JONA 2
2
1Hĩndĩ ĩo Jona agĩcoka akĩhoya Jehova Ngai wake arĩ o nda ya kĩũngũyũ kĩu.
2Ningĩ akiuga atĩrĩ,
Ndĩrakaĩire Jehova nĩ ũndũ wa thĩna wakwa, nake aranyamũkĩria; ndĩragũtũka ndĩ o nda thĩinĩ, kwa ngoma, nawe ũrathikĩrĩria mũgambo wakwa.
3Amu-rĩ, ũrandikĩirie kũrĩa kũriku, o gatagatĩ ka iria rĩrĩa inene, mũiyũro ũcio wa maĩ ũra’thiũrũrũkĩria mĩena yothe; ndihũ ciaku ciothe, o gwata makũmbĩ ma maĩ, ira’huba.
4Ndĩrakiuga atĩrĩ, Ndĩ mũingate ngathengio mbere-inĩ ya maitho maku; no atĩrĩ, nĩngerorera o rĩngĩ hekarũ yaku theru.
5Maĩ macio maingĩ nĩmarandigicĩirie, makandonya o kinya ngoro thĩinĩ; iria rĩu iriku rĩragĩ’thiũrũrũkĩria; rũrenda nĩrũreĩ’thiorereirie mũtwe.
6Ndĩrarikĩra o kinya itina-inĩ cia irĩma; thĩ ĩra’hingĩrĩria na mĩgĩĩko yayo gwata tene na tene:
no rĩrĩ, rĩu nĩũrutĩte muoyo wakwa thĩinĩ wa irĩma, wee Jehova Ngai wakwa.
7Rĩrĩa ngoro yakwa ĩrahootekire ĩrĩ o thĩinĩ wakwa, no ndĩraririkanaga Jehova:
ihoya rĩakwa rĩratonya o harĩ wee, o thĩinĩ wa hekarũ yaku theru.
8Arĩa marũmbũyagia maũndũ ma tũhũ o ma kwĩhenia,
nĩ gũtigana matiganaga na ũrĩa mũmaiguĩri tha.
9No niĩ-rĩ, nĩndĩĩkũrutagĩra magongona na mũgambo wa gũcokia ngatho;
nĩngahingia mwĩhĩtwa ũrĩa ndanehĩta.
Kũhonokania no kwa Jehova.
10Nake Jehova akĩarĩria kĩũngũyũ kĩu, nakĩo gĩgĩtahĩka Jona gĩkĩmũikia thĩ kũrĩa kũniaru.
Currently Selected:
JONA 2: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019