Asom AKITODIARET
AKITODIARET
Ekitabo loka Asomisio ka Ikiyakia erait akitolosit ka akiro ka Luka. Atenikina keng' nakapolon cut erait akitodiar ekipone lo kisiarisiariata lukatupito Yesu Akiro Nukajokak kuju keng' ko Yerusalem, Yudea kere kitoni Samaria kitoni alarosinoi kere nuka akwap (1:8). Erait akapolok ka Ikristayon kwape kegeuna kamaka Iyaudin akitodol na kerauna akiyuun naka akwap kere. Lokegiran de akote akitogogong'oor kamaka lukesomak keng' ebe kemam Ikristayon keraito luka epeget lu itukurianete akitiak Ajakaanut ka Iromayon, konye ebe akiyuun ka Ikristayon kerait akitodolikinet ka edini ka Iyaudin.
Ebeikino akitiak ekitabo loka Asomisio erwan ka auni, itodikiit alalau ka alaro kana kisiarisiarere Akiro Nukajokak kitoni nama kegeunere ekanisa: (1) Ageunet ka asiirit ka Ikristayon ko Yerusalem nape kedokara Yesu kuju; (2) Alalar akitodol alarosinoi nuce nuko Palestain; (3) Alalar bobo adolore Roma, akwap nako Mediterenia.
Ibore nikapolon noi ka Asomisio erait asoma ke Emoyo ka Lokalaunan, lo ebuni ka apedor nama ka ikiyakia ko Yerusalem ka apaaran kanaka Pentekoste ka akitolosite ayaite ka akitogogong' ekanisa nepepe ka lukayaitok akitoro asomisio nu elimorite kotoma okitabo. Ituurianite akiro ka Ikristayon kalu sek kotoma akisiarisiaro nu egelegela, bobo asomisio nu igirite Asomisio ka Ikiyakia itodikito apedor ka akiro kanu kotoma akijar kalu keyuunak nepepe ka eidicane ka ekanisa.
Nu Ejaasi Toma
Akitemonokin kanuka akitejenunet 1:1-26 a. Akicorasit kiton akisumunet ka Yesu nakesial 1:1-14
b. Lo ayari ekicolong' ka Yuda 1:15-26
Akitejenunet ko Yerusalem 2:1—8:3
Akitejenunet ko Yudea kiton Samaria 8:4—12:25
Asoma ka Paulo 13:1—28:31
Elotete ka Paulo losodit loka ayar Akiro Nukajokak 13:1—14:28
b. Atukot ko Yerusalem 15:1-35
c. Elotete ka Paulo lokiareit loka ayar Akiro Nukajokak 15:36—18:22
d. Elotete ka Paulo lokiuniete loka ayar Akiro Nukajokak 18:23—21:16
e. Paulo ejii aenis ko Yerusalem, Siseria kiton Roma 21:17—28:31
Currently Selected:
Asom AKITODIARET: TESOP
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS