Huji Ergattu 12
12
1Bara suni hayyuuni Herode jed'ani gumi Kristo iti kae gaargalche. 2Inni Yakobo oboleesa Yohana sheeftiini ijeese. 3Ammalle aka wonti kunini Yahudi gammachiiftu arginaani Petrole qabe. (Gaafasi guyya jila qit'a bukho inqamneti.) 4#Bah 12.1-27 Qamnaani mana hid'aansa keesa kaye, harka askarti kud'ani jaati kenne, aka afuri afuriini isa tissani. Eegi jilti Pasaka dabarte, inni biyya durati isa baasu fed'e. 5Tanaafi Petro hid'aansati lakisani, ammo gumiini guddo Waaqa isaa kad'atte.
Petro mana hid'aansati baasani
6Halkani Herodeni sila biyya duraani isa d'ufu fed'u, Petroni jiddu askarti lama rafu jira. Haada lama ka sibiilatiini isa hid'ani, jari mana hid'aansa eegu balbala qorqorate. 7Malaikaani Aabbo isa bira ejite, ifsaani manati ifse, malaikaani ch'inaacha Petro d'oofte, isa kaafte waan jetteeni, Hurrisi kai! Haadi sibiila kaani harka isaa iraa jige. 8Malaikaani waan isaani jette, Hid'ad'u, kopele naqad'u. Inni akasi tolchinaani malaikaani waan isaani jette, Woya uyifad'u, na gula kooti. 9Inni mana keesaa bahe isi gula deeme, aka wonti malaikaani tolchite sunini waan d'uga imid'aafanne, ammo waan oobjate sehe. 10Eegi fulla qaraatifi ta lameeso ta nami eegu dabrani, balbalti sibiila toko ta yo keesa baani dira seenani ufumaani duraa banamte. Worri alati bahe, kara toko gula yae maro tokotu malaikaani isa bira deemte.
11Petroni waan kana mid'aafannaani waan ufiini jed'e, D'uguma, amma imbeekha aka Aabbooni malaika ufi erge, aka harka Herodetiifi waan gochiti Yahudi na tolchu feete jalaa na baasu.
12Ufi beennaani, mana Mariamu, haad'a Yohana, ka maqaani isaa d'ibiini Mariko jed'ani d'aqe, fulla nami hedduuni wolti woldae Waaqa kad'atu. 13Petroni balbala harkaani d'od'oomnaani, intalti toko ta Roda jed'ani ilaalu d'ufte. 14Qonqo Petro d'ageennaani, gammadafi balbala banu dad'abde, utaalte, aka Petroni balbala dura eju himte. 15Worri, Ati ya maraate isiini jed'e. Ammo isiini D'uguma, isuma d'uguma jette. Jennaani worri, Yoosi malaika isaa jed'e. 16Ammo Petroni balbala d'ad'auma d'ad'ae. Balbala bannaani isa argani guddo mamani. 17Ammo inni harkaani akheekhe, Ch'allisa jed'eeni; duuba aka Aabbooni hid'aansa keesaa isa baase worrati hime. Ammalle waan worraani jed'e, Beena, waan kana Yakobofi oboleyaani taaniti hima. Inni duuba ufi kae gara d'ibi d'aqe.
18Lafti bariinaani askartiini guddo bakhatte, waan Petroni tahe wolgaafatte. 19Eegi Herodeni Petro barbaade d'abe inni nama isa qorqorate gaafate ijeecha iti mure.
Eegi waan kana Herodeni Yudea keesaa deeme Kaisaria d'aqe tae.
Duisa Herode
20Herodeni biyya Tirofi Sidoniti guddo dalane. Worri wolti bahe isati d'ufe, namicha Blasto jed'ani, ka mana hayyu keesa hojatu jaala tolfatani, duuba gara Herode d'aqani, nagaya kad'atani, waan lafti suni worra lafa Herode ira sagale argatuufi.
21Guyya toko ka fohatani, Herodeni miha hayyu keyate, barch'uma ira tae, worrati hasae. 22Gumiini lalabde waan jette, Qonqooni tuni ta Waaqati, ta namatiiniti. 23Maro tokotu waan inni Waaqa ind'ugeesinifi malaikaani Aabbo isa d'oofte. Ramoni isa nyaate, inni due.
24Ammo dubbini Waaqa guddatte fulla heddu geete.
25Barnabafi Sauloni huji ufi hobaafannaani Yerusalemu keesaa galani, Yohana ka Mariko jed'ani woliini yaani.
Fohacha Barnabafi Saulo
Currently Selected:
Huji Ergattu 12: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
