Thangambere 49

Ewolembe pa Yakobo pi Wote

1Man Yakobo lwong’o wote, man ewacu kumae: Wucokru giwu karacelo, kara ayer iwu pi gin ma bitimbre iwu i ceng’ ma cen.

2Wucokru giwu, man wuwinji, wu wot Yakobo;

Man wucik ithwu bang’ Israel ma wegwu.

3Ruben, in i kayu para, tek para thangambere mi tego para de;

Dit mi yung, man dit mi tego.

4M’ubewali calu pi, ibibedo dit ungo;

Kum iidho wi kavuto pa wuru;

Ilund icide: eidho malu wi kavuto para.

5Simeon man Lawi gin umego;

Palamularu migi en e jambali mi rop.

6E ng’eyong’ec para, kud imond i porolembe migi;

Dwong’ para, kud iribri ku cokri migi;

Kum i ng’ecwiny migi ginego dhanu.

Man i lembe ma gikeco gitong’o ler koni dhiang’.

7Kwong’ ubed wi ng’ecwiny migi, kum lake tek;

Man kwinyo migi, kum en e mi rop:

Abipokogi i Yakobo,

Man abikethogi i Israel.

8Yuda, utumeru bipeki:

Cingi bibedo wi ng’ut judegi peri;

Wot wuru birum i weng’i.

9 # Wel 24:9; Nyu 5:5 Yuda en e nyathin umvor;

Woda, iai ku bang’ amaci:

Erum piny, eriebre calu umvor,

Man calu min umvor; ng’a ma bituge?

10Uludhker biai ungo ba Yuda,

Kadi uluth pa jabim ku kind tiende,

Cil ma Cilo bino ko;

Man woro mi kodhidhanu bibedo ire

11M’etwio nyathi kana pare kum ulok,

Man nyathi kana pare kum ulok ma jufoyo;

Elwoko kendi pare i pigulok,

Man kendi pare i rimo mi pigulok:

12Wang’e bibogre ku pigulok,

Man lake tar ku cak.

13Zebulun bibedo i ndiya mi nam;

Man ebibedo ni ndiya mi combo;

Man kieu pare bibedo wi Sidon.

14Isakar en e kana ma tek,

M’eriebre piny i kind kwac mi rombe:

15Man eneno kayom m’ubedo ber,

Ng’om de nia e ber;

Man ejengo goke kara eyei,

Man edoko jatic the tic ma jumuli ko.

16Dan bipoko lembe wi dhanu pare,

Calu suru acel mir Israel.

17Dan bibedo ni thwol i yo,

Ni urobi i yo,

Ma tong’o ufunytiend riuni,

Ketho ng’atu ma ni i wie podho ataru.

18Akuro both peri, E Yehova.

19Gad, udul mi jurop bidie;

Ento ebidio ufunytiendgi.

20Ku bang’ Acer kwen pare bibedo ni mio,

Man ebiwodho gin ma jumaru mi ker.

21Naftali en e mege ruda m’ubedo agonya:

Ewo dho lembe ma ber.

22Yusuf en e jang yen ma cego nyinge,

En e jang yen ma cego nyinge dhu kulo;

Jange lak wi gang’kidi.

23Weg atum ginyayu can i ie dit,

Gikile ve, man gisende:

24Ento atum pare bedo i tego,

Man bot mi cinge, judwoko tek,

Ku cing’ Ng’atu Matek pa Yakobo

(Jakwac uai keca, en e kidi mir Israel),

25Cil ni kum Mungu pa wuru, ma bikonyi,

Man ni kum Ng’atu ma Jategokpo, ma bimio mugisa iri,

Ku mugisa m’i polo ma malu,

Mugisa mi nam m’uriebre piny,

Mugisa mi thuno, man mi ic.

26Mugisa pa wuru

Sagu mugisa mi judongo para

Cil kum dhu kieu mir ungulu gudi mi nja:

Gibibedo i wi Yusuf,

Man i die wi ng’atu m’ukoc tung’ ku utumin mire.

27Benyamin en e urudi ma yeco:

Kugweno ebicamu amaci,

Man uthieno ebipoko ayeki.

28Maeni ceke gi suru apar wi ario mir Israel: man maeni en e gin ma weggi yero igi man emio mugisa igi; man emio mugisa igi kubang’gi kubang’gi ng’atuman calku mugisa pare.

Tho ku Kuny pa Yakobo

29Man eng’olo igi, ewacu igi kumae, Jubicoka ba dhanu para: yika karacelo ku kwara i odng’om ma i podho pa Efron ma Jahiti, 30#Tha 23:3-20i odng’om ma ni i podho mi Makpela, ma ni i wang’ Mamre, i ng’om Kanan, ma Ibrahim ung’iewo karacelo ku podho ba Efron ma Jahiti ni piny mi kayik. 31#Tha 25:9, 10; Tha 35:29Giyiko Ibrahim keca man Sara ma dhaku pare; giyiko Isak keca ku Rebeka ma dhaku pare; man ayiko Leya keca— 32podho ku odng’om ma ni i ie, ma jung’iewo ba nyithindho pa Heth. 33#Tic 7:15Man kinde ma Yakobo daru ng’olo lembe ni wote, edolo tiende malu i kavuto, man emwonyo cwinye, man jucoke ba juthugi.

Currently Selected:

Thangambere 49: AB1970

Highlight

Copy