St. Luka 5

1Lone na koyc cuec aci gen rom bik ping uet e Dén-did, ko yen aci kac bar-ic Genesareth-lóm, 2yen aci ting ryet rou pul-lòm; lone rōr e lek aci yid akenbay ko aci lak aled e rēc. 3Lone yen aci yid ryen tok-ic kede Simon, ko aci yen lim be mec ayáti etong agor-nom. Ko aci nyuc ko aci nyèc dut e koyc etong ryey. 4Lone na yen aci tâb bi jam, aci lek Simon: Ghadde ryey té tyan ko petke aled-kun bak dēb. 5Ko Simon aci bêr ko aci lek yen: Beyn e nyic, uakóu eben ghôg aci loy ko akeyc mûk kede; lone e uet-du ghên abi pet alan e rēc. 6Ko na kêk aci kan loy, aci mûk dut e rēc adid, ko aci rèt alan-den.

7Ko kêk aci nyod mêd-ken e ryen-de-ic bik ben ko bi kêk koyn. Ko kêk aci ben, ko aci tyong ryet rou kele ryèt aci duèr wdir. 8Ko na Simon Petrus aci kan ting, aci muol tuk e Yesus nyin tuèng, ko aci luel: Jale etong ghén, ké ghên e ran jol Beyn-did! 9Ké ryoc aci nâm yen ko kok eben ci to ke yen tin e lek e rēc kêk ci mûk. 10Ko kele ayá Yakob ko Yoannes, mîwt e Zebedaei kêk e mêd-ke Simon. Ko Yesus aci lek Simon: Dûne ryoc; etong yémanic yin abi a ran e lek e koyc.

11Ko kêk aci del ryet-ken agor-ic, ko aci puol kaken eben ko aci yen buot.

12Ko na yen a to pan tok-ic, yenkin ran atyan auanya. Na yen aci Yesus ting aci ye nom loyn piñ e ye nyin tuéng, ko aci yen lim ko luel: Beyn-did, na yin anong puou yin a leu bi ghên gher. 13Ko yen aci cyn mit ko aci yen tâp ko aci luel: Ghen a nong puou bi yin gher; ko yémanic auanya aci yen puol. 14Ko Yesus yen cyeng, dûn bi lek tok, lone lor ko nyod rot tyen e Dén-did, ko myace, ke yin gher, acit Moses aci cyeng etong gam-den. 15Lone uet etong yen aci tyay auer; ko aci kût dut e koyc cuec, bi yen ping ko bî gher etong juay-ken. 16Lone yen rot luang ror-ic ko aci cor.

17Ko akol tok yen aci nyuc ko nyèc. Ko aci nyuc ayá Pharisaei ko rōr e nyic, ci ben bey etong pan e Galilaea ko Yudaea ko Yerusalem eben; ko aci to tin ryel e Dén-did bi kêk dèm. 18Ko yenkin, rōr aci ghaj e kèt ran lêti; ko kêk aci nong puou bi yen bei ghut ko bi tau ye nyin tuèng. 19Ko na keyc yok tede bi yen bei ghut-ic etong dut e koyc, kêk aci yid ghut nom, ko aci yen jut piñ e kèt-ic dôt nyin e Yesus cok tuèng. 20Ko na aci ting gam-den aci luel: Ran, aci pal yin karác-ku.

21Ko rōr e gor ko koyc Pharisaei aci gol bi tak, ko aci luel: Ye-nga kan ye luel lât etong Dén-did? Ye-nga a leu bi puol karác e Dén-did etok? 22Lone na Yesus aci nyic tàk-den, aci bêr ko aci lek kêk: Ye-ngu takke e ue puot? 23Ye-ngu ʼuer pyal uet: aci pal karác-ku, kó uet ʼjo-rot ko jat? 24Lone bák nyic, man e ran a nong ryel e piñ-ic, bi yen puol karác (yen aci lek ran lêti) ghên a lek yin: jo rot ko ghaj kèt-du ko lor ghun-du. 25Ko dayʼ rot jot e ke nyin, ko aci jot kèt-de ko aci lo ghun-de ko aci Dén-did lēc. 26Ko dyêr aci kêk nâm eben ko aci Dén-did lēc; ko aci tyan e ryoc ko aci luel: Ghóg aci ting akolé kadíd.

27Ko alé yen aci lo akenbay ko aci ting Publikanus tok a côl Levi, yen a nyuc ghun e côl, ko aci lek yen: Buote ghên. 28Ko kene aci puol kake eben, ko aci rot jot ko aci yen buot. 29Ko Levi aci loy etong yen têt adid pan-de, ko aci to tin dut e koyc Publikani ko kôk cuec ci nyuc e têt ke yen. 30Ko Pharisaei ko koyc e gor etong kêk aci mon ko aci lek koyc Yesus: Ne-ngu uêk a cam ko dek ke koyc Publikani ko koyc e jol? 31Ko Yesus aci bêr ko aci lek kêk: Koyc ril edi cíe etong kêk ran e uál lone koyc beyc. 32Ghên akeyc ben ba côl koyc lacit lone koyc e jol etong long e karác. 33Lone kêk aci lek yen: Ye-ngu koyc e Yoannes a tek cuec ko a cor acit koyc e Pharisaei: lone koyc-ku a cam ko dek? 34Ko Yesus yen aci lek kêk: Uêk leu bák loy koyc adueng bik tek na adueng a to tin ke kêk? 35lone abi ben akol na adueng abi dak etong kêk; ko alé akôlké kêk abi tek. 36Lone aci lek ayá luop: Acin-ran-tok a tau long-de etong buong puoyc e buong cî dyop-ic; dé yen abi rêt buong puoyc-ic, ko long-de puoyc acî bi mat ke cî dyop. 37Ko acin-tok a puok abyèc puoyc e luong ci dyop; dé abyèc puoyc abi rêt luong, ko yen abi pûk bey ko luong abi ryak; 38lone abi tau abyèc puoyc e luong puoy-ic, ko abi tit ka rou. 39Ko acin-tok a dèk ke cî dyop abi dayc nong puou ke puoyc; ké yen a luel: ke cî dyop yen a-nguen.

Currently Selected:

St. Luka 5: CIEC1905

Highlight

Copy