MARIKO 10
10
Mechitso khu Lilekhana liu Musatsa nu Mukhali
(Mat 19:1-12; Luka 16:18)
1Yesu yarula havundu henaho, nasimukha natsia mu lusomo lwa Yudeya, niyambukha Muchela kwa Yorodani. Vituma vinyishi via vandu vatsia khandi khuye, naveechitsa, khuli yechitsanga shia khase khosi.
2Vafarisayo valala vatsia khu Yesu, nivachelitsa khumureeka vamukumile. Vamureeva, “Malako keru kahuchililanga mundu musatsa khulekhana nu mukhali wewe?”
3Yesu yavareeva, “Musa yamuha Lilako shina?”
4Vamuchipa, “Musa yahuchilila mundu musatsa khuhandichila mukhali wewe ibarwa yu khulekhana, nu khumukhunga.”
5Yesu yavavoolela, “Musa yamuha lilako lienelo shichila mwali ni mioyo militoho chiu khuhulila. 6Navutswa khurula muliraanga, lwa vindu vialoongwa, khuli Mahandiko Matakatifu kavoolanga, ‘Nyasaye yalomba mundu musatsa nende mukhali.’ 7‘Khulwa yako, mundu musatsa aliitsa khulekha tata wewe nende mama wewe ahambane nu mukhali wewe;#10:7 Mahandiko Matakatifu malala kavula “ahambane nu mukhali wewe.” 8navo vavili valiitsa khukwa mmbili mulala!’ Khulwa yako, shikali valiitsa khuva mivili chivili tawe, navutswa mmbili mulala. 9Shia Nyasaye ahambanyinyi, mundu avuli khwavukhanyinyakhu.”
10Lwa vali nivali munzu khandi, veechi vareeva Yesu khulondokhana khu makhuva kenako. 11Yesu yavavoolela, “Musatsa ulekhananga nu mukhali wewe, nu khuhila mukhali wundi, akholanga vuheeyi naye; 12khandi mukhali ulekhananga nu musatsa wewe, ahilwa nu musatsa wundi, akholanga vuheeyi naye.”
Yesu Yakasitsa Vaana Vatititi
(Mat 19:13-15; Luka 18:15-17)
13Vandu valera vaana vatititi khu Yesu avavishikhu makhono keke, navutswa veechi veve vakondeshela vandu venavo.
14Lwa Yesu yalola ndio, yali nu vurima, navoolela veechi veve, “Leshi vaana vatititi vitsi khwinzi, khandi muvuli khuvakaya, shichila Vwami vwa Nyasaye nu vwa vandu khuli yava. 15Musuuvilitsanga ndi mundu uliitsa khuvula khunyola vwami vwa Nyasaye khuli mwana mutititi shialiitsa khwinjilamu tawe.” 16Khulwa yako, Yesu yavukula vaana venavo mu makhono keke, navikha makhono keke khuvo, navakasitsa.
Vandu Vahinda nende Vwami vwa Nyasaye
(Mat 19:16-30; Luka 18:18-30)
17Lwa Yesu yali niyakharaanga khandi luchendo lwelwe, mundu yilukhaka, nasikama imbeli wa Yesu, namureeva, “Mwechitsi Mulahi, ni shina shianyala khukhola khunyole vulamu vwi mihika ni mihika?”
18Yesu yamureeva, “Shichila shina unanganga mulahi? Mundu avulakhuho mulahi nikakhali Nyasaye wonyene. 19Wamanya malako yaka: ‘Uvuli khwiira; uvuli khuheeya; uvuli khuhuuva; uvuli khwichishila vandi; uvuli khukaata vandi; khandi uhe tata wowo nende mama wowo luyali.’ ”
20Mundu mwenoyo yavoola, “Mwechitsi, khurula nindi muvukha, nalondanga malako yaka koosi.”
21Yesu yamuheenza vulunji nu vuyaanzi namuvoolela, “Ni shindu shilala shia wenyekhanga ukhole. Simukha utsi khukuulitsa vindu viuli navio viosi, ma uhe vamanani tsisenti tsienetso; khandi uliitsa khuva nu vuhinda mwikulu; ma unonde.” 22Lwa mundu mwenoyo yahulila ndio, makhanya kitsula mu vweni vwevwe, narulaho navelele, shichila yali ni miandu minyishi.
23Yesu yishevukha, navoolela veechi veve, “Vuliitsa khuva vutiinyu muno khu vandu vahinda khwinjila mu Vwami vwa Nyasaye!”
24Veechi va Yesu vali nilichenya, shichila makhuva kenako, navutswa Yesu yatsililila khuvavoolela, “Vaana vaanje, vuliitsa khuva vutiinyu muno khwinjila mu Vwami vwa Nyasaye! 25Nu vutoro muno khu ingamia khwinjila munduhu yisindani khuvira mundu muhinda khwinjila mu Vwami vwa Nyasaye.”
26Khulwa yako, veechi veve vali nilichenya, nivireevana vene khuvene, “Ni viina unyala khuhonyinywa?”
27Yesu yavaheenza vulunji navavoolela, “Mundu shianyala khunyala yaka tawe; navutswa Nyasaye neye unyala khunyala vindu viosi.”
28Petro yavoolela Yesu, “Lola, khwalekhana ni vindu viosi, khwakhulonda.”
29Yesu yavavoolela, “Muvoolelanga kilikali ndi mundu uliitsa khulekha ingo inoho vamwavo inoho vambotso inoho mama inoho tata inoho vaana inoho milimi shichila lira lianje nende Ivanjeli, 30aliitsa khunyola mu vunyishi vindu mumatukhu kanu mu tsimia, khali tsinzu inoho vamwavo inoho vambotso inoho vaana nende milimi; khali khutambitswa mumatukhu kaliitsa khuvaho, aliitsa khunyola vulamu vwi mihika ni mihika. 31Navutswa nunundi vandu vanyishi vu khuraanga valiitsa khuva vukhumalilikha; khandi vanyishi vukhumalilikha, valiitsa khuva vu khuraanga.”
Yesu Yalomoloma lwa Khavaka khu Likhutsa Lielie nende Lisimushitswa
(Mat 20:17-19; Luka 18:31-34)
32Veechi vali nivachendanga khu muhaanda kutikulukhanga nu kutsia Yerusalemi, Yesu navimililanga imbeli wavo. Vali nilichenya, ma vandu vali nivavalondanga inyuma wavo nivaraanga khuria. Yesu yasuunda haluveka veechi veve likhomi na vavili, navavoolela vindu viali nivitsitsanga khwikholekha khuye. 33Yesu yavavoolela, “Hulishitsi, khutikulukha nu khutsia Yerusalemi, wa Mwana wu Mundu atsitsanga khuhaanwa khu vasalisi vakali nende veechitsi va Malako. Valiitsa khumukhalachila likhutsa nu khuhaanwa khu vandu vi tsimbia tsindi. 34Navo valiitsa khumukholela shihenye henye, khumusutsila maree, khumushutwa nu khwiirwa. Matukhu kavaka nikakhavira, aliitsa khwisimushitswa khurula mu likhutsa.”
Lienya lia Yakobo nende Yohana
(Mat 20:20-28)
35Nalwo lwa Yakobo nende Yohana, nivali vaana va Zebedayo vatsia khu Yesu nivamuvoolela, “Mwechitsi, khuli ni shindu shia khwenyanga ukhukholele.”
36Yesu yavareeva, “Ni shindu shina?”
37Vamuchipa, “Lwa uliitsa khwikhala khu shisoko shiu vukhumi mu Vwami vwovwo, khwenyanga hu khuhuchilile khutsi khwikhale mulala khuluveka lu mukhono kwokwo musatsa na wundi khuluveka lu mukhono kwokwo mukhali.”
38Yesu yavavoolela, “Mukorelwi kamureevanga. Munyala khung'wa mu shikombe shi linyakhana shiandi himbi khung'wamu? Munyala khubatiswa mulibatiswa lianzitsanga khubatiswamu?”
39Vamuchipa, “Khunyala.” Yesu yavavoolela, “Ni kilikali, muliitsa khung'wa mu shikombe shi linyakhana shiang'wamu, khandi mubatiswi mulibatiswa liambatiswamu. 40Navutswa mbulakhu vunyali vu khurovola mundu uliitsa khwikhala khuluveka lu mukhono kwanje musatsa khandi khuluveka lu mukhono kwanje mukhali. Navutswa Nyasaye neye uliitsa khuhaana vwiyangu vwenovo khu vandu vayarovola.”
41Lwa veechi vandi likhomi vahulila ndio, valolela Yakobo nende Yohana vurima. 42Khulwa yako, Yesu yavalaanga halala, navavoolela, “Mwamanya ndi vandu vatushili vave vamihi va vandu vi tsimbia tsindi vali nu vunyali vu khuvamiha; khandi vimilili vali nu vunyali khuvo. 43Yaka kavuli khwikholekha kario mu munyi. Niiva mulala khu munyi yenyanga khuva mukali, khutukha ave murumishi wa vandi voosi. 44Niiva mulala khu munyi yenyanga khuva wu khuraanga, khutukha ave murukwa wenyu voosi; 45shichila khali Mwana wu Mundu shiyitsa khurumishilwa tawe, navutswa khurumikha, khandi khukhutsa, khu vandu vanyishi valivohololwa khurula mu vwoni vwavo.”
Yesu Yahonyinya Muvekhu Walaangwa Baritimayo
(Mat 20:29-34; Luka 18:35-43)
46Yesu nende veechi veve vatukha mu litaala lia Yeriko. Lwa vali nivasimukhanga ni shituma shikali shia vandu, mundu muvekhu wali musavasavi walaangwangwa Baritimayo, mwana wa Timayo yali wikhale khundulu khu muhaanda. 47Lwa Baritimayo yahulila ni Yesu wa Nazareti, yaraanga khulaanjilila navoola, “Yesu, Mwitsukhulu wa Daudi, mbelela tsimbavasi!”
48Vandu vanyishi vamukondeshela, nivamuvoolela ahonjele; navutswa yatsililila khulaanjilila navoola, “Mwitsukhulu wa Daudi, mbelela tsimbavasi!”
49Khulwa yako, Yesu yasinjila navoola, “Mulaanji!” Vamulaanga, nivamuvoolela, “Tinya mwoyo! Sinjila, Yesu akhulaanganga.”
50Baritimayo yanavula inguvu yeye nachisiuva, nasila ikulu natsia ha Yesu yali nali.
51Yesu yamureeva, “Ni shina shia wenyanga khukholele?” Baritimayo yamuvoolela, “Mwechitsi, nyenyanga khulola khandi.”
52Yesu yamuvoolela, “Simukha utsi, lisuuvila liolio limali khukhuhonyinya.”
Baritimayo yalola vwangu, nalonda Yesu khu muhaanda.
Currently Selected:
MARIKO 10: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MARIKO 10
10
Mechitso khu Lilekhana liu Musatsa nu Mukhali
(Mat 19:1-12; Luka 16:18)
1Yesu yarula havundu henaho, nasimukha natsia mu lusomo lwa Yudeya, niyambukha Muchela kwa Yorodani. Vituma vinyishi via vandu vatsia khandi khuye, naveechitsa, khuli yechitsanga shia khase khosi.
2Vafarisayo valala vatsia khu Yesu, nivachelitsa khumureeka vamukumile. Vamureeva, “Malako keru kahuchililanga mundu musatsa khulekhana nu mukhali wewe?”
3Yesu yavareeva, “Musa yamuha Lilako shina?”
4Vamuchipa, “Musa yahuchilila mundu musatsa khuhandichila mukhali wewe ibarwa yu khulekhana, nu khumukhunga.”
5Yesu yavavoolela, “Musa yamuha lilako lienelo shichila mwali ni mioyo militoho chiu khuhulila. 6Navutswa khurula muliraanga, lwa vindu vialoongwa, khuli Mahandiko Matakatifu kavoolanga, ‘Nyasaye yalomba mundu musatsa nende mukhali.’ 7‘Khulwa yako, mundu musatsa aliitsa khulekha tata wewe nende mama wewe ahambane nu mukhali wewe;#10:7 Mahandiko Matakatifu malala kavula “ahambane nu mukhali wewe.” 8navo vavili valiitsa khukwa mmbili mulala!’ Khulwa yako, shikali valiitsa khuva mivili chivili tawe, navutswa mmbili mulala. 9Shia Nyasaye ahambanyinyi, mundu avuli khwavukhanyinyakhu.”
10Lwa vali nivali munzu khandi, veechi vareeva Yesu khulondokhana khu makhuva kenako. 11Yesu yavavoolela, “Musatsa ulekhananga nu mukhali wewe, nu khuhila mukhali wundi, akholanga vuheeyi naye; 12khandi mukhali ulekhananga nu musatsa wewe, ahilwa nu musatsa wundi, akholanga vuheeyi naye.”
Yesu Yakasitsa Vaana Vatititi
(Mat 19:13-15; Luka 18:15-17)
13Vandu valera vaana vatititi khu Yesu avavishikhu makhono keke, navutswa veechi veve vakondeshela vandu venavo.
14Lwa Yesu yalola ndio, yali nu vurima, navoolela veechi veve, “Leshi vaana vatititi vitsi khwinzi, khandi muvuli khuvakaya, shichila Vwami vwa Nyasaye nu vwa vandu khuli yava. 15Musuuvilitsanga ndi mundu uliitsa khuvula khunyola vwami vwa Nyasaye khuli mwana mutititi shialiitsa khwinjilamu tawe.” 16Khulwa yako, Yesu yavukula vaana venavo mu makhono keke, navikha makhono keke khuvo, navakasitsa.
Vandu Vahinda nende Vwami vwa Nyasaye
(Mat 19:16-30; Luka 18:18-30)
17Lwa Yesu yali niyakharaanga khandi luchendo lwelwe, mundu yilukhaka, nasikama imbeli wa Yesu, namureeva, “Mwechitsi Mulahi, ni shina shianyala khukhola khunyole vulamu vwi mihika ni mihika?”
18Yesu yamureeva, “Shichila shina unanganga mulahi? Mundu avulakhuho mulahi nikakhali Nyasaye wonyene. 19Wamanya malako yaka: ‘Uvuli khwiira; uvuli khuheeya; uvuli khuhuuva; uvuli khwichishila vandi; uvuli khukaata vandi; khandi uhe tata wowo nende mama wowo luyali.’ ”
20Mundu mwenoyo yavoola, “Mwechitsi, khurula nindi muvukha, nalondanga malako yaka koosi.”
21Yesu yamuheenza vulunji nu vuyaanzi namuvoolela, “Ni shindu shilala shia wenyekhanga ukhole. Simukha utsi khukuulitsa vindu viuli navio viosi, ma uhe vamanani tsisenti tsienetso; khandi uliitsa khuva nu vuhinda mwikulu; ma unonde.” 22Lwa mundu mwenoyo yahulila ndio, makhanya kitsula mu vweni vwevwe, narulaho navelele, shichila yali ni miandu minyishi.
23Yesu yishevukha, navoolela veechi veve, “Vuliitsa khuva vutiinyu muno khu vandu vahinda khwinjila mu Vwami vwa Nyasaye!”
24Veechi va Yesu vali nilichenya, shichila makhuva kenako, navutswa Yesu yatsililila khuvavoolela, “Vaana vaanje, vuliitsa khuva vutiinyu muno khwinjila mu Vwami vwa Nyasaye! 25Nu vutoro muno khu ingamia khwinjila munduhu yisindani khuvira mundu muhinda khwinjila mu Vwami vwa Nyasaye.”
26Khulwa yako, veechi veve vali nilichenya, nivireevana vene khuvene, “Ni viina unyala khuhonyinywa?”
27Yesu yavaheenza vulunji navavoolela, “Mundu shianyala khunyala yaka tawe; navutswa Nyasaye neye unyala khunyala vindu viosi.”
28Petro yavoolela Yesu, “Lola, khwalekhana ni vindu viosi, khwakhulonda.”
29Yesu yavavoolela, “Muvoolelanga kilikali ndi mundu uliitsa khulekha ingo inoho vamwavo inoho vambotso inoho mama inoho tata inoho vaana inoho milimi shichila lira lianje nende Ivanjeli, 30aliitsa khunyola mu vunyishi vindu mumatukhu kanu mu tsimia, khali tsinzu inoho vamwavo inoho vambotso inoho vaana nende milimi; khali khutambitswa mumatukhu kaliitsa khuvaho, aliitsa khunyola vulamu vwi mihika ni mihika. 31Navutswa nunundi vandu vanyishi vu khuraanga valiitsa khuva vukhumalilikha; khandi vanyishi vukhumalilikha, valiitsa khuva vu khuraanga.”
Yesu Yalomoloma lwa Khavaka khu Likhutsa Lielie nende Lisimushitswa
(Mat 20:17-19; Luka 18:31-34)
32Veechi vali nivachendanga khu muhaanda kutikulukhanga nu kutsia Yerusalemi, Yesu navimililanga imbeli wavo. Vali nilichenya, ma vandu vali nivavalondanga inyuma wavo nivaraanga khuria. Yesu yasuunda haluveka veechi veve likhomi na vavili, navavoolela vindu viali nivitsitsanga khwikholekha khuye. 33Yesu yavavoolela, “Hulishitsi, khutikulukha nu khutsia Yerusalemi, wa Mwana wu Mundu atsitsanga khuhaanwa khu vasalisi vakali nende veechitsi va Malako. Valiitsa khumukhalachila likhutsa nu khuhaanwa khu vandu vi tsimbia tsindi. 34Navo valiitsa khumukholela shihenye henye, khumusutsila maree, khumushutwa nu khwiirwa. Matukhu kavaka nikakhavira, aliitsa khwisimushitswa khurula mu likhutsa.”
Lienya lia Yakobo nende Yohana
(Mat 20:20-28)
35Nalwo lwa Yakobo nende Yohana, nivali vaana va Zebedayo vatsia khu Yesu nivamuvoolela, “Mwechitsi, khuli ni shindu shia khwenyanga ukhukholele.”
36Yesu yavareeva, “Ni shindu shina?”
37Vamuchipa, “Lwa uliitsa khwikhala khu shisoko shiu vukhumi mu Vwami vwovwo, khwenyanga hu khuhuchilile khutsi khwikhale mulala khuluveka lu mukhono kwokwo musatsa na wundi khuluveka lu mukhono kwokwo mukhali.”
38Yesu yavavoolela, “Mukorelwi kamureevanga. Munyala khung'wa mu shikombe shi linyakhana shiandi himbi khung'wamu? Munyala khubatiswa mulibatiswa lianzitsanga khubatiswamu?”
39Vamuchipa, “Khunyala.” Yesu yavavoolela, “Ni kilikali, muliitsa khung'wa mu shikombe shi linyakhana shiang'wamu, khandi mubatiswi mulibatiswa liambatiswamu. 40Navutswa mbulakhu vunyali vu khurovola mundu uliitsa khwikhala khuluveka lu mukhono kwanje musatsa khandi khuluveka lu mukhono kwanje mukhali. Navutswa Nyasaye neye uliitsa khuhaana vwiyangu vwenovo khu vandu vayarovola.”
41Lwa veechi vandi likhomi vahulila ndio, valolela Yakobo nende Yohana vurima. 42Khulwa yako, Yesu yavalaanga halala, navavoolela, “Mwamanya ndi vandu vatushili vave vamihi va vandu vi tsimbia tsindi vali nu vunyali vu khuvamiha; khandi vimilili vali nu vunyali khuvo. 43Yaka kavuli khwikholekha kario mu munyi. Niiva mulala khu munyi yenyanga khuva mukali, khutukha ave murumishi wa vandi voosi. 44Niiva mulala khu munyi yenyanga khuva wu khuraanga, khutukha ave murukwa wenyu voosi; 45shichila khali Mwana wu Mundu shiyitsa khurumishilwa tawe, navutswa khurumikha, khandi khukhutsa, khu vandu vanyishi valivohololwa khurula mu vwoni vwavo.”
Yesu Yahonyinya Muvekhu Walaangwa Baritimayo
(Mat 20:29-34; Luka 18:35-43)
46Yesu nende veechi veve vatukha mu litaala lia Yeriko. Lwa vali nivasimukhanga ni shituma shikali shia vandu, mundu muvekhu wali musavasavi walaangwangwa Baritimayo, mwana wa Timayo yali wikhale khundulu khu muhaanda. 47Lwa Baritimayo yahulila ni Yesu wa Nazareti, yaraanga khulaanjilila navoola, “Yesu, Mwitsukhulu wa Daudi, mbelela tsimbavasi!”
48Vandu vanyishi vamukondeshela, nivamuvoolela ahonjele; navutswa yatsililila khulaanjilila navoola, “Mwitsukhulu wa Daudi, mbelela tsimbavasi!”
49Khulwa yako, Yesu yasinjila navoola, “Mulaanji!” Vamulaanga, nivamuvoolela, “Tinya mwoyo! Sinjila, Yesu akhulaanganga.”
50Baritimayo yanavula inguvu yeye nachisiuva, nasila ikulu natsia ha Yesu yali nali.
51Yesu yamureeva, “Ni shina shia wenyanga khukholele?” Baritimayo yamuvoolela, “Mwechitsi, nyenyanga khulola khandi.”
52Yesu yamuvoolela, “Simukha utsi, lisuuvila liolio limali khukhuhonyinya.”
Baritimayo yalola vwangu, nalonda Yesu khu muhaanda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013