Kîam 35
35
Jakubu gûcoka Betheli na Mûrungu kûmûtharima kaîrî
1 #
Kîam 28.11-17
Mûrungu nî eerîre Jakubu atîrî, “Ithuranîre wîte Betheli ûgatûûre ku. Ningî wakinya ku waake kîritîro kîa igongwana nîûntû bwa Mûrungu ûrîa waacionanîrie kîrî gwe rîrîa waamatûkîte kuuma kîrî mûtaana wa nyakwe Esaû.” 2Jakubu nî eerîre antû ba nja yaawe na barîa bonthe baarî amwe nawe ûjû, “Teeni mîrungu mîgeni îrîa bûrî nayo, na bwitherie, na bûrite nguû irîa bwîkîrîte, bwîkîre ingî. 3Nyuma ya ûu, tûgaacoka twithuranîre twîte Betheli, mbîte ngaakîre Mûrungu ûrîa waambîtîkîre rîrîa ndaarî thîîneene kîritîro kîa igongwana nao. Mûrungu ûu nîwe wîthagîrwa arî amwe naani kûrîa kunthe mbîtaga.” 4Nabo baranenkera Jakubu mîrungu mîgeni yonthe îrîa baarî nayo, na kinya mina irîa beekîrîte matû. Jakubu arabithika mûthetuune rungu rwa muuru jûrîa jwaarî akuî na Shekemu.
5Rîrîa baambîrîîrie rûgendo, ûguaa bûbûnene kuuma kîrî Mûrungu nî bwagwatîre antû ba ntûûra irîa ciabathiûrûkîrîte, nabo bateengana na ataana ba Jakubu. 6Tontû bûû, Jakubu na antû bonthe barîa baarî amwe nawe nî baakinyîre Luzi, (na nîyo Betheli) nthîgûrûûne ya Kanaani. 7Nî aakîre kîritîro kîa igongwana o na areeta antû au Eli-betheli#35.7 Eli-betheli: nî kuuga “Mûrungu wa Betheli.” nîûntû antû au nîo arîa Mûrungu aacionanîrîtie kîrî we rîrîa aamatûkîte kuuma kîrî mûtaana wa ng'ina. 8Debora mûmenyeeri wa Rebeka nî aakuîre na arathikwa rungu rwa muuru, gaiti ka Betheli. Nao antû au areetwa Aloni-bakuthi.#35.8 Aloni-bakuthi: nî kuuga “Muuru jwa kîrîro.”
9Rîrîa Jakubu aacokere kuuma Padani-aramu, Mûrungu nî aacionanîrie kîrî we kaîrî na aramûtharima, 10#Kîam 32.28 aramwîra atîrî, “Gwe wîtagwa Jakubu, îndî ûtîcoka gwîtagwa Jakubu kaîrî. Kuuma nandî ûrîtua gwîtagwa Israeli.” Tontû bûû, Mûrungu aramwaa riîtwa aramwîta Israeli. 11#Kîam 17.4-8 Ningî Mûrungu nî aamwîrîre ûjû, “Nî ni Mûrungu Mweneinya: ciarana na ûthegee wee mûgongo. Kîrî gwe gûkauma mûgongo na mîgongo îmingî, na anene baayo bakauma bieroone biaaku. 12Ningî ngakwaa nthîgûrû îrîa ndaaere Abrahamu na Isaaka, na mîeejane kinya kîrî nchiarwa ciaaku.” 13Mûrungu ararima, arauma antû au aaragîria nawe.
14 #
Kîam 28.18-19
Jakubu nî eenjîîre iiga ta gîtugî antû au Mûrungu aaragîria nawe. Ningî ararîîtûûrîria maguta. 15Ningî Jakubu nî aaere antû au Mûrungu aaragîria nawe riîtwa araeeta Betheli.#35.15 Betheli: nî kuuga “Nyomba ya Mûrungu.”
Gûkua kwa Raeli
16Nabo nî baaumîre Betheli bareeta na mbere na rûgendo rwaao. Nabo batigeerie kamûgiito kang'ana-ûna bakinya Efirathi, Raeli nî aakinyîrie îgiita rîaawe rîa kûgîa na mwana na areethîrwa arî na thîîna mono ûntûûne bûu. 17Rîrîa aarî thîîneene îîu ya kûgîa na mwana, mwîjûkia nî aamwîrîre atîrî, “Ûgákîra, nîûntû ûkweewa kaîjî kangî.” 18Îndî rî, Raeli nî gûkua aakuujaga. Nawe agîkua nî aaere mwana ûu riîtwa aramwîta Beni-oni.#35.18 Beni-oni: nî kuuga “Mûtaana ûrîa ndoonere na thîîna.” Îndî îthe aramwîta Benjamini.#35.18 Benjamini: nî kuuga “Mûtaana ûrîa mpendeete.” 19Rîrîa Raeli aakuîre, nî aathikîrwe rûteere rwa njîra ya gwîta Efirathi na nîyo Bethlehemu. 20Jakubu nî eenjîîre iiga rîa kîririkano îgûrû rîa mbîrîra yaawe, rîrîa rîonanagia arîa mbîrîra ya Raeli îrî mwanka naarua tûrî. 21Jakubu aracoka arauma antû au areeta arakûrûka mûnaareene jwa Ederi, araamba îema rîaawe o.
Ataana ba Jakubu
(1Ma 2.1-2)
22 #
Kîam 49.4
Rîrîa Jakubu aatûûraga nthî îîu, mûtaana waawe Rubeni nî aathengereere Biliha mûka wa îthe wa gwîka. Rîrîa Jakubu aamenyere ûntû bûu arathûûra mono.
Ataana ba Jakubu baarî îkûmi na baîrî. 23Ataana ba Lea baarî: Rubeni (Ûrîa waarî mwana wa kîranga wa Jakubu) na Simioni na Lawi na Juda na Isakari na Zebuloni. 24Nabo ataana ba Raeli baarî: Josefu na Benjamini. 25Ataana ba Biliha ûrîa waarî nthûûmba ya Raeli baarî: Dani na Nafutali. 26Ataana ba Zilipa ûrîa waarî nthûûmba ya Lea baarî: Gadi na Asheri. Bau nîbo ataana ba Jakubu barîa baaciarîri Padani-aramu na nîyo Mesopotamia.
Gûkua gwa Isaaka
27 #
Kîam 13.18
Jakubu nî aakinyîre kîrî îthe Isaaka kûu Mamure, akuî na Kiriathiaraba (na nîyo Heburoni), naarîa Abrahamu na Isaaka baatwîre.
28Isaaka aatûûrîre mîaka îgana rîmwe rîa mîrongo înaana (180), 29rîu arakua na arathikwa nî ataana baawe Esaû na Jakubu.
Currently Selected:
Kîam 35: KIMERUBIBLE
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218
Kîam 35
35
Jakubu gûcoka Betheli na Mûrungu kûmûtharima kaîrî
1 #
Kîam 28.11-17
Mûrungu nî eerîre Jakubu atîrî, “Ithuranîre wîte Betheli ûgatûûre ku. Ningî wakinya ku waake kîritîro kîa igongwana nîûntû bwa Mûrungu ûrîa waacionanîrie kîrî gwe rîrîa waamatûkîte kuuma kîrî mûtaana wa nyakwe Esaû.” 2Jakubu nî eerîre antû ba nja yaawe na barîa bonthe baarî amwe nawe ûjû, “Teeni mîrungu mîgeni îrîa bûrî nayo, na bwitherie, na bûrite nguû irîa bwîkîrîte, bwîkîre ingî. 3Nyuma ya ûu, tûgaacoka twithuranîre twîte Betheli, mbîte ngaakîre Mûrungu ûrîa waambîtîkîre rîrîa ndaarî thîîneene kîritîro kîa igongwana nao. Mûrungu ûu nîwe wîthagîrwa arî amwe naani kûrîa kunthe mbîtaga.” 4Nabo baranenkera Jakubu mîrungu mîgeni yonthe îrîa baarî nayo, na kinya mina irîa beekîrîte matû. Jakubu arabithika mûthetuune rungu rwa muuru jûrîa jwaarî akuî na Shekemu.
5Rîrîa baambîrîîrie rûgendo, ûguaa bûbûnene kuuma kîrî Mûrungu nî bwagwatîre antû ba ntûûra irîa ciabathiûrûkîrîte, nabo bateengana na ataana ba Jakubu. 6Tontû bûû, Jakubu na antû bonthe barîa baarî amwe nawe nî baakinyîre Luzi, (na nîyo Betheli) nthîgûrûûne ya Kanaani. 7Nî aakîre kîritîro kîa igongwana o na areeta antû au Eli-betheli#35.7 Eli-betheli: nî kuuga “Mûrungu wa Betheli.” nîûntû antû au nîo arîa Mûrungu aacionanîrîtie kîrî we rîrîa aamatûkîte kuuma kîrî mûtaana wa ng'ina. 8Debora mûmenyeeri wa Rebeka nî aakuîre na arathikwa rungu rwa muuru, gaiti ka Betheli. Nao antû au areetwa Aloni-bakuthi.#35.8 Aloni-bakuthi: nî kuuga “Muuru jwa kîrîro.”
9Rîrîa Jakubu aacokere kuuma Padani-aramu, Mûrungu nî aacionanîrie kîrî we kaîrî na aramûtharima, 10#Kîam 32.28 aramwîra atîrî, “Gwe wîtagwa Jakubu, îndî ûtîcoka gwîtagwa Jakubu kaîrî. Kuuma nandî ûrîtua gwîtagwa Israeli.” Tontû bûû, Mûrungu aramwaa riîtwa aramwîta Israeli. 11#Kîam 17.4-8 Ningî Mûrungu nî aamwîrîre ûjû, “Nî ni Mûrungu Mweneinya: ciarana na ûthegee wee mûgongo. Kîrî gwe gûkauma mûgongo na mîgongo îmingî, na anene baayo bakauma bieroone biaaku. 12Ningî ngakwaa nthîgûrû îrîa ndaaere Abrahamu na Isaaka, na mîeejane kinya kîrî nchiarwa ciaaku.” 13Mûrungu ararima, arauma antû au aaragîria nawe.
14 #
Kîam 28.18-19
Jakubu nî eenjîîre iiga ta gîtugî antû au Mûrungu aaragîria nawe. Ningî ararîîtûûrîria maguta. 15Ningî Jakubu nî aaere antû au Mûrungu aaragîria nawe riîtwa araeeta Betheli.#35.15 Betheli: nî kuuga “Nyomba ya Mûrungu.”
Gûkua kwa Raeli
16Nabo nî baaumîre Betheli bareeta na mbere na rûgendo rwaao. Nabo batigeerie kamûgiito kang'ana-ûna bakinya Efirathi, Raeli nî aakinyîrie îgiita rîaawe rîa kûgîa na mwana na areethîrwa arî na thîîna mono ûntûûne bûu. 17Rîrîa aarî thîîneene îîu ya kûgîa na mwana, mwîjûkia nî aamwîrîre atîrî, “Ûgákîra, nîûntû ûkweewa kaîjî kangî.” 18Îndî rî, Raeli nî gûkua aakuujaga. Nawe agîkua nî aaere mwana ûu riîtwa aramwîta Beni-oni.#35.18 Beni-oni: nî kuuga “Mûtaana ûrîa ndoonere na thîîna.” Îndî îthe aramwîta Benjamini.#35.18 Benjamini: nî kuuga “Mûtaana ûrîa mpendeete.” 19Rîrîa Raeli aakuîre, nî aathikîrwe rûteere rwa njîra ya gwîta Efirathi na nîyo Bethlehemu. 20Jakubu nî eenjîîre iiga rîa kîririkano îgûrû rîa mbîrîra yaawe, rîrîa rîonanagia arîa mbîrîra ya Raeli îrî mwanka naarua tûrî. 21Jakubu aracoka arauma antû au areeta arakûrûka mûnaareene jwa Ederi, araamba îema rîaawe o.
Ataana ba Jakubu
(1Ma 2.1-2)
22 #
Kîam 49.4
Rîrîa Jakubu aatûûraga nthî îîu, mûtaana waawe Rubeni nî aathengereere Biliha mûka wa îthe wa gwîka. Rîrîa Jakubu aamenyere ûntû bûu arathûûra mono.
Ataana ba Jakubu baarî îkûmi na baîrî. 23Ataana ba Lea baarî: Rubeni (Ûrîa waarî mwana wa kîranga wa Jakubu) na Simioni na Lawi na Juda na Isakari na Zebuloni. 24Nabo ataana ba Raeli baarî: Josefu na Benjamini. 25Ataana ba Biliha ûrîa waarî nthûûmba ya Raeli baarî: Dani na Nafutali. 26Ataana ba Zilipa ûrîa waarî nthûûmba ya Lea baarî: Gadi na Asheri. Bau nîbo ataana ba Jakubu barîa baaciarîri Padani-aramu na nîyo Mesopotamia.
Gûkua gwa Isaaka
27 #
Kîam 13.18
Jakubu nî aakinyîre kîrî îthe Isaaka kûu Mamure, akuî na Kiriathiaraba (na nîyo Heburoni), naarîa Abrahamu na Isaaka baatwîre.
28Isaaka aatûûrîre mîaka îgana rîmwe rîa mîrongo înaana (180), 29rîu arakua na arathikwa nî ataana baawe Esaû na Jakubu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218