Psalmet 75
75
1Mjeshtrit të korit. Sipas melodisë «Mos shkatërro». Psalm i Asafit. Këngë.
2Të përlëvdojmë, o Perëndi,
ty të përlëvdojmë!
Emrin tënd thërrasim#75.2 ose: pranë nesh është emri yt,
mrekullitë e tua shpallim.
3«Ja, kur të vijë koha që kam caktuar,
do të gjykoj me drejtësi.
4Le të trandet toka me gjithë banorët e saj,
jam unë që ia mbaj fort shtyllat. selah
5Krenarëve u thashë: “Mos u krenoni!”,
të paudhëve: “Mos ngrini krye!
6Mos i ngrini shumë lart kryet,
mos flisni me kokëfortësi”».
7As nga lindja, as nga perëndimi,
as nga shkretëtira nuk vjen lartësimi,
8se gjykatës është Perëndia.
Këtë e përul, atë lart e ngre.
9 Zoti mban në dorë një kupë vere,
plot shkumë e plot me erëza,
e prej saj jep për të pirë.
Gjithë të paudhët e tokës do të pinë,
do ta thajnë me gjithë llum.
10E unë do të të shpall përherë,
himne do t'i këndoj Perëndisë së Jakobit.
11Do t'ua thyej kryet gjithë të paudhëve,
ndërsa i drejti do ta ngrejë kokën lart.
Currently Selected:
Psalmet 75: AL1
Highlight
Share
Copy
Want to have your highlights saved across all your devices? Sign up or sign in
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020
