ZEFANIA 2
2
1Wĩcokanĩrĩriei hamwe; ĩĩ-ni, kĩũnganei kĩũngano, inyuĩ andũ aya a rũrĩrĩ rũtarĩ thoni; 2wĩcokanĩrĩriei o mbere mũtanahingĩrio ituĩro, tondũ mũthenya warĩo wĩhĩkĩte o kwĩhĩka o ta arĩ mũũngũ ũkũũmbũrũo nĩ rũhuho; wĩcokanĩrĩriei mũtanakorũo nĩ marakara marĩa maakanu ma Jehova, o na mũthenya ũrĩa Jehova agakorũo amũrakarĩire ũtanamũkora. 3Cariai Jehova, inyuĩ andũ othe arĩa ahoreri a gũkũ thĩ, o inyuĩ mũtũire mwĩkaga maũndũ maringaine na matuĩro make ma cira; wĩcarĩriei mĩthiĩre ya ũthingu, o na ya ũhoreri; hihi no kuona mũgĩkahithwo mũthenya ũcio wa marakara ma Jehova. 4#Isa 14.29-31; Jer 47.1-7; Ezek 25.15-17; Joel 3.4-8; Amos 1.6-8; Zek 9.5-7.Ĩndĩ-rĩ, Gaza rĩgatigwo o ũguo ũtheri, narĩo Ashikeloni rĩanangwo o kwanangwo; andũ arĩa marĩ Ashidodi makarutũrũrũo mũthenya barigici, narĩo Ekironi rĩthario ta mũtĩ ũgĩkũũrũo. 5Hĩ! Kaĩ andũ arĩa matũũraga ng’ongo cia hũgũrũrũ-inĩ cia iria, a rũrĩrĩ rũa Akerethi, marĩ na haaro-ĩ! Ningĩ o nawe, wee Kanaani, ndũrĩ hingo ũtakahingĩrio ituĩro rĩrĩa watuĩrĩirũo nĩ Jehova, wee bũrũri wa Afilisiti; nĩ kũnina ngaũnina biũ o nginya wage andũ a kũũtũũra. 6Nacio ng’ongo icio cia hũgũrũrũ-inĩ cia iria ituĩke ũrĩithio wa ũhiũ, o na kũndũ gwa gwakwo tũthũnũ twa arĩithi, o na ciugũ cia ndũru cia mbũri. 7Naguo bũrũri ũcio wĩ hũgũrũrũ-inĩ icio ũtuĩke wa matigari ma nyũmba ya Juda, nao marĩithagie ndũru ciao cia mbũri kuo, na hwaĩ-inĩ makomage nyũmba-inĩ cia kũu Ashikeloni; nĩ ũndũ Jehova Ngai wao nĩakamang’ethera, nao andũ ao arĩa maarindũrirũo amacokie kwao. 8#Isa 15.1—16.14; 25.10-12; Jer 48.1-47; Ezek 25.8-11; Amos 1.13-15; Jer 49.1-6; Ezek 21.28-32; 25.1-7; Amos 1.13-15.Nĩnjiguĩte ũrĩa andũ akwa manyararĩtwo nĩ Amoabi, na makarumwo nĩ ciana cia Amoni, iria imenete andũ akwa na ikametĩĩra ikĩmahatĩka mũhaka wao. 9#Kĩam 19.24.Tondũ ũcio Jehova Mũnene wa Ita, o we Ngai wa Isiraeli, ekuuga ũũ: Atĩrĩrĩ, o ta ũrĩa niĩ ndũũraga muoyo-rĩ, ti-itherũ kũu Moabi gũgatuĩka o ta Sodomu, o nakuo gwa ciana cia Amoni gũtuĩke o ta Gomora, na gũtuĩke gwa thabai mũtheri o na mĩthima ya cumbĩ, na gũtũũre gwĩ kwanangĩku tene na tene; nao andũ akwa arĩa magatigara mamatahe indo, o naruo rũrĩrĩ rũa andũ akwa arĩa atigaru rũmagae matuĩke aruo. 10Maũndũ macio makamakora nĩ ũndũ wa mwĩtĩo wao, nĩ gũkorũo nĩmanyararĩte andũ a Jehova Mũnene wa Ita, makameneneheria. 11Naho ha ũhoro wao-rĩ, Jehova nĩ gũtua akamatua nda mũno; nĩ ũndũ ngai ciothe cia gũkũ thĩ nĩagaciagithia kĩene, nao andũ mamũinamagĩrĩre mamũhoe o we wiki, o mũndũ o mũndũ amũhoyagĩre o handũ harĩa aikarĩte, kwarũma o ithama-inĩ ciothe iria cia ndũrĩrĩ. 12#Isa 18.1-7.O na inyuĩ Akushi-rĩ, nĩ kũũragwo mũkoragwo na rũhiũ rũakwa rũa njora. 13#Isa 10.5-34; 14.24-27; Nahu 1.1—3.19.Nakuo guoko gwake agũtambũrũkie okanĩrĩre andũ a gathigathini, o na anine Ashuri; nakuo Nineve atũme gũkire ihooru, na kũng’ang’athare gũtuĩke o ta werũ wa mũthanga. 14Nacio ndũru cia ng’ombe igakomaga o kũu gatagatĩ karĩo, ii hamwe na nyamũ ciothe mĩthemba mĩthemba; gakuua-ũrogi na njege-rĩ, igakomaga itugĩ-inĩ ciakuo, nayo mĩgambo yacio ĩiguagwo ikĩinĩra ndirica-inĩ ciakuo; ĩĩ, ti-itherũ gũkaanangĩka o nginya hingĩro-inĩ cia mũromo, naguo wĩra ũrĩa ũrutĩtwo na mĩtarakwa ũthario gũtigwo ũtheri o ro ũguo. 15Rĩu nĩrĩo itũũra rĩrĩa rĩratũire na gĩkeno rĩtarĩ ũndũ o na ũrĩkũ rĩgũtangĩkĩra, o rĩrĩa rĩreĩraga na ngoro yarĩo atĩrĩ, Niĩ no niĩ, na hatirĩ ũngĩ o na ũrĩkũ tiga o niĩ nyiki. Hĩ! Kaĩ nĩrĩanangĩtwo-ĩ! Kaĩ rĩu rĩtuĩkĩte o kũndũ gwa gũkomagwo nĩ nyamũ cia gĩthaka-ĩ! Mũgendi o wothe ũrĩa ũkahĩtũkagĩra kuo-rĩ, nĩ kuuga akoiga hi-i-i, o na akuorote na guoko.
Currently Selected:
ZEFANIA 2: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019