MARIKO 11
11
1Lwa Yesu nende veechi veve vali nivali himbi khutukha Yerusalemi, vatukha mu mataala ka Betsefage nende Betsania kali himbi khu Shikulu shia Misayituni. Yesu yaruma veechi veve vavili khutsia imbeli, navavoolela, 2“Simushi mutsi mu muchitsi kuli imbeli wenyu yoko. Lwa muliitsa khuva nu mwakhatukhamu, muliitsa khunyola shimoli shi ipunda nishivoheelwi, shia vashili khuninakhu. Mushivoholole mushilere hanu. 3Niiva mundu alamureeva shivune shichilanga nu mushivoholola, mumuvoolele ndi Muruchi ashienyanga, khandi aliitsa khushikalushitsa vwangu.”
4Khulwa yako, veechi vatsia nivanyola shimoli shi ipunda shienesho, nishivoheelwi mu muliango kwi inzu. Lwa vali ni vavohololanga, 5vandu vali nivasinjileho vavareeva, “Shichila shina muvohololanga shimoli yishi?”
6Veechi vavachipa khuli Yesu yali navavoolele, ma vandu venavo nivavavoolela vatsi. 7Valerela Yesu shimoli shi ipunda shienesho, nivasiuva tsinguvu tsiavo khushio ma Yesu naninakhu. 8Vandu vanyishi vaala tsinguvu tsiavo khu muhaanda, khandi vandi nivaala masambu ka vali nivareemi khurula mu milimi. 9Vandu vachendanga imbeli wavo nende yavo va valondanga munyuma varaanga khulaanjilila nivavoola, “Hosana! Ali ni ikhaavi mundu witsanga khuvirila mu lira liu Mwami! 10Nyasaye akasitse vwami vwitsanga vwa kuuka weru Daudi! Hosana ikulu Mwikulu!”
11Yesu yinjila Yerusalemi, natsia mu Litempeli. Yakola kola khu vindu viosi vialimu, navutswa shichila shivala shiali nishimwami khale, yasimukha natsia mu litaala lia Betsania, halala na veechi veve likhomi na vavili.
Yesu Yalaama Musala ku Mukhuyu
(Mat 21:18-19)
12Litukhu lialondakhu, lwa vali nivarulanga mu litaala lia Betsania, inzala yaleka Yesu. 13Lwa yali nashili ihale wene, yalola musala kwasasana nu mukhuyu nukwama masambu. Yesu yisuunda khukwo himbi, alole niiva kwayama matunda; navutswa lwa yatukha khukwo, yanyola kwayama masambu konyene vutswa, shichila shikali matukhu kakwo kukhwama matunda tawe. 14Khulwa yako, Yesu yavoolela mukhuyu kwenoko, “Mundu aliitsa khuvula khuliakhu khandi litunda liolio!”
Veechi veve vahulila makhuva ka yavoola.
Yesu Yinjila mu Litempeli
(Mat 21:12-17; Luka 19:45-48; Yoh 2:13-22)
15Lwa Yesu nende veechi veve vali nivakhatukha Yerusalemi, Yesu yinjila mu Litempeli, naraanga khukhunga vandu vakuulanga vindu nivakuulitsila mwenomo. Yatikaalitsa tsimesa tsia vakalukhanyinyi vi tsisenti tsi vivala vindi mu tsisenti tsi shivala shiavo, khandi natikaalitsa visoko via vandu vakuulitsanga vinamusotsi; 16nakaya mundu khuchingakhu shindu khandi khukhalakanyila mu Litempeli. 17Yesu yaveechitsa navoola, “Kahandikwa mu Mahandiko Matakatifu ndi Nyasaye yavoola,
‘Litempeli lianje liliitsa khulaangwa inzu yi lisaala ya vandu vi tsimbia tsiosi!’
Navutswa munyi mulikholi khuva shivisilu shia vanuuli.”
18Lwa vasalisi vakali nende veechitsi va Malako vahulila ka Yesu yavoola, vakhava khuli vanyala khumwiira. Navutswa vamuria, shichila shituma shia vandu voosi vali nilichenya, khulondokhana khuli lwa yechitsanga.
19Lwa khulukolovo khwatukha, Yesu nende veechi veve varula mu litaala lienelo.
Liechitso khu Musala ku Mukhuyu
(Mat 21:20-22)
20Litukhu lialondakhu nu kushili mu mavwevwe, lwa vali nivachendanga khu muhaanda, valola musala ku mukhuyu. Musala kwenoko kwali nu kuniali kwosi. 21Petro yitsushitsa makhuva ka Yesu yavoolela musala ku mukhuyu, navoolela Yesu, “Mwechitsi, lola, musala ku mukhuyu kwa walaama kwaniala!”
22Yesu yachipa, “Muve ni lisuuvila mu Nyasaye. 23Muvoolelanga katoto ndi mundu uvoolela shikulu yishi shirinyushi, nu khwisiuva shiene mu inyanza, khandi aleshe khuhaya haya mu mwoyo kwekwe, navutswa asuuvile mu kavoolanga kaliitsa khwikholekha, aliitsa khukholelwa. 24Khulwa yako, muvoolelanga ndi shindu shiosi shiamuliitsa khureeva mu lisaala, muve ni lisuuvila muheelelwi, khandi shiliitsa khuva shienyu. 25Lwa musinjilanga numusaala, musemehe veshie vindu vitamanu via vamukholela, nikanyalikha Tata wenyu uli mwikulu alimusemeha vindu vitamanu via mwakhola. [ 26Niiva muliitsa khuvula khusemeha veshie vindu vitamanu via vamukholelanga, khali Tata wenyu uli mwikulu aliitsa khuvula khumusemeha vwoni vwenyu.”]#11:26 Mahandiko Matakatifu malala kakhale kavula luvaso lwa 26.
Lireevo khu Vunyali vwa Yesu
(Mat 21:23-27; Luka 20:1-8)
27Yesu nende veechi veve vatukha khandi Yerusalemi. Lwa Yesu yali nachendanga mu Litempeli, vasalisi vakali, veechitsi va Malako nende vasakhulu vatsia khuye 28nivamureeva, “Ni hena ha wanyola vunyali vu khukhola vindu yivi? Ni viina wakhuha vunyali yuvu?”
29Yesu yavachipa, “Leshi nunundi mureeve lireevo lilala; numunjipa, namuvoolela vunyali vwandi navwo vuchilanga nikhola vindu yivi. 30Mboleli! Vunyala vwa Yohana vu khubatiswa vwarula khu Nyasaye inoho khu vandu?”
31Varanga khureevana vene khuvene, “Niiva khulavoola, ‘Khurula khu Nyasaye’ ye alavoola, ‘Shichila shina mwambakhana khumusuuvila?’ 32Navutswa niiva khulavoola, ‘Khurula khu vandu.’ ” (Varia vandu, shichila voosi vali vasuuvila ndi Yohana yali muprofeti watoto.) 33Vachipa Yesu, “Khukorelwi.”
Yesu yavavoolela, “Khali inzi shinyala khumuvoolela nu vunyali shina vuchilanga nikhola vindu yivi tawe.”
Currently Selected:
MARIKO 11: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MARIKO 11
11
1Lwa Yesu nende veechi veve vali nivali himbi khutukha Yerusalemi, vatukha mu mataala ka Betsefage nende Betsania kali himbi khu Shikulu shia Misayituni. Yesu yaruma veechi veve vavili khutsia imbeli, navavoolela, 2“Simushi mutsi mu muchitsi kuli imbeli wenyu yoko. Lwa muliitsa khuva nu mwakhatukhamu, muliitsa khunyola shimoli shi ipunda nishivoheelwi, shia vashili khuninakhu. Mushivoholole mushilere hanu. 3Niiva mundu alamureeva shivune shichilanga nu mushivoholola, mumuvoolele ndi Muruchi ashienyanga, khandi aliitsa khushikalushitsa vwangu.”
4Khulwa yako, veechi vatsia nivanyola shimoli shi ipunda shienesho, nishivoheelwi mu muliango kwi inzu. Lwa vali ni vavohololanga, 5vandu vali nivasinjileho vavareeva, “Shichila shina muvohololanga shimoli yishi?”
6Veechi vavachipa khuli Yesu yali navavoolele, ma vandu venavo nivavavoolela vatsi. 7Valerela Yesu shimoli shi ipunda shienesho, nivasiuva tsinguvu tsiavo khushio ma Yesu naninakhu. 8Vandu vanyishi vaala tsinguvu tsiavo khu muhaanda, khandi vandi nivaala masambu ka vali nivareemi khurula mu milimi. 9Vandu vachendanga imbeli wavo nende yavo va valondanga munyuma varaanga khulaanjilila nivavoola, “Hosana! Ali ni ikhaavi mundu witsanga khuvirila mu lira liu Mwami! 10Nyasaye akasitse vwami vwitsanga vwa kuuka weru Daudi! Hosana ikulu Mwikulu!”
11Yesu yinjila Yerusalemi, natsia mu Litempeli. Yakola kola khu vindu viosi vialimu, navutswa shichila shivala shiali nishimwami khale, yasimukha natsia mu litaala lia Betsania, halala na veechi veve likhomi na vavili.
Yesu Yalaama Musala ku Mukhuyu
(Mat 21:18-19)
12Litukhu lialondakhu, lwa vali nivarulanga mu litaala lia Betsania, inzala yaleka Yesu. 13Lwa yali nashili ihale wene, yalola musala kwasasana nu mukhuyu nukwama masambu. Yesu yisuunda khukwo himbi, alole niiva kwayama matunda; navutswa lwa yatukha khukwo, yanyola kwayama masambu konyene vutswa, shichila shikali matukhu kakwo kukhwama matunda tawe. 14Khulwa yako, Yesu yavoolela mukhuyu kwenoko, “Mundu aliitsa khuvula khuliakhu khandi litunda liolio!”
Veechi veve vahulila makhuva ka yavoola.
Yesu Yinjila mu Litempeli
(Mat 21:12-17; Luka 19:45-48; Yoh 2:13-22)
15Lwa Yesu nende veechi veve vali nivakhatukha Yerusalemi, Yesu yinjila mu Litempeli, naraanga khukhunga vandu vakuulanga vindu nivakuulitsila mwenomo. Yatikaalitsa tsimesa tsia vakalukhanyinyi vi tsisenti tsi vivala vindi mu tsisenti tsi shivala shiavo, khandi natikaalitsa visoko via vandu vakuulitsanga vinamusotsi; 16nakaya mundu khuchingakhu shindu khandi khukhalakanyila mu Litempeli. 17Yesu yaveechitsa navoola, “Kahandikwa mu Mahandiko Matakatifu ndi Nyasaye yavoola,
‘Litempeli lianje liliitsa khulaangwa inzu yi lisaala ya vandu vi tsimbia tsiosi!’
Navutswa munyi mulikholi khuva shivisilu shia vanuuli.”
18Lwa vasalisi vakali nende veechitsi va Malako vahulila ka Yesu yavoola, vakhava khuli vanyala khumwiira. Navutswa vamuria, shichila shituma shia vandu voosi vali nilichenya, khulondokhana khuli lwa yechitsanga.
19Lwa khulukolovo khwatukha, Yesu nende veechi veve varula mu litaala lienelo.
Liechitso khu Musala ku Mukhuyu
(Mat 21:20-22)
20Litukhu lialondakhu nu kushili mu mavwevwe, lwa vali nivachendanga khu muhaanda, valola musala ku mukhuyu. Musala kwenoko kwali nu kuniali kwosi. 21Petro yitsushitsa makhuva ka Yesu yavoolela musala ku mukhuyu, navoolela Yesu, “Mwechitsi, lola, musala ku mukhuyu kwa walaama kwaniala!”
22Yesu yachipa, “Muve ni lisuuvila mu Nyasaye. 23Muvoolelanga katoto ndi mundu uvoolela shikulu yishi shirinyushi, nu khwisiuva shiene mu inyanza, khandi aleshe khuhaya haya mu mwoyo kwekwe, navutswa asuuvile mu kavoolanga kaliitsa khwikholekha, aliitsa khukholelwa. 24Khulwa yako, muvoolelanga ndi shindu shiosi shiamuliitsa khureeva mu lisaala, muve ni lisuuvila muheelelwi, khandi shiliitsa khuva shienyu. 25Lwa musinjilanga numusaala, musemehe veshie vindu vitamanu via vamukholela, nikanyalikha Tata wenyu uli mwikulu alimusemeha vindu vitamanu via mwakhola. [ 26Niiva muliitsa khuvula khusemeha veshie vindu vitamanu via vamukholelanga, khali Tata wenyu uli mwikulu aliitsa khuvula khumusemeha vwoni vwenyu.”]#11:26 Mahandiko Matakatifu malala kakhale kavula luvaso lwa 26.
Lireevo khu Vunyali vwa Yesu
(Mat 21:23-27; Luka 20:1-8)
27Yesu nende veechi veve vatukha khandi Yerusalemi. Lwa Yesu yali nachendanga mu Litempeli, vasalisi vakali, veechitsi va Malako nende vasakhulu vatsia khuye 28nivamureeva, “Ni hena ha wanyola vunyali vu khukhola vindu yivi? Ni viina wakhuha vunyali yuvu?”
29Yesu yavachipa, “Leshi nunundi mureeve lireevo lilala; numunjipa, namuvoolela vunyali vwandi navwo vuchilanga nikhola vindu yivi. 30Mboleli! Vunyala vwa Yohana vu khubatiswa vwarula khu Nyasaye inoho khu vandu?”
31Varanga khureevana vene khuvene, “Niiva khulavoola, ‘Khurula khu Nyasaye’ ye alavoola, ‘Shichila shina mwambakhana khumusuuvila?’ 32Navutswa niiva khulavoola, ‘Khurula khu vandu.’ ” (Varia vandu, shichila voosi vali vasuuvila ndi Yohana yali muprofeti watoto.) 33Vachipa Yesu, “Khukorelwi.”
Yesu yavavoolela, “Khali inzi shinyala khumuvoolela nu vunyali shina vuchilanga nikhola vindu yivi tawe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013