THAMA 24

1Ningĩ akĩĩra Musa atĩrĩ, Ambata ũũke he Jehova, na mũũke na Haruni, na Nadabu, na Abihu, o na athuri mĩrongo mũgwanja a Isiraeli, na mũinamĩrĩre mũhoe mwĩ haraya; 2na Musa wiki nowe ũgũũka gũkuhĩhĩria Jehova; acio angĩ-rĩ, nĩmatige kũmũkuhĩhĩria, o nakĩo kĩrĩndĩ kĩrĩa kĩngĩ gĩtige kwambatania na Musa. 3Nake Musa agĩthiĩ akĩhe andũ mohoro macio mothe aaheetwo nĩ Jehova, o na matuĩro marĩa marĩrũmagĩrĩrũo nĩo cira-inĩ; nao andũ magĩĩtĩkanĩria othe hamwe o ta mũndũ ũmwe, makiuga atĩrĩ, Maũndũ macio mothe Jehova oigĩte-rĩ, nomo tũrĩĩkaga. 4Nake Musa akĩandĩka mohoro macio mothe ma Jehova, na akĩroka gũũkĩra rũcinĩ tene, agĩaka kĩgongona kĩanda-inĩ gĩa kĩrĩma kĩu, na akĩhanda itugĩ ikũmi na igĩrĩ, o ta ũrĩa mĩhĩrĩga ĩo ikũmi na ĩĩrĩ ya ciana cia Isiraeli yatariĩ. 5Ningĩ akĩrekia aanake amwe a ciana cia Isiraeli, nao magĩthiĩ makĩruta mahaki ma njino, na magĩthĩnja ndegwa, ituĩke magongona ma ũiguano ma kũrutĩrũo Jehova. 6Nake Musa akĩgayania thakame yacio kerĩ; ĩmwe akĩmĩĩkĩra mbakũri-inĩ, nayo ĩrĩa ĩngĩ akĩmĩminjaminja kĩgongona igũrũ. 7Agĩcoka akĩoya ibuku rĩa kĩrĩkanĩro, akĩrĩthomera andũ othe monganĩte, makĩĩiguĩra, nao makiuga atĩrĩ, Maũndũ macio mothe Jehova oigĩte-rĩ, nomo tũrĩĩkaga, na nĩtũgwathĩka. 8#Mat 26.28; Mar 14.24; Luk 22.20; 1 Kor 11.25; Ahib 10.29; Ahib 9.19,20.Ningĩ Musa akĩoya thakame, akĩmĩminjaminjĩria andũ acio, akiugaga ũũ: Atĩrĩrĩ, ĩno nĩyo thakame ya kĩrĩkanĩro kĩrĩa Jehova aarĩkanĩra na inyuĩ gĩkoniĩ ciugo icio ciothe. 9Thutha wa ũguo Musa akĩambata marĩ na Haruni, na Nadabu, na Abihu, o na athuri mĩrongo mũgwanja a Isiraeli, 10nao makĩĩonera Ngai wa Isiraeli; naho harĩa aakinyĩte na magũrũ make, haahaanaga o ta arĩ kwarũo haarĩtwo mahiga ma yakuti ya bururu, naho haatherete o gũthera o ta matu marĩa mairũ mo mene. 11Nao anene acio a ciana cia Isiraeli ndaigana kũmeka ũũru; tondũ nĩmonire Ngai, na magĩcoka kũrĩa na kũnyua.

12Nake Jehova akĩĩra Musa atĩrĩ, Ambata ũũke harĩ niĩ kĩrĩma-inĩ, ũikarange ho, na niĩ ngũnengere ihengere cia mahiga, na ngũhe watho na maathani marĩa nyandĩkĩte, nĩguo ũmarutage andũ. 13Nake Musa agĩũkĩra, me na Joshua ũrĩa mũmũtungatĩri, agĩkĩambata kĩrĩma-inĩ kĩa Ngai; 14agĩtiga era athuri atĩrĩ, Ikaragai haha mũtweterere, o nginya rĩrĩa tũgacoka kũmũkora. Na atĩrĩrĩ, Haruni na Huri me hamwe na inyuĩ mũndũ o wothe ũrĩa ũrĩgĩaga na cira nĩathiage harĩ o. 15Musa agĩgĩcoka akĩambata kĩrĩma-inĩ kĩu, narĩo itu rĩgĩkĩhumba. 16Naguo riri wa Jehova ũkĩiyũra kĩrĩma-inĩ kĩu gĩa Sinai igũrũ, narĩo itu rĩu rĩgĩikara mĩthenya ĩtandatũ rĩkĩhumbĩte; na mũthenya wa mũgwanja Jehova, arĩ itu-inĩ rĩu thĩinĩ, agĩĩta Musa. 17Naguo riri wa Jehova ũrĩ o igũrũ gacũmbĩrĩ ga kĩrĩma kĩu ũkĩonwo nĩ ciana cia Isiraeli-rĩ, wahaanaga ta mwaki wa kũninana. 18#Gũcok 9.9.Nake Musa agĩtonya gatagatĩ-inĩ ga itu rĩu thĩinĩ, agĩthiĩ kĩrĩma igũrũ, agĩgĩikara kĩrĩma-inĩ kĩu igũrũ matukũ mĩrongo ĩna, mũthenya o na ũtukũ.

Currently Selected:

THAMA 24: OGKBIBLE

Highlight

Compare

Copy