Matewu 3

Ta kujondzisa ka Yohani Mukhuvuli

(Marka 1:1-8; Luka 3:15-17,19; Yohani 1:19-28)

1Nkarhini wolowo kuhumelela Yohani Mukhuvuli, ajondzisa mananga ya Yudeya, 2#Vona ni: Ezek. 11:1; Mat. 4:17; Mar. 1:15. aku: “Hundzukani, hikuva Mfumu wa matilo wu le kusuhi.” 3#Vona ni: Ez. 40:3. Yohani hi yena munhu lweyi angavuliwa hi muprofeta Ezaya, loko aku:

“Rito ra munhu lweyi ahuwelelaka mananga,

rili:

‘Lungiselani ndlela ya Hosi,

khulelani svindlelana sva yona.’”

4 # Vona ni: II Tih. 1:8. Yohani yelweyi aayambala nguvu yolukiwa hi mavoya ya kamela, atikhama xisuti hi bandi ra xikhumba, svakuja sva yena aali tintete ni vulombe bza nhova. 5Kutani vayaki va Yerusalema ni vayaki hinkwavu va Yudeya ni va muganga hinkwawu lowu wunga kusuhi na Yordani, avahuma vaya ka yena; 6kutani aavakhuvula nambzeni wa Yordani, na vali karhi vativula svijoho sva vona.

7 # Vona ni: Mat. 12:34; 23:33. Kambe loko avona Vafarisi ni Vasaduki lavotala vata kutakhuvuliwa hi yena, aku ka vona: “Rixaka ra svipshahla, i mani lweyi amibzeleteleke lesvaku mitapona ka vukarhi bza Xikwembu lebzitaka xana? 8Vekani mihandzu leyifambelanaka ni kuhundzuka ka n'wina. 9#Vona ni: Yoh. 8:33. Nasvona mingapimiseni lesvaku: ‘Hi na Abrahamu, anga yena tatana wa hina.’ Hikuva namibzela lesvaku hi maribze lawa, Xikwembu xingapfuxela Abrahamu vana. 10#Vona ni: Mat. 7:19. Ni svosvi xihloka xivekiwile atimintsweni ta nsinya; wun'wana ni wun'wana lowu wungavekiki mihandzu leyinene, wutatsemiwa wuhoxiwa ndzilweni. 11Loko nili mina, nimikhuvula hi mati hi kuya hi kuhundzuka ka n'wina, kambe lweyi ataka hi le ndzhaku ka mina, wanitlula hi matimba; asvinifaneli kutamela amasandhazi ya yena, #3:11 Kumbe: Tinqathula. hi yena lweyi angatamikhuvula hi Moya Lowokwetsima ni ndzilo. 12Rihlelo ri le vokweni ra yena; ataphepheta hinkwasvu lesvinga xibulelweni xa yena, kutani atrigu, atarichela tshaleni ra yena; kambe muhungu wona, atawuhisa ndzilweni lowungatimekiki.”

Ta kukhuvuliwa ka Yesu

(Marka 1:9-11; Luka 3:21-22)

13Nkarhini wolowo Yesu ahuma Galileya, aya Yordani ka Yohani kuya khuvuliwa hi yena. 14Kambe Yohani ayala aku: “Hi mina lweyi nifanelaka kukhuvuliwa hi wena, kambe wena uta ka mina!” 15Yesu amuhlamula, aku: “Nipfumelele svosvi, hikuva svafanela lesvaku hihetisa lesvolulama hinkwasvu hi ndlela leyi.” Kutani Yohani amupfumelela. 16Kuteloko Yesu akhuvuliwile, ahantlisa ahuma matini; hi nomo-lo matilo mapfuleka, avona Moya wa Xikwembu wuxika kufana ni xituvana, wuxikela henhla ka yena. 17#Vona ni: Gen. 22:2; Psal. 2:7; Ez. 42:1; Mat. 12:18; 17:5; Mar. 1:11; Luk. 9:35. Kutani kutwakala rito lerihumaka matilweni, riku: “Lweyi i N'wananga lweyi nimurhandzaka, lweyi nimutsakelaka.”

Currently Selected:

Matewu 3: NTC2014

Highlight

Copy