THAMA 11

1NAKE Jehova akĩĩra Musa atĩrĩ, Nĩharĩ ihũra rĩngĩ rĩmwe rĩtigarĩte, na nĩngũrĩrehithĩrie Firauni, o na bũrũri wa Misiri, na thutha wa ũguo, nĩakareka mũthiĩ muume kuo; na rĩrĩ, hĩndĩ ĩrĩa akareka mũthiĩ-rĩ, nĩ kũingata akamũingata muume kuo biũ. 2Tondũ ũcio nĩ wega ũgataare andũ, ũmere atĩ mũndũ mũrũme o wothe o na mũndũ-wa-nja, metie andũ a gũkũ indo cia betha, o na cia thahabu. 3Nake Jehova agĩtũma andũ acio metĩkĩrĩke nĩ Amisiri. Ningĩ makĩria mũndũ ũcio ti Musa nĩonagwo arĩ mũnene mũno kũu bũrũri wa Misiri nĩ ndungata cia Firauni, o na andũ akuo.

4Nake Musa akiuga atĩrĩ, Jehova ekuuga ũũ: Atĩrĩrĩ, ũtukũ gatagatĩ nĩngagera Misiri guothe, 5namo marigithathi mothe ma bũrũri wa Misiri nĩmagakua, maambĩrĩirie o irigithathi rĩa Firauni, ũrĩa ũikaragĩra gĩtĩ gĩake kĩa ũnene, o nginya irigithathi rĩa ndungata ya mũndũ-wa-nja ũrĩa ũikaraga ihiga-inĩ rĩa gĩthĩi, na marigithathi mothe ma ũhiũ. 6Na nĩgũkagĩa kĩrĩro kĩnene mũno kũndũ guothe bũrũri wa Misiri; na gũtirĩ kwagĩa kĩngĩ takĩo, o na gũtikagĩa kĩngĩ takĩo o na rĩ. 7No rĩrĩ, thĩinĩ wa ciana cia Isiraeli gũtikagĩa mũndũ o na ũmwe wao, o na kana nyamũ, ĩkũgambĩrũo nĩ ngui; nĩ getha mũmenye ũrĩa Ngai ekĩrĩte ngũũrani harĩ andũ a Misiri na andũ a Isiraeli. 8Nacio ndungata ici ciaku ciothe nĩigaikũrũka ciũke kũrĩ niĩ, indurĩrie ndu, ikĩnjĩraga atĩrĩ, Ũkĩra uume ũthiĩ, mwĩ na andũ othe arĩa makũrũmĩrĩire. Na thutha wa ũguo nĩngoima gũkũ, ’thiĩ. Agĩgĩcoka akiuma he Firauni acinĩtwo nĩ marakara mũno.

9Nake Jehova akĩĩra Musa atĩrĩ, Firauni ndemũigua, nĩ getha maũndũ makwa ma kũgegania maingĩhio bũrũri wa Misiri. 10Nao Musa na Haruni meka maũndũ macio mothe ma kũgegania marĩ mbere ya Firauni-rĩ, Jehova akĩũmia ngoro ya Firauni, na ndaigana kũreka ciana cia Isiraeli ithiĩ ciume bũrũri wake.

Currently Selected:

THAMA 11: OGKBIBLE

Highlight

Compare

Copy