Psalmet 114
114
1Kur Izraeli doli nga Egjipti
dhe shtëpia e Jakobit nga një popull i huaj,
2Juda u bë shenjtërorja e Zotit,
Izraeli zotërimi i tij.
3Deti pa e iku,
Jordani u kthye pas.
4Malet kërcyen si desh,
kodrat si qengja dhensh.
5Ç'pate, o det, që ike,
e ti, o Jordan, që pas u ktheve?
6Ç'patët, o male, që si desh kërcyet,
e ju, o kodra, porsi qengja dhensh?
7Dridhu, o tokë, para Zotit,
para Perëndisë së Jakobit!
8Ai e ktheu shkëmbin në liqen,
shkrepin në burime ujërash.
Currently Selected:
Psalmet 114: AL1
Highlight
Share
Copy
Want to have your highlights saved across all your devices? Sign up or sign in
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020