MARIKO 9
9
1Yesu yavavoolela khandi, “Muvoolelanga kilikali ndi vandu valala vasinjile hanu valiitsa khuvula khukhutsa, nivashili khulola vwami vwa Nyasaye nu vwitsanga ni tsingulu.”
Likoondo lia Yesu Liakalukhana
(Mat 17:1-13; Luka 9:28-36)
2Matukhu sita nikakhavira, Yesu yavukula Petro, Yakobo nende Yohana, navimilila khutsia khu shikulu shiraambi, wa vali vonyene. Lwa vali nivashiheenzanga, likoondo lia Yesu liakalukhana, 3tsinguvu tsietsie nitsiang'ang'a muno -- vulavu vu mundu wosi mu shivala shiyakhanyali khufuya ndio tawe. 4Veechi vavaka venavo valola Eliya nende Musa nivalomolomanga na Yesu. 5Petro yavoolela Yesu, “Mwechitsi, nu vulahi khuli hanu! Khumbashe matiili kavaka, lilala liolio, lindi lia Musa, na lindi lia Eliya.” 6Petro nende veshie vali nilichenya, khali nivakorwa shia vanyala khuvoola.
7Khulwa yako, malesi kalolekha nikavakhunikha, ma mwoyo nu kurula mu malesi nu kuvoola, “Uyu neye Mwana wanje wa nayaanza, mumuhulishitsi!” 8Lwa vaheenza shivalolakhu mundu wundi wosi tawe; navutswa Yesu wonyene.
9Lwa vali nivakholomokhanga hasi khurula khu shikulu, Yesu yavaha lilako, “Muvuli khuvoolelakhu mundu wosi kamuloli, Mwana wu Mundu nashili khwisimukha khurula mu likhutsa.”
10Valonda lilako lielie, navutswa varaanga khwireevana vene khuvene, “Khwisimukha khurula mu likhutsa nu khuvoola shina?” 11Vareeva Yesu, “Shichila shina veechitsi va Malako vavoolanga ndi Eliya aliitsa khuraanga khwitsa mbilio?”
12Yesu yavachipa, “Ni kilikali, Eliya aliitsa khuraanga khwitsa khurecheshitsa vindu viosi khuli viavetsanga. Navutswa shichila shina Mahandiko Matakatifu kavoolanga Mwana wu Mundu aliitsa khunyakhana muno nu khwambakhanwa? 13Navutswa muvoolelanga ndi Eliya wamali khwitsa khale, khandi vamukhola koosi ka venyanga, khuli Mahandiko Matakatifu kavoolanga khulondokhana khuye.”
Yesu Yahonyinya Mwana vi Shiyayi wa Litimoni Liali Muye
(Mat 17:14-21; Luka 9:37-43a)
14Lwa Yesu nende veechi va yali navo vatukha ha veechi vandi vali nivali, valola shituma shikali shia vandu ni va vavotokhane, khandi veechitsi va Malako ni vahangalitsananga navo mulilomoloma. 15Lwa vandu valola Yesu, vali nilichenya muno, nivilukhaka khutsia khumwakanila nu khumuha milembe. 16Yesu yareeva veechi veve, “Ni shina shia muhangalitsana navo mulilomoloma?”
17Mundu mulala mu shituma shia vandu yavoola, “Mwechitsi, khulerele mwana wanje wi shiyayi, shichila litimoni lili muye, khandi shianyala khulomoloma tawe. 18Shia khase khosi lwa litimoni lienelo limwinjililanga, limusiuvanga hasi, maraanga khuvimba lihuulu mu munwa, amenena miino keke, khandi yuuma vutswa. Mbolele veechi vovo vakhunji litimoni lienelo, navutswa shivanyali khulikhunga tawe.”
19Yesu yavavoolela, “Munyi vandu vamukhali vasuuvilwa! Mwenyanga mbe na munyi khutukha luhono shina? Mwenyanga nzikhutsili khutukha lina? Ndereli mwana mwenoyo!” 20Khulwa yako, vamulera khu Yesu.
Lwa litimoni lialola vwangu Yesu, liasiuva mwana mwenoyo hasi, nashinda, nakalakala khandi lihuulu niliraanga khuvimba mu munwa. 21Yesu yareeva tata wu mwana wi shiyayi mwenoyo, “Nuluhono shina khurula nava ndio?”
Yamuchipa, “Khurula niyivulwa. 22Shia khase khosi litimoni liachelitsanga khumwiira nu khumusiuva mu mulilu nende mu matsi. Khulolele tsimbavasi khandi ukhukhonye, niiva unyala!”
23Yesu yavoola, “Niiva unyala! Shia shindu shiosi ni shitoro khu mundu uli ni lisuuvila.”
24Khulwa yako, tata wu mwana wi shiyayi mwenoyo yalaanjilila vwangu navoola, “Ndi ni lisuuvila, navutswa ni litititi; khonya mbe nalio linyishi!”
25Lwa Yesu yalola shituma shia vandu nivisuundanga himbi khuvo, yakondeshela litimoni lienelo. Yavoola, “Yivi litimoni liu vusilu nende vuvekhu, khukondeshelanga uruli mu mwana uyu khandi uvuli khukalukha muye!”
26Litimoni liayula ikulu, nililomba mwana mwenoyo nashinda, nilirula muye. Mwana vi shiyayi mwenoyo yasasa khuli umali khukhutsa; ma mundu wosi navoola, “Umali khukhutsa!” 27Navutswa Yesu yakumila mukhono ku mwana wi shiyayi mwenoyo, namukhonya khusinjila, nasinjila.
28Lwa Yesu yali niyakhinjila munzu, veechi veve vamureeva muvwivisi, “Shichila shina nu khuvula khukhunga litimoni?”
29Yesu yavachipa, “Litimoni lukanu lwenolo shilinyala khukhungwa vuchila lisaala tawe.”#9:29 Mahandiko Matakatifu malala kakhale kameetakhu “nende khuhonga vuchila khulia.”
Yesu Yalomoloma khandi khu Likhutsa Lielie
(Mat 17:22-23; Luka 9:43b-45)
30Yesu nende veechi veve varula havundu henaho nivatsia khukhalakanyila mu lusomo lwa Galilaya. Yesu shiyenya mundu wosi amanye wa yali nali tawe, 31shichila yali niyechitsanga veechi veve. Yavavoolela, “Mwana wu Mundu aliitsa khuhaanwa khu vandu valiitsa khumwiira, navutswa matukhu kavaka nikakhavira, aliitsa khwisimukha khurula mu likhutsa.”
32Navutswa vakorwa khumanya ka mechitso kenako kavoolanga; nivaria khumureeva.
Ni Viina Uli Mukali Muno mu Vwami vwa Nyasaye
(Mat 18:1-5; Luka 9:46-48)
33Vatukha mu litaala lia Kaperenamu. Lwa Yesu yali nali munzu, yareeva veechi veve, “Ni shina shia mushelenyinyi numuli khu muhaanda?”
34Navutswa vahonjela vutswa, shichila nivali khu muhaanda vali nivashelenyinyi vene khuvene ndi ni viina uli mukali muno muvo. 35Yesu yikhala hasi, nalaanga veechi veve likhomi na vavili, navavoolela, “Mundu wenyanga khuva wu khuraanga, aliitsa khuva wu khumalilikha khu voosi; khandi aliitsa khuva murumishi wa vandu voosi.” 36Khulwa yako, Yesu yavukula mwana mutititi, namusinjilitsa imbeli wavo. Yamukhumbelela navavoolela, 37“Mundu winjilitsanga mulala khu vaana khuli yava khuvirila mu lira lianje, anzinjilitsanga; khandi mundu unzinjilitsanga, shikali anzinjilitsanga wonyene tawe, navutswa khali woyo wanduma.”
Woyo Ukhahingananga na Khutsi nu Weru
(Luka 9:49-50)
38Yohana yavoolela Yesu, “Mwechitsi, khuloli mundu nakhunganga matimoni khuvirila mu lira liolio, nu khumuvoolela aleshe, shichila shiali mulala khu shituma shieru tawe.”
39Yesu yavavoolela, “Mukhachelitsi khumukaya tawe, shichila mundu avulakhuho unyala khukhola shiloleshitsu khuvirila mu lira lianje, khandi alomolome vindu vitamanu khulondokhana khwinzi. 40Mundu ukhahingananga na khutsi nu weru. 41Musuuvilitsanga ndi mundu uliitsa khumuha matsi ku khung'wa, shichila muli veechi vaanje, ni kilikali aliitsa khunyola murungu kwekwe.
Machelitso Kachilanga Nukhukhola Vwoni
(Mat 18:6-9; Luka 17:1-2)
42“Niiva mundu alachila mulala khu vatititi yava akhole vwoni khandi yambakhane khusuuvila mwinzi, vwakhavele vulahi mundu mwenoyo nasunjilwi ni lichina likali mwing'ori mwemwe, nu khusiuvwa mu inyanza. 43Khulwa yako, niiva mukhono kwokwo kulachila ukhole vwoni, kutuula! Nu vulahi khwinjila mu vulamu vuchila mukhono, khuvira khuva ni mikhono chiosi chivili nu khusiuvwa mu shihatisi, wa mulilu kukhatsimanga tawe. [ 44‘Havundu ha tsinyende tsivaliitsanga tsikhakhutsanga, khandi mulilu kuvasambanga kukhatsimanga tawe.’]#9:44 Mahandiko Matakatifu malala kakhale kavula luvaso lwa 44. 45Niiva shilenje shioshio shilachila ukhole vwoni, shikhalache! Nu vulahi khwinjila mu vulamu vuchila shilenje shilala, khuvira khuva ni vilenje vivili viosi nu khusiuvwa mu shihatisi. [ 46Havundu ha ‘tsinyende tsivaliitsanga tsikhakhutsanga, khandi mulilu kuvasambanga kukhatsimanga tawe.’]#9:46 Mahandiko Matakatifu malala kakhale kavula luvaso lwa 46. 47Niiva imoni yoyo ilachila ukhole vwoni, chisomole! Nu vulahi khwinjila mu Vwami vwa Nyasaye nuli nimoni indala, khuvira khuva ni tsimoni tsivili tsiosi nu khusiuvwa mu shihatisi. 48Havundu ha ‘tsinyende tsivaliitsanga tsikhakhutsanga, khandi mulilu kuvasambanga kukhatsimanga tawe.’
49“Shia mundu wosi aliitsa khukholwa khuva munihu khuvirila mu mulilu khuli musango kulungwangwa nu munyu.
50“Munyu nu mulahi; navutswa niiva kulakoritsa shinochi shiakwo, wakhakulomba munjila shina kuve munyu khandi?
“Muve khuli munyu khandi muyaanzane vene khuvene, mamumenye mu milembe shia mulala nu weshie.”
Currently Selected:
MARIKO 9: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MARIKO 9
9
1Yesu yavavoolela khandi, “Muvoolelanga kilikali ndi vandu valala vasinjile hanu valiitsa khuvula khukhutsa, nivashili khulola vwami vwa Nyasaye nu vwitsanga ni tsingulu.”
Likoondo lia Yesu Liakalukhana
(Mat 17:1-13; Luka 9:28-36)
2Matukhu sita nikakhavira, Yesu yavukula Petro, Yakobo nende Yohana, navimilila khutsia khu shikulu shiraambi, wa vali vonyene. Lwa vali nivashiheenzanga, likoondo lia Yesu liakalukhana, 3tsinguvu tsietsie nitsiang'ang'a muno -- vulavu vu mundu wosi mu shivala shiyakhanyali khufuya ndio tawe. 4Veechi vavaka venavo valola Eliya nende Musa nivalomolomanga na Yesu. 5Petro yavoolela Yesu, “Mwechitsi, nu vulahi khuli hanu! Khumbashe matiili kavaka, lilala liolio, lindi lia Musa, na lindi lia Eliya.” 6Petro nende veshie vali nilichenya, khali nivakorwa shia vanyala khuvoola.
7Khulwa yako, malesi kalolekha nikavakhunikha, ma mwoyo nu kurula mu malesi nu kuvoola, “Uyu neye Mwana wanje wa nayaanza, mumuhulishitsi!” 8Lwa vaheenza shivalolakhu mundu wundi wosi tawe; navutswa Yesu wonyene.
9Lwa vali nivakholomokhanga hasi khurula khu shikulu, Yesu yavaha lilako, “Muvuli khuvoolelakhu mundu wosi kamuloli, Mwana wu Mundu nashili khwisimukha khurula mu likhutsa.”
10Valonda lilako lielie, navutswa varaanga khwireevana vene khuvene, “Khwisimukha khurula mu likhutsa nu khuvoola shina?” 11Vareeva Yesu, “Shichila shina veechitsi va Malako vavoolanga ndi Eliya aliitsa khuraanga khwitsa mbilio?”
12Yesu yavachipa, “Ni kilikali, Eliya aliitsa khuraanga khwitsa khurecheshitsa vindu viosi khuli viavetsanga. Navutswa shichila shina Mahandiko Matakatifu kavoolanga Mwana wu Mundu aliitsa khunyakhana muno nu khwambakhanwa? 13Navutswa muvoolelanga ndi Eliya wamali khwitsa khale, khandi vamukhola koosi ka venyanga, khuli Mahandiko Matakatifu kavoolanga khulondokhana khuye.”
Yesu Yahonyinya Mwana vi Shiyayi wa Litimoni Liali Muye
(Mat 17:14-21; Luka 9:37-43a)
14Lwa Yesu nende veechi va yali navo vatukha ha veechi vandi vali nivali, valola shituma shikali shia vandu ni va vavotokhane, khandi veechitsi va Malako ni vahangalitsananga navo mulilomoloma. 15Lwa vandu valola Yesu, vali nilichenya muno, nivilukhaka khutsia khumwakanila nu khumuha milembe. 16Yesu yareeva veechi veve, “Ni shina shia muhangalitsana navo mulilomoloma?”
17Mundu mulala mu shituma shia vandu yavoola, “Mwechitsi, khulerele mwana wanje wi shiyayi, shichila litimoni lili muye, khandi shianyala khulomoloma tawe. 18Shia khase khosi lwa litimoni lienelo limwinjililanga, limusiuvanga hasi, maraanga khuvimba lihuulu mu munwa, amenena miino keke, khandi yuuma vutswa. Mbolele veechi vovo vakhunji litimoni lienelo, navutswa shivanyali khulikhunga tawe.”
19Yesu yavavoolela, “Munyi vandu vamukhali vasuuvilwa! Mwenyanga mbe na munyi khutukha luhono shina? Mwenyanga nzikhutsili khutukha lina? Ndereli mwana mwenoyo!” 20Khulwa yako, vamulera khu Yesu.
Lwa litimoni lialola vwangu Yesu, liasiuva mwana mwenoyo hasi, nashinda, nakalakala khandi lihuulu niliraanga khuvimba mu munwa. 21Yesu yareeva tata wu mwana wi shiyayi mwenoyo, “Nuluhono shina khurula nava ndio?”
Yamuchipa, “Khurula niyivulwa. 22Shia khase khosi litimoni liachelitsanga khumwiira nu khumusiuva mu mulilu nende mu matsi. Khulolele tsimbavasi khandi ukhukhonye, niiva unyala!”
23Yesu yavoola, “Niiva unyala! Shia shindu shiosi ni shitoro khu mundu uli ni lisuuvila.”
24Khulwa yako, tata wu mwana wi shiyayi mwenoyo yalaanjilila vwangu navoola, “Ndi ni lisuuvila, navutswa ni litititi; khonya mbe nalio linyishi!”
25Lwa Yesu yalola shituma shia vandu nivisuundanga himbi khuvo, yakondeshela litimoni lienelo. Yavoola, “Yivi litimoni liu vusilu nende vuvekhu, khukondeshelanga uruli mu mwana uyu khandi uvuli khukalukha muye!”
26Litimoni liayula ikulu, nililomba mwana mwenoyo nashinda, nilirula muye. Mwana vi shiyayi mwenoyo yasasa khuli umali khukhutsa; ma mundu wosi navoola, “Umali khukhutsa!” 27Navutswa Yesu yakumila mukhono ku mwana wi shiyayi mwenoyo, namukhonya khusinjila, nasinjila.
28Lwa Yesu yali niyakhinjila munzu, veechi veve vamureeva muvwivisi, “Shichila shina nu khuvula khukhunga litimoni?”
29Yesu yavachipa, “Litimoni lukanu lwenolo shilinyala khukhungwa vuchila lisaala tawe.”#9:29 Mahandiko Matakatifu malala kakhale kameetakhu “nende khuhonga vuchila khulia.”
Yesu Yalomoloma khandi khu Likhutsa Lielie
(Mat 17:22-23; Luka 9:43b-45)
30Yesu nende veechi veve varula havundu henaho nivatsia khukhalakanyila mu lusomo lwa Galilaya. Yesu shiyenya mundu wosi amanye wa yali nali tawe, 31shichila yali niyechitsanga veechi veve. Yavavoolela, “Mwana wu Mundu aliitsa khuhaanwa khu vandu valiitsa khumwiira, navutswa matukhu kavaka nikakhavira, aliitsa khwisimukha khurula mu likhutsa.”
32Navutswa vakorwa khumanya ka mechitso kenako kavoolanga; nivaria khumureeva.
Ni Viina Uli Mukali Muno mu Vwami vwa Nyasaye
(Mat 18:1-5; Luka 9:46-48)
33Vatukha mu litaala lia Kaperenamu. Lwa Yesu yali nali munzu, yareeva veechi veve, “Ni shina shia mushelenyinyi numuli khu muhaanda?”
34Navutswa vahonjela vutswa, shichila nivali khu muhaanda vali nivashelenyinyi vene khuvene ndi ni viina uli mukali muno muvo. 35Yesu yikhala hasi, nalaanga veechi veve likhomi na vavili, navavoolela, “Mundu wenyanga khuva wu khuraanga, aliitsa khuva wu khumalilikha khu voosi; khandi aliitsa khuva murumishi wa vandu voosi.” 36Khulwa yako, Yesu yavukula mwana mutititi, namusinjilitsa imbeli wavo. Yamukhumbelela navavoolela, 37“Mundu winjilitsanga mulala khu vaana khuli yava khuvirila mu lira lianje, anzinjilitsanga; khandi mundu unzinjilitsanga, shikali anzinjilitsanga wonyene tawe, navutswa khali woyo wanduma.”
Woyo Ukhahingananga na Khutsi nu Weru
(Luka 9:49-50)
38Yohana yavoolela Yesu, “Mwechitsi, khuloli mundu nakhunganga matimoni khuvirila mu lira liolio, nu khumuvoolela aleshe, shichila shiali mulala khu shituma shieru tawe.”
39Yesu yavavoolela, “Mukhachelitsi khumukaya tawe, shichila mundu avulakhuho unyala khukhola shiloleshitsu khuvirila mu lira lianje, khandi alomolome vindu vitamanu khulondokhana khwinzi. 40Mundu ukhahingananga na khutsi nu weru. 41Musuuvilitsanga ndi mundu uliitsa khumuha matsi ku khung'wa, shichila muli veechi vaanje, ni kilikali aliitsa khunyola murungu kwekwe.
Machelitso Kachilanga Nukhukhola Vwoni
(Mat 18:6-9; Luka 17:1-2)
42“Niiva mundu alachila mulala khu vatititi yava akhole vwoni khandi yambakhane khusuuvila mwinzi, vwakhavele vulahi mundu mwenoyo nasunjilwi ni lichina likali mwing'ori mwemwe, nu khusiuvwa mu inyanza. 43Khulwa yako, niiva mukhono kwokwo kulachila ukhole vwoni, kutuula! Nu vulahi khwinjila mu vulamu vuchila mukhono, khuvira khuva ni mikhono chiosi chivili nu khusiuvwa mu shihatisi, wa mulilu kukhatsimanga tawe. [ 44‘Havundu ha tsinyende tsivaliitsanga tsikhakhutsanga, khandi mulilu kuvasambanga kukhatsimanga tawe.’]#9:44 Mahandiko Matakatifu malala kakhale kavula luvaso lwa 44. 45Niiva shilenje shioshio shilachila ukhole vwoni, shikhalache! Nu vulahi khwinjila mu vulamu vuchila shilenje shilala, khuvira khuva ni vilenje vivili viosi nu khusiuvwa mu shihatisi. [ 46Havundu ha ‘tsinyende tsivaliitsanga tsikhakhutsanga, khandi mulilu kuvasambanga kukhatsimanga tawe.’]#9:46 Mahandiko Matakatifu malala kakhale kavula luvaso lwa 46. 47Niiva imoni yoyo ilachila ukhole vwoni, chisomole! Nu vulahi khwinjila mu Vwami vwa Nyasaye nuli nimoni indala, khuvira khuva ni tsimoni tsivili tsiosi nu khusiuvwa mu shihatisi. 48Havundu ha ‘tsinyende tsivaliitsanga tsikhakhutsanga, khandi mulilu kuvasambanga kukhatsimanga tawe.’
49“Shia mundu wosi aliitsa khukholwa khuva munihu khuvirila mu mulilu khuli musango kulungwangwa nu munyu.
50“Munyu nu mulahi; navutswa niiva kulakoritsa shinochi shiakwo, wakhakulomba munjila shina kuve munyu khandi?
“Muve khuli munyu khandi muyaanzane vene khuvene, mamumenye mu milembe shia mulala nu weshie.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013