Thangambere 36

Nyikwai Esau

(1 Kei 1:34-36)

1Nie maeni gi dhanum’utuk pa Esau (ma en e Edom). 2#Tha 26:34Esau gamu mon pare m’i kind nyir mi Kanan: Ada ma nyar Elon ma Jahiti, man Oholibama ma nyar Ana, ma nya Zibeon ma Jahivi, 3#Tha 28:9man Basemath ma nyar Icmael, ma nyamin Nebaioth. 4Man Ada nyolo Elifaz ni Esau; Basemath ke nyolo Reuel; 5man Oholibama nyolo Yeuc, man Yalam, man Kora: maeni gi wot Esau, ma junyolo ire i ng’om Kanan. 6E Esau gamu mon pare, ku wote, ku nyige, ku dhanu ceke m’i ot pare, ku lim pare, man lim pare ceke mi ter, ku piny pare ceke, m’ecoko i ng’om Kanan; e ecidho i ng’om ma cen kud umin ma Yakobo. 7Kum piny migi bedo dit m’usagu ma gicopo bedo ko karacelo; man ng’om mir umondo migi romogi ngo kum lim migi. 8E Esau bedo wi got Seir: Esau en e Edom.

9E maeni gi dhanum’utuk pa Esau ma won Juedomi i got Seir: 10maeni nying wot Esau: Elifaz ma wod Ada ma dhaku pa Esau, Reuel ma wod Basemath ma dhaku pa Esau. 11Man wot Elifaz gi Teman, Omar, Zefo, man Gatam, ku Kenaz. 12Man Timna en e dhaku m’araga pa Elifaz ma wod Esau; man enyolo Amalek ni Elifaz; maeni gi wot Ada, ma dhaku pa Esau. 13Man maeni gi wot Reuel: Nahath, man Zera, Cama, man Miza: maeni gi wot Basemath, ma dhaku pa Esau. 14Man maeni gi wot Oholibama ma nyar Ana, ma nya Zibeon, ma dhaku pa Esau: enyolo Yeuc ni Esau, man Yalam, man Kora.

15Man maeni gi rwodhi mi wot Esau: wot Elifaz ma kayu pa Esau gi eni: rwoth Temen, rwoth Omar, rwoth Zefo, rwoth Kenaz, 16rwoth Kora, rwoth Gatam, rwoth Amalek: maeni rwodhi m’uai ba Elifaz i ng’om Edom; maeni gi wot Ada. 17Man maeni gi wot Reuel, ma wod Esau: rwoth Nahath, rwoth Zera, rwoth Cama, rwoth Miza: maeni rwodhi m’uai ba Reuel i ng’om Edom; maeni gi wot Basemath, ma dhaku pa Esau. 18Man maeni gi wot Oholibama, ma dhaku pa Esau: rwoth Yeuc, rwoth Yalam, rwoth Kora: maeni gi rwodhi m’uai ba Oholibama ma nyar Ana, ma dhaku pa Esau. 19Maeni gi wot Esau, man maeni gi rwodhi migi: ma en e Edom.

Nyikwai Seir

(1 Kei 1:38-42)

20Maeni gi wot Seir ma Jahori, gi ju m’ubedo i ng’ombe: Lotan man Cobal ku Zibeon man Ana, 21man Dicon man Ezer ku Dican: maeni gi rwodhi m’uai ba Juhori, ma nyithindho pa Seir i ng’om Edom. 22Man nyithindho pa Lotan gi Hori man Heman; man nyamin Lotan en e Timna. 23Man maeni gi nyithindho pa Cobal: Alvan man Manahath kud Ebal, Cefo man Onam. 24Man maeni gi nyithindho pa Zibeon: Aia man Ana; maeni Ana m’unwang’u kulo ma lieth i yamba, kinde m’ekwayu kana pa Zibeon ma won. 25Man maeni gi nyithindho pa Ana: Dicon man Oholibama ma nyar Ana. 26Man maeni nyithindho pa Dicon: Hemdan man Ecban ku Ithran man Keran, 27Maeni gi nyithindho pa Ezer: Bilhan man Zavan kud Akan. 28Maeni gi nyithindho pa Dican: Uz man Aran. 29Maeni gi rwodhi m’uai ba Juhori: rwoth Lotan, rwoth Cobal, rwoth Zibeon, rwoth Ana, 30rwoth Dicon, rwoth Ezer, rwoth Dican: maeni gi rwodhi ma giai ba Juhori, calku rwodhi migi i ng’om Seir.

Jubim mir Edom

(1 Kei 1:43-54)

31Man maeni gi ju m’ubimo m’ucamu ker i ng’om Edom, ma fodi ubimo moko kucamu ker ungo wi nyithindho mir Israel. 32Man Bela ma wod Beor ucamu ker i Edom; man nying adhura pare en e Dinhaba. 33Man Bela tho, man Yobab ma wod Zera m’i Bozra camu ker kakare. 34Man Yobab utho, man Hucam m’i ng’om Jutemani camu ker kakare. 35Man Hucam utho, man Hadad ma wod Bedad, m’ugoyo Midian i podho pa Moab, ucamu ker kakare: man nying adhura pare Avith. 36E Hadad utho, man Samla m’i Masreka camu ker kakare. 37Man Samla tho, man Caul m’i Rehoboth i ng’et Kulo camu ker kakare. 38Man Caul utho, man Bal-hanan ma wod Akbor ucamu ker kakare. 39Man Bal-hanan ma wod Akbor utho, e Hadar ucamu ker kakare: man adhura pare en e Pau; man nying’ dhaku pare en e Mehetabel, ma nya Matred, ma nya Mezahab. 40Maeni gi nying’ rwodhi m’uai bang’ Esau, calku wat migi, calku kakagi, ku nying’gi ku nying’gi: rwoth Timna, rwoth Alva, rwoth Yetheth, 41rwoth Oholibama, rwoth Ela, rwoth Pinon, 42rwoth Kenaz, rwoth Teman, rwoth Mibzar, 43rwoth Magdiel, rwoth Iram: maeni gi rwodhi pa Edom, calku kabedo migi i ng’om mi piny migi. Maeni en e Esau, ma won Juedomi.

Currently Selected:

Thangambere 36: AB1970

Highlight

Copy