Thangambere 25

Nyikwai Ibrahim ma Ketura Nyolo

(1 Kei 1:32-33)

1Man Ibrahim ugamu dhaku mange, man nyinge Ketura. 2Man enyolo ire Zimran, man Yokcan, ku Medan, man Midian, man Icbak, ku Cua. 3Man Yokcan unyolo Ceba, man Dedan. E wot Dedan gi Juascuri, man Juletuci, ku Juleumi. 4Man wot Midian gi eni: Efa, man Efer, man Hanok, man Abida, ku Elda. Maeni ceke gi nyithindho pa Ketura. 5Man Ibrahim umio ceke m’ebedo ko ni Isak. 6Ento ni wot mon m’araga, ma Ibrahim ubedo ko, Ibrahim umio giramia; man eorogi cen ku kum Isak ma wode, kinde ma fodi ebedo kwo, yo nyangu, ba ng’om ma yo nyangu.

Tho ku Kuny pa Ibrahim

7Man maeni gi ceng’ mi rundi ma Ibrahim ucamu ie ng’om, rundi dak acel ku pier abiro wi abic. 8E Ibrahim umwonyo cwinye, man etho i tio ma ber, e ng’atu m’uti, ma rundine dupa, man jucoke ba dhanu pare. 9E Isak giku Icmael ma wote giyike i odng’om mi Makpela, i podho pa Efron ma wod Zohar ma Jahiti, ma ni i wang’ Mamre; 10#Tha 23:3-16podho ma Ibrahim ung’iewo ba nyithindho pa Heth: juyiko Ibrahim keca, ku Sara ma cege. 11Man etimbre yo ng’ei tho pa Ibrahim, nia Mungu mio mugisa ni Isak ma wode: man Isak ubedo ceng’ni Ber-lahai-roi.

Nyikwai Icmael

(1 Kei 1:28-31)

12Nie maeni gi dhanum’utuk pa Icmael, ma wod Ibrahim, ma Hagar ma Nyamisiri, ma bong’ pa Sara, unyolo ni Ibrahim: 13man maeni gi nying’ wot Icmael, ku nying’gi, calku dhanum’utuk migi: ma kayu pa Icmael, Nebaioth; man Kedar, man Adbel, man Mibsam, 14man Micma, man Duma, man Masa, 15Hadad, man Tema, ku Yetur, man Nafic, man Kedema: 16maeni gi wot Icmael, man maeni nying’gi, ku ba pacu migi, man ku ba gonjo migi; judongomawijo apar wi ario calku thek migi. 17Man maeni gi rundi mi camung’om pa Icmael, rundi dak acel ku pier adek wi abiro: e emwonyo cwinye man etho, e jucoke ba dhanu pare. 18Man gibedo ugambre Havila cil kum Cur ma ni i wang’ Misiri, ka jucidho yo ba Ascur: man ebedo i wang’ utumin mire ceke.

Nyol pa Esau giku Yakobo

19Man maeni gi dhanum’utuk pa Isak, ma wod Ibrahim: Ibrahim unyolo Isak: 20e Isak rundi pare pier ang’wen kinde m’egamu Rebeka, ma nya Bethuel ma Jacami ma Padan-aram, ma nyamin Laban ma Jacami, ubed dhaku pare. 21E Isak ukwayu Yehova pi dhaku pare, kum mugumba kwanye: e Yehova winje, man Rebeka ma cege gamu ie. 22E nyithindho gi-ii yor i ie; man ewacu kumae, Tek ebedo kumeni, nedi abedo kwo? Man ecidho nipenjo ba Yehova. 23#Rum 9:12Man Yehova wacu ire kumae,

Thek ario gini ii,

Man kodhidhanu ario jubikoyo kud ii:

Man kodhidhanu acel bibedo tek ma sagu kodhidhanu wadi;

E jadit bitimo ni nyathin.

24E ka ceng’ pare m’enyol i ie thum kakare, nen, rut ni i ie. 25Man ma kwong’ane wok ma kwar, kume ceke calu kendi mi lesi; e gilwong’o nyinge Esau. 26Man yo ng’ei maeni umin uwok, man cinge maku ufunytiend Esau; man julwong’o nyinge Yakobo: e Isak rundi pare pier abusiel kinde m’enyologi.

Esau Loko Camupacu Pare

27Man awiane dongo: e Esau en e jadwar ma riek, e jalum; man Yakobo en e dhanu ma mol, ma bedo i hema. 28Nie Isak umaru Esau, kum ecamu kum ring lei pare: man Rebeka maru Yakobo. 29Man Yakobo tedo dek: e Esau ai i thim, man evoc: 30man Esau wacu ni Yakobo kumae, Akwei, keth acam dek maeno ma kwar; kum avoc: ka kumeno julwong’o nyinge Edom: 31man Yakobo wacu kumae, Har ing’ieu ira ng’ol ma dit peri mi nyol. 32Man Esau wacu kumae, Nen, ani ceng’ni tho: man ng’ol ma dit mi nyol biloko ira ang’o? 33#Ebr 12:16E Yakobo wacu kumae, Ilar ikwong’ ira; e ekwong’o ire: man eng’iewo ng’ol pare mi dit ni Yakobo. 34Man Yakobo mio kwen ku cwe ng’or nyamunguk ni Esau; e ecamu emadhu de, man eai malu, e ecidho i yo pare: kum kumeno Esau cayu ng’ol pare mi dit mi nyol.

Currently Selected:

Thangambere 25: AB1970

Highlight

Copy