MATHAYO 28
28
1NAYO thabatũ yathira, gwatua gũkĩa mũthenya wa mbere wa kiumia-rĩ, Mariamu Mũmagidali na Mariamu ũrĩa ũngĩ magĩthiĩ kũrora mbĩrĩra. 2Na atĩrĩrĩ, gũkĩgĩa na gĩthingithia kĩnene gĩa thĩ; nĩ gũkorũo mũraika wa Mwathani nĩaaikũrũkire oimĩte Igũrũ, agĩũka akĩgaragaria ihiga, akĩrĩeheria akĩrĩikarĩra. 3Na mũhaanĩre wake aahaanaga ta rũheni, na nguo ciake cierũhĩte ta ira: 4nao aikaria makĩinaina nĩ ũndũ wa kũmwĩtigĩra, magĩtuĩka ta andũ akuũ. 5Nowe mũraika agĩcokia akĩĩra atumia acio atĩrĩ, Inyuĩ-rĩ, tigai gwĩtigĩra: nĩ ũndũ nĩnjũĩ atĩ nĩ Jesu mũracaria ũrĩa waambirũo mũtĩ igũrũ. 6Ndarĩ haha: nĩ ũndũ nĩaariũka o ta ũrĩa oigire. Ũkani muone handũ harĩa Mwathani arakomete. 7Na thiĩi narua mũkere arutwo ake atĩ, Nĩariũkĩte akoima kũrĩ arĩa akuũ; na ningĩ atĩrĩ, nĩegũthiĩ mbere yanyu Galili; kũu nĩkuo mũkamuona; rĩu nĩndakĩmwĩra. 8Nao magĩkiuma mbĩrĩra-inĩ narua marĩ na guoya o na gĩkeno kĩnene, makĩhanyũka makahe arutwo ake ũhoro ũcio. 9Na rĩrĩ, Jesu akĩmakora akĩmoria atĩrĩ, Mũrĩ ahoro? Nao magĩthiĩ kũrĩ we makĩmũnyita magũrũ, makĩmũturĩria ndu makĩmũgooca. 10Hĩndĩ ĩo Jesu akĩmera, Tigai gwĩtigĩra: thiĩi mũkere ariũ a Awa mathiĩ Galili, na atĩ nĩkuo makanyona.
11Na rĩrĩa maathiaga, atĩrĩrĩ, athigari amwe a arĩa arangĩri magĩtonya itũũra, makĩĩra athĩnjĩri-Ngai arĩa anene maũndũ marĩa mothe mekĩkĩte. 12Nao athĩnjĩri-Ngai acio maarĩkia kũũngana hamwe na athuri, magĩthiĩ ndundu makĩhe athigari acio mbia nyingĩ, 13makĩmera atĩrĩ, Ugai atĩ, arutwo ake nĩmarokire ũtukũ, maramũiya twĩ toro. 14Naguo ũhoro ũcio ũngĩya kũiguwo nĩ barũthi, nĩtũkamũria na ũũgĩ, tũgirie muone haaro. 15Nao magĩkĩoya mbia icio, magĩĩka o ta ũrĩa maarutirũo: naguo ũhoro ũcio ũkĩhunjio kũrĩ Ayahudi, ũgaikara ũkĩhunjagio o nginya ũmũthĩ.
16 #
Mat 26.32; Mar 14.28. No rĩrĩ, arutwo arĩa ikũmi na ũmwe nĩmaathiire Galili, magĩkinya o kĩrĩma-inĩ kĩrĩa merirũo nĩ Jesu. 17Nao maamuona, makĩmũturĩria ndu makĩmũgooca: no amwe ao nĩmaathanganagia. 18Nake Jesu agĩũka akĩmaarĩria, akĩmera atĩrĩ, Nĩ’heetwo wathani wothe wa na Igũrũ na wa gũkũ thĩ. 19#Atũm 1.8.Nĩ ũndũ ũcio, thiĩi mũgatũme andũ a ndũrĩrĩ ciothe matuĩke arutwo akwa, mũkĩmabatithagia thĩinĩ wa rĩĩtwa rĩa Ithe witũ, na rĩa Mũriũ, na rĩa Roho Mũtheru: 20mũkĩmarutaga kũrũmia maũndũ marĩa mothe ndĩmwathĩte inyuĩ: na atĩrĩrĩ, niĩ ndĩ hamwe na inyuĩ mĩthenya yothe, o nginya ithirĩro rĩa mahinda maya.
Currently Selected:
MATHAYO 28: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019
