Abalewi 17
17
Ah’ ibimazi bikwiye gukerererwa
1Uhoraho abarira Mose, 2ati Barira Aroni n’abana biwe n’Abisirayeli bose, ut’ Ibi ni vyo ashinze: 3Umuntu wese wo mu nzu ya Isirayeli azobāgira inka cank’ umwana w’intama cank’ impene aho mushagaje, cank’ inyuma yaho, 4#Gus 12:5.atakizanye ku muryango w’ihema ry’ibonaniro, ngw akinshikanire kw ishikanwa, imbere y’ihema ryanje, uwo muntu azogībgako n’ayo maraso: mber’ azoba avishije amaraso: uwo muntu az’ acibge mu bgoko bgabo. 5#Lew 3:2; Ezk 20:28.Ivyo n’ukugira ngw Abisirayeli baze bazane ibimazi vyabo, ivyo bahora batangira mu gahinga, babinzanire ku muryango w’ihema ry’ibonaniro, babihe umuherezi, babinshikanire kw ibimazi vy’ishimwe. 6#Kuv 29:18.Uwo muherezi aheze amije amaraso ku gicaniro canje kiri ku muryango w’ihema ry’ibonaniro, yose ibinure ngo bibe umubabge ummotera neza. 7#Gus 31:16.Ntibaze bapfe basubiye gukererera ibisigo vy’amapfizi y’impene ibimazi vyabo, ari vyo bahurumbira nk’ ibimaka. Ico kize kibabere icagezwe c’intahava ukw ibihe vy’urunganwe rwabo bizogenda bikurikirana.
8Kand’ ubabarire, ut’ Umuntu wese wo mu nzu ya Isirayeli, canke wo mu banyamahanga baba muri bo, azotanga ikimazi co kwoswa cank’ ikimazi kindi, 9atakizanye ku muryango w’ihema ry’ibonaniro kukinshikanira, uwo muntu az’ acibge mu bgoko bgabo.
Ukw amaraso yabuzanijwe
10 #
Lew 3:17; 20:3, 6; 1 Sam 14:33; Yer 44:11; Ezk 14:8. Kand’ umuntu wese wo mu nzu ya Isirayeli, canke wo mu banyamahanga baba muri bo, azokwigera ageza ubuseri#17:10 ubuseri: rāba Lew 7:26. mu kanwa, nzohoza igitsūre canje kur’ uwo muntu yariye ubuseri, ndamurandure mu bgoko bgabo. 11#Rom 5:9; Ef 1:7; Kol 1:20; Heb 9:22; 13:12; 1 Yoh 1:7; Ivyah 1:5.Kuk’ ubugingo bg’umubiri buba mu maraso, nanje nshinze kw aba ku gicaniro kubganyu, ngw abe impongano y’ubugingo bganyu: kukw amaraso ar’ impongano, kubg’ ubugingo buri muri yo. 12Ni co catumye nihanikiriza Abisirayeli, nti Ntihaze hagire umuntu azokwigera ageza mu kanwa icitwa amaraso, ar’ uwo muri mwebge, cank’ umunyamahanga aba muri mwebge.
13 #
Gus 12:16; Ezk 24:7. Kand’ umuntu wese wo mu Bisirayeli, canke wo mu banyamahanga baba muri bo, azogira ico afata ari guhīga, ar’ igikōko, ar’ igisīga, cank’ inyoni, mu vyemerwa kuribga, amaraso yaco az’ ayareke amiminukire hasi, ayarenzekw ivu. 14#Ita 9:4.Kuk’ ubugingo bg’icaremwe cose ar’ amaraso yaco; ni co catumye nihanikiriza Abisirayeli, nti Ntimuze mwigere mugeza mu kanwa icitwa amaraso y’icaremwe ic’ ari co cose, kuk’ ubugingo bg’icaremwe cose ar’ amaraso yaco: ūzoyageza mu kanwa wese az’ acibge. 15#Lew 15:5; 22:8; 24:22; Gus 14:21.Kand’ umuntu wese azorya icipfiriye cank’ ikirangara, ar’ imvukira cank’ umunyamahanga, az’ amesure impuzu ziwe, yiyuhagire, akomeze kuba ūhumanye gushitsa ku mugoroba: ni h’azoba ahumanutse. 16#Guh 19:20.Ariko n’atazimesura, ntiyiyuhagire, azogibgako n’ibigabitanyo vyiwe.
Currently Selected:
Abalewi 17: RUN1967
Highlight
Copy
Compare
Share
Want to have your highlights saved across all your devices? Sign up or sign in
Bibliya Yera © Société Biblique du Burundi, 1967