Yowanane 3
3
Yezu ne Nikodemu
1Kuvua muntu, dina diende Nikodemu. Uvua wa mu tshisumbu tshia Baparushe, muikale kabidi umue wa ku bamfumu ba bena Yuda. 2Dituku dikuabu kufikaye kudi Yezu butuku, umuambila ne:
— Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!
3Yezu kumuandamuna ne:
— Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.#3.3 tshiakabidi: muaku udi muaba ewu mu buena ngreke udi umvuija kabidi ne: wa mulu. Bumue Yowanane udi musue kuamba bionsu bibidi.
4Nikodemu kukonka Yezu ne:
— Kadi muntu mumane kukulakaja, badi mua kumulela tshiakabidi munyi? Udi mua kubuela munda mua mamuende bua kumulelabu musangu muibidi anyi?
5Yezu kuandamuna ne:
— Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila. 6Tshidi muntu ulela, tshidi muntu. Tshidi Mueyelu wa Tshijila ulela tshidi Mueyelu. 7Kuena mua kukema bualu mvua mukuambile ne: “Nudi ne bua kuledibua tshiakabidi buonsu buenu.#3.7 tshiakabidi, nansha: mulu (tangila kan. 3).” 8Lupepele#3.8 Mu buena ngreke, muaku wa momumue udi umvuija lupepele ne Mueyelu. ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.
9Nanku Nikodemu kukonka Yezu ne:
— Bia nanku bidi mua kuenzeka bishi?
10Yezu kumuandamuna ne:
— Wewe udi mulongeshi wa bena Izrayele, udi mumanyike bikole, muudi kuyi mumanye malu aa mbishi? 11Ndi nkuambila bulelela ne: Tudi tuakula bitudi bamanye. Tudi tuamba kabidi bituvua bamone. Kadi kanuena nuanyisha bitudi tunujadikila. 12Kanuena nungitaba pandi nnuambila malu adi enzeka pa buloba. Mmunyi munudi mua kungitaba pandi nnuambi la malu adi enzeka mu diulu? 13Muntu nansha umue kena muanji kubanda mu diulu, pa kumusha Muana wa muntu udi mufume mu diulu!#3.13 Mu mikanda mikuabu ya kale mbafunde ne: muntu udi mufume mu diulu, Muana wa muntu udi mu diulu. — Fuanyikija ne Nsum 30.4; Rom 10.6. 14Bu umvua Moshe muele nyoka wa tshiamu tshikunze kulu kua mutshi mu tshipela,#3.14 Tangila Dib 21.9. ke muelabu Muana wa muntu kulu, 15bua muntu yonsu udi umuitaba ikale ne muoyi wa tshiendelele. 16Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele. 17Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye. 18Muntu udi witaba Muana kabena bamupisha. Kadi udi ubenga kumuitaba, mbamane kumupisha, bualu kavua muitabe Muana mulela umue wa Mvidi Mukulu. 19Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi. 20Muntu yonsu udi wenza bualu bubi, udi ubenga butoke. Kena ufika padi butoke, bualu udi utshina bua malu ende mabi kaamueneki patoke. 21Kadi muntu udi wenza malu malelela, udi ufika padi butoke, bua bantu bamone patoke ne: udi wenza malu ende bimpe, utumikila Mvidi Mukulu.
Yowanane ne Yezu
22Pashishe Yezu kuya ne balongi bende mu ditunga dia Yudeya. Kuanjiye kushala nabu muaba awu amue matuku. Uvua kabidi utua bantu mu mayi.#3.22 Tangila 4.1-2. 23Yowanane kabidi uvua utua bantu mu mayi ku Ayinone, pepi ne Salime,#3.23 Ayinone ne Salime: mmisoku ibidi idibu kabayi bajadike bimpe, mu tshibandabanda tshia Yardene. bualu muaba awu uvua mayi a bungi. Bantu bavua baye kudiye, ke yeye kubatua mu mayi. 24(Diba adi kabavua banji kuela Yowanane mu lukanu#3.24 Tangila Mat 14.3; Mar 6.17; Luk 3.19-20. to.)
25Bamue balongi ba Yowanane kutuadija kuelangana mpata ne muena Yuda#3.25 ne muena Yuda: mu mikanda mikuabu mbafunde ne: ne bena Yuda. pa mikenji ya dikobolola. 26Balongi kuya kudi Yowanane, kumuebeja ne:
— Mulongeshi, udi uvuluka muntu unuvua nende dishiya dia Yardene, uuvua utulondela bualu buende awu. Ukadi pende utua bantu mu mayi. Bonsu badi baya kudiye!
27Yowanane kubandamuna ne:
— Muntu kena mua kudipetela tshintu padi Mvidi Mukulu kayi mumupeshetshi. 28Nudi mua kujadika mumvua munuambile ne: “Tshiena Meshiya, kadi bavua badianjila kuntuma kumpala kuende.#3.28 Tangila 1.20; fuanyikija ne Mal 3.1.” 29Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi. 30Nenku Yeye atante, meme nkepele.
Udi ufuma mu diulu
31— Muntu udi ufuma mu diulu udi ku mutu kua bionsu. Muntu wa pa buloba udi muena panu, udi wakula malu a panu. Muntu udi ufuma mu diulu udi ku mutu kua bionsu. 32Udi wamba malu avuaye mumone kabidi mumvue. Kadi kakuena muntu nansha umue udi witaba bidiye wamba. 33Udi witaba bidiye wamba udi ujadika nanku mudi Mvidi Mukulu wamba malu malelela. 34Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima. 35Tatu mmunange Muana; mmuteke bionsu ku bumfumu buende. 36Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.
Currently Selected:
Yowanane 3: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996
Yowanane 3
3
Yezu ne Nikodemu
1Kuvua muntu, dina diende Nikodemu. Uvua wa mu tshisumbu tshia Baparushe, muikale kabidi umue wa ku bamfumu ba bena Yuda. 2Dituku dikuabu kufikaye kudi Yezu butuku, umuambila ne:
— Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!
3Yezu kumuandamuna ne:
— Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.#3.3 tshiakabidi: muaku udi muaba ewu mu buena ngreke udi umvuija kabidi ne: wa mulu. Bumue Yowanane udi musue kuamba bionsu bibidi.
4Nikodemu kukonka Yezu ne:
— Kadi muntu mumane kukulakaja, badi mua kumulela tshiakabidi munyi? Udi mua kubuela munda mua mamuende bua kumulelabu musangu muibidi anyi?
5Yezu kuandamuna ne:
— Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila. 6Tshidi muntu ulela, tshidi muntu. Tshidi Mueyelu wa Tshijila ulela tshidi Mueyelu. 7Kuena mua kukema bualu mvua mukuambile ne: “Nudi ne bua kuledibua tshiakabidi buonsu buenu.#3.7 tshiakabidi, nansha: mulu (tangila kan. 3).” 8Lupepele#3.8 Mu buena ngreke, muaku wa momumue udi umvuija lupepele ne Mueyelu. ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.
9Nanku Nikodemu kukonka Yezu ne:
— Bia nanku bidi mua kuenzeka bishi?
10Yezu kumuandamuna ne:
— Wewe udi mulongeshi wa bena Izrayele, udi mumanyike bikole, muudi kuyi mumanye malu aa mbishi? 11Ndi nkuambila bulelela ne: Tudi tuakula bitudi bamanye. Tudi tuamba kabidi bituvua bamone. Kadi kanuena nuanyisha bitudi tunujadikila. 12Kanuena nungitaba pandi nnuambila malu adi enzeka pa buloba. Mmunyi munudi mua kungitaba pandi nnuambi la malu adi enzeka mu diulu? 13Muntu nansha umue kena muanji kubanda mu diulu, pa kumusha Muana wa muntu udi mufume mu diulu!#3.13 Mu mikanda mikuabu ya kale mbafunde ne: muntu udi mufume mu diulu, Muana wa muntu udi mu diulu. — Fuanyikija ne Nsum 30.4; Rom 10.6. 14Bu umvua Moshe muele nyoka wa tshiamu tshikunze kulu kua mutshi mu tshipela,#3.14 Tangila Dib 21.9. ke muelabu Muana wa muntu kulu, 15bua muntu yonsu udi umuitaba ikale ne muoyi wa tshiendelele. 16Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele. 17Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye. 18Muntu udi witaba Muana kabena bamupisha. Kadi udi ubenga kumuitaba, mbamane kumupisha, bualu kavua muitabe Muana mulela umue wa Mvidi Mukulu. 19Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi. 20Muntu yonsu udi wenza bualu bubi, udi ubenga butoke. Kena ufika padi butoke, bualu udi utshina bua malu ende mabi kaamueneki patoke. 21Kadi muntu udi wenza malu malelela, udi ufika padi butoke, bua bantu bamone patoke ne: udi wenza malu ende bimpe, utumikila Mvidi Mukulu.
Yowanane ne Yezu
22Pashishe Yezu kuya ne balongi bende mu ditunga dia Yudeya. Kuanjiye kushala nabu muaba awu amue matuku. Uvua kabidi utua bantu mu mayi.#3.22 Tangila 4.1-2. 23Yowanane kabidi uvua utua bantu mu mayi ku Ayinone, pepi ne Salime,#3.23 Ayinone ne Salime: mmisoku ibidi idibu kabayi bajadike bimpe, mu tshibandabanda tshia Yardene. bualu muaba awu uvua mayi a bungi. Bantu bavua baye kudiye, ke yeye kubatua mu mayi. 24(Diba adi kabavua banji kuela Yowanane mu lukanu#3.24 Tangila Mat 14.3; Mar 6.17; Luk 3.19-20. to.)
25Bamue balongi ba Yowanane kutuadija kuelangana mpata ne muena Yuda#3.25 ne muena Yuda: mu mikanda mikuabu mbafunde ne: ne bena Yuda. pa mikenji ya dikobolola. 26Balongi kuya kudi Yowanane, kumuebeja ne:
— Mulongeshi, udi uvuluka muntu unuvua nende dishiya dia Yardene, uuvua utulondela bualu buende awu. Ukadi pende utua bantu mu mayi. Bonsu badi baya kudiye!
27Yowanane kubandamuna ne:
— Muntu kena mua kudipetela tshintu padi Mvidi Mukulu kayi mumupeshetshi. 28Nudi mua kujadika mumvua munuambile ne: “Tshiena Meshiya, kadi bavua badianjila kuntuma kumpala kuende.#3.28 Tangila 1.20; fuanyikija ne Mal 3.1.” 29Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi. 30Nenku Yeye atante, meme nkepele.
Udi ufuma mu diulu
31— Muntu udi ufuma mu diulu udi ku mutu kua bionsu. Muntu wa pa buloba udi muena panu, udi wakula malu a panu. Muntu udi ufuma mu diulu udi ku mutu kua bionsu. 32Udi wamba malu avuaye mumone kabidi mumvue. Kadi kakuena muntu nansha umue udi witaba bidiye wamba. 33Udi witaba bidiye wamba udi ujadika nanku mudi Mvidi Mukulu wamba malu malelela. 34Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima. 35Tatu mmunange Muana; mmuteke bionsu ku bumfumu buende. 36Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996