmaa wɔtotoow hɔn nkɔkowaba gui ma wowuwui. 20#Eks 2.2 Na aber no ara mu na wɔwoo Moses, na no ho yɛɛ fɛw wɔ Nyankopɔn enyim; na wɔhwɛɛ no abosoom ebiasa wɔ n’egya fie, 21#Eks 2.3-10 na wɔtoow no kyenee no, Farao babaa kɛfaa no, na ɔtsetsee no dze no yɛɛ ne ba. 22Na wɔdze Egyptfo nyansaa nyina tsetsee Moses, na ɔyɛɛ otumfo wɔ ne nsɛm nye ne ndzeyɛɛ nyina mu. 23#Eks 2.11-15 Na odzii mfe eduanan no, ɔbaa n’akoma mu dɛ ɔbɔkɔ akɔhwɛ no nuanom Israelmba no. 24Na ohun obi a wɔreyɛ no bɔn no, ɔgyee ne tsir, na ɔtɔɔ nyia wɔrehyɛ no do no no wer kum Egyptnyi no; 25na osusuu dɛ no nuanom tse ase dɛ Nyankopɔn nam ne nsa do rebɛgye hɔn: naaso wɔanntse ase. 26Na adze kyee no, okopuee no nuanom do dɛ wɔroko, na ɔpɛɛ dɛ ɔka hɔn bɔ mu dɛ, Mbarimba, hom yɛ enuanom: ɔyɛ dɛn na hom reyɛ homho bɔn yi? 27Na nyia ɔreyɛ ne nyɛnko bɔn no suun no dɛ, Woana yɛɛ wo ɔpanyin nye ɔtsɛmbuafo wɔ hɛn do? 28Epɛ dɛ iku me dɛ mbrɛ ikum Egyptnyi no ndeda no? 29#Eks 18.3, 4 Na asɛm yi ntsi Moses guanee, na ɔkɛyɛɛ hɔho wɔ Midian asaase do, na ɔwoo mbabanyin beenu wɔ hɔ.
30 #
Eks 3.1-10
Na mfe eduanan twaa mu no, Ewuradze bɔfoe yii noho kyerɛɛ no wɔ Sinai kokwaa ho sar no do, wɔ gyaframee a ofi haban bi mu. 31Na Moses hunii no, ɔyɛɛ no nwanwa wɔ n’enyi do, na ɔtwee pinii dɛ ɔrokɔhwɛ no, Ewuradze ndze baa dɛ, 32Emi nye w’egyanom Nyankopɔn, Abraham nye Isaak nye Jakob hɔn Nyankopɔn. Na Moses ho popoe na oenntum annhwɛ. 33Na Ewuradze see no dɛ, San w’anan mpaboa: na bea a igyina do yi yɛ asaase krɔnkrɔn. 34Ampaara mehu me man a ɔwɔ Egypt hɔn amandzehu, na matse hɔn apempen, na mesian dɛ merebɛgye hɔn: na afei bra ma monsoma wo wɔ Egypt.
35 #
Eks 2.14
Moses yi ara a wɔpoow no dɛ, Woana na ɔyɛɛ wo ɔpanyin nye ɔtsɛmbuafo wɔ hɛn do no, ɔnoara na Nyankopɔn nam bɔfo a oyii noho kyerɛɛ no haban mu no ne nsa do somaa no dɛ ɔpanyin nye ɔgyefo. 36#Eks 7.3; Eks 14.21; Nka 14.33 Oyi na ɔdze hɔn fii Egypt puei, yɛɛ anwanwadze nye asɛnkyerɛdze wɔ Egypt, nye Po Memen mu, nye sar no do mfe eduanan. 37#Deut 18.15, 18 Oyi nye Moses a ɔkaa kyerɛɛ Israelmba no dɛ, Nkɔnhyɛnyi bi na Nyankopɔn bɛma ɔasoɛr ama hom wɔ hom enuanom mu, dɛ mbrɛ ɔmaa me so. 38#Eks 19.1—20.17; Deut 5.1-33 Oyi na ɔwɔ dɔm a wɔaboa ano wɔ sar no do no mu a ɔnye ɔbɔfo a ɔkasaa kyerɛɛ no wɔ Sinai kokwaa do no nye hɛn egyanom wɔ hɔ, na onyaa nkwasɛm a nkwa wɔ mu dɛ ɔmfa mma hɛn no; 39na hɛn egyanom ammpɛ dɛ wotsie no, na wosuun no, na wɔdze hɔn akoma sanee kɔr Egypt, 40#Eks 32.1 na wɔsee Aaron dɛ, Yɛ enyame a wobedzi hɛn enyim ma hɛn, na Moses yi a ɔdze hɛn fii Egypt bae no dze, yennyim dza ayɛ no. 41#Eks 32.2-6 Na wɔyɛɛ nantwiba wɔ nda no mu, na wɔbɔɔ afɔr maa honyi no, na wodzii ehurusi wɔ hɔn nsaano edwuma ho. 42#Amos 5.25-27 Na Nyankopɔn daan n’enyi, na ɔdze hɔn maa dɛ wɔnsom wimu ndzɛmba, dɛ mbrɛ wɔakyerɛw wɔ nkɔnhyɛfo nwoma no mu dɛ,
Israel fifo, aso hom bɔɔ okum afɔr na afɔr horow maa me
Mfe eduanan wɔ sar no do?
43Mbom hom faa Molɔk ntamadan,
Nye ɔbosom Refan nworaba,
Ehonyi a hom yɛɛ dɛ hom bɔsom hɔn;
Na mobɔsoa hom akɔ Babilɔn ekyir noho.
44 #
Eks 25.9, 40 Hɛn egyanom nyaa adasehyɛ ntamadan no wɔ sar no do, dɛ mbrɛ nyia ɔkasaa kyerɛɛ Moses no hyɛɛ dɛ ɔnyɛ no dɛ mbrɛ nsusudo a ohunii no tse no. 45#Jos 3.14-17 Ɔno na hɛn egyanom nsa nyae kae no, wɔnye Josua dze baa amanaman a Nyankopɔn paam hɔn fii hɛn egyanom enyim no asaase do. Na ɔtse dɛm dze besi David n’aber do. 46#2 Sam 7.1-16; 1 Mbe 17.1-14 Ɔno na onyaa Nyankopɔn enyim adom, na ɔserɛɛ dɛ wɔmma ɔnhwehwɛ tsenabew mma Jakob Nyankopɔn. 47#1 Ahe 6.1-38; 2 Mbe 3.1-17 Na Solomon sii dan maa no. 48Naaso nyia ɔwɔ sorsor no nntsena dza nsa ayɛ mu; dɛ mbrɛ nkɔnhyɛnyi no ka dɛ,
49 #
Isa 66.1, 2 Ɔsor nye m’ahengua,
Na asaase nye m’ananadzegua:
Ɔdan bɛn na hom besi ama me? Ewuradze na ɔse,
Anaadɛ henfa nye m’ahomgyebea?
50Ana nnyɛ me nsa na ɔyɛɛ yinom nyina?
51 #
Isa 63.10
Hom a hom asen hom kɔn a wonntwaa hom twatsia wɔ akoma nye asomu, daa hom siw Sunsum Krɔnkrɔn no kwan: dɛ mbrɛ hom egyanom yɛe no, mbrɛ hom so yɛ nye no. 52Nkɔnhyɛfo no mu woana na hom egyanom ennhiahia no ho? Na wokum hɔn a wodzii kan kaa ɔtseneneenyi no ne mbae no; ɔno na hom ayɛ no ho yimafo nye ewudzifo; 53hom a hom gyee mbra no dɛ abɔfo ahyɛdze, naaso hom enndzi do!
Wosiw Stefen Abo
54Na wɔtsee yinom no, hɔn akoma mu wowɔɔ hɔn, na wɔtwɛɛr hɔn se guu no do. 55Naaso ɔno dze, Sunsum Krɔnkrɔn ahyɛ no ma no, ɔhwɛɛ sor hann, na ohun Nyankopɔn n’enyimnyam, nye Jesus dɛ ogyina Nyankopɔn n’enyimfa, 56na ɔsee dɛ, Hwɛ, muhu dɛ ɔsor ebue, na nyimpa Ba no gyina Nyankopɔn enyimfa. 57Na wɔdze ndze kɛse tseatseaa mu, na wosisiiw hɔn asowa, wɔdze adwenkor kotui hyɛɛ no do; 58na woyii no edzi fii kurow no mu kesiiw no abo: na adasefo no dze hɔn ntar guu aberantsɛ bi a wɔfrɛ no Saul n’ananadze. 59Na worisiw Stefen abo no, ɔbɔɔ mpaa dɛ, Ewuradze Jesus, gye mo sunsum. 60Na obuu ntwɛr, na ɔdze ndze kɛse tseaa mu dɛ, Ewuradze, mma mmfa bɔn yi nnto hɔn do. Na ɔkaa yi no, ɔkaa n’enyi guu do.
Currently Selected:
Ndwuma 7: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 7
7
1Na ɔsɔfopanyin no bisaa no dɛ, Ana asɛm yi tse dɛm a? 2#Gye 12.1 Na Stefen see dɛ, Enuanom nye egyanom, hom ntsie: Enyimnyam Nyankopɔn yii noho kyerɛɛ hɛn egya Abraham, ber a ɔwɔ Mesopotemia no, ansaana ɔrebɛtsena Haran, 3na ɔsee no dɛ, Fi w’asaase do nye w’ebusuafo mu, na bra asaase a mebɛkyerɛ wo no do. 4#Gye 11.31; Gye 12.4 Nna ofii Kaldeafo asaase no do bɛtsenaa Haran; na n’egya wu ekyir no, Nyankopɔn maa ofii hɔ bɛtsenaa asaase a hom tse do sesei yi do. 5#Gye 12.7; 13.15; 15.18; 17.8 Na ɔamma no egyapadze wɔ mu, nnyɛ anamɔn kor bi mpo; mbom ɔbɔɔ no anohoba dɛ ɔdze bɛma ɔno nye n’asefo a wodzi n’ekyir ma aayɛ hɔndze: naaso nna onnyae nnyaa ba. 6#Gye 15.13, 14 Na mbrɛ Nyankopɔn kae nye dɛ n’asefo bɛyɛ ahɔho wɔ anana asaase do, na wɔdze hɔn ayɛ nkowaa, na wɔayɛ hɔn bɔn mfe ahaanan. 7#Eks 3.12 Na ɔman no a wɔbɔkɔ hɔn mu nkowaasom no, mubobu hɔn atsɛn, Nyankopɔn na ɔse: na n’ekyir no wobefi hɔ na wɔabɔsom me wɔ bea yi mu. 8#Gye 17.10-14; Gye 21.2-4; Gye 25.26; Gye 29.31—35.18 Na ɔmaa no twatsia ahyɛmudzi no; na ɔdze dɛm woo Isaak, na ne ndaawɔtwe no otwaa no twatsia; na Isaak woo Jakob, na Jakob woo egyanom mpanyin duebien no. 9#Gye 37.11; Gye 37.28; Gye 39.2, 21 Na mpanyin duebien no dze enyitan tɔɔn Josef kɔr Egypt; na Nyankopɔn dzii n’ekyir, 10#Gye 41.39-41 na oyii no fiir n’amandzehu nyina mu, na ɔmaa no adom nye nyansa wɔ Farao, Egypthen no, enyim, na ɔyɛɛ no otsitsir wɔ Egypt nye ne fie nyina do. 11#Gye 42.1, 2 Na ɔkɔm sii Egypt nyina, nye Keenan, nye amandzehu kɛse, na hɛn egyanom ennya edziban. 12Na Jakob tsee dɛ edziban wɔ Egypt no, ɔsomaa hɛn egyanom kan. 13#Gye 45.1; Gye 45.16 Na dza otsia ebien no, Josef yii noho kyerɛɛ no nuanom no, na Farao so bohun Josef n’ebusua no. 14#Gye 45.9, 10, 17, 18; Gye 46.27 Na Josef somae ma wɔkɛfaa n’egya Jakob nye n’ebusuafo nyina a wɔyɛ nyimpa eduosuon enum no baa ne nkyɛn. 15#Gye 46.1-7; Gye 49.33 Na Jakob kɔr Egypt; na ɔno nye hɛn egyanom wuwui; 16#Gye 23.3-16; 33.19; 50.7-13; Jos 24.32 na wɔdze hɔn kɔr Sekem, na wɔdze hɔn kɔtotoo nda a Abraham dze dwɛɛtɛɛ tɔɔ no wɔ Sekem Hamor mba no hɔ no mu. 17#Eks 1.7, 8 Na anohoba a Nyankopɔn kaa ho ntam kyerɛɛ Abraham n’aber rudu no, ɔman no dɔree na wɔyɛɛ pii wɔ Egypt, 18dze kodur dɛ Egypthen bi soɛree a onnyim Josef. 19#Eks 1.10, 11; Eks 1.22 Ɔno na ɔnye hɛn ebusua dzii no yayaayaw, na ɔyɛɛ hɛn egyanom bɔn, na ɔmaa wɔtotoow hɔn nkɔkowaba gui ma wowuwui. 20#Eks 2.2 Na aber no ara mu na wɔwoo Moses, na no ho yɛɛ fɛw wɔ Nyankopɔn enyim; na wɔhwɛɛ no abosoom ebiasa wɔ n’egya fie, 21#Eks 2.3-10 na wɔtoow no kyenee no, Farao babaa kɛfaa no, na ɔtsetsee no dze no yɛɛ ne ba. 22Na wɔdze Egyptfo nyansaa nyina tsetsee Moses, na ɔyɛɛ otumfo wɔ ne nsɛm nye ne ndzeyɛɛ nyina mu. 23#Eks 2.11-15 Na odzii mfe eduanan no, ɔbaa n’akoma mu dɛ ɔbɔkɔ akɔhwɛ no nuanom Israelmba no. 24Na ohun obi a wɔreyɛ no bɔn no, ɔgyee ne tsir, na ɔtɔɔ nyia wɔrehyɛ no do no no wer kum Egyptnyi no; 25na osusuu dɛ no nuanom tse ase dɛ Nyankopɔn nam ne nsa do rebɛgye hɔn: naaso wɔanntse ase. 26Na adze kyee no, okopuee no nuanom do dɛ wɔroko, na ɔpɛɛ dɛ ɔka hɔn bɔ mu dɛ, Mbarimba, hom yɛ enuanom: ɔyɛ dɛn na hom reyɛ homho bɔn yi? 27Na nyia ɔreyɛ ne nyɛnko bɔn no suun no dɛ, Woana yɛɛ wo ɔpanyin nye ɔtsɛmbuafo wɔ hɛn do? 28Epɛ dɛ iku me dɛ mbrɛ ikum Egyptnyi no ndeda no? 29#Eks 18.3, 4 Na asɛm yi ntsi Moses guanee, na ɔkɛyɛɛ hɔho wɔ Midian asaase do, na ɔwoo mbabanyin beenu wɔ hɔ.
30 #
Eks 3.1-10
Na mfe eduanan twaa mu no, Ewuradze bɔfoe yii noho kyerɛɛ no wɔ Sinai kokwaa ho sar no do, wɔ gyaframee a ofi haban bi mu. 31Na Moses hunii no, ɔyɛɛ no nwanwa wɔ n’enyi do, na ɔtwee pinii dɛ ɔrokɔhwɛ no, Ewuradze ndze baa dɛ, 32Emi nye w’egyanom Nyankopɔn, Abraham nye Isaak nye Jakob hɔn Nyankopɔn. Na Moses ho popoe na oenntum annhwɛ. 33Na Ewuradze see no dɛ, San w’anan mpaboa: na bea a igyina do yi yɛ asaase krɔnkrɔn. 34Ampaara mehu me man a ɔwɔ Egypt hɔn amandzehu, na matse hɔn apempen, na mesian dɛ merebɛgye hɔn: na afei bra ma monsoma wo wɔ Egypt.
35 #
Eks 2.14
Moses yi ara a wɔpoow no dɛ, Woana na ɔyɛɛ wo ɔpanyin nye ɔtsɛmbuafo wɔ hɛn do no, ɔnoara na Nyankopɔn nam bɔfo a oyii noho kyerɛɛ no haban mu no ne nsa do somaa no dɛ ɔpanyin nye ɔgyefo. 36#Eks 7.3; Eks 14.21; Nka 14.33 Oyi na ɔdze hɔn fii Egypt puei, yɛɛ anwanwadze nye asɛnkyerɛdze wɔ Egypt, nye Po Memen mu, nye sar no do mfe eduanan. 37#Deut 18.15, 18 Oyi nye Moses a ɔkaa kyerɛɛ Israelmba no dɛ, Nkɔnhyɛnyi bi na Nyankopɔn bɛma ɔasoɛr ama hom wɔ hom enuanom mu, dɛ mbrɛ ɔmaa me so. 38#Eks 19.1—20.17; Deut 5.1-33 Oyi na ɔwɔ dɔm a wɔaboa ano wɔ sar no do no mu a ɔnye ɔbɔfo a ɔkasaa kyerɛɛ no wɔ Sinai kokwaa do no nye hɛn egyanom wɔ hɔ, na onyaa nkwasɛm a nkwa wɔ mu dɛ ɔmfa mma hɛn no; 39na hɛn egyanom ammpɛ dɛ wotsie no, na wosuun no, na wɔdze hɔn akoma sanee kɔr Egypt, 40#Eks 32.1 na wɔsee Aaron dɛ, Yɛ enyame a wobedzi hɛn enyim ma hɛn, na Moses yi a ɔdze hɛn fii Egypt bae no dze, yennyim dza ayɛ no. 41#Eks 32.2-6 Na wɔyɛɛ nantwiba wɔ nda no mu, na wɔbɔɔ afɔr maa honyi no, na wodzii ehurusi wɔ hɔn nsaano edwuma ho. 42#Amos 5.25-27 Na Nyankopɔn daan n’enyi, na ɔdze hɔn maa dɛ wɔnsom wimu ndzɛmba, dɛ mbrɛ wɔakyerɛw wɔ nkɔnhyɛfo nwoma no mu dɛ,
Israel fifo, aso hom bɔɔ okum afɔr na afɔr horow maa me
Mfe eduanan wɔ sar no do?
43Mbom hom faa Molɔk ntamadan,
Nye ɔbosom Refan nworaba,
Ehonyi a hom yɛɛ dɛ hom bɔsom hɔn;
Na mobɔsoa hom akɔ Babilɔn ekyir noho.
44 #
Eks 25.9, 40 Hɛn egyanom nyaa adasehyɛ ntamadan no wɔ sar no do, dɛ mbrɛ nyia ɔkasaa kyerɛɛ Moses no hyɛɛ dɛ ɔnyɛ no dɛ mbrɛ nsusudo a ohunii no tse no. 45#Jos 3.14-17 Ɔno na hɛn egyanom nsa nyae kae no, wɔnye Josua dze baa amanaman a Nyankopɔn paam hɔn fii hɛn egyanom enyim no asaase do. Na ɔtse dɛm dze besi David n’aber do. 46#2 Sam 7.1-16; 1 Mbe 17.1-14 Ɔno na onyaa Nyankopɔn enyim adom, na ɔserɛɛ dɛ wɔmma ɔnhwehwɛ tsenabew mma Jakob Nyankopɔn. 47#1 Ahe 6.1-38; 2 Mbe 3.1-17 Na Solomon sii dan maa no. 48Naaso nyia ɔwɔ sorsor no nntsena dza nsa ayɛ mu; dɛ mbrɛ nkɔnhyɛnyi no ka dɛ,
49 #
Isa 66.1, 2 Ɔsor nye m’ahengua,
Na asaase nye m’ananadzegua:
Ɔdan bɛn na hom besi ama me? Ewuradze na ɔse,
Anaadɛ henfa nye m’ahomgyebea?
50Ana nnyɛ me nsa na ɔyɛɛ yinom nyina?
51 #
Isa 63.10
Hom a hom asen hom kɔn a wonntwaa hom twatsia wɔ akoma nye asomu, daa hom siw Sunsum Krɔnkrɔn no kwan: dɛ mbrɛ hom egyanom yɛe no, mbrɛ hom so yɛ nye no. 52Nkɔnhyɛfo no mu woana na hom egyanom ennhiahia no ho? Na wokum hɔn a wodzii kan kaa ɔtseneneenyi no ne mbae no; ɔno na hom ayɛ no ho yimafo nye ewudzifo; 53hom a hom gyee mbra no dɛ abɔfo ahyɛdze, naaso hom enndzi do!
Wosiw Stefen Abo
54Na wɔtsee yinom no, hɔn akoma mu wowɔɔ hɔn, na wɔtwɛɛr hɔn se guu no do. 55Naaso ɔno dze, Sunsum Krɔnkrɔn ahyɛ no ma no, ɔhwɛɛ sor hann, na ohun Nyankopɔn n’enyimnyam, nye Jesus dɛ ogyina Nyankopɔn n’enyimfa, 56na ɔsee dɛ, Hwɛ, muhu dɛ ɔsor ebue, na nyimpa Ba no gyina Nyankopɔn enyimfa. 57Na wɔdze ndze kɛse tseatseaa mu, na wosisiiw hɔn asowa, wɔdze adwenkor kotui hyɛɛ no do; 58na woyii no edzi fii kurow no mu kesiiw no abo: na adasefo no dze hɔn ntar guu aberantsɛ bi a wɔfrɛ no Saul n’ananadze. 59Na worisiw Stefen abo no, ɔbɔɔ mpaa dɛ, Ewuradze Jesus, gye mo sunsum. 60Na obuu ntwɛr, na ɔdze ndze kɛse tseaa mu dɛ, Ewuradze, mma mmfa bɔn yi nnto hɔn do. Na ɔkaa yi no, ɔkaa n’enyi guu do.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.