Ndwuma 8
8
1Na Saul so peen no ku no do.
Saul Tseetsee Asɔr no
Na da no ahohiahia kɛse baa asɔr a ɔwɔ Jerusalɛm no do; na hɔn nyina petsee kɔr Judea nye Samaria asaase do, gyedɛ asomafo no nko. 2Na mbarimba nyamesurofo bi siee Stefen, na wosuu no pii. 3#Ndwu 22.4, 5; 26.9-11 Na Saul dze, opuuw asɔrmba no wurawuraa efiefi mu twetwee mbarimba nye mbaa, ma wɔdze hɔn koguu efiadze.
Wɔka Asɛmpa no wɔ Samaria
4Na hɔn a wɔpetsee no kekyinii kɛkaa asɛmpa no. 5Na Filip kɔr Samaria kurow mu kɛkaa Kraest ho asɛm kyerɛɛ hɔn. 6Na nyimpadodow no tsee, na wohun nsɛnkyerɛdze a Filip yɛe no, wɔyɛɛ adwen kor tsiee nsɛm a ɔkaa kyerɛɛ hɔn no. 7Na esunsum fi a wɔwɔ dodowara mu dze ndze kɛse tseaa mu puei, na mbubuifo nye mpakye pii so wɔyɛɛ hɔn edur. 8Na dɛw kɛse baa kurow no mu hɔ.
9Nna ɔbarimba bi a ne dzin dze Simon wɔ kurow no mu a kan no odzii esumansɛm, na ɔmaa Samariaman no ho boow hɔn, na ɔyɛɛ noho dɛ obi a ɔyɛ kɛse bi. 10Ɔno na hɔn nyina, ofitsi nketseaba do kesi akɛse do tsiee no see dɛ, Oyi nye Nyankopɔn tum a wɔfrɛ no Kɛse no. 11Na wotsiee no, osiandɛ nna ɔdze esumansɛm ama hɔn ho abow hɔn akyɛr. 12Na wɔgyee Filip a ɔkaa Nyankopɔn ahenman nye Jesus Kraest ne dzin ho asɛmpa no dzii no, mbarimba nye mbaa maa wonumaa hɔn. 13Na Simon nankasa gyee dzii, na wonumaa no no, ɔdze noho bɔɔ Filip ho, na ohun asɛnkyerɛdze nye tum ndwuma kɛse a wɔyɛe no, ɔyɛɛ no ahobow.
14Na asomafo a wɔwɔ Jerusalɛm tsee dɛ Samaria agye Nyankopɔn asɛm no, wɔsomaa Peter nye John wɔ hɔn nkyɛn; 15na wɔbae no, wɔbɔɔ mpaa maa hɔn dɛ wonnya Sunsum Krɔnkrɔn: 16osiandɛ onnyae mmbaa hɔn mu biara do, na enuma ara nko na woenuma hɔn ahyɛ Ewuradze Jesus dzin mu. 17Nna wɔdze hɔn nsa guu hɔn do, na wonyaa Sunsum Krɔnkrɔn. 18Na Simon hun dɛ ɔnam asomafo no nsa a wɔdze guu do no do na wɔdze Sunsum Krɔnkrɔn rema no, ɔdze sika brɛɛ hɔn dɛ, 19Hom mma mo so tum yi bi, ama obiara a medze nsa bogu no do no, oeenya Sunsum Krɔnkrɔn. 20Na Peter see no dɛ, Wo sika nye wo nhyew, osiandɛ isusuu dɛ Nyankopɔn akyɛdze wɔdze sika nya. 21Innyi kyɛfa anaa egyapadze wɔ asɛm yi mu, osiandɛ w’akoma nntsen wɔ Nyankopɔn enyim. 22Dɛm ntsi, nu woho wɔ wo bɔn yi ho, na kotow serɛ Nyankopɔn kyerɛ dɛ ɔdze w’akoma mu adwen yi bɛkyɛ wo a. 23Na mehu dɛ ewɔ bɔwen wenwen, na emumuyɛ ahoma akyekyer wo. 24Na Simon buae see dɛ, Hom nserɛ Ewuradze mma me, mma dza hom aka yi mu biara aammba mo do.
25Na hɔn dze, wɔgyee dase na wɔkaa Ewuradze asɛm no, wɔsanee baa Jerusalɛm, na wɔkaa asɛmpa no wɔ Samariafo nkuroba pii mu.
Filip na Etiopianyi no
26Na Ewuradze bɔfoe kasaa kyerɛɛ Filip dɛ, Soɛr, na kɔ pomu afamu kwan a ofi Jerusalɛm sian kɔ Gaza no a ɔyɛ sar no do. 27Na ɔsoɛree kɔree; na hwɛ, ɔbarimba Etiopianyi, ɔsaa tumfo a ɔyɛ Etiopiafo ɔhembaa Kandase ne pianyi a ɔhwɛ ne sikakorabea nyina do nye yi, ɔaba Jerusalɛm abɔsɔr; 28na ɔresan akɔ, na ɔtse ne tseaseanam mu rekenkan nkɔnhyɛnyi Isaia nwoma no. 29Na Sunsum no see Filip dɛ, Twe bɛn, na fa woho kɔbɔ tseaseanam yi ho. 30Na Filip tutuu mbirika kɔr ne nkyɛn, na ɔtsee dɛ ɔrekenkan nkɔnhyɛnyi Isaia nwoma no, na obisaa no dɛ, Ana etse dza erekenkan yi ase? 31Na obuaa no dɛ, Mebɛyɛ dɛn etum, gyedɛ obi kyerɛ me kwan? Na ɔserɛɛ Filip dɛ ɔmfow mbɛtsena ne nkyɛn. 32Na kyerɛw no mu beebi mbrɛ ɔrekenkan nye yi:
Wɔdze no dɛ oguantsen kɔr ekumii;
Na dɛ mbrɛ eguambaa tɔ ne yifo enyim mmum no,
Dɛmara na ommbue n’ano;
33N’ahobrɛadze mu wobuu no atsɛn:
N’ebusuasantsen woana na obotum akyerɛ?
Osiandɛ woeyi no nkwa efi asaase do.
34Na pianyi no bisaa Filip dɛ, Meserɛ wo, woana ho asɛm na nkɔnhyɛnyi no reka yi? Nankasa ho anaa obi ho a? 35Na Filip buee n’ano, na ofi kyerɛw no ara do kaa Jesus ho asɛmpa kyerɛɛ no. 36Na wɔrokɔ hɔn kwan no, wodur nsu bi do; na pianyi no see dɛ, Hwɛ, nsu nye yi: ebɛnadze na osiw m’enuma ho kwan? 37[Na Filip see dɛ, Sɛ edze w’akoma nyina gye dzi a, ewɔ ho kwan. Na obuaa dɛ, Megye midzi dɛ Jesus Kraest yɛ Nyankopɔn ne ba.]#8.37 Tsetse akyerɛwfo no binom mmfa nkyekyɛmu 37 yi nnka ho. 38Na ɔhyɛe ma tseaseanam no gyinae, na hɔn beenu nyina sianee kɔr nsu no mu, Filip nye ɔsaa no, na onumaa no. 39Na wofii nsu no mu reba no, Ewuradze no Sunsum hwiim Filip, na pianyi no ennhu no bio. Na ɔdze dɛw kɔr no kwan. 40Na Filip dze, wohun no wɔ Azotus; na orutwa mu no, ɔkaa asɛmpa no wɔ nkurow nyina mu, dze kɛpeem dɛ odur Kaesarea.
Currently Selected:
Ndwuma 8: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 8
8
1Na Saul so peen no ku no do.
Saul Tseetsee Asɔr no
Na da no ahohiahia kɛse baa asɔr a ɔwɔ Jerusalɛm no do; na hɔn nyina petsee kɔr Judea nye Samaria asaase do, gyedɛ asomafo no nko. 2Na mbarimba nyamesurofo bi siee Stefen, na wosuu no pii. 3#Ndwu 22.4, 5; 26.9-11 Na Saul dze, opuuw asɔrmba no wurawuraa efiefi mu twetwee mbarimba nye mbaa, ma wɔdze hɔn koguu efiadze.
Wɔka Asɛmpa no wɔ Samaria
4Na hɔn a wɔpetsee no kekyinii kɛkaa asɛmpa no. 5Na Filip kɔr Samaria kurow mu kɛkaa Kraest ho asɛm kyerɛɛ hɔn. 6Na nyimpadodow no tsee, na wohun nsɛnkyerɛdze a Filip yɛe no, wɔyɛɛ adwen kor tsiee nsɛm a ɔkaa kyerɛɛ hɔn no. 7Na esunsum fi a wɔwɔ dodowara mu dze ndze kɛse tseaa mu puei, na mbubuifo nye mpakye pii so wɔyɛɛ hɔn edur. 8Na dɛw kɛse baa kurow no mu hɔ.
9Nna ɔbarimba bi a ne dzin dze Simon wɔ kurow no mu a kan no odzii esumansɛm, na ɔmaa Samariaman no ho boow hɔn, na ɔyɛɛ noho dɛ obi a ɔyɛ kɛse bi. 10Ɔno na hɔn nyina, ofitsi nketseaba do kesi akɛse do tsiee no see dɛ, Oyi nye Nyankopɔn tum a wɔfrɛ no Kɛse no. 11Na wotsiee no, osiandɛ nna ɔdze esumansɛm ama hɔn ho abow hɔn akyɛr. 12Na wɔgyee Filip a ɔkaa Nyankopɔn ahenman nye Jesus Kraest ne dzin ho asɛmpa no dzii no, mbarimba nye mbaa maa wonumaa hɔn. 13Na Simon nankasa gyee dzii, na wonumaa no no, ɔdze noho bɔɔ Filip ho, na ohun asɛnkyerɛdze nye tum ndwuma kɛse a wɔyɛe no, ɔyɛɛ no ahobow.
14Na asomafo a wɔwɔ Jerusalɛm tsee dɛ Samaria agye Nyankopɔn asɛm no, wɔsomaa Peter nye John wɔ hɔn nkyɛn; 15na wɔbae no, wɔbɔɔ mpaa maa hɔn dɛ wonnya Sunsum Krɔnkrɔn: 16osiandɛ onnyae mmbaa hɔn mu biara do, na enuma ara nko na woenuma hɔn ahyɛ Ewuradze Jesus dzin mu. 17Nna wɔdze hɔn nsa guu hɔn do, na wonyaa Sunsum Krɔnkrɔn. 18Na Simon hun dɛ ɔnam asomafo no nsa a wɔdze guu do no do na wɔdze Sunsum Krɔnkrɔn rema no, ɔdze sika brɛɛ hɔn dɛ, 19Hom mma mo so tum yi bi, ama obiara a medze nsa bogu no do no, oeenya Sunsum Krɔnkrɔn. 20Na Peter see no dɛ, Wo sika nye wo nhyew, osiandɛ isusuu dɛ Nyankopɔn akyɛdze wɔdze sika nya. 21Innyi kyɛfa anaa egyapadze wɔ asɛm yi mu, osiandɛ w’akoma nntsen wɔ Nyankopɔn enyim. 22Dɛm ntsi, nu woho wɔ wo bɔn yi ho, na kotow serɛ Nyankopɔn kyerɛ dɛ ɔdze w’akoma mu adwen yi bɛkyɛ wo a. 23Na mehu dɛ ewɔ bɔwen wenwen, na emumuyɛ ahoma akyekyer wo. 24Na Simon buae see dɛ, Hom nserɛ Ewuradze mma me, mma dza hom aka yi mu biara aammba mo do.
25Na hɔn dze, wɔgyee dase na wɔkaa Ewuradze asɛm no, wɔsanee baa Jerusalɛm, na wɔkaa asɛmpa no wɔ Samariafo nkuroba pii mu.
Filip na Etiopianyi no
26Na Ewuradze bɔfoe kasaa kyerɛɛ Filip dɛ, Soɛr, na kɔ pomu afamu kwan a ofi Jerusalɛm sian kɔ Gaza no a ɔyɛ sar no do. 27Na ɔsoɛree kɔree; na hwɛ, ɔbarimba Etiopianyi, ɔsaa tumfo a ɔyɛ Etiopiafo ɔhembaa Kandase ne pianyi a ɔhwɛ ne sikakorabea nyina do nye yi, ɔaba Jerusalɛm abɔsɔr; 28na ɔresan akɔ, na ɔtse ne tseaseanam mu rekenkan nkɔnhyɛnyi Isaia nwoma no. 29Na Sunsum no see Filip dɛ, Twe bɛn, na fa woho kɔbɔ tseaseanam yi ho. 30Na Filip tutuu mbirika kɔr ne nkyɛn, na ɔtsee dɛ ɔrekenkan nkɔnhyɛnyi Isaia nwoma no, na obisaa no dɛ, Ana etse dza erekenkan yi ase? 31Na obuaa no dɛ, Mebɛyɛ dɛn etum, gyedɛ obi kyerɛ me kwan? Na ɔserɛɛ Filip dɛ ɔmfow mbɛtsena ne nkyɛn. 32Na kyerɛw no mu beebi mbrɛ ɔrekenkan nye yi:
Wɔdze no dɛ oguantsen kɔr ekumii;
Na dɛ mbrɛ eguambaa tɔ ne yifo enyim mmum no,
Dɛmara na ommbue n’ano;
33N’ahobrɛadze mu wobuu no atsɛn:
N’ebusuasantsen woana na obotum akyerɛ?
Osiandɛ woeyi no nkwa efi asaase do.
34Na pianyi no bisaa Filip dɛ, Meserɛ wo, woana ho asɛm na nkɔnhyɛnyi no reka yi? Nankasa ho anaa obi ho a? 35Na Filip buee n’ano, na ofi kyerɛw no ara do kaa Jesus ho asɛmpa kyerɛɛ no. 36Na wɔrokɔ hɔn kwan no, wodur nsu bi do; na pianyi no see dɛ, Hwɛ, nsu nye yi: ebɛnadze na osiw m’enuma ho kwan? 37[Na Filip see dɛ, Sɛ edze w’akoma nyina gye dzi a, ewɔ ho kwan. Na obuaa dɛ, Megye midzi dɛ Jesus Kraest yɛ Nyankopɔn ne ba.]#8.37 Tsetse akyerɛwfo no binom mmfa nkyekyɛmu 37 yi nnka ho. 38Na ɔhyɛe ma tseaseanam no gyinae, na hɔn beenu nyina sianee kɔr nsu no mu, Filip nye ɔsaa no, na onumaa no. 39Na wofii nsu no mu reba no, Ewuradze no Sunsum hwiim Filip, na pianyi no ennhu no bio. Na ɔdze dɛw kɔr no kwan. 40Na Filip dze, wohun no wɔ Azotus; na orutwa mu no, ɔkaa asɛmpa no wɔ nkurow nyina mu, dze kɛpeem dɛ odur Kaesarea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.