ƐSTƐRƐ GRƐKƐ A
A
Yalɛ tɔ̃a zu Mardose
1-2 Do mbe wese kpo, do kɔ̃ zɛkɛ Nisanɛ, nɛ yalɛ tɔ̃a zu Mardose. Do 'da fala ni, nɛ nde gã nwa Artasɛrsɛsi ɔa tɛ to nwa 'da a sabɛlɛ bɔa. Mardose zi a gã wi dɛa to ti kɔ̃ nwa, nɛ a ɔ kɔ le Suzɛ, nɛ nde a ngboo a be Yuda. Mardose a be 'da Yairɛ, wi nu fɛlɛ Simei do Kisi, tɛ nu kpala Bɛnzamɛ. 3 A zi kɔ owinɔ kɛ Nabukɔdɔnɔzɔrɛ, nwa ngɔ nù Babilonia kala zi wa tɛ Yeruzalɛmɛ, fala nɛ kpo do Yɛkonia, nwa 'da Oyuda, nɛ a si do wa ni. 4 Mardose yala zu a, nɛ nde gba hia mɔ tɛ wele gboo, nɛ kolo ua dã, nɛ nùi yaka, nɛ owinɔ vɛ̃ wa gɔnɔ kili. 5 Nɛ ogba sɔ̃ sa'de bɔa, wa gã wena, wa hɔa, nɛ wa 'dafa tɛ wa we bi ngba wa. Wa he mɔ nganda wena, 6 nɛ ogele winɔ vɛ̃ wa 'dafa 'bɔ tɛ wa na, lo nɛ, hã lo bi Owi kɔ̃ gɛnɛ Gale. 7 Do kɔ̃ tũi ni, gba tũi kpia kpã kpã, nɛ tɛ winɔ ngɔ nù nga zɛlɛ wena, nɛ kili ba wa, nɛ wa do 'bako wena. 8 Owinɔ vɛ̃ kɛ wa kɔ̃a gɛnɛ Gale ni, wa tana kili we gã 'bakoe kɛ wa nɛ kpa ma ni. Wa 'bɔ fio iko, 9 nɛ wa hia mɔ hã Gale na, a gbaka lo. Nɛ olo hia mɛ 'da wa ni, nɛ lì yula kɔ be zu li sĩ, nɛ ma fua, nɛ ma hɔ gba lì kɛ ma hɛ̃a wena ni. 10 Nɛ fala sa olo nɛ ni, nɛ wese gba, nɛ owinɔ kɛ wa kpa sɔ zɛlɛ tɛ wena ni, wa kpa ngawi, nɛ wa kulu ngɔ, nɛ wa gbɛ Owi sɛnɛ wa kɛ wa dɛ wali ni.
11 Mardose nɛa we tunu nɛ, nɛ a ĩ zi na, yalɛ ɛ yala ni, ma be mɛnɔ kɛ Gale kɔ̃a we dɛ ma ni. Nɛ tɛ zu a èlè ngɔ yalɛ ni gɔ, nɛ a ma ngɔ lengge ma. Nɛ kɔ̃ tũi ni vɛ̃, a fa we ĩ ti gulu nɛ.
Mardose tɔ̃a 'da we hã nwa
12 Mbe tũ kpo, nɛ Mardose nɛa we ɔmɔ tɛ̃ a kɔ ngbo 'da nwa i. Do fala ni, nɛ nde wi dɛa tonɔ 'da nwa, wa zu wa bɔa, li wa a Gabata do Tara, wa zi tɛ zɔ mɔ tɛ nu ngboe. 13 Mardose nɛa we la nɛ, nɛ a zele gɛlɛ wa tɛ wele we, nɛ a fa we ĩ ti gulu we wa wele ni. Nɛ a zele, nɛ nde wa ba zã zu we gbɛ nwa Artasɛrsɛsi. Nɛ Mardose la do ti, nɛ a tɔ̃ 'da we ni hã nwa. 14 Nwa zila ni, nɛ a aka owi tonɔ bɔa ni, nɛ wa kàfà gɔ, nɛ a gbɛa wa. 15 Nɛ nwa ba nu a na, wa kɔ̀mɔ̀ wenɔ ni do mbɛti, hã wa usu ma. Nɛ Mardose kɔma tɛ mɛ 'bɔ mbɛti nɛ. 16 Nɛ nwa 'dɔlɔ odia mɔ hã Mardose olo kɛ a kpasa a li fie ni, nɛ a e 'bɔ a tɛ gã to dɛ kɔ tɔa nwa 'da a ni ngboo. 17 Mɛ ni, nɛ nde nwa kɔ̃a zi tɛ mɛ 'bɔ gɛnɛ Hamanɛ, be 'da Hamɛdata, wi Bugayoe ni wena. Hamanɛ ni si zi 'do wi dɛa tonɔ 'da nwa bɔa, kɛ wa gbɛa wa ni, nɛ a fa we hã ngamɔ hã Mardose do owinɔ 'da a.
Currently Selected:
ƐSTƐRƐ GRƐKƐ A: NGB
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.
ƐSTƐRƐ GRƐKƐ A
A
Yalɛ tɔ̃a zu Mardose
1-2 Do mbe wese kpo, do kɔ̃ zɛkɛ Nisanɛ, nɛ yalɛ tɔ̃a zu Mardose. Do 'da fala ni, nɛ nde gã nwa Artasɛrsɛsi ɔa tɛ to nwa 'da a sabɛlɛ bɔa. Mardose zi a gã wi dɛa to ti kɔ̃ nwa, nɛ a ɔ kɔ le Suzɛ, nɛ nde a ngboo a be Yuda. Mardose a be 'da Yairɛ, wi nu fɛlɛ Simei do Kisi, tɛ nu kpala Bɛnzamɛ. 3 A zi kɔ owinɔ kɛ Nabukɔdɔnɔzɔrɛ, nwa ngɔ nù Babilonia kala zi wa tɛ Yeruzalɛmɛ, fala nɛ kpo do Yɛkonia, nwa 'da Oyuda, nɛ a si do wa ni. 4 Mardose yala zu a, nɛ nde gba hia mɔ tɛ wele gboo, nɛ kolo ua dã, nɛ nùi yaka, nɛ owinɔ vɛ̃ wa gɔnɔ kili. 5 Nɛ ogba sɔ̃ sa'de bɔa, wa gã wena, wa hɔa, nɛ wa 'dafa tɛ wa we bi ngba wa. Wa he mɔ nganda wena, 6 nɛ ogele winɔ vɛ̃ wa 'dafa 'bɔ tɛ wa na, lo nɛ, hã lo bi Owi kɔ̃ gɛnɛ Gale. 7 Do kɔ̃ tũi ni, gba tũi kpia kpã kpã, nɛ tɛ winɔ ngɔ nù nga zɛlɛ wena, nɛ kili ba wa, nɛ wa do 'bako wena. 8 Owinɔ vɛ̃ kɛ wa kɔ̃a gɛnɛ Gale ni, wa tana kili we gã 'bakoe kɛ wa nɛ kpa ma ni. Wa 'bɔ fio iko, 9 nɛ wa hia mɔ hã Gale na, a gbaka lo. Nɛ olo hia mɛ 'da wa ni, nɛ lì yula kɔ be zu li sĩ, nɛ ma fua, nɛ ma hɔ gba lì kɛ ma hɛ̃a wena ni. 10 Nɛ fala sa olo nɛ ni, nɛ wese gba, nɛ owinɔ kɛ wa kpa sɔ zɛlɛ tɛ wena ni, wa kpa ngawi, nɛ wa kulu ngɔ, nɛ wa gbɛ Owi sɛnɛ wa kɛ wa dɛ wali ni.
11 Mardose nɛa we tunu nɛ, nɛ a ĩ zi na, yalɛ ɛ yala ni, ma be mɛnɔ kɛ Gale kɔ̃a we dɛ ma ni. Nɛ tɛ zu a èlè ngɔ yalɛ ni gɔ, nɛ a ma ngɔ lengge ma. Nɛ kɔ̃ tũi ni vɛ̃, a fa we ĩ ti gulu nɛ.
Mardose tɔ̃a 'da we hã nwa
12 Mbe tũ kpo, nɛ Mardose nɛa we ɔmɔ tɛ̃ a kɔ ngbo 'da nwa i. Do fala ni, nɛ nde wi dɛa tonɔ 'da nwa, wa zu wa bɔa, li wa a Gabata do Tara, wa zi tɛ zɔ mɔ tɛ nu ngboe. 13 Mardose nɛa we la nɛ, nɛ a zele gɛlɛ wa tɛ wele we, nɛ a fa we ĩ ti gulu we wa wele ni. Nɛ a zele, nɛ nde wa ba zã zu we gbɛ nwa Artasɛrsɛsi. Nɛ Mardose la do ti, nɛ a tɔ̃ 'da we ni hã nwa. 14 Nwa zila ni, nɛ a aka owi tonɔ bɔa ni, nɛ wa kàfà gɔ, nɛ a gbɛa wa. 15 Nɛ nwa ba nu a na, wa kɔ̀mɔ̀ wenɔ ni do mbɛti, hã wa usu ma. Nɛ Mardose kɔma tɛ mɛ 'bɔ mbɛti nɛ. 16 Nɛ nwa 'dɔlɔ odia mɔ hã Mardose olo kɛ a kpasa a li fie ni, nɛ a e 'bɔ a tɛ gã to dɛ kɔ tɔa nwa 'da a ni ngboo. 17 Mɛ ni, nɛ nde nwa kɔ̃a zi tɛ mɛ 'bɔ gɛnɛ Hamanɛ, be 'da Hamɛdata, wi Bugayoe ni wena. Hamanɛ ni si zi 'do wi dɛa tonɔ 'da nwa bɔa, kɛ wa gbɛa wa ni, nɛ a fa we hã ngamɔ hã Mardose do owinɔ 'da a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.