YUDITƐ 16
16
Yuditɛ ga zuma we dɔnggɔ do Gale
1Nɛ zélé zuma Yuditɛ ga zi ni.
“Nɛ gá zuma we dɔnggɔ Gale 'da mi.
Nɛ kálá obe biã, do ombala mɔ bolo,
nɛ nɛ zɛ́ do zuma hã NWA.
Nɛ gá zuma hã a,
nɛ nɛ sã mɔ hã a na, a gala nɛ.
2Mba gɔ, NWA a wi ga bolo,
a fua mi ti kɔ̃ owi sɛnɛ mi,
nɛ a gisa mi do ba tɛ mi dɛ fala ɔi 'da mi,
dɛ sanga owinɔ 'da mi.
3Oasiri wa yula ngɔ kalanɔ si gbãlã ngɔ,
nɛ wa tɛa do osoda 'bu koto dɛlɛ la li ngele,
wele wè tɛ tɔlɔ wa gɔ,
nɛ wa dunu kɔ gbangɔlɔ̃ linɔ, nɛ ma kpia vɛ̃.
Nɛ osoda kũ mbalatanɔ 'da wa,
wa kpa do ngɔ kalanɔ yerr.
4Wa 'dafa zi na, wa fi we tɛ le 'da lɛ,
hã ma bɛlɛ vɛ̃,
nɛ wa kumu ozagbãlãnɔ 'da lɛ
do gba du kɔyanɔ 'da wa.
Nɛ wa kala onzɔ benɔ kɔ̃ naa wa,
nɛ wa da wa nù.
Wa kala obulu benɔ,
do o'bundu be zɔnganɔ 'da lɛ do ngbá.
5Nɛ nde NWA, kɛ a do nganda vɛ̃ ni,
a kpia wala ti wa.
A tumba wuko kpo,
nɛ wuke ni kila ti wa.
6Wi gbɛ̃ nganga bole 'da wa
wi a osɔ̃a tɛ zagbãlãnɔ gɔ.
Nɛ wi gbɛ̃ 'bɔ a,
wi a osɔ̃a tɛ wi wilinɔ,
tabi ogba du wi zambu gɔ.
Nɛ nde wi gbɛa a, wi a Yuditɛ, boko be 'da Merari,
we duzu dia zɔnga 'da a.
7A fua tulu gɛla tɛ̃ a do'do,
nɛ a fɛlɛ nɔ yɔmbɔ bula li a,
takɔ a kpasa obe Israɛlɛ kɔ ngamɔ.
8A kɔ'bɔ mili zu a do mɔ mbali,
nɛ a hi'da dia tulu linɛ dɛ tɛ̃ a na,
ma fi wɔ ɛ kɔ sila wi sɛnɛ lɛ.
9Kpɔkpɛ a hi'da ni,
ma dia tɛ nwa ngɔ osodanɔ ni,
nɛ a zɔa dia zɔnga 'da a,
nɛ sila a 'bɔa.
Nɛ Yuditɛ ba kɔya,
nɛ a 'bili gɛlɛ nwa ni ngɔ te nɛ kpee.
10Opɛrsɛ wa tana kili we nɔa sila 'da Yuditɛ,
nɛ kili kpã sila 'da a ba Omɛdɛ.
11Na mɛ ni, nɛ owinɔ 'da lɛ,
kɛ wa dunu zi do sape ni,
wa hia hia mɔ bolo,
nɛ kili ba Oasiri.
Owinɔ 'da lɛ, kɛ wa mbɔkɔ zi do'do ni,
wa hia mɔ, nɛ zu Oasiri vĩ,
nɛ wa ma ngɔ yu nde nde.
12Wa zɔ zi lɛ ɔ nɛ owuko bolo ni,
nɛ nde wa siki 'do wa hã lɛ,
nɛ lɛ gbɛa wa.
Lɛ ia dani fio tɛ wa,
nɛ wa yu ɔ nɛ oyɔndɔ wele ni.
Nɛ wa fia li bole
tua kɛ wi bi do wa,
wi a Gale.
13“Mi ga sɛ mbé zuma hã Gale 'da mi.
Aa Nwa, mɔ gã wena,
nɛ mɔ do dɔ̃lɔ̃ li wena.
Owinɔ wa dɛ kili ngawi 'da mɔ dɛa,
bolo gáná mɔ fala kpo gɔ.
14E kɔ omɛnɔ vɛ̃ mɔ dɛa ni
ma dɛ to hã mɔ.
Mɔ ba zi nu mɔ iko,
nɛ mɛnɔ vɛ̃ dɛa tɛ̃ ɛ.
Mɔ tumba Hi Wi 'da mɔ,
nɛ a 'dafa mɛnɔ vɛ̃ do wala olo nɛ.
Fo wi bɛ̃ we nu mɔ bina.
15Fala kɛ mɔ hɔ,
nɛ kalanɔ ma gbini,
nɛ ma ala dɛ 'dɔ gba lìnɔ,
nɛ tanɔ ma yeke ɔ nɛ ndaka ni.
Nɛ nde mɔ be dia zã 'da mɔ
hã owinɔ wa dɛ kili mɔ ni.
16Mba gɔ, dɔnggamɛnɔ wa hã hã mɔ ni,
mɛ a be mɔ iko,
ma wè tɛ hã yangga hã mɔ NWA gɔ.
Nɛ okɛndɔ sa'denɔ wa dɔ hã mɔ ngɔ gbagala ni,
ma do dĩ gbali mɔ bina.
Nɛ nde wi kɛ a dɛ kili mɔ NWA ni,
a fai a gã wi.
17Onu kɔnggɔnɔ kɛ wa bi bolo do owinɔ 'da lɛ ni,
wa a owi 'bako!
NWA kɛ a do nganda vɛ̃ ni,
a hã sɛ etumbu hã wa do ngba soe 'bili ngbangga.
Do ngba soe ni, nɛ NWA a tombo sɛ nyɛa we,
nɛ ma bɛlɛ wa,
nɛ odɔkɔ wa nyɔngɔ sɛ wɔlɔ wa.
Nɛ wa he sɛ hia mɔ zɛlɛ tɛ
kɔ sabɛlɛ do sabɛlɛ.”
18Nɛ owinɔ wa nɛa do yɔla, do zuma ni gbaa, nɛ wa hɔ tɛ Yeruzalɛmɛ i, nɛ wa le kɔ tɔa Tɛmpɛloe, nɛ wa gu nu dati Gale. Nɛ wa fɔlɔ tɛ wa we hɔ sa wi dati Gale. 'Do nɛ, nɛ wa dɔa osa'de we dɔnggɔ do Gale, nɛ wa hã 'bɔ odɔnggamɔ do kɔ sila wa, mba do ogele dɔnggamɔ. 19Nɛ Yuditɛ kala omɛnɔ olo Holofɛrnɛ, kɛ wa hã ma hã a ni, nɛ a dɔnggɔ do Gale. Nɛ a ba 'bɔ tulu ndaka zufanɔ, kɛ a ba zi ma zu mɔ ɔi 'da nwa Holofɛrnɛ ni, nɛ a 'dɔlɔ ma hã NWA Gale we gɔnɔ zu a wele nɛ. 20Nɛ Yuditɛ 'bana dɛ Yeruzalɛmɛ ni, nɛ a do obe Israɛlɛ wa dɛa gba ɛngga dɛ dati tɔa Tɛmpɛloe ni, gbaa 'do zɛkɛ talɛ.
Tala tũ dungu nza 'da Yuditɛ
21'Do gba ɛngga ni, nɛ wele do wele si dɛ nu tɔa 'dɛ ɛ, nɛ Yuditɛ si tɛ mɛ 'bɔ dɛ nu tɔa 'da a tɛ Betuli i. Nɛ kɔ dungu nza 'da a, a kpa dɔ̃lɔ̃ li ngɔ nù Israɛlɛ wena. 22Nɛ owi wilinɔ wena wa fa a na, lo ba a do kɛnɛ lo. Nɛ a bɛ̃a do'do, tua kɛ a kɔ̃̀ zi we ba mbé wili olo wili a Manase, kɛ a fia zi, nɛ a kpa li owinɔ 'da a ni gɔ. 23-24Nɛ li Yuditɛ dɔ̃lɔ̃ wena gbaa ndɔti nɛ a kɛ a dɛa gbɛlɛ dɛ kɔ tɔa kɛ wili a la zi hã a ni. Nɛ dati kɛ na a fe ni, nɛ a gɔnɔ sanga kpamɛnɔ 'da a hã owi nu fɛlɛ kula 'da wili a, do owi nu fɛlɛ kula 'da a wele nɛ. Nɛ a da kɔ̃ a tɛ wuko ngbá 'da a na a si. Yuditɛ fia dɛ Betuli ni, nɛ nde a do sabɛlɛ kama do ngɔ nɛ mɔlɔ. Nɛ wa mi a dɛ kɔ kpo zuni wa mi zi do wili a ni. Nɛ obe Israɛlɛ wa hia kɔ̃a a 'do tũ sambo. 25'Da fala Yuditɛ 'bana zi nza ni, ogele wele wa tùlù zi 'bɔ Oisraɛlɛ do bolo gɔ. Nɛ 'do kɛ a fia ni, wa bì 'bɔ wa do bolo gɔ 'do nɛ nyɛlɛ wena.
Currently Selected:
YUDITƐ 16: NGB
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.
YUDITƐ 16
16
Yuditɛ ga zuma we dɔnggɔ do Gale
1Nɛ zélé zuma Yuditɛ ga zi ni.
“Nɛ gá zuma we dɔnggɔ Gale 'da mi.
Nɛ kálá obe biã, do ombala mɔ bolo,
nɛ nɛ zɛ́ do zuma hã NWA.
Nɛ gá zuma hã a,
nɛ nɛ sã mɔ hã a na, a gala nɛ.
2Mba gɔ, NWA a wi ga bolo,
a fua mi ti kɔ̃ owi sɛnɛ mi,
nɛ a gisa mi do ba tɛ mi dɛ fala ɔi 'da mi,
dɛ sanga owinɔ 'da mi.
3Oasiri wa yula ngɔ kalanɔ si gbãlã ngɔ,
nɛ wa tɛa do osoda 'bu koto dɛlɛ la li ngele,
wele wè tɛ tɔlɔ wa gɔ,
nɛ wa dunu kɔ gbangɔlɔ̃ linɔ, nɛ ma kpia vɛ̃.
Nɛ osoda kũ mbalatanɔ 'da wa,
wa kpa do ngɔ kalanɔ yerr.
4Wa 'dafa zi na, wa fi we tɛ le 'da lɛ,
hã ma bɛlɛ vɛ̃,
nɛ wa kumu ozagbãlãnɔ 'da lɛ
do gba du kɔyanɔ 'da wa.
Nɛ wa kala onzɔ benɔ kɔ̃ naa wa,
nɛ wa da wa nù.
Wa kala obulu benɔ,
do o'bundu be zɔnganɔ 'da lɛ do ngbá.
5Nɛ nde NWA, kɛ a do nganda vɛ̃ ni,
a kpia wala ti wa.
A tumba wuko kpo,
nɛ wuke ni kila ti wa.
6Wi gbɛ̃ nganga bole 'da wa
wi a osɔ̃a tɛ zagbãlãnɔ gɔ.
Nɛ wi gbɛ̃ 'bɔ a,
wi a osɔ̃a tɛ wi wilinɔ,
tabi ogba du wi zambu gɔ.
Nɛ nde wi gbɛa a, wi a Yuditɛ, boko be 'da Merari,
we duzu dia zɔnga 'da a.
7A fua tulu gɛla tɛ̃ a do'do,
nɛ a fɛlɛ nɔ yɔmbɔ bula li a,
takɔ a kpasa obe Israɛlɛ kɔ ngamɔ.
8A kɔ'bɔ mili zu a do mɔ mbali,
nɛ a hi'da dia tulu linɛ dɛ tɛ̃ a na,
ma fi wɔ ɛ kɔ sila wi sɛnɛ lɛ.
9Kpɔkpɛ a hi'da ni,
ma dia tɛ nwa ngɔ osodanɔ ni,
nɛ a zɔa dia zɔnga 'da a,
nɛ sila a 'bɔa.
Nɛ Yuditɛ ba kɔya,
nɛ a 'bili gɛlɛ nwa ni ngɔ te nɛ kpee.
10Opɛrsɛ wa tana kili we nɔa sila 'da Yuditɛ,
nɛ kili kpã sila 'da a ba Omɛdɛ.
11Na mɛ ni, nɛ owinɔ 'da lɛ,
kɛ wa dunu zi do sape ni,
wa hia hia mɔ bolo,
nɛ kili ba Oasiri.
Owinɔ 'da lɛ, kɛ wa mbɔkɔ zi do'do ni,
wa hia mɔ, nɛ zu Oasiri vĩ,
nɛ wa ma ngɔ yu nde nde.
12Wa zɔ zi lɛ ɔ nɛ owuko bolo ni,
nɛ nde wa siki 'do wa hã lɛ,
nɛ lɛ gbɛa wa.
Lɛ ia dani fio tɛ wa,
nɛ wa yu ɔ nɛ oyɔndɔ wele ni.
Nɛ wa fia li bole
tua kɛ wi bi do wa,
wi a Gale.
13“Mi ga sɛ mbé zuma hã Gale 'da mi.
Aa Nwa, mɔ gã wena,
nɛ mɔ do dɔ̃lɔ̃ li wena.
Owinɔ wa dɛ kili ngawi 'da mɔ dɛa,
bolo gáná mɔ fala kpo gɔ.
14E kɔ omɛnɔ vɛ̃ mɔ dɛa ni
ma dɛ to hã mɔ.
Mɔ ba zi nu mɔ iko,
nɛ mɛnɔ vɛ̃ dɛa tɛ̃ ɛ.
Mɔ tumba Hi Wi 'da mɔ,
nɛ a 'dafa mɛnɔ vɛ̃ do wala olo nɛ.
Fo wi bɛ̃ we nu mɔ bina.
15Fala kɛ mɔ hɔ,
nɛ kalanɔ ma gbini,
nɛ ma ala dɛ 'dɔ gba lìnɔ,
nɛ tanɔ ma yeke ɔ nɛ ndaka ni.
Nɛ nde mɔ be dia zã 'da mɔ
hã owinɔ wa dɛ kili mɔ ni.
16Mba gɔ, dɔnggamɛnɔ wa hã hã mɔ ni,
mɛ a be mɔ iko,
ma wè tɛ hã yangga hã mɔ NWA gɔ.
Nɛ okɛndɔ sa'denɔ wa dɔ hã mɔ ngɔ gbagala ni,
ma do dĩ gbali mɔ bina.
Nɛ nde wi kɛ a dɛ kili mɔ NWA ni,
a fai a gã wi.
17Onu kɔnggɔnɔ kɛ wa bi bolo do owinɔ 'da lɛ ni,
wa a owi 'bako!
NWA kɛ a do nganda vɛ̃ ni,
a hã sɛ etumbu hã wa do ngba soe 'bili ngbangga.
Do ngba soe ni, nɛ NWA a tombo sɛ nyɛa we,
nɛ ma bɛlɛ wa,
nɛ odɔkɔ wa nyɔngɔ sɛ wɔlɔ wa.
Nɛ wa he sɛ hia mɔ zɛlɛ tɛ
kɔ sabɛlɛ do sabɛlɛ.”
18Nɛ owinɔ wa nɛa do yɔla, do zuma ni gbaa, nɛ wa hɔ tɛ Yeruzalɛmɛ i, nɛ wa le kɔ tɔa Tɛmpɛloe, nɛ wa gu nu dati Gale. Nɛ wa fɔlɔ tɛ wa we hɔ sa wi dati Gale. 'Do nɛ, nɛ wa dɔa osa'de we dɔnggɔ do Gale, nɛ wa hã 'bɔ odɔnggamɔ do kɔ sila wa, mba do ogele dɔnggamɔ. 19Nɛ Yuditɛ kala omɛnɔ olo Holofɛrnɛ, kɛ wa hã ma hã a ni, nɛ a dɔnggɔ do Gale. Nɛ a ba 'bɔ tulu ndaka zufanɔ, kɛ a ba zi ma zu mɔ ɔi 'da nwa Holofɛrnɛ ni, nɛ a 'dɔlɔ ma hã NWA Gale we gɔnɔ zu a wele nɛ. 20Nɛ Yuditɛ 'bana dɛ Yeruzalɛmɛ ni, nɛ a do obe Israɛlɛ wa dɛa gba ɛngga dɛ dati tɔa Tɛmpɛloe ni, gbaa 'do zɛkɛ talɛ.
Tala tũ dungu nza 'da Yuditɛ
21'Do gba ɛngga ni, nɛ wele do wele si dɛ nu tɔa 'dɛ ɛ, nɛ Yuditɛ si tɛ mɛ 'bɔ dɛ nu tɔa 'da a tɛ Betuli i. Nɛ kɔ dungu nza 'da a, a kpa dɔ̃lɔ̃ li ngɔ nù Israɛlɛ wena. 22Nɛ owi wilinɔ wena wa fa a na, lo ba a do kɛnɛ lo. Nɛ a bɛ̃a do'do, tua kɛ a kɔ̃̀ zi we ba mbé wili olo wili a Manase, kɛ a fia zi, nɛ a kpa li owinɔ 'da a ni gɔ. 23-24Nɛ li Yuditɛ dɔ̃lɔ̃ wena gbaa ndɔti nɛ a kɛ a dɛa gbɛlɛ dɛ kɔ tɔa kɛ wili a la zi hã a ni. Nɛ dati kɛ na a fe ni, nɛ a gɔnɔ sanga kpamɛnɔ 'da a hã owi nu fɛlɛ kula 'da wili a, do owi nu fɛlɛ kula 'da a wele nɛ. Nɛ a da kɔ̃ a tɛ wuko ngbá 'da a na a si. Yuditɛ fia dɛ Betuli ni, nɛ nde a do sabɛlɛ kama do ngɔ nɛ mɔlɔ. Nɛ wa mi a dɛ kɔ kpo zuni wa mi zi do wili a ni. Nɛ obe Israɛlɛ wa hia kɔ̃a a 'do tũ sambo. 25'Da fala Yuditɛ 'bana zi nza ni, ogele wele wa tùlù zi 'bɔ Oisraɛlɛ do bolo gɔ. Nɛ 'do kɛ a fia ni, wa bì 'bɔ wa do bolo gɔ 'do nɛ nyɛlɛ wena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.