NDARI 34
34
1Ningĩ Jehova akĩarĩria Musa, akĩmwĩra atĩrĩ, 2Athana wĩre ciana cia Isiraeli ũũ: Hĩndĩ ĩrĩa mũgakinya bũrũri wa Kanaani, (naguo ũguo nĩ ta kuuga bũrũri ũrĩa ũkamũgũĩra ũtuĩke igai rĩanyu, o bũrũri ũcio wa Kanaani, o ta ũrĩa mĩhaka yaguo ĩtariĩ,) 3hĩndĩ ĩo mwena wanyu wa gũthini ũtuĩke bũrũri ũrĩa wĩgiritanĩtie na Edomu uumĩte werũ wa Zini, o naguo mũhaka wanyu wa gũthini, ũrĩa ũgũthiĩ ũrorete irathĩro, ũkinye mũthia-inĩ wa Iria rĩa Cumbĩ; 4naguo mũhaka wanyu ũrigicũke ũgere mwena wa gũthini wa rĩambatĩrĩro rĩa Akirebimu, na ũcoke ũhungure ũkinye Zini, nayo nyumĩrĩra yaguo ĩrore mwena wa gũthini wa Kadeshi-barinea, ũcoke ũtũrĩkie ũkinye Hazaru-adaru, uumĩrĩre Azimoni, 5ningĩ mũhaka ũcio ũrigicũke uumĩte Azimoni, ũkinye karũũĩ ka Misiri, nayo nyumĩrĩra yaguo ĩtuĩke iria-inĩ. 6O naguo mũhaka wanyu wa mwena wa ithũĩro, ũtuĩke iria rĩrĩa inene, o hũgũrũrũ-inĩ ciarĩo; iria rĩu nĩrĩo rĩgatuĩka mũhaka wanyu wa mwena wa ithũĩro. 7Na rĩrĩ, mũhaka wanyu wa mwena wa gathigathini nĩ ũyũ: kuuma iria-inĩ rĩu inene-rĩ, mũkaũringania na kĩrĩma kĩa Horu; 8ningĩ woima kĩrĩma-inĩ kĩu kĩa Horu, mũũringanie na itonyero rĩa Hamathu; nayo nyumĩrĩra ya mũhaka ũcio hau ĩtuĩke o Zedadi; 9naguo mũhaka ũcio ũcoke ũthiĩ ũkinye Zifironi, nayo nyumĩrĩra yaguo hau, ĩtuĩke Hazaruenani. Ũcio nĩguo ũgatuĩka mũhaka wanyu wa mwena wa gathigathini. 10Na rĩrĩ, mũhaka wanyu wa mwena wa irathĩro mũũrutie kũu Hazaru-enani mũũkinyie Shefamu; 11mũhaka ũcio ũcoke uume kũu Shefamu ũkinye Ribila, mwena wa irathĩro wa Aini; ningĩ mũhaka ũcio ũkinye hũgũrũrũ-inĩ cia iria rĩa Kinerethu, mwena wa irathĩro; 12na thutha wa ũguo ũikũrũke ũkinye Jorodani, nayo nyumĩrĩra yaguo hau ĩtuĩke Iria rĩa Cumbĩ; ũcio nĩguo ũgatuĩka bũrũri wanyu o ta ũrĩa mĩhaka yaguo ĩũrigicĩirie mbarĩ ciothe. 13#Ndar 26.52-56.#Josh 14.1-5.Ningĩ Musa agĩathana akĩĩra ciana cia Isiraeli atĩrĩ, Ũcio nĩguo bũrũri ũrĩa mũkagaya ũtuĩke wanyu, na ũndũ wa kũũcukĩra mĩtĩ, naguo nĩguo Jehova aathanire akiuga ũheo mĩhĩrĩga ĩo kenda na nuthu; 14nĩ gũkorũo mũhĩrĩga wa ciana cia Reubeni, o ta ũrĩa nyũmba cia maithe ma cio itariĩ, o na mũhĩrĩga wa ciana cia Gadi, o ta ũrĩa nyũmba cia maithe ma cio itariĩ, hamwe na nuthu ya mũhĩrĩga wa Manase, nĩĩrĩkĩtie kũgwata igai rĩayo. 15Mĩhĩrĩga ĩo yerĩ, o na nuthu ya mũhĩrĩga ũcio wa Manase-rĩ, nĩĩgwatĩte igai rĩayo mbarĩ ĩrĩa ĩngĩ ya Jorodani o kũu mwena wa irathĩro wa Jeriko kũrĩa kũrorete irathĩro-inĩ rĩa riũa.
16Nake Jehova akĩarĩria Musa, akĩmwĩra atĩrĩ, 17Maya nĩmo marĩĩtwa ma andũ arĩa makamũgayania bũrũri ũcio ũtuĩke igai rĩanyu; nĩ Eleazaru, mũthĩnjĩri-Ngai, na Joshua wa Nuni. 18Ningĩ mũkoya mũtongoria ũmwe ũmwe wa mũhĩrĩga, o mũhĩrĩga, nĩ getha magayanie bũrũri ũcio ũtuĩke igai rĩanyu. 19Namo marĩĩtwa ma andũ acio nĩ maya: wa mũhĩrĩga wa Juda-rĩ, nĩ Kalebu wa Jefune. 20Na wa mũhĩrĩga wa ciana cia Simeoni, nĩ Shemueli wa Amihudu. 21Na wa mũhĩrĩga wa Benjamini, nĩ Elidadi wa Kisiloni. 22Na wa mũhĩrĩga wa ciana cia Dani nĩ mũtongoria ũrĩa wĩtagwo Buki, mũrũ wa Jogili. 23Naho ha ũhoro wa ciana cia Jusufu-rĩ, wa mũhĩrĩga wa Manase, nĩ mũtongoria ũrĩa wĩtagwo Haneli wa Efodi, 24na wa mũhĩrĩga wa ciana cia Efiraimu, nĩ mũtongoria ũrĩa wĩtagwo Kemueli wa Shifitani. 25Na wa mũhĩrũga wa ciana cia Zebuluni nĩ mũtongoria ũrĩa wĩtagwo Elizafani wa Paranaki. 26Na wa mũhĩrĩga wa ciana cia Isakaru, nĩ mũtongoria ũrĩa wĩtagwo Palatieli wa Azani. 27Na wa mũhĩrĩga wa ciana cia Asheri, nĩ mũtongoria ũrĩa wĩtagwo Ahihudu wa Shelomi. 28Na wa mũhĩrĩga wa ciana cia Nafitali, nĩ mũtongoria ũrĩa wĩtagwo Pedaheli wa Amihudu. 29Acio nĩo Jehova aathanire atĩ magayanĩrie ciana cia Isiraeli igai rĩacio kũu bũrũri wa Kanaani.
Currently Selected:
NDARI 34: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019